ရခိုင်ကို မုန်တိုင်းငယ်တခု ၀င်ရောက်နေ

ခင်ဦးသာ
October 19, 2011

ဘင်္ဂလား ပင်လယ်အော် အရှေ့မြောက်ပိုင်း၌ ဖြစ်ပေါ်နေသော မုန်တိုင်းငယ်သည် ယနေ့မွန်းလွဲပိုင်းမှ စတင်ကာ ဘင်္ဂလားဒေ့ရှ် နိုင်ငံ ကောက်စ်ဘဇားမြို့နှင့်ရခိုင်ပြည်နယ် မောင်းတောမြို့ကြားမှ ကုန်းတွင်းပိုင်းကို ၀င်ရောက်နေပြီဖြစ်ကြောင်း မိုးလေ၀သ နှင့် ဇလ ဗေဒ ပညာရှင် ဦးထွန်းလွင်၏ ရာသီဥတုဆိုင်ရာ အင်တာနက် စာမျက်နှာတွင် ဖော်ပြထားသည်။

ယင်းမုန်တိုင်းသည် သိသိသာသာအားကောင်းလာခြင်းမရှိဘဲ ရခိုင်ပြည်နယ်မြောက်ပိုင်းကို စစ်တွေမြို့အနီးမှ ယနေ့ညပိုင်းတွင် ဆက်လက် ဖြတ်ကျော်သွားမည်ဖြစ်သည်ဟုလည်း ဦးထွန်းလွင်၏ ယနေ့ ညနေ ၄ နာရီခန့် ထုတ်ပြန်ချက်က ဆိုသည်။


အဆိုပါမုန်တိုင်းကို အ၀ါရောင်အဆင့်သတ်မှတ်ထားပြီး တနာရီလျှင် မိုင် ၅၀ မှ ၆၀ နှုန်းအထိ လေပြင်းများတိုက်ခတ်နိုင်ကြောင်း၊ မုန်တိုင်း ဒီရေ ၆ ပေမှ ၈ ပေအထိ တက်နိုင်ကြောင်း နေပြည်တော် မိုးလေ၀သနှင့်ဇလဗေဒ ဦးစီးဌာနကလည်း ယနေ့ နေ့လယ် ၁၂ နာရီ ခွဲတွင် ထုတ်ပြန်ထားသည်။

မောင်းတောမြို့ ပြန်ကြားရေးဌာနက ၃၆ နာရီအတွင်း တနာရီလျှင် မိုင် ၆၀ မှ ၈၀ အကြား လေတိုက်နှုန်းရှိ မုန်တိုင်းတခုသည် မောင်းတောမြို့နှင့် ဘင်္ဂလာဒေ့ရ်ှနိုင်ငံ စစ်တကောင်းမြို့အကြား ၀င်ရောက်တိုက်ခတ်နိုင်သည်ဟု သတိပေးကြေညာကြောင်း Weekly Eleven အင်တာနက်စာမျက်နှာတွင်လည်း ရေးသားထားသည်။

မောင်းတောမြို့ရှိ ဆက်သွယ်ရေးဌာန အပါအ၀င် ဌာနဆိုင်ရာ တာဝန်ရှိသူများသည် ပြည်နယ်အဆင့် တာဝန်ရှိသူများ၏ လမ်း ညွန်ချက်အတိုင်း မုန်တိုင်းအခြေအနေကို အချိန်ပြည့်စောင့်ကြည့်နေကြောင်း၊ အခြေအနေပေါ်မူတည်၍ ဆောင်ရွက်နိုင်ရန် နေ့၊ ည မပြတ် လုပ်ဆောင်နေရကြောင်း မောင်းတော ဆက်သွယ်ရေးဌာနမှ ဦးအောင်စိန် က ဧရာဝတီ ကို ပြောသည်။

“စိုးရိမ်ရတဲ့ အခြေအနေ လုံးဝမရောက်သေးပါ၊ မိုးကြီးပြီးတော့ လေပြင်းတော့ တိုက်နေပါတယ်၊ တနာရီ ကို မိုင် ၄၅ ၀န်းကျင် နဲ့ တိုက်နေပါတယ်”ဟု ၎င်းက ဆိုသည်။

မောင်းတောမြို့တွင် ယနေ့ နံက်ပိုင်းမှ စတင်၍ မိုးကြီးနေပြီး လေပြင်းတိုက်ခတ်နေခြင်းကြောင့် ဂီရိ မုန်တိုင်းကဲ့သို့ ဖြစ်ပေါ်လာ မည်ကို စိုးရိမ်နေကြကြောင်း မောင်းတော မြို့ခံတချို့က ပြောသည်။

“ရေတော့ မကြီးသေးပါဘူး၊ မိုးတော့ တအားရွာနေပါတယ်၊ အာဏာပိုင် အဖွဲ့အစည်းတွေက သတိပေးတာ၊ နှိုးဆော်တာမျိုး မရှိ သေးပါဘူး၊ မြို့ခံတွေကတော့ ဂီရိလိုမုန်တိုင်းမျိုး ညအချိန်မတော်ကြီး တိုက်ခတ်လာမှာ ကြောက်နေကြတယ်”ဟု မောင်းတော မြို့ခံ တဦးက ဆိုသည်။

