2012-07-15
အစိုးရက ဒီႏွစ္က်င္းပမယ့္ ဇူလိုင္ (၁၉) ရက္ ၆၅ ႏွစ္ေျမာက္ အာဇာနည္ေန႔ အထိမ္းအမွတ္ ႏိုင္ငံေတာ္ အခမ္းအနားကို အမ်ဳိးသား ဒီမိုကေရစီအဖဲြ႔ခ်ဳပ္က တက္ေရာက္ဖို႔ ရွိတယ္လို႕ ပါတီတာ၀န္ရွိသူေတြက RFA ကို ဒီကေန႔ ေျပာၾကားပါတယ္။
ဒါဟာ ပါတီဥကၠ႒ ေဒၚေအာင္ဆန္းစုၾကည္ကို ၂၀၁၀ ျပည့္ႏွစ္ ႏို၀င္ဘာလမွာ ေနအိမ္အက်ယ္ခ်ဳပ္က လႊတ္ေပးလိုက္ၿပီးတဲ့ေနာက္ သက္ ဆိုင္ရာ အာဏာပိုင္ေတြက NLD ပါတီကို အာဇာနည္ေန႔ အခမ္းအနားကို တက္ေရာက္ဖို႔ ပထမဦးဆံုးအႀကိမ္ တရား၀င္ဖိတ္ၾကား တာ ျဖစ္တယ္လို႕ ပါတီ နာယကအဖဲြ႕၀င္ ဦးတင္ဦးက ေျပာပါတယ္။
အာဇာနည္ေန႔ အခမ္းအနားကုိ ပါတီကိုယ္စားျပဳ တက္ေရာက္မယ့္ ငါးဦးကေတာ့ ဦးတင္ဦး၊ ဦးဟံသာျမင့္၊ ဦးစိုး၀င္း၊ ေဒၚျမင့္ျမင့္စိန္၊ ကိုမ်ဳိးညြန္႔တို႔ ျဖစ္ပါတယ္။
ပ်ဥ္းမနား ေနျပည္ေတာ္မွာ က်င္းပေနတဲ့ လႊတ္ေတာ္ အစည္းအေ၀း တက္ေရာက္ေနတဲ့ ေဒၚေအာင္ဆန္းစုၾကည္ ကိုယ္တိုင္လည္း အာဇာနည္ေန႔ အခမ္းအနား အတြက္ ဇူလိုင္ (၁၈) ရက္ေန႕မွာ ရန္ကုန္ၿမိဳ႕ကို ေခတၱခဏ ျပန္လာမယ္လို႔ ဆိုပါတယ္။
ျမန္မာ့လြတ္လပ္ေရး ေခါင္းေဆာင္ ဗိုလ္ခ်ဳပ္ေအာင္ဆန္းနဲ႔ တကြ အာဇာနည္ပုဂၢိဳလ္ၾကီးေတြ လုပ္ႀကံ သတ္ျဖတ္ခံရၿပီး က်ဆံုးသြားတဲ့ ေန႔ကို ေအာက္ေမ့တဲ့ အေနနဲ႔ NLD ဌာနခ်ဳပ္မွာလည္း အရင္ႏွစ္ေတြလိုပဲ အခမ္းအနား က်င္းပၿပီး အာဇာနည္ဗိမာန္ကို သြားေရာက္ အေလးျပဳဖို႔ ရွိတယ္လို႔ ပါတီတာ၀န္ရွိသူေတြက RFA ကို ေျပာပါတယ္။
Ref: အာရ္အဖ္ေအ
သံအမတ်ကြီး ဦးကျော်မိုးထွန်းက ဒေါက်တာဇော်မြင့်မောင် လွှဲပြောင်းပေးခဲ့တဲ့
တာဝန်တွေကို ဆက်လက်ထမ်းဆောင်သွားမယ်လို့ ပြောပါတယ်။
1 hour ago
Posts
0 comments:
Post a Comment