August 17, 2012
ရွှေမြွေဟောက် အမည်ရှိ ထိုင်း-အမေရိကန် ပူးတွဲစစ်ရေးလေ့ကျင့်မှုကို မြန်မာက တက်ရောက် လေ့လာချင်နေပြီး အမေရိကန်၏ သဘောတူခွင့်ပြုမှုကို ရရှိရန် ထိုင်းကို အကူအညီ တောင်းကြောင်း ယနေ့ထုတ် ဘန်ကောက်ပို့စ်သတင်းစာက ရေးသားဖော်ပြ သည်။
မြန်မာနိုင်ငံသို့ ၂ ရက်ကြာ အလည်အပတ်သွားခဲ့သော ထိုင်းကာကွယ်ရေးဝန်ကြီး ဆူခွန်ပိုး ဆူဝမ်နာထက်က ယမန်နေ့က မြန်မာ ပြည်ခရီးစဉ်မှ ပြန်ရောက်လာရာ ခရီးစဉ်အတွင်း သမ္မတ ဦးသိန်းစိန်၊ ကာကွယ်ရေးဦးစီးချုပ် ဒု-ဗိုလ်ချုပ်မှူးကြီး မင်းအောင်လှိုင်၊ ကာကွယ်ရေးဝန်ကြီး ဗိုလ်ချုပ်ကြီး လှမင်းတို့နှင့် တွေ့ဆုံရာ ယခုကဲ့သို့ တောင်းဆိုကြောင်း ပြောသည်။
ရွှေမြွေဟောက် စစ်ရေးလေ့ကျင့်မှုသည် အမေရိကန်နှင့် ထိုင်း စစ်တပ်များ နှစ်စဉ် ဧပြီလနှင့် မေလများတွင် ရက်သတ္တပါတ် ၆ ပါတ်ကြာ ပူးတွဲစစ်ရေးလေ့ကျင့်မှုဖြစ်သည်။ ထိုင်းနိုင်ငံသည် ပစိဖိတ်ဒေသရှိ အမေရိကန်၏ စစ်ရေးမဟာမိတ် ၅ နိုင်ငံထဲမှ တနိုင် ငံဖြစ်သည်။ အခြားနိုင်ငံများမှာ ဂျပန်၊ တောင်ကိုရီးယား၊ ဩစတြေးလျ နှင့် ဖိလစ်ပိုင်တို့ဖြစ်သည်။
ဇွန်လတွင် စင်ကာပူ၌ ကျင်းပခဲ့သော အာရှ-ပစိဖိတ်ဒေသ လုံခြုံရေးဆွေးနွေးပွဲတွင် မြန်မာကာကွယ်ရေးဝန်ကြီးက သမ္မတ ဦးသိန်းစိန် ဦးဆောင်သော ပြုပြင်ပြောင်းလဲရေးကို မြန်မာ့တပ်မတော်အနေဖြင့် ရာခိုင်နှုန်းပြည့် ထောက်ခံကြောင်း၊ မြောက်ကို ရီးယားနှင့် ပူးပေါင်းသည့် ညူးကလီးယားအစီအစဉ်ကို စွန့်လွှတ်လိုက်ပြီဖြစ်ကြောင်း ပြောကြားအပြီး အမေရိကန် ကာကွယ်ရေး ဝန်ကြီး လီယွန်ပါနတ်တာက ၂ နိုင်ငံစစ်ဘက်ဆက်ဆံရေး တိုးမြှင့်သွားရန် ကြိုးပမ်းမည်ဟု ကတိပေးပြောဆိုခဲ့ဖူးသည်။
ဒေသအတွင်း အင်အားကြီးမားလာနေသော တရုတ်နိုင်ငံ၏ ဩဇာကို ထိန်းညှိရေး မြန်မာအစိုးရက အမေရိကန်အစိုးရ၏ အကူ အညီကို လိုအပ်နေသလို အမေရိကန်အနေဖြင့်လည်း မြန်မာအစိုးရ၏ ပြုပြင်ပြောင်းလဲရေးကို ကြိုဆိုထောက်ခံကာ ၁၉၈၈ နောက်ပိုင်း ယိုယွင်းသွားခဲ့သည့် ၂ နိုင်ငံ သံတမာန်ဆက်ဆံရေး ပုံမှန်ပြန်လည်ဖြစ်လာခဲ့သည်။
လာမည့် စက်တင်ဘာလတွင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ကွန်ဂရက်မှ ချီးမြှင့်သောဆုအား လာ ရောက်လက်ခံယူရန် အမေရိကန်က ဖိတ်ကြားထားရုံမက သမ္မတဦးသိန်းစိန်ကိုလည်း လာရောက်လည်ပတ်ရန် ဖိတ်ကြား ထား ကြောင်းလည်း သိရသည်။
Ref: ဧရာဝတီ
စစ်ကြောင်းထိုးတာကြောင့် အရပ်သားတွေ ထွက်ပြေးနေရတယ်လို့ ရေဦးအခြေစိုက်
People's Defense Comrade အဖွဲ့ ပြန်ကြားရေးတာဝန်ခံ ကိုထူးခန့်ဇော်က RFA ကို
ပြောပါတယ်။
2 hours ago
Posts
0 comments:
Post a Comment