မိုးလေ၀သနှင့်ဇလဗေဒ ပညာရှင် ဦးထွန်းလွင်၏ ရာသီဥတုဆိုင်ရာ အင်တာနက် စာမျက်နှာတွင်လည်း ဆိုင်ကလုန်း မုန်တိုင်း သည် ယနေ့ နေ့လယ်ပိုင်းမှ စ၍ အားကောင်းလာနိုင်ပြီး၂၄ နာရီအတွင်း ရခိုင်ပြည်နယ်၊ ချင်းပြည်နယ်၊ စစ်ကိုင်းတိုင်း အထက် ပိုင်း တို့၌ မိုးကြီးနိုင်သည်ဟု ရေးသားထားသည်။

နေပြည်တော် မိုးလေ၀သနှင့်ဇလဗေဒဦးစီးဌာနမှ ညွန်ကြားရေးမှူး ဦးချစ်ကျော်က ယနေ့ နံက်ပိုင်းက ပြောဆိုရာတွင် မိုး/ဇလ ဌာန အနေဖြင့် မုန်တိုင်းငယ်ဟု မကြေညာထားသေးကြောင်း၊ လေဖိအားနည်းရပ်ဝန်းဟုသာ ထုတ်ပြန်ထားကြောင်း၊ သို့သော် ကမ်းရိုးတန်းဒေသကို ရောက်ရှိနေပြီဖြစ်၍ အားကောင်းလာကာ မုန်တိုင်းငယ် ဖြစ်လာနိုင်ကြောင်း ဧရာဝတီ ကိုပြောသည်။

“မုန်တိုင်းအဖြစ် အားကောင်းလာရင်တောင် ကမ်းနားမှာ ဖြစ်တာမို့လို့ သိပ်ပြီးတော့ အချိန်ကြာကြာကြီး အန္တရာယ် မပေးဘူး၊
ရခိုင်ဒေသတွေမှာ မနေ့ကတည်းက မိုးတွေရွာ၊ လေပြင်းတွေတိုက်နေပြီဆိုတော့ ကုန်းတွင်းပိုင်းကိုတော့ တဖြည်းဖြည်းရောက် လာနေပါပြီ”ဟု ဦးချစ်ကျော် က ရှင်းပြသည်။

၎င်းက ဆက်၍“ဘင်္ဂလားဒေ့ရ်ှတို့၊ အိန္ဒိယတို့ကလည်းပဲ မုန်တိုင်းဖြစ်လာမယ်လို့ မကြေညာသေးပါဘူး၊ ဒါပေမယ့် ကျနော် တို့ အားလုံးက စောင့်ကြည့်နေပါတယ်၊ ညတုန်းကလည်းပဲ ရုပ်မြင်သံကြားရဲ့ မိုးလေ၀သ သတင်းက ကြေညာထား ပါတယ်၊ ဒီနေ့ သတင်းစာမှာလည်း ထည့်ထားပါတယ်”ဟု ပြောဆိုသည်။

ရခိုင်ပြည်နယ် စစ်တွေ၊ မောင်းတော၊ ကျောက်ဖြူ၊ ပုဏ္ဏားကျွန်း စသည့်မြို့နယ်များ၌ မိုးသည်းထန်စွာ ရွာသွန်းနေသည်မှာ ၂ ရက်ခန့်ရှိပြီး ယနေ့နံက်ပိုင်းမှ စတင်၍ လေပြင်းများတိုက်နေကြောင်း၊ စစ်တွေမြို့၌ မိုးသည်းထန်နေပြီး မြေနိမ့်ပိုင်းရပ်ကွက်များ တွင် ရေကြီးနေကြောင်း ဒေသခံများ က ပြောသည်။

“ဒီနေ့မနက်ပိုင်း က စပြီးတော့ လေပြင်းတွေ တိုက်တာ အခုထိပါပဲ၊ မိုးကြီးနေလို့ အိမ်ပြင်ထွက်မရဖြစ်နေတယ်၊ ရေဒီယိုတွေ၊ အသံလွှင့်ဌာနတွေ၊ အာဏာပိုင်တွေကတော့ သတိပေးတာမျိုး မရှိသေးပါဘူး၊ ဂီရိတုန်းကတော့ တနာရီ မိုင် ၃၀၊ ၄၀ နှုန်းနဲ့ မုန်တိုင်းတိုက်မယ်လို့ ရေဒီယိုက ကြေညာတယ်၊ တကယ်တိုက်တော့ မိုင် ၁၀၀ ကျော်နဲ့တိုက်ခတ်တာ ခံလိုက်ကြရတယ်”ဟု စစ်တွေမြို့ခံ တဦးက ဆိုသည်။

ပြီးခဲ့သည့် ၂၀၁၀ ပြည့်နှစ် အောက်တိုဘာ၂၂ ရက်နေ့တွင် ရခိုင်ပြည်နယ်အတွင်းမှ ကျောက်ဖြူ၊ မြေပုံ၊ မင်းပြား၊ အမ်း၊ ပုဏ္ဏား ကျွန်း၊ ပေါက်တော၊ မာန်အောင်၊ ရမ်းဗြဲ စသည့် မြို့နယ်များသို့ တနာရီလျှင် မိုင် ၁၂၀ ၀န်းကျင်ဖြင့် ဂီရိဆိုင်ကလုန်း မုန်တိုင်း ၀င်ရောက် တိုက်ခဲ့ရာ လူဦးရေ ၂ သိန်းဝန်းကျင် အိုးမဲ့ အိမ်မဲ့ ဖြစ်ခဲ့ရပြီး လူ ၁၀၀ နီးပါး သေဆုံးခဲ့သည်။

Ref: ဧရာဝတီ