ရန်ကုန်မြို့တွင် ယခုနောက်ပိုင်း အင်တာနက်မှတဆင့် နိုင်ငံတကာသို့ ဖုန်းခေါ်ရန် သီးသန့်ဝန်ဆောင်မှုပေးသည့် ဆိုင် များလာကြောင်း အသုံးပြုနေသူများထံမှ စုံစမ်းသိရသည်။ နိုင်ငံခြားတွင် အလုပ်သွားလုပ်နေသူများ၏ ရန်ကုန်နှင့် နယ်အသီးသီးတွင် နေထိုင်သည့် မိသားစုဆွေမျိုး အများစုသည် တယ်လီဖုန်းပိုင်ဆိုင်ခြင်း မရှိကြသည့်အတွက် နိုင်ငံခြားရောက် ကိုယ့်ဆွေမျိုးသားချင်းများထံ ဖုန်းခေါ်သည့်အခါ အခက်အခဲ ဖြစ်ကြသည်။ ယခု ပေါ်လာသည့် အင်တာနက်မှတဆင့် နိုင်ငံခြား ဖုန်းခေါ်သည့်ဆိုင်များတွင် စင်ကာပူကို တမိနစ် ကျပ် (၄ဝ)၊ ထိုင်း၊ တရုတ်နိုင်ငံတို့ကို တမိနစ် ကျပ် (၁ဝဝ)၊ ဟောင်ကောင်၊ ဂျပန်၊ အင်္ဂလန်၊ အမေရိကန် တမိနစ် ကျပ် (၁၅ဝ) စသဖြင့် ဈေးနှုန်း အလွန်ချိုသာခြင်းကြောင့် သွားရောက်သုံးစွဲသူများ အလွန်အဆင်ပြေကြောင်း သိရသည်။ အဆိုပါဖုန်းနှင့် အင်တာနက်ကို ပုံမှန် သွားရောက်သုံးစွဲနေသူတဦးကမူ “ယခုဆို ပြည်သူတွေ နိုင်ငံခြား ဖုန်းခေါ်ရတာ အဆင်ပြေတော့ အဆိုပါဆိုင်တွေမှာ သုံးစွဲသူတွေနဲ့ အမြဲ ပြည့်နေတာ မြင်ရပါတယ်။ ဒါပေမယ့် ဒီလိုအဆင်ပြေနေတာကို အစိုးရက အကြောင်းအမျိုးမျိုးပြပြီး ပိတ်ပင်လိုက်မှာကိုတော့ စိုးရိမ်တယ်” ဟု ဝေဖန်ပြောဆိုသည်။
မလေးရှားနိုင်ငံရောက် ခင်ပွန်းသည်ကို သွားရောက်ဆက်သွယ်လေ့ရှိသူတဦးက “အရင်ကဆို နိုင်ငံခြားကို ဖုန်းခေါ်တာ အင်တာနက်ဆိုင်တွေနဲ့ တွဲနေတာ များတယ်။ ကိုယ်က ခေါ်ချင်ရင် ဆိုင်ရှင်ကို သွားပြောရတယ်။ ခေါ်တဲ့အခါ အသံကောင်းကောင်း ကြားတဲ့အခါ ကြားရတယ်။ မကြားတဲ့အခါ မကြားရဘူး။ ခုနောက်ပိုင်း ဖုန်းခေါ်ဖို့အတွက် အဓိက ဝန်ဆောင်မှုပေးတဲ့ ဆိုင်တွေကတော့ ကွန်နက်ရှင်ကောင်းအောင် အသေအချာ ပြင်ဆင်ပေးထားတယ်။ ခုံတိုင်းကနေ ဖုန်းပြောလို့ရတယ်။ နိုင်ငံစုံကို ပြောလို့ရတယ်။ အသံလည်း ကြည်လင်တယ်။ ဈေးလည်းပေါတယ်” ဟု ပြောသည်။
အချို့က အိမ်နီးချင်း တယ်လီဖုန်းဆိုင်များမှတဆင့် ခေါ်ရပြီး အဆိုပါဆိုင်များတွင် နိုင်ငံခြားမှ ဖုန်းခေါ်သည်ကို လက်ခံပေးခ တမိနစ် ကျပ် (၃ဝဝ) မှ (၅ဝဝ) အထိ ဈေးနှုန်း အမျိုးမျိုးယူသည့်အတွက် ဖုန်းလက်ခံသူများအနေဖြင့် အဆင်မပြေကြပေ။
