မင်းကိုနိုင် ၄၉ နှစ်မြောက် မွေးနေ့

မအေးအေးမာ
အင်္ဂါ, 18 အောက်တိုဘာ 2011

ဒီမိုကရေစီရေးလှုပ်ရှားမှုတွေမှာ ၁၉၈၈ ကစလို့ ဦးဆောင် လှုပ်ရှားလာတဲ့ ကျောင်းသားခေါင်းဆောင် ကိုမင်းကိုနိုင်ရဲ့ ဒီကနေ့ အသက် ၄၉ နှစ်ပြည့် မွေးနေ့ကိုတော့ သူ့ကို ဖမ်းဆီးထားရာ ရှမ်းပြည်နယ်၊ ကျိုင်းတုံ အကျဉ်းထောင်ထဲမှာ ကုန်လွန် နေရပါတယ်။ အထင်ရှားဆုံး နိုင်ငံရေး အကျဉ်းသား တဦးလည်းဖြစ်တဲ့ ၈၈ မျိုးဆက်ကျောင်းသား ကိုမင်းကိုနိုင်ရဲ့ မွေးနေ့မှာပဲ သူအပါအ၀င် တခြား ဖမ်းဆီး ခံထားရသူတွေ ပြန်လည် လွတ်မြောက်လာစေဖို့ ရည်ရွယ်ပြီး မြန်မာ့ဒီမိုကရေစီရေး လှုပ်ရှားမှုရဲ့ ခေါင်းဆောင် ဒေါ်အောင်ဆန်းစုကြည်နဲ့ သူ့ကို ခင်မင်လေးစားသူ ထောင်ပေါင်းများစွာ ကတော့ ရန်ကုန်မြို့မှာ ဒီကနေ့ စုဝေး ခဲ့ကြတာပါ။ ကမာရွတ်မြို့နယ်ထဲမှာရှိတဲ့ သမိုင်း ပရိယတ္တိ မြို့မ စာသင်တိုက်မှာ ကိုမင်းကိုနိုင် မွေးနေ့အဖြစ်နဲ့ စုဝေးခဲ့ကြတဲ့ အကြောင်း အပြည့်အစုံကို ဆက်သွယ် စုံစမ်းထားတဲ့ ဗွီအိုအေရဲ့ ထိုင်းအခြေစိုက် သတင်းထောက် မအေးအေးမာက စုံစမ်းတင်ပြထားပါတယ်။

ရှမ်းပြည်နယ်၊ ကျိုင်းတုံအကျဉ်းထောင်မှာ ထောင်ဒဏ် ၆၅ နှစ်ကျခံနေရတဲ့ ကျောင်းသား ခေါင်းဆောင် ကိုမင်းကိုနိုင် အပါအ၀င် နိုင်ငံရေး အကျဉ်းသားတွေ အမြန်ဆုံး ပြန်လွှတ်ပေးရေး ရည်ရွယ်ချက်တွေနဲ့ ၈၈ မျိုးဆက် ကျောင်းသားတွေ အပါအ၀င်ဒီမိုကရေစီရေး အင်အား စုတွေက ကိုမင်းနိုင်ရဲ့ ၄၉ နှစ်မြောက်မွေးနေ့ကို ကျင်းပခဲ့တာဖြစ်ကြောင်း နိုင်ငံရေး အကျဉ်းသားဟောင်း ကိုဟန်ဝင်းအောင်က ပြောပါတယ်။

