2012-09-05
စစ်ကိုင်းတိုင်း၊ ဆားလင်းကြီးမြို့နယ် လက်ပန်းတောင်းတောင် ကြေးနီစီမံကိန်း အနီးမှာ ဒေသခံ ကျေးရွာတွေက လူထု တစ်သောင်း ကျော်လောက် ဒီကနေ့ စုဝေးပြီး ပုဒ်မ (၁၄၄) ထုတ်ပြန်ချက်၊ တရုတ် ၀မ်ပေါင် ကုမ္ပဏီနဲ့ မြန်မာ စစ်တပ်ပိုင် ဦးပိုင်ကုမ္ပဏီတွေ အပေါ် မကျေနပ်မှုကို ကိုယ်စားပြု ဖန်တီးထားတဲ့ အခေါင်းတု (၃) ခုကို မီးရှို့သဂြိုဟ်ပွဲလုပ်ပြီး ဆန္ဒပြခဲ့ကြပါတယ်။
ဒီဆန္ဒပြပွဲကို အာဏာပိုင်တွေဘက်က လက်နက်ကိုင် လုံခြုံရေးရဲတွေ ရာနဲ့ချီ ချထားခဲ့ပြီး နှစ်ဖက် ရုတ်ရုတ်သဲသဲ ဖြစ်ပွားခဲ့ပါတယ်။ နှစ်ဖက် ရုတ်ရုတ်သဲသဲ ဖြစ်ပွားခဲ့ကြပေမယ့် အခေါင်းတု မီးရှို့သဂြိုဟ်ပွဲကတော့ အောင်မြင်စွာ ဆောင်ရွက်နိုင်ခဲ့ကြတယ်လို့ တောင်သူတွေက ပြောပါတယ်။
”ရဲတွေက ကျွန်မတို့ လူထုကို ဝိုင်းထားတယ်။ ပုသိမ် မုံရွာလမ်းရှေ့ကို ကျွန်မတို့ မဖြတ်ရအောင် လမ်းပိတ်ဆို့ထားတယ်။ ပုသိမ် လမ်းဆုံမှာ တရုတ်ကုမ္ပဏီအခေါင်း တစ်ခုရယ်၊ ဦးပိုင် ကုမ္ပဏီအခေါင်း တစ်ခုရယ် အလောင်းသုံးလောင်းကို လူထုတွေက မီးသ ဂြိုဟ်တယ်။ ကျွန်မတို့ နယ်မြေမှာလေ၊ ဒါမတရား သိမ်းပိုက်တာလေ။ သိမ်းပိုက် မခံနိုင်တာကိုး။ လူထုတွေက လူအင်အားပြကြ တယ်။ လူအင်အား တစ်သောင်းလောက်ရှိတယ်။ ဒီလူထုတွေ မသွားမလာရအောင် ရှေ့ကနေပြီးတော့ လမ်းပိတ်ဆို့ ထားကြတယ်။ ရဲတွေဘာတွေဆို နှစ်ရာကျော်လောက်ရှိမယ်။ ကုမ္ပဏီ လူကြီးတွေရော”
လက်ပန်းတောင်းတောင် ကြေးနီစီမံကိန်းအနီးက ဒီကနေ့ ဆန္ဒပြပွဲမှာ မန္တလေး ဗကသ ကျောင်းသားတွေလည်း ပါဝင်ခဲ့ကြပြီး ဆန္ဒပြ လူအုပ်ကြီးဟာ မုံရွာ-ပုသိမ် လမ်းမကြီးကနေ တစ်မိုင်လောက်ခရီးကို လမ်းလျှောက်ခဲ့ကြပါတယ်။
အဲဒီနောက် ဘုရားတစ်ဆူမှာ ၀င်ရောက် ဆုတောင်းခဲ့ကြသလို လက်ပန်းတောင်းတောင် ကြေးနီ စီမံကိန်း ရပ်တန့်ရေးအတွက် နိုင်ငံတော် အကြီးအကဲတွေကို စာရေးသား တင်ပြဖို့ လက်မှတ်တွေ စုပေါင်း ရေးထိုးခဲ့ကြတယ်လို့ သိရပါတယ်။
စစ်တပ်ပိုင် ဦးပိုင်ကုမ္ပဏီနဲ့ တရုတ် ၀မ်ပေါင် ကုမ္ပဏီတို့ဟာ လက်ပန်းတောင်းတောင် ကြေးနီစီမံကိန်းကို ဖက်စပ် လုပ်ကိုင်နိုင်ဖို့ အတွက် စီမံကိန်းတ၀ိုက် ကျေးရွာ ၂၆ ရွာက လယ်မြေဧက (၇၈၀၀) ကျော် အဓမ္မ သိမ်းယူထားတာကို မကျေနပ်တဲ့အတွက် လယ်သိမ်းခံ တောင်သူတွေက သြဂုတ်လ နောက်ဆုံးပတ်ကစလို့ နေ့စဉ်ရက်ဆက် ဆိုသလို ဆန္ဒပြပွဲတွေ ဆင်နွှဲနေကြတာ ဖြစ် ပါတယ်။
Ref: အာရ်အဖ်အေ
ဒီပဲယင်းနဲ့ ရေဦးမြို့နယ်ထဲက စစ်ဘေးဒုက္ခသည် တစ်သောင်းခန့်ဟာ ဆောင်းရာသီ
ဝင်ရောက်လာတာကြောင့် အအေးဒဏ် ခံစားနေရပြီး အနွေးထည်နဲ့ စောင်တွေ အရေးပေါ်
အကူအညီ လိုအပျန...
46 minutes ago
Posts
0 comments:
Post a Comment