22 စက္တင္ဘာ 2011
နယူးေယာက္ၿမိဳ႕မွာ က်င္းပေနတဲ့ ကုလသမဂၢ အေထြေထြ ညီလာခံႀကီးမွာ ၾကာသပေတးေန႔က မိန္႔ခြန္း ေျပာၾကားခဲ့တဲ့ အီရန္ သမၼတ မာမြတ္ဒ္ အမာဒနီဂ်က္ဒ္ (Mahmoud Ahmadinejad) က အေမရိကန္ ျပည္ေထာင္စု၊ အစၥေရးနဲ႔ အေနာက္ႏုိင္ငံေတြကို ျပင္းျပင္းထန္ထန္ ေ၀ဖန္ခဲ့ပါတယ္။
ဒီႏုိင္ငံေတြဟာ စစ္ပြဲေတြနဲ႔ ရန္စေနသလို ကမၻာတ၀န္း စိတ္၀မ္းကြဲျပားေရး ျဖစ္ေအာင္ လုပ္ေဆာင္ၿပီး အႂကြင္းမဲ့ အာဏာရွင္ စနစ္ကုိ က်င့္သုံးေနတယ္လို႔ စြပ္စြဲခဲ့ပါတယ္။
ဒါ့အျပင္ အေနာက္ႏိုင္ငံေတြရဲ႕ အထက္စီးဆန္တဲ့ အာဏာေတြေၾကာင့္ ကမၻာတလႊား စီးပြားေရးကပ္ ဆုိက္ခဲ့ရသလို လူမႈေရး မညီမွ်မႈေတြပါ ေပၚေပါက္လာခဲ့တယ္လို႔လည္း အျပစ္တင္ခဲ့ပါတယ္။
အခုလုိ ေျပာၾကားေနတုန္းမွာပဲ အေမရိကန္နဲ႔ ျပင္သစ္ အပါအ၀င္ တျခား ႏုိင္ငံေပါင္း ၂ ဒါဇင္ေက်ာ္ေက်ာ္က ကုိယ္စားလွယ္ ေတြဟာ ကုလသမဂၢ အေထြေထြ ညီလာခံ ခန္းမထဲကေန ထြက္ခြာသြားခဲ့ၾကပါတယ္။
မစၥတာ အမာဒနီဂ်က္ဒ္ဟာ အရင္ ကုလသမဂၢ ညီလာခံေတြမွာ သူေျပာၾကားခဲ့ဖူးသလုိပဲ ကမၻာ့ကုလသမဂၢ အဖြဲ႕ႀကီးကို အေနာက္ တုိင္း ၀င္႐ုိးတန္း ႏုိင္ငံေတြရဲ႕ အာဏာစက္ေအာက္ကေန ႐ုန္းထြက္ၿပီး အသစ္ျပန္လည္ ဖြဲ႕စည္းဖုိ႔ပါ ေျပာၾကား ခဲ့ပါတယ္။
ဒါ့အျပင္ အေမရိကန္ႏုိင္ငံမွာ ၂၀၀၁ ခုႏွစ္၊ စက္တင္ဘာလ ၁၁ ရက္ေန႔ အၾကမ္းဖက္ အတုိက္ခုိက္ခံခဲ့ရတာကို အသုံးခ်ၿပီး အေနာက္အင္အားႀကီး ႏုိင္ငံေတြက အီရတ္နဲ႔ အာဖဂန္နစၥတန္ ႏုိင္ငံေတြကို ၀င္ေရာက္ တုိက္ခုိက္တယ္လို႔လည္း စြပ္စြဲခဲ့ပါတယ္။
Ref: ဗြီအုိေအ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
2 hours ago
Posts
0 comments:
Post a Comment