“မွေးနေ့ပွဲမတိုင်ခင်မှာ ပထမဦးဆုံး ရန်ကုန်မြို့ပေါ်မှာရှိတဲ့ ဒီမိုကရေစီအင်အားစု အသီးသီးကို ခေါ်ယူပြီးတော့ ဒီနေ့ကို ဘယ်လို ရည်ရွယ်ချက်တွေနဲ့ လုပ်မလဲ၊ ဘယ်လို အစီအစဉ်တွေနဲ့ လုပ်မယ်ဆိုတာကို ဆွေးနွေး ကြပါတယ်။ ဆွေးနွေးပြီးမှ အားလုံး ညီညီညာညာနဲ့ လုပ်ကြတဲ့ ပွဲပါ။ ဆွေးနွေးချက် တွေက ထွက်ပေါ်လာတဲ့ရလဒ်က တစ်က - နိုင်ငံရေး ယုံကြည်ချက် အရ အကျဉ်းကျ နေတဲ့ နိုင်ငံရေးအကျဉ်းသားတွေဟာ အခု ထောင်အသီးသီးမှာ ရှိနေတယ်ပေါ့ဗျာ။ အဲဒီ ထောင်ကျနေတဲ့ နိုင်ငံရေး အကျဉ်းသားတွေနဲ့ အတူတူ မိမိတို့ဟာ တထပ်တည်း၊ တသားတည်း ရှိနေတယ်ဆိုတဲ့ ရည်ရွယ်ချက်ကို ထုတ်ဖော်တဲ့ ရည်ရွယ်ချက် တခုဖြစ်တယ်။ ဒီမိုကရေစီရေး တိုက်ပွဲ မပြီးသေးတဲ့အချိန်မှာ ကျောင်းသားထုက ကျရာ ကဏ္ဍကနေ အဆင့်တိုင်းမှာ ပါဝင်တယ် ဆိုတာကို ထုတ်ဖော်တာ ဖြစ်တယ်။ နောက် နောက်တချက် ကတော့ ကိုမင်းကိုနိုင် အပါအ၀င် ၈၈ မျိုးဆက် ကျောင်းသား ခေါင်းဆောင်များနဲ့ အတူ နိုင်ငံရေး အကျဉ်းသား အားလုံးကို ခြွင်းချက်မရှိ အမြန်ဆုံး ပြန်လွှတ်မြောက်ဖို့ ဆိုတဲ့ ရည်ရွယ်ချက် ၃ ချက်နဲ့ ကျင်းပတာပါ”

ဒီပွဲကို ထောင်နဲ့ချီရှိတဲ့ ဒီမိုကရေစီအင်အားစုတွေ တက်ရောက်ခဲ့ကြပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစု ကြည်ကလည်း ကိုမင်းကိုနိုင်လို သားမျိုးကို မွေးထုတ် ပေးတဲ့ မိဘ၂ ပါးကိုလည်း ကျေးဇူးတင်ကြောင်း ပြောကြားခဲ့ပြီး နိုင်ငံရေး အကျဉ်းသားတွေ အမြန်ဆုံး ပြန်လွှတ်ပေးဖို့ အတွက်ကို တောင်းဆို သွားပါတယ်

“ပထမဦးဆုံးအနေနဲ့ ကျမတို့ကနေပြီးတော့ ကိုမင်းကိုနိုင်ရဲ့မွေးနေ့မှာ ကိုမင်းကိုနိုင်ရဲ့ မိသားစုကို ဂုဏ်ပြု ချင်ပါတယ်။ ဒီလို သားတယောက်ကို ဒီလောက် နှစ်ပေါင်းများစွာ ထောက်ပံ့ခဲ့တာ၊ ထောက်ခံခဲ့တာ၊ ဒီလို ပျိုးထောင်ပေးတာတွေ အတွက် မိသားစုကို ကျေးဇူး တင်တယ်လို့ ပြောပါရစေ။ လူငယ်တွေ အတော်များများဟာ အခုချိန်ထိ အကျဉ်းကျရာက နေပြီးတော့ မလွတ်မြောက် သေးပါဘူး။ လွတ်မြောက်ဖို့ အတွက်လည်း ကျမတို့ ဆက်ပြီး ကြိုးစားသွားမှာပါ။ ပြီးတော့ နိုင်ငံရေး အကျဉ်းသားများကို ဘာလို့ လွတ်မြောက် စေချင်လဲ ဆိုရင် ကျမတို့နိုင်ငံဟာ တကယ်ကို လွတ်မြောက်တဲ့ တိုင်းပြည် ဖြစ်ပြီးတော့ ကျမတို့ နိုင်ငံဟာ တကယ်ကို အဂတိတရား ၄ ပါးကနေ ကင်းလွတ်ပြီးတဲ့ တိုင်းပြည် ဖြစ်စေချင်လို့ပါ။ ဒါကြောင့်မို့လို့ အကျဉ်းမကျ-အကျဉ်းမချထား သေးတဲ့ လူတွေကို မချတာလည်း အဂတိတရား ၄ ပါးက လွတ်ကင်းတဲ့ထဲမှာ ပါပါတယ်။ နောက်ပြီး လွှတ်သင့်တဲ့လူတွေ လွတ်ရမယ်၊ လွှတ်ရမယ့် ကိစ္စကို လွှတ်ရမယ် ဆိုပြီးတော့ ဒါကို ကျမတို့က ဦးတည်ပြီးတော့ ပြောနေတာ ဖြစ်ပါတယ်။”

ဒီပွဲကို နိုင်ငံရေးအကျဉ်းသားဟောင်းတွေနဲ့ တိုင်းရင်းသားခေါင်းဆောင်တွေလည်း တက်ရောက် စကား ပြောဆို ခဲ့ကြပါတယ်။

