တရုတ်သို့ ပို့မည့် ဓာတ်ငွေ့ ပိုက်လိုင်းများ ဧရာဝတီမြစ်ကို ဖြတ်တော့မည်

2011-03-16

မြန်မာနိုင်ငံက သဘာဝ စွမ်းအင်လောင်စာတွေကို တရုတ်ပြည်ကို ပေးပို့ဖို့အတွက် ရခိုင်ပြည်နယ်ကနေ ပိုက်လိုင်းသွယ်တန်းနေတဲ့ လုပ်ငန်းဟာ အခုအခါ ဧရာဝတီမြစ်ကို ဖြတ်သန်းတော့မှာ ဖြစ်တယ်လို့ သိရပါတယ်။

မြန်မာ-တရုတ် ရေနံစိမ်းနဲ့ သဘာဝဓာတ်ငွေ့ပိုက်လိုင်း နှစ်လိုင်းကို ဧရာဝတီမြစ်ရဲ့ ကြမ်းပြင်အောက်ကနေ ဖြတ်သန်းဖို့အတွက် မတ်လဆန်းပိုင်းမှာ တရုတ် CNPC ကုမ္ပဏီက စတင် တူးဖောက်ခဲ့ပါတယ်။ ဧရာဝတီ မြစ်ဖြတ် ပိုက်လိုင်းကို မကွေးတိုင်း မင်းဘူးခရိုင် ပွင့်ဖြူမြို့နယ် ခုံစုကျေးရွာအနီး ဧရာဝတီမြစ် အနောက်ဖက်ကမ်းက စတင် တူးဖောက်ခဲ့တာပါ။

အဲဒီပိုက်လိုင်းတွေဟာ ရခိုင်ပြည်နယ် ကျောက်ဖြူဆိပ်ကမ်းကနေ စတင်ပြီး တရုတ်ပြည် ယူနန်ပြည်နယ် ရွှေလီမြို့ကို ဝင်ရောက်မှာ ဖြစ်ပါတယ်။

Ref;RFA