အသက် ၂ နှစ်အောက် ကလေးကို တီဗီ ကွန်ပျူတာ လုံးဝ ပေးမကြည့်နဲ့

01 November 2011
ဝင့်ထန်း

ကလေးဆေးဘက်ဆိုင်ရာ အမေရိကန်သမားတော်အဖွဲ့ (American Academy of Pediatrics) က အသက် ၂ နှစ်အောက် ကလေးငယ်တွေကို တီဗီနဲ့ ကွန်ပျူတာ စခရင် လုံးဝ မကြည့်စေဖို့ မိဘများကို သတိပေးခဲ့သည်။

အသက် ၈ နှစ်အောက်တွေကိုလည်း ကွန်ပျူတာနဲ့ တီလီဗေးရှင်း စခရင်တွေရှေ့မှာ အချိန်ဖြုန်းတာကို ကန့်သတ်ထားဖို့ အစီရင် ခံစာတစ်စောင် မကြာခင်က ထုတ်ပြန်ခဲ့သည်။

ငယ်ရွယ်လွန်းသေးတဲ့ ကလေးတွေကို တီဗီ၊ ကွန်ပျူတာ ကြည့်ရှုစေခြင်းဖြင့် မည်သည့်ပညာရေး အကျိုးအမြတ်မှ ရရှိစေမှာ မဟုတ် ကြောင်း ဖော်ပြခဲ့သည်။


ဘော်စတွန်မြို့မှာ နှစ်စဉ်အစည်းအဝေးလုပ်တဲ့ သမားတော်များအဖွဲ့က တီဗီစခရင် ကြည့်လွန်းတဲ့ ကလေးတွေ ကလေးဆေးခန်း တွေမှာ ပြုံရောက်နေတဲ့အကြောင်း ပြောဆိုခဲ့သည်။ ကလေးငယ်တွေကို တီဗီပြပြီးစာသင်တာ၊ အိမ်နောက်ဖေးမှာ မိဘတွေ အလုပ်ရှုပ်နေလို့ ကလေးကို တီဗီရှေ့ပို့ထားတာတွေဟာ နုနယ်တဲ့ ကလေးရဲ့ ဦးနှောက်နဲ့ အာရုံကြောတွေကို ထိခိုက်မှုဖြစ် စေ တယ်ဟု ဆိုသည်။

တက္ကဆပ်ပြည်နယ်မှ ဒေါက်တာ Ari Brown က "လွန်ခဲ့တဲ့ ဆယ်နှစ်ကထက် အခု ဗီဒီယို စခရင်တွေ နေရာတိုင်းမှာ ရှိနေတယ်။ မက်ဆေ့ခ်ျတွေကလည်း အရမ်းများလွန်းနေတယ်။ တီဗီ၊ ကွန်ပျူတာ၊ အိုင်ပက်၊ စမတ်ဖုန်းတွေ အိမ်တိုင်းမှာ ရှိနေပြီး၊ အနောက် နိုင်ငံတွေက အိမ်တိုင်းမှာ စခရင် ၁၀ ခုမက ရှိနေတယ်။ အဲဒီ အီလက်ထရောနစ် ဖျော်ဖြေမှုက အထူးသဖြင့် နုနယ်တဲ့ ဦးနှောက် တွေ ကို ဘေးအန္တရာယ် ဖြစ်စေတယ်" ဟု ပြောခဲ့သည်။

နောက် Temple တက္ကသိုလ်မှ စိတ်ပညာပါမောက္ခ Kathryn Hirsh-Pasek ကလည်း ကျောင်းစနေတဲ့ ကလေးတွေကို တီဗီနဲ့ စာသင်တာတွေ သတိထားဖို့ ပြောသည်။ "ကလေးတွေကို ဗီဒီယိုနဲ့ ဘာသာစကား သင်ပေးတာတွေ အရမ်းများလာတယ်။ ကျမ တို့ သုတေသနတွေ့ရှိချက်တွေအရ ကလေးဟာ ဘာသာစကားများများ နားလည် လေလေ၊ နောက်ပိုင်းမှာ သူ့ရဲ့ထုတ်လုပ် နိုင် စွမ်း လျော့နည်းလေပဲ။ အဓိကကတော့ မိဘတွေက သူတို့ကလေးတွေရဲ့ မီဒီယာ သုံးစွဲမှုကို လျှော့ချပေးဖို့ပဲ"

နောက်တွေ့ရှိချက်တစ်ခုက အနောက်က ၈ နှစ်အောက် ကလေးတွေဟာ တယ်လီဗေးရှင်းကို ဆင်ကြီးလောက် ကြီးတယ်ဟု ယူဆ လာပြီး iPod, iPad နဲ့ အခြားတက်ဘလက်လေးတွေကိုပဲ စွဲစွဲလမ်းလမ်းဖြစ်လာကြသည်။ နေ့စဉ် အဲဒီမီဒီယာ ပစ္စည်းငယ် များနှင့် ကလေးတွေ အချိန်ဖြုန်းလာကြသည်။

ဥပမာ၊ ဘော်စတွန်မြို့က Jeannie Crowley အမျိုးသမီးဆိုရင် သူ့ရဲ့ ၁၉ လအရွယ် သမီးငယ် Maggie ကို iPad ပေးထားသည်။ ခြေမခိုင်သေးတဲ့ သမီးငယ်က ခွေးဟောင်သံနဲ့ ဘဲတွေပါတဲ့ Youtube ဗွီဒီယိုကို ထပ်ခါတလဲလဲ ဖွင့်၊ အကြိုက်ဆုံး သီချင်းသုံးပုဒ်နဲ့ အမြဲကတတ်သည်။ စခရင်ကို ဘယ်လိုကိုင်ရမယ် ဘယ်လိုဖွင့်ရမယ် ဆိုတာ ကလေးက အကုန်သိနေပြီဟု ဆိုသည်။

အမေရိကန် သမားတော်များအဖွဲ့ကတော့ အဲဒီလို ကလေးတွေ မီဒီယာပစ္စည်း စွဲလမ်းတာကို ဂုဏ်ယူမနေဖို့နဲ့ ရေရှည်မှာ ကလေး ဘ၀အတွက်ရော သူတို့ပညာရေးအတွက်ပါ ဘာအကျိုးအမြတ်မှမရနိုင်ဟု တားမြစ်ထားသည်။

Ref: မောက္ခ