17 ဇူလိုင္ 2012
ဆီးရီးယားႏုိင္ငံ ၿငိမ္းခ်မ္းေရးတည္ၿငိမ္ေရးအတြက္ နည္းလမ္းရွာ လုပ္ေဆာင္တဲ့ေနရာမွာ ကုလသမဂၢ လံုၿခံဳေရးေကာင္စီဟာ တညီ တၫြတ္တည္း ရွိလိမ့္မယ္လို႔ သူ ေမွ်ာ္လင့္တဲ့အေၾကာင္း ကုလသမဂၢအထူးသံတမန္ ကိုဖီ အာနန္က ေျပာလိုက္ပါတယ္။
ဆီးရီးယားႏုိင္ငံဆိုင္ရာ ဆံုးျဖတ္ခ်က္မူၾကမ္းႏွစ္ခု လံုၿခံဳေရးေကာင္စီမွာ အၿပိဳင္ျဖစ္ေနခ်ိန္မွာပဲ ႐ုရွားသမၼတ ဗလာဒီမီယာ ပူတင္၊ ႏုိင္ငံျခား ေရး၀န္ႀကီး ဆာေဂး လတ္ဗ္ေရာ့ဗ္တို႔နဲ႔ ေမာ္စကိုၿမိဳ႕ေတာ္မွာ ကိုဖီအာနန္ ေတြ႔ဆံုခဲ့ပါတယ္။
လံုၿခံဳေရးေကာင္စီအေနနဲ႔ သေဘာတူညီခ်က္ မရႏုိင္စရာ ဘယ္လိုအေၾကာင္းမွ သူမေတြ႔ဘူးလို႔ ႐ုရွားႏုိင္ငံျခားေရး ၀န္ႀကီး လတ္ဗ္ေရာ့ဗ္က ေျပာပါတယ္။
ဒါေပမဲ့လည္း ၿဗိတိန္၊ ျပင္သစ္၊ ဂ်ာမနီနဲ႔ အေမရိကန္တို႔က ကမကထျပဳ တင္သြင္းတဲ့ ဆံုးျဖတ္ခ်က္မူၾကမ္းကို ဗီတိုသံုးၿပီး ပယ္ခ်မယ္လုိ႔ ႐ုရွားကေျပာထားပါတယ္။ အဲဒီဆံုးျဖတ္ခ်က္မူၾကမ္းအရဆိုရင္ ဆီးရီးယားမွာရွိတဲ့ ကုလသမဂၢ ေလ့လာေစာင့္ၾကည့္ေရးအဖြဲ႔ကို သက္တမ္း ထပ္တိုးၿပီး အာဆဒ္အစိုးရအေပၚ ဒဏ္ခတ္ အေရးယူ မႈေတြ ခ်မွတ္မွာျဖစ္ပါတယ္။ ဒါ့အျပင္ စစ္ေရးအရ အေရးယူႏုိင္မယ့္ အလားအလာ ကိုလည္း ဖြင့္ထားတာပါ။ ကုလသမဂၢအဖြဲ႔ကို ပိုၾကာၾကာထားၿပီး ဒဏ္ခတ္အေရးယူမႈလုပ္ဖို႔ မပါတဲ့ ႐ုရွားတို႔ရဲ႕ ဆံုးျဖတ္ခ်က္မူၾကမ္း ကို လည္း ဗီတိုသံုးပယ္ခ်မယ္လို႔ အေနာက္ႏုိင္ငံေတြက ေျပာထားပါတယ္။
Ref: ဗြီအုိေအ
ရန်ကုန်မြို့မှာ တန်ဆောင်မုန်း လပြည့်ညက ပံ့သကူ ကောက်ရင်း ကားတိုက်လို့
အမျိုးသမီး တစ်ဦး သေဆုံးသွားပြီး ငါးဦးထက်မနည်း ထိခိုက်ဒဏ်ရာရပါတယ်။
3 hours ago
Posts
0 comments:
Post a Comment