ယခုနောက်ပိုင်း အစိုးရက မိုဘိုင်းဖုန်းများ ထုတ်ရောင်းမှုများလာပြီး ဆင်းကတ်တခုလျှင် ကျပ် (၁၅) သိန်း (၅) သောင်း၊ အပြင်ပေါက်ဈေး ကျပ် သိန်း (၂ဝ) နီးပါးကုန်ကျသည့်အတွက် ပြည်သူအများ ဝယ်ယူသုံးစွဲရန် မတတ်နိုင်ကြကြောင်း သိရသည်။
အများစုမှာမူ စဘော်ငွေ ကျပ် (၂) သိန်း၊ တလ ကျပ် (၄) သောင်းခွဲနှုန်းဖြင့် (၆) လစာ စာချုပ်ချုပ်ကာ ငှားရမ်းသုံးစွဲကြသော်လည်း စစ်အစိုးရ၏ လိုင်းဖုန်းနှင့် မိုဘိုင်းဖုန်းမှတဆင့် နိုင်ငံခြားတိုင်းပြည်များသို့ ခေါ်ပါက ဆက်သွယ်ခ ဈေးအလွန်ကြီးမြင့်ခြင်းကြောင့် ပြည်သူများ အသုံးမပြုနိုင်ကြောင်း သိရသည်။
စစ်အစိုးရ စာတိုက် ကြေးနန်းနှင့် ဆက်သွယ်ရေးဝန်ကြီးဌာနက တယ်လီဖုန်း ခေါ်ဆိုခ နှုန်းများမှာ အနီးဆုံး ထိုင်းနိုင်ငံကိုပင်လျှင် တမိနစ် (၁.၄ဝ) ဒေါ်လာ ပေးရသည်။ စင်ကာပူ၊ မလေးရှား တမိနစ် (၁.၇၅) ဒေါ်လာ၊ ဗြိတိန်၊ ပြင်သစ်၊ သြစတြေးလျ တမိနစ် (၃.၂ဝ) ဒေါ်လာ၊ အမေရိကန်၊ ကနေဒါ အပါအဝင် တောင်အမေရိက နိုင်ငံများကိုမူ တမိနစ် (၄.၅ဝ) ဒေါ်လာအထိ ပေးရသည်။
ယခုကဲ့သို့ ဈေးနှုန်းကြီးမြင့်သည့်အတွက် မြန်မာနိုင်ငံသားအများစုသည် စစ်အစိုးရပိုင် ဖုန်းများဖြင့် ပြည်တွင်းမှ နိုင်ငံခြားသို့ ဖုန်းခေါ်လေ့ခေါ်ထ မရှိကြပေ။
ယခုလောလောဆယ် ရန်ကုန်မြို့က အင်တာနက်ဖုန်း ဝန်ဆောင်မှုပေးသည့် ဆိုင်များသည် စင်ကာပူအခြေစိုက် Pfingo ကို သုံးပြီး ဝန်ဆောင်မှုပေးနေခြင်းဖြစ်ကြောင်း သိရသည်။
စစ်အစိုးရ၏ ဥပဒေအရ မည်သည့်ပုဂ္ဂလိက တဦးတယောက်မျှ တယ်လီဖုန်း ဆက်သွယ်ရေးလုပ်ငန်းကို အခကြေးငွေယူ လုပ်ကိုင်ခွင့်မရှိဘဲ လုပ်ကိုင်ပါက ထောင်ဒဏ် ချမှတ်နိုင်သည်အထိ ပြဋ္ဌာန်းထားသည်။
နယ်စည်းမခြား သတင်းထောက်များအဖွဲ့မှ မကြာခင်က ထုတ်ပြန်သည့် အစီရင်ခံစာတွင် မြန်မာနိုင်ငံ၌ အင်တာနက်သုံးနိုင်သူ (၄၀,၀၀၀) သို့မဟုတ် စုစုပေါင်းလူဦးရေ၏ (၀.၁) ရာခိုင်နှုန်းသာကြောင်း ရေးထားသည်။ မြန်မာနိုင်ငံရှိ လူဦးရေ (၂,၀၀၀) တွင် အင်တာနက်သုံးနိုင်သူ (၂) ဦးထက်လျော့နည်းနေသည့်အတွက် ကမ္ဘာတွင် အင်တာနက်သုံးစွဲမှု နိမ့်ကျသည့်နိုင်ငံများထဲတွင် ပါဝင်သည်ဟု ထောက်ပြထားသည်။
REF: ခေတ်ပြိုင်
Posts
0 comments:
Post a Comment