2012-03-03
ပဲခူးတိုင်းဒေသကြီး၊ သနပ်ပင်မြို့နယ် အောက်ကတဲကျေးရွာက လယ်ဧက ၃ ရာကျော်ဟာ ဆည်မြောင်းဦးစီးဌာနက ရေလုံလောက် အောင် မပေးနိုင်လို့ နွေစပါးတွေ သေတော့မယ့် အခြေအနေ ရောက်နေတယ်လို့ သတင်းရရှိပါတယ်။
စိုက်ပျိုးထားပြီးတဲ့ နွေစပါး အောင်ဖို့အတွက် နောက်ဆုံးအနေနဲ့ လိုအပ်တဲ့ အောင်ရေပမာဏကို တင်ပြတောင်းခံခဲ့ပေမယ့် အထက်မှာ ရေမရှိဘူးလို့ ဆည်မြောင်းဝန်ထမ်းတွေက ပြောပြီး လွန်ခဲ့တဲ့ ၅ ရက်လောက်ကတည်းက အနည်းငယ်သာ လွှတ်ပေးတဲ့အတွက် သူတို့ လယ်တွေကို ရေမရောက်တော့ကြောင်း အောက်ကတဲကျေးရွာက လယ်သမားကြီး ဦးမောင်ဝင်းက ပြောပါတယ်။
“ပိုက်ဆံပေးမှ ရေပေးပါတယ်။ အရင်ကာလတွေမှာ အဲဒီလို ပိုက်ဆံပေးမှ လွှတ်ပေးပါတယ်။ အခု လက်ရှိလယ်သမားတွေက ပိုက် ဆံလည်း မပေးနိုင်တော့ပါဘူး။ တကယ်လည်း ဒုက္ခ ရောက်နေကုန်ကြပါပြီ”
အရင်ကာလက လယ်သမားတွေ စုပြီး ငွေ လေးငါးသောင်း ပေးခဲ့တုန်းကတော့ ရေရခဲ့တယ်လို့လည်း ဆိုပါတယ်။ လယ် ၇ ဧက ပိုင်ဆိုင်တဲ့ လယ်သမားကြီး ဦးဟန်ဌေးကတော့ ရေမရရင် ဘာ ဆက် လုပ်ရမှန်း မသိတော့ဘူးလို့ ပြောပါတယ်။
ပြီးခဲ့တဲ့ မိုးတွင်းတုန်းကလည်း ဒီဒေသမှာ ရေကြီးလို့ မိုးစပါးတွေပျက်ပြီး ဆောင်းသီးနှံအဖြစ် ပဲစိုက်ပျိုးတဲ့ အခါမှာလည်း ပိုးကျတဲ့ အတွက် အရှုံးပေါ်ခဲ့ရပါတယ်၊ အခုတခါ နွေစပါးလည်း ပျက်တော့မယ့် အနေအထား ရောက်နေပြီလို့ လယ်သမားတွေက ပြောဆို နေကြပါတယ်။
Ref: အာရ်အဖ်အေ
ရိုဟင်ဂျာတွေဟာ လမ်းကြောင်းမျိုးစုံက ဝင်ရောက်နေတာကြောင့် တားဆီးဖို့
ခက်ခဲတယ်လို့လည်း ပြောပါတယ်။
51 minutes ago
Posts
0 comments:
Post a Comment