27 ဒီဇင္ဘာ 2011
ဒီကေန႔မွာက်င္းပမယ့္ ကြယ္လြန္သူ ေျမာက္ကိုရီးယားေခါင္းေဆာင္ ကင္မ္ဂ်ဳံအီးလ္ရဲ႕ စ်ာပန အခမ္းအနားမတိုင္ခင္ မေန႔က အဂၤါေန႔ အထိ ေျမာက္ကိုရီးယားႏုိင္ငံသားေတြဟာ ဝမ္းနည္း ပူေဆြးမႈပဲြေတြကို လုပ္ေဆာင္ေနၾကဆဲ ျဖစ္ပါတယ္။
ၿပံဳယမ္းၿမိဳ႕ေတာ္ရဲ႕အျပင္ဘက္က ေနာက္ဆံုးဂါရဝျပဳ အခမ္းအနားက်င္းပတဲ့ေနရာ၊ ႀကီးမားလွတဲ့ ကင္မ္ဂ်ဳံအီးလ္ရဲ႕ ႐ုပ္ပံုကားခ်ပ္ႀကီး ေရွ႕မွာ ေထာင္ေပါင္းမ်ားစြာေသာလူေတြဟာ အျဖဴေရာင္ပန္းေတြနဲ႔ လြမ္းသူ႔ပန္းေခြေတြ၊ ပန္းျခင္း ေတြကိုင္ၿပီး ေရာက္လာေနၾက တာကို အစုိးရရဲ႕႐ုပ္ျမင္သံၾကားေတြမွာ ျပသေနခဲ့ပါတယ္။
ကင္မ္ဂ်ဳံအီးလ္ရဲ႕အ႐ုိက္အရာကိုဆက္ခံခဲ့တဲ့ သားျဖစ္သူကင္မ္ဂ်ဳံအြန္းဟာလည္း ဒီအခမ္းအနားကို ေနာက္ တေခါက္လာေရာက္ၿပီး ကြယ္လြန္သူဖခင္ကို ေနာက္တႀကိမ္ ဂါရဝျပဳခဲ့ပါတယ္။ ေျမာက္ကိုရီးယား အစိုးရ မီဒီယာေတြက ကင္မ္ဂ်ဳံအြန္းကို အာဏာရ ေျမာက္ကိုရီးယား အလုပ္သမားပါတီနဲ႔ ေျမာက္ကိုရီးယား တပ္မေတာ္ရဲ႕ ေခါင္းေဆာင္သစ္အျဖစ္ ထပ္တလဲလဲေဖာ္ျပေနၾကပါတယ္။
ကင္မ္ဂ်ဳံအြန္းဟာ ဒုတိယကမၻာစစ္အၿပီး ေျမာက္ကိုရီးယားႏုိင္ငံကို စတင္တည္ေထာင္ခဲ့တဲ့ ကင္မ္အီဆြန္းရဲ႕ တတိယေျမာက္ မ်ဳိး ဆက္ လည္းျဖစ္ပါတယ္။ ဒီကေန႔ ဗုဒၶဟူးေန႔ စ်ာပနအခမ္းအနားအစီအစဥ္အရ ကင္မ္ဂ်ဳံအီးလ္ရဲ႕ ႐ုပ္ကလာပ္ကို ၿမိဳ႕တြင္း လမ္း မႀကီးေတြက ျဖတ္သန္းသယ္ေဆာင္၊ ေနာက္ဆံုး ဂါရဝျပဳခံၿပီးတဲ့ေနာက္မွာ ဂူသြင္းျမႇဳပ္ႏွံသၿဂႋဳဟ္မွာျဖစ္ပါတယ္။ အခုအခ်ိန္ထိ စ်ာပနအခမ္းအနား အစီအစဥ္ကို ေျမာက္ကိုရီးယား အစိုးရ မီဒီယာေတြက အေသးစိတ္ထုတ္ျပန္ ေၾကညာျခင္းမရွိသလို စ်ာပန အခမ္းအနားမွာလည္း ႏုိင္ငံျခားသားေတြကို တက္ေရာက္ခြင့္ မျပဳပါဘူး။
Ref: ဗြီအုိေအ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
1 hour ago
Posts
0 comments:
Post a Comment