2011-11-10
အကျဉ်းသားတွေကို လွတ်ငြိမ်းချမ်းသာခွင့် ထပ်ပေးဖို့ ရှိတယ်ဆိုတဲ့ ခန့်မှန်းချက်တွေ ထွက်ပေါ်နေချိန်မှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က နိုင်ငံရေး အကျဉ်းသားများ မကြာခင် လွတ်မြောက် လာလိမ့်မယ်လို့ ထင်မြင်ကြောင်း ထုတ်ဖော်ပြောဆိုပါတယ်။
ပြီးခဲ့တဲ့ အောက်တိုဘာ ၁၂ရက်နေ့ လွတ်ငြိမ်းချမ်းသာခွင့်မှာ နိုင်ငံရေး အကျဉ်းသား ၂၀၀ ကျော်သာ ပါဝင်ပေမဲ့ အခု တစ်ကြိမ် မှာ နိုင်ငံရေး အကျဉ်းသား ပိုများ လာလိမ့်မယ် ဆိုတဲ့ ခန့်မှန်းချက်တွေလည်း ထွက်ပေါ် နေပါတယ်။ ဒေါ်အောင်ဆန်းစုကြည်က နိုင်ငံ ရေး အကျဉ်းသားတွေ လွတ်မြောက် လိမ့်မယ်ဆိုတဲ့ မျှော်လင့်ချက် ထားသလို လွတ်မြောက်ဖို့လည်း ကြိုးစားမယ်လို့ ပြော ပါတယ်။ 
“လွတ်မှာပါပဲ ဆိုပြီးတော့ စောင့်နေမှာတော့ မဟုတ်ပါဘူး။ ဆက်လက်ပြီး ဒီကိစ္စ ချောချော မောမော ဖြစ်ဖို့အတွက် ကြိုးစားမှာပါ”
အာရ်အက်ဖ်အေက ထုတ်လွှင့်နေတဲ့ လူထုနဲ့ ဒေါ်အောင်ဆန်းစုကြည် အစီအစဉ်အတွက် သောတရှင် တစ်ဦးရဲ့မေးခွန်းကို ဖြေကြား ရာမှာ ဒေါ်အောင်ဆန်းစုကြည်က အခုလို ထည့်သွင်းပြောဆိုလိုက်တာပါ။
နိုင်ငံရေး အကျဉ်းသားတွေကို ဒီကနေ့ တန်ဆောင်းမုန်း လပြည့်နေ့မှာ လွတ်ငြိမ်းချမ်းသာခွင့် ပေးဖို့ရှိတယ်ဆိုတဲ့သတင်းကြောင့် အကျဉ်းသားတွေရဲ့ မိသားစုဝင်တချို့ သက်ဆိုင်ရာ အကျဉ်းထောင်တွေမှာ သွားစောင့် နေကြတယ်ဆိုတဲ့ သတင်းတွေလည်း ထွက်ပေါ်နေပါတယ်။
Ref: အာရ်အဖ်အေ
45 minutes ago
Posts
0 comments:
Post a Comment