25 ဇွန် 2011
အင်တာနက်ပေါ်မှာ အချက်အလက်တွေ ရှာဖွေပေးတဲ့ ၀န်ဆောင်မှုလုပ်ငန်းတွေ လုပ်နေတဲ့ Google ကုမ္ပဏီဟာ အရှိန်အ၀ါကို သုံးပြီး သူ့ရဲ့လုပ်ငန်းတွေကို ကြော်ငြာနေတာတွေ၊ ပြိုင်ဘက် လုပ်ငန်းတွေကို အဟန့်အတားတွေ လုပ်နေတာတွေ ရှိမရှိ အမေရိကန် အစိုးရက စတင် စစ်ဆေးနေပါတယ်။
Google ကုမ္ပဏီဟာ ကမ္ဘာတ၀န်း အင်တာနက်ပေါ်မှာ အချက်အလက် ရှာဖွေတဲ့ လုပ်ငန်းရဲ့ ၆၅% ကျော်ကို ထိန်းချုပ်ထားပြီး အချက်အလက် ရှာဖွေတာတွေနဲ့ ဆက်နွယ်တဲ့ ကြော်ငြာတွေကနေ အများစုဖြစ်တဲ့ ဒေါ်လာသန်းပေါင်း ထောင်ချီတဲ့ ၀င်ငွေတွေကို ရရှိနေတာပါ။
Google ကုမ္ပဏီအနေနဲ့ သူ့ရဲ့သြဇာလွှမ်းမိုးမှုကိုသုံးပြီး ကြော်ငြာလုပ်ငန်းကနေ ၀င်ငွေရှာနေရုံသာမက ကြီးထွားလာနေတဲ့ ဆက်သွယ်ရေး ၀န်ဆောင်မှု လုပ်ငန်းတွေကိုပါ သုံးစွဲသူတွေကို စွဲဆောင် နေသလား သိရအောင် ပြည်ထောင်စု ကုန်သွယ်ရေး ကော်မရှင်က စစ်ဆေးသွားမှာ ဖြစ်ပါတယ်။ ဥရောပသမဂ္ဂ (EU) က Google လုပ်ငန်းတွေကို စစ်ဆေးဖို့ ပြီးခဲ့တဲ့နှစ်မှာ စတင် လုပ်ဆောင်ခဲ့ပြီးတဲ့ နောက် အမေရိကန်ကလည်း အခုအခါ အလားတူ ဆောင်ရွက်လာတာပါ။
အမေရိကန်ပြည်ထောင်စုက တက္ကဆက်ပြည်နယ်ကလည်း Google ကုမ္ပဏီရဲ့ စီးပွားရေးလုပ်ငန်း ဆောင်ရွက်မှုတေအပေါ် စုံစမ်းစစ်ဆေး နေတာဖြစ်ပါတယ်။ ကုမ္ပဏီရဲ့ အမှုဆောင် အရာရှိတွေကတော့ သူတို့အနေနဲ့ တစုံတရာ အမှားအယွင်း ကျူးလွန်တာ၊ ဥပဒေ ချိုးဖောက်တာတွေ မရှိဘူးလို့ ယုံကြည်တဲ့ အကြောင်း ပြောဆိုထားပါတယ်။
Ref: VOA
1 hour ago
Posts
0 comments:
Post a Comment