မြန်မာကို ဘဏ္ဍာရေး စီးပွားရေးအကူအညီ ဂျပန်ပေးမည်

2012-10-12

ဂျပန်နိုင်ငံဟာ မြန်မာအပေါ် ဘဏ္ဍာရေး စီးပွားရေးအကူအညီတွေ ထောက်ပံ့သွားမယ့်အပြင် မြန်မာနိုင်ငံ တင်ရှိနေတဲ့ ကြွေးမြီ တွေကို ရှင်းလင်းနိုင်အောင် ဆောင်ရွက်ပေးမယ်လို့ ဂျပန် ဘဏ္ဍာရေးဝန်ကြီးက မနေ့က ပြောလိုက်ပါတယ်။

နိုင်ငံတကာငွေကြေးရံပုံငွေအဖွဲ့ IMFနဲ့ ကမ္ဘာ့ဘဏ်တို့ရဲ့ တိုကျိုမြို့မှာကျင်းပတဲ့ နှစ်ပတ်လည် ညီလာခံရဲ့ ပြင်ပ မြန်မာနိုင်ငံဆိုင် ရာ စည်းဝေးပွဲမှာ ပြောကြားခဲ့တာပါ။

ပြီးခဲ့တဲ့ ဧပြီလက သမ္မတ ဦးသိန်းစိန်နဲ့ ဂျပန်ဝန်ကြီးချုပ် နိုဒါ တို့ သဘောတူညီခဲ့ကြတဲ့ အတိုင်း မြန်မာက ဂျပန်ကိုပေးချေ စရာရှိတဲ့ ကြွေးမြီ အမေရိကန်ဒေါ်လာ သန်း (၆) ထောင်ထဲက (၆၀) ရာခိုင်နှုန်း ကို ဂျပန်ကလျှော်ပစ်မယ်လို့လည်း ကြေ ညာခဲ့ပါတယ်။

ကျန်တဲ့ကြွေးမြီတွေကို ပြန်ဆပ်နိုင်အောင် ဂျပန်ဘဏ်တွေဆီက အတိုးနည်း ချေးငွေတွေ ရရှိဖို့လည်း ဆောင်ရွက်ပေးမယ်လို့ ဆိုပါတယ်။ ဂျပန်ရဲ့ချေးငွေ အစီအစဉ်ကို လာမယ့် နှစ်မှာ စောနိုင်သမျှ စောစော စတင်မယ်လို့ ဂျပန် ဘဏ္ဍာရေးဝန်ကြီး က ပြောဆိုပါတယ်။

ဒီဆွေးနွေးပွဲမှာ မြန်မာဘဏ္ဍာရေး ၀န်ကြီး ဦးဝင်းရှိန်နဲ့ ဗဟိုဘဏ် အုပ်ချုပ်ရေးမှူးတို့လည်း တက်ရောက်ခဲ့ကြပါတယ်။ မြန်မာနိုင်ငံ အနေနဲ့ IMF နဲ့ ကမ္ဘာ့ဘဏ်တို့ အပေါ် တင်ရှိနေတဲ့ ကြွေးမြီ ဒေါ်လာ သန်း(၉၅၀)ကို စတင် ပေးချေဖို့ ညှိနှိုင်းနေပြီဖြစ်ကြောင်း၊ နိုင်ငံတော် ဗဟိုပြု စီးပွားရေးစနစ် ကနေ လွတ်လပ်တဲ့ ဈေးကွက် စီးပွားရေး စနစ်ဆီ ကူးပြောင်းနေတာ အပါအ၀င် အသွင်ကူး ပြောင်းမှု မျိုးစုံကို ဖြတ်သန်းနေကြောင်း ဦးဝင်းရှိ်န်က ပြောဆိုခဲ့ပြီး မြန်မာအပေါ် အကူအညီတွေ ပိုမိုပံ့ပိုးပေးကြဖို့ တိုက်တွန်းခဲ့ ပါတယ်။

IMF နဲ့ ကမ္ဘာ့ဘဏ်တို့ အပေါ် တင်ရှိနေတဲ့ ကြွေးမြီတွေ ပြန်ဆပ်နိုင်အောင် မြန်မာနိုင်ငံကို ဒေါ်လာသန်း သန်းတစ်ထောင် ချေးငှားမယ်လို့ ငွေချေးမယ့် နိုင်ငံတွေက ပြီးခဲ့တဲ့လက ကတိပြု ပြောဆိုခဲ့ကြပါတယ်။

တချိန်တည်းမှာ မြန်မာနိုင်ငံရဲ့ နိုင်ငံခြား ရင်းနှီးမြုပ်နှံမှု ဥပဒေနဲ့ ပြုပြင်ပြောင်းလဲမှုတွေအပေါ် စောင့်ကြည့်ဖို့ လည်း အရေးကြီး ကြောင်း တိုကျိုညီလာခံမှာ ပြောဆိုခဲ့ကြပါတယ်။


Ref: အာရ်အဖ်အေ