အောက်ခြေ ကော်မရှင်များ ဆောင်ရွက်ချက် အားနည်း

2012-03-30

မနက်ဖြန် ဧပြီလ ၁ ရက်နေ့မှာ ကျင်းပမဲ့ ရွေးကောက်ပွဲအတွက် ပြည်သူအများ မဲပေးနိုင်ရေး အောက်ခြေ ရွေးကောက်ပွဲ ကော်မရှင် အဖွဲ့ခွဲတွေရဲ့ ဆောင်ရွက်ချက်တွေမှာ အားနည်းချွတ်ယွင်းချက်တွေ ရှိနေတယ်လို့ ရွေးကောက်ပွဲ စောင့်ကြည့်ရေး လွတ်လပ်သော စေတနာ့ဝန်ထမ်းများအဖွဲ့က မနေ့က ပြောဆိုပါတယ်။

ဗုဒ္ဓဟူးနေ့က ကျင်းပတဲ့ သတင်းစာရှင်းလင်းပွဲမှာ ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးကိုယ်တိုင် တရားမျှတတဲ့ ရွေး ကောက်ပွဲကျင်းပဖို့အဆင့်သင့်ဖြစ်နေပြီလို့ ပြောဆိုထားပေမဲ့ အောက်ခြေ ကော်မရှင်တွေမှာ သက်ရောက်မှုမရှိဘူးလို့ အဖွဲ့ရဲ့ ပြော ခွင့် ရပုဂ္ဂိုလ် ဦးမင်းခင်က ပြောပါတယ်။

ကြားဖြတ်ရွေးကောက်ပွဲ ကျင်းပမဲ့ မြို့နယ်တချို့မှာ ပြည်သူတွေက မဲပေးနိုင်ဖို့ သက်ဆိုင်ရာ မဲရုံတွေကို သွားရောက် စုံစမ်းတဲ့အခါ မဲစာ ရင်းထဲမပါလို့ မဲပေးခွင့်မရဘူးလို့ ပြောဆိုတာမျိုး၊ ပြီးခဲ့တဲ့ ၂၀၁၀ ရွေးကောက်ပွဲတုန်းက မဲမပေးခဲ့ရင် အခုလည်း မဲပေးလို့ မရဘူးလို့ ပြောလွှတ်တာမျိုးတွေ ရှိနေကြောင်း ဦးမင်းခင်က ပြောပါတယ်။

ဒါ့အပြင် တချို့မြို့နယ်တွေမှာ ကော်မရှင်ရုံးတွေက အထက်အမိန့် မရတဲ့အတွက် မဲစာရင်းထဲ ကိုယ့်အမည်ပါမပါ ပြည်သူတွေကို စုံစမ်း ခွင့် မပေးတာမျိုးလည်း ရှိတယ်လို့ ဆိုပါတယ်။

ရွေးကောက်ပွဲ ကော်မရှင်အဖွဲ့ခွဲတွေရဲ့ ဆောင်ရွက်ချက်တွေဟာ ၂၀၁၀ ရွေးကောက်ပွဲကာလ ဆောင်ရွက်ပုံ အဆင့်မျိုးတောင် မရှိတာ တွေ့နေရကြောင်း၊ ဥပမာ ၂၀၁၀ ရွေးကောက်ပွဲတုန်းကဆိုရင် မဲစာရင်းတွေမလိုပဲ ကျင်းပတဲ့နေ့အထိ မဲရုံးမှူးရဲ့ ခွင့်ပြုချက်နဲ့ မည်သူ မဆို အချိန်မရွေး မဲပေးလို့ရအောင် စီစဉ်ဆောင်ရွက်ပေးခဲ့ကြောင်း လွတ်လပ်သော စေတနာ့ဝန်ထမ်းများ အဖွဲ့က ပြောပါတယ်။

ရွေးကောက်ပွဲ စောင့်ကြည့်ရေး လွတ်လပ်သော စေတနာ့ဝန်ထမ်းများအဖွဲ့ကို ၀န်ထမ်းဟောင်းများ၊ ပညာရှင်များ၊့  နိုင်ငံရေးတက်ကြွ လှုပ်ရှားသူများနဲ့ ဖွဲ့စည်းထားပါတယ်။ ရွေးကောက်ပွဲမှာ အရေးပါတဲ့ မဲရုံကိုယ်စားလှယ်တွေရဲ့ တာဝန်တွေကိုလည်း အဲဒီအဖွဲ့က ပြုစု ရေးသား ထုတ်ပြန်ထားပါတယ်။

Ref: အာရ်အဖ်အေ