ရှုမဝအောင်(မြစ်မခ)
4 Sep, 2012
ဆင်ဆာမဲ့အခွေရောင်းသူများအနေဖြင့် တရားဝင်ဆန္ဒထုတ်ဖော်ထုတ်ခွင့်ရရန် ဗဟန်းမြို့နယ် ရဲစခန်းသို့ လျှောက်ထားခဲ့သော်လည်း ပယ်ချခံခဲ့ရကြောင်း အခွေရောင်းသူများအသိုင်းအဝိုင်းက သိရသည်။
ဆင်ဆာမဲ့လမ်းဘေးအခွေရောင်းချသူများအား ဇူလိုင်လ(၁၉) ရက်နေ့မှ စတင်ဖမ်းဆီးခဲ့ခြင်း ဖြစ်သည့်အတွက် ယခုအချိန်တွင် အခွေရောင်းသူများအနေဖြင့် စားဝတ်နေရေးအခက်အခဲကြောင့် ယခုကဲ့သို့ တရားဝင်ဆန္ဒထုတ်ဖော် ခွင့်အတွက် လျောက်ထား ခြင်းဖြစ်သည်ဟု သိရသည်။
ဆန္ဒဖော်ထုတ်ခွင့်တောင်းဆိုရာတွင် အချက်(၂)ချက်ပါဝင်ပြီး အဆိုပါအချက်များမှာ အင်္ဂလိပ် ကားနှင့် နိုင်ငံခြားဇာတ်လမ်း များ အား ရောင်းချမှုကို ဖြေလျော့ပေးရန်၊ လိုင်စင်မဲ့ခွေနှင့် ဆင်ဆာ မဲ့ရောင်းချ သည်ဟုဆိုကာ ၃၂(က)နှင့်(ခ)အရ ဖမ်းဆီးထား သူများအား ပြစ်ဒဏ်မှ လျော့ပေါ့စဉ်းစား ပေးရန်တို့ ဖြစ်သည်။
ဆင်ဆာမဲ့အခွေ စီမံချက်ဖြင့် ဖမ်းဆီးရာတွင် နိုင်ငံခြားအခွေရောင်း ချသူများကို ပစ်မှတ်ထားဖမ်းဆီးခြင်း မဟုတ်ကြောင်း၊ ပြည်ထဲ ရေးနှင့် စည်ပင်ရဲတပ်ဖွဲ့မှ ဖမ်းဆီးခြင်းဖြစ်ကြောင်း မြန်မာနိုင်ငံ ရုပ်ရှင်အစည်းအရုံး ဥက္ကဋ္ဌ ဦးဇင်ဝိုင်းက ဆိုသည်။
''ကျွန်တော်တို့အနေနဲ့ လူမှုရေးအဖွဲ့အစည်းဖြစ်တဲ့အတွက် ဖဖ်းဆီးခွင့် မရှိပါဘူး၊ အခွေဆိုင်တွေ ဖမ်းလိုက်တဲ့ အတွက် မြန်မာ ဗီဒီယိုအခွေ အရင်က (၇ဝဝ)(၈ဝဝ)လောက်ရောင်းရရင် အခု (၁ဝဝဝ) ကျော် အထိရောင်းအားတက် လာတယ်၊ ရုပ်ရှင် လောကကို ကာကွယ်သွားမှာပါ ''ဟု မြန်မာနိုင်ငံ ရုပ်ရှင်အစည်းအရုံး ဥက္ကဋ္ဌ ဦးဇင်ဝိုင်းက ဖမ်းဆီးခွေကိစ္စနှင့်ပတ်သက်၍ ပြော ကြားခဲ့သည်။
အိုင်တီနည်းပညာ ဖွံ့ဖြိုးတိုးတက်လာသည့်အတွက် ညစ်ညမ်းခွေများမှာ အင်တာနက်များမှတဆင့် ပျံ့နှံနေကြောင်း မိမိတို့ အခွေ ရောင်းသူများအနေနှင့် ညစ်ညမ်းခွေ၊ မြန်မာခိုးကူးခွေများကို ရောင်းချ ခွင့်တောင်းဆိုနေခြင်းမဟုတ်ကြောင်း အခွေရောင်းသူများက ပြောဆိုကြသည်။
"ဆင်းရဲမွဲတေမှုလျော့ချရေးကို အမြဲပြောနေတဲ့အတွက် ကျွန်တော် တို့လို လမ်းဘေးမှာ အခွေရောင်းတဲ့သူတွေဟာ စာမတတ်ပေ မတတ် တွေ များလို့ အလုပ်ကိုင်အခွင့်လမ်း နည်းပါးသည့်အတွက် ပြည်သူ လူထုရဲ့ အကျိုးစီးပွားကို မထိခိုက်ရင် နိုင်ငံခြားကားနဲ့ ကာတွန်းခွေ တွေကိုရောင်းချခွင့်ပြုစေချင်ပါတယ်"ဟုအခွေရောင်းသူကိုလင်းလင်း ပြောသည်။
အခွေရောင်းချသူများအား ၂ဝ၁၂ခုနှစ်၊ ဇူလိုင်လ(၁၉)ရက်နေ့မှ စတင်ကာ စီမံချက်ဖြင့် စတင် ဖမ်းဆီးခဲ့ခြင်းဖြစ်သည်။
'အခွေရောင်းတဲ့သူတွေက တနေ့ကို သိန်းတစ်ရာလည်း မမြတ်ပါဘူး၊ မိသားစုစားဝတ်နေရေးအတွက် တစ်နိုင်တစ်ပိုင် လုပ်ကိုင် နေကြတဲ့ အလုပ်တွေပါ'ဟု အခွေရောင်းသူတစ်ဦးဖြစ်သူ ကိုကိုနိုင်က ပြောသည်။
Ref: မြစ်မခ
2 hours ago
Posts
0 comments:
Post a Comment