2012-09-05
ျမန္မာႏိုင္ငံက က်န္ရွိေနတဲ့ ရဲေဘာ္သံုးက်ိပ္၀င္ (၂) ဦး ထဲက တရုတ္ႏိုင္ငံ ကူမင္းၿမိဳ႕မွာရွိတဲ့ ဗိုလ္မွဴးခ်ဳပ္ေဟာင္း ေက်ာ္ေဇာ ဟာ က်န္းမာေရး ဆိုး၀ါးလာတာေၾကာင့္ ကူမင္းၿမိဳ႕ ေဆးရံုမွာ တင္ထားရတယ္လို႔ သိရပါတယ္။
အခုအခါ ကူမင္းၿမိဳ႕ေဆးရံု အေရးေပၚအခန္းမွာ ကုသခံေနရေၾကာင္း သားျဖစ္သူ ဦးေအာင္ေက်ာ္ေဇာက ေျပာပါတယ္။
ဗိုလ္မွဴးခ်ဳပ္ေဟာင္း ေက်ာ္ေဇာဟာ ကြန္ျမဴနစ္ပါတီ၀င္ ျဖစ္ေပမဲ့ ဘာသာတရားကို အရင္ကတည္းက ေလ့လာလိုက္စားခဲ့ေၾကာင္း၊ ေရႊတိဂံုဘုရားကို ဖူးေျမာ္ခ်င္ေနေပမဲ့ လက္ရွိအေျခအေနအရ မျဖစ္ႏိုင္ေတာ့ဘူးလို႔ ဦးေအာင္ေက်ာ္ေဇာက ေျပာပါတယ္။
ျမန္မာ့ လြတ္လပ္ေရးအတြက္ ဂ်ပန္ႏိုင္ငံကို သြားေရာက္ စစ္ပညာသင္ယူခဲ့တဲ့ ရဲေဘာ္သံုးက်ိပ္ထဲမွာ ရန္ကုန္ၿမိဳ႕ေန အသက္ (၉၁) ႏွစ္ ရွိေနျပီျဖစ္တဲ့ ဗိုလ္ရဲထြတ္နဲ႔ ဗိုလ္မွဴးခ်ဳပ္ေဟာင္း ေက်ာ္ေဇာတို႔ (၂) ဦးပဲ သက္ရွိထင္ရွား က်န္ရွိပါေတာ့တယ္။
ဗိုလ္မွဴးခ်ဳပ္ေဟာင္း ေက်ာ္ေဇာဟာ ၁၉၅၄ ခုႏွစ္က ျမန္မာႏိုင္ငံတြင္းကို က်ဴးေက်ာ္ ၀င္ေရာက္လာခဲ့တဲ့ တရုတ္ျဖဴ ကူမင္တန္ တပ္ေတြကို တိုက္ထုတ္ရာမွာ နာမည္ႀကီးခဲ့တဲ့ စစ္ေခါင္းေဆာင္တစ္ဦး ျဖစ္ပါတယ္။
၁၉၇၆ ခုနွစ္မွာ အေရွ႕ေျမာက္ စစ္ေဒသ ဗမာျပည္ ကြန္ျမဴနစ္ပါတီ အေျခစိုက္ရာ တရုတ္နယ္စပ္ကို ေတာခို ၀င္ေရာက္လာခဲ့ပါ တယ္။ ပါတီထဲမွာ ေပါလစ္ဗ်ဴရို အဖြဲ႔၀င္အျဖစ္ တာ၀န္ယူသလို စစ္ေရးတာ၀န္ေတြလည္း ထမ္းေဆာင္ခဲ့တယ္လို႔ သိရပါတယ္။
Ref: အာရ္အဖ္ေအ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
1 hour ago
Posts
0 comments:
Post a Comment