ရတနာဦး
စက်တင်ဘာလ ၀၃ ရက် ၂၀၁၂ ခုနှစ်
သက်တမ်း ၄၀ ခန့်ရှိပြီဖြစ်သော ရန်ကုန်မြို့ ရန်ကင်း ဘောက်ထော်ဈေးသည် ဈေးဆိုင်ခန်း များ ဟောင်းနွမ်းနေခြင်း၊ ဈေး
အတွင်း လမ်းများ ကောင်းမွန်မှုမရှိတော့ခြင်းကြောင့် အဆင့်မြင့် ဈေးအဖြစ် ပြန်လည် ဆောက်လုပ်ပေးရန် ရန်ကုန်မြို့တော် စည်ပင်သာယာ ရေး ကော်မတီသို့ သြဂုတ်လအတွင်း တင်ပြတောင်းဆိုထား သည်ဟု ဘောက်ထော်ဈေး ဈေးသာယာရေး အဖွဲ့ဥက္ကဋ္ဌ ဦးကျော်အေးက ပြောသည်။
"ဈေးဆိုင်ခန်းတွေရဲ့ အခြေအနေက ပတ်ဝန်းကျင်အခြေအနေနဲ့ လုံးဝသင့်တော်မှုမရှိတာကြောင့် ဈေးအသစ် ပြန်ဆောက်ပေးဖို့ စည်ပင်ကိုတင်ပြခဲ့ရတာပါ" ဟု ရန်ကင်းဘောက်ထော်ဈေးအတွင်း ကုန်ခြောက်ဆိုင် ဖွင့်လှစ် ထားသည့် ဒေါ်ကြည် ပြောသည်။
ဈေးသူ ဈေးသားများ၏ တင်ပြတောင်းဆိုမှုများရှိသော်လည်း တိုင်းဒေသကြီး အစိုးရ၏ ခွင့်ပြုချက် ရရှိမှသာ ဆောက်လုပ်ရေး လုပ်ငန်းများ လုပ်ကိုင်နိုင်မည်ဖြစ်သည်ဟု ရန်ကုန်မြို့ စည်ပင်သာယာရေးကော်မတီဈေးများဌာနမှ ဒုတိယဌာနမှူး ဦးမောင်မောင် အေးက ဆိုသည်။
"ခွင့်ပြုချက်ရရင် ဆောက်လုပ်ဖို့စီစဉ်မှာပါ။ ဆောက်လုပ်ခွင့်ရပြီဆိုရင်လည်း ဈေးဆောက်လုပ် နေစဉ်ကာလအတွင်း ယာယီဈေး ဖွင့်လှစ်နိုင်အောင် ဈေးအနီးတစ်ဝိုက်မှာ နေရာချပေးမှာပါ။ အဲဒါတွေ အကုန်လုံး စီစဉ်ပြီးပြီဆိုမှ ဈေးဆောက်ဖို့ လုပ်ငန်းစတင်မှာ" ဟု ဦးမောင်မောင်အေးက ပြောသည်။
အကျယ်အဝန်း အလျား ၁၅၂ ပေ၊ အနံ ၁၂၇ ပေရှိသည့် ရန်ကင်း ဘောက်ထော်ဈေး မြေဧရိယာအတွင်း ၅x၆ ပေ အကျယ် အဝန်းရှိ ဆိုင်ခန်းပေါင်း ၇၈ ခန်းရှိသည်။
Ref: မဇ္ဈိမ
7 hours ago
Posts
0 comments:
Post a Comment