ထောင်ဒဏ် ၁၅ နှစ်ကျခံခဲ့ပြီး ပြီးခဲ့တဲ့အပတ်က ပြန်လည်လွတ်မြောက်လာတဲ့ ဗကသများ အဖွဲ့ချုပ် စည်းရုံးရေး ကော်မတီ အဖွဲ့ဝင်ဖြစ်တဲ့ ကိုသက်ဦးက ကိုမင်းကိုနိုင်ရဲ့ ထူးခြားတဲ့ စိတ်ဓါတ်တွေနဲ့ ပတ်သက်ပြီး ပြောပြတာကတော့ -

“၈၈ ကာလတုန်းကပေါ့၊ ၈၈-၈၉ ပထမတကြိမ်၊ အဖမ်းမခံရခင်ကာလအထိမှာ သူ့ရဲ့လုပ်ဆောင်ချက် တွေမှာ သူဟာ ဆက်တိုက် မရပ်မနား စွမ်းဆောင်ခဲ့တယ်။ အားလုံး တွေ့ဆုံစရာရှိတာ တွေ့ဆုံတယ်၊ ပြောဆိုစရာရှိတာ ပြောဆိုတယ်၊ မရပ်မနား အလုပ် လုပ်တဲ့ ဥစ္စာက သူ့ကို လေးစားစရာ အကောင်းဆုံးပဲ။ သူ့ရဲ့ ယုံကြည်ချက်အရ ပြောတဲ့ ဥစ္စာ အားလုံးဟာ ပြတ်ပြတ်သားသား ရှိတယ်။ သူတို့အုပ်စုထဲမှာ ဆိုရင် ပိုပြီး ပြတ်ပြတ်သားသား သဘောထားကို သူက အမြဲတမ်း ပြောဆိုလေ့ရှိတယ်။ အားလုံးအပေါ်ကို စည်းရုံးရေး အသွင်သဏ္ဍန် ဆောင်တဲ့ ပုံသဏ္ဍန်မျိုးနဲ့ အားလုံးကို စည်းစည်းရုံးရုံးနဲ့ လက်တွဲ ခေါ်နိုင်တဲ့ လူတယောက်လို့ မြင်တယ်။ သူ့ရဲ့ ဆုံးဖြတ်ချက်တွေ၊ သူ့ရဲ့ ယုံကြည်ချက်တွေ ဆိုရင် သူဟာ အပြောင်းအလဲ ပုံသဏ္ဍန် ဘယ်တော့မှ မရှိဘူး။ တသမတ်တည်း သွားတယ်။ ဒါကြောင့်မို့ သူ့ကို အာဏာပိုင် မှတ်ချက်မှာ ခေါင်းမာတတ်သော လူတယောက် ဆိုပြီးတော့ အာဏာပိုင်ရဲ့ မှတ်ချက်မှာ ရှိပါတယ်။ ထောင်တွင်း ရပ်တည်ချက် အရမ်းကောင်းပါတယ်”

ကိုမင်းကိုနိုင်ရဲ့ မွေးနေ့ကို ရန်ကုန်အပါအပင် နယ်မြို့အသီးသီးမှာလည်း အနည်းဆုံး ဆွမ်းကျွေး ဒါနလုပ်ပြီး ကျင်းပ ခဲ့ကြပါတယ်။ အလားတူပဲ ထိုင်းမြန်မာ နယ်စပ်က နိုင်ငံရေး အကျဉ်းသားများ ကူညီစောင့်ရှောက်ရေး အသင်း အပါအ၀င် နိုင်ငံတကာက မြန်မာ့ ဒီမိုကရေစီ အင်အားစု တွေကလည်း မလွတ်မြောက်သေးတဲ့ နိုင်ငံရေး အကျဉ်းသားတွေ အတွက် တောင်းဆိုတဲ့ အနေနဲ့ သူရဲ့ မွေးနေ့ပွဲကို နေရာ အသီးသီးမှာ ကျင်းပ ခဲ့ကြပါတယ်။

ကိုမင်းကိုနိုင်အပါအ၀င် နိုင်ငံရေးအကျဉ်းသားတွေ ကို ပြန်လွတ်ပေးရေး ကိစ္စတွေကို ကမ္ဘာ့ ကုလသမဂ္ဂ အပါအ၀င် နိုင်ငံတကာ ကတော့ မြန်မာ အစိုးရသစ်ကို အစဉ်တစိုက် တောင်းဆို နေခဲ့တာလည်းဖြစ်ပါတယ်။

Ref: VOA News