ကိုယ်ပိုင်ကျောင်းဆရာများနဲ့ အစိုးရကျောင်းဆရာများ အားပြိုင်တော့မည်

07 November 2011

ပုဂ္ဂလိက ကိုယ်ပိုင်ကျောင်း ဥပဒေများ ထုတ်ပြန်လာခဲ့အပြီး ကိုယ်ပိုင်ကျောင်းဆရာအလုပ် ခေတ်စားလို့ လာနေကြောင်း သတင်းရရှိပါ သည်။ ကိုယ်ပိုင်ကျောင်း မှတ်ပုံတင် ဥပဒေအရ ကိုယ်ပိုင်ကျောင်းဆရာ မှတ်ပုံတင်ရှိဖို့လိုအပ်တယ်လို့လည်း သိရပါတယ်။

ကိုယ်ပိုင်ကျောင်းဆရာ လုပ်မယ့်သူအနေနဲ့ ပြည်တွင်း (သို့မဟုတ်) ပြည်ပတက္ကသိုလ် တစ်ခုခုမှ ပါရဂူဘွဲ့၊ ပညာရေးဘွဲ့ ရရှိသူ၊ ပြည်တွင်း (သို့မဟုတ်) ပြည်ပတက္ကသိုလ် တစ်ခုခုမှ ဘွဲ့ရရှိပြီး ဆရာအတတ်ပညာဆိုင်ရာ ဒီပလိုမာ (သို့မဟုတ်) လက်မှတ် ရရှိသူ၊ ပြည်တွင်း (သို့မဟုတ်) ပြည်ပတက္ကသိုလ် တစ်ခုခုမှ ဘွဲ့ရရှိပြီး ပညာရေး ၀န်ကြီးဌာနက ဖွင့်လှစ်တဲ့ ဆရာအတတ်ပညာ ရက်တို သင်တန်းဆင်း လက်မှတ် ရရှိသူဖြစ်ရမယ်လို့ ဆိုထားတယ်။ သည်အချက်တွေ မရှိရင်လည်း ဘွဲ့တစ်ခုခုရပြီး ဘာသာရပ်ဆိုင်ရာ သင်ကြားမှု အတွေ့ အကြုံ အနည်းဆုံး ငါးနှစ် ရှိရင် ကိုယ်ပိုင် ကျောင်းဆရာအဖြစ် လျှောက်ထားခွင့် ရှိပြန်ပါတယ်။


လစာငွေ အတော်ကလေး ကောင်းပြီး ကျောင်းပတ်ဝန်းကျင်လည်း အဆင်ပြေတာမို့ ဘွဲ့ရလူငယ် အတော်များများ စိတ်ဝင်စားမှုရှိ ကြောင်း ရန်ကုန်မြို့ပေါ်မှာ ကိုယ်ပိုင်ကျောင်းဖွင့်ထားတဲ့ ဆရာတစ်ဦးက မောက္ခကို အခုလိုပြောပြခဲ့ပါတယ်။

"ကုမ္ပဏီ အလုပ်ထက်လည်း လစာပိုကောင်းနေတာပါ။ အခြားသော အခွင့်အရေးတွေ၊ မက်လုံးတွေနဲ့ သင်တန်း တက်ခွင့်တွေလည်း ရှိနေပါတယ်။ ကိုယ်ပိုင်ကျောင်း ဆရာတွေလည်း တကယ်ကို လိုအပ်နေတာ။"

ကိုယ်ပိုင်ကျောင်းတက်သူများအနေဖြင့်လည်း အပြင်ကျူရှင်ယူစရာ မလိုတော့သည့်အတွက် မိဘများဖို့ အဆင်ပြေကြောင်းလည်း ကျောင်းအုပ်တစ်ဦးက ဆိုပါသည်။

သုတေသီ ဆရာမောရက ကိုယ်ပိုင်ကျောင်းများနှင့် ကိုယ်ပိုင်ကျောင်းဆရာ မှတ်ပုံတင်ဥပဒေ ထွက်ရှိလာမှုကို ကြိုဆိုသင့်ကြောင်း မောက္ခပညာရေး မဂ္ဂဇင်းသို့ ရှင်းပြခဲ့သည်။ သို့ရာတွင် အရည်အချင်း တူညီပြီး နိုင်ငံ့တာဝန်ကို အချိန်ပြည့် ထမ်းဆောင်နေသည့် အစိုးရ ကျောင်းဆရာများအတွက်လည်း လစာကိစ္စကို ပြန်လည် စဉ်းစားသင့်ကြောင်း၊ အရည်အသွေး မြှင့်တင်ရာတွင် အများစု တက်ရောက် နေသည့် အစိုးရကျောင်းများ၊ ဘကကျောင်းများအတွက်လည်း စဉ်းစားရမည်ဖြစ်ကြောင်း၊ ခံစားခွင့် အလွန်အမင်း ကွာဟချက်ရှိခြင်းမှာ စိတ်ဓါတ်ပိုင်းဆိုင်ရာကို များစွာ ထိခိုက်စေကြောင်း၊ အိန္ဒိယနိုင်ငံတို့ကဲ့သို့ ၀န်ထမ်းများကို တန်ဖိုးထားပြီး NGOs များနှင့် ပုဂ္ဂလိက ကျောင်းများထက် လစာ ပိုပေးသင့်ကြောင်း၊ သို့မှသာလျှင် အရည်အသွေး တိုးတက်လာမည်ဖြစ်ပြီး၊ အဂတိတရားလည်း ကင်းရှင်းနိုင် ကြောင်း အကျယ်တ၀င့် ပြောပြခဲ့သည်။

"အခု ကျနော်တို့ တွေ့ကြရတော့မယ်။ ပုဂ္ဂလိကျောင်းနဲ့ အစိုးရကျောင်း၊ ပုဂ္ဂလိက ကျောင်းဆရာနဲ့ အစိုးရကျောင်းဆရာတို့ရဲ့ အားပြိုင် ပွဲကြီးပါ။ တစ်ဖက်သတ်ကြီး မဖြစ်သင့်ပါဘူး။"

မြတ်ပန်းရှင်

Ref: မောက္ခ