2012-09-02
သမ္မတ ဦးသိန်းစိန်ရဲ့ ရခိုင်အရေး ရပ်တည်ချက်အပေါ် ထောက်ခံတဲ့ ဆန္ဒပြပွဲတွေကို မန္တလေးမြို့ မဟာအောင်မြေမြို့နယ်နဲ့ အောင် မြေ သာစံမြို့နယ်တွေမှာ ဒီကနေ့ မနက်ပိုင်းက ကျင်းပခဲ့ပြီး သံဃာတော် (၅) ထောင်ကျော်အပါအ၀င် ပရိသတ် အင်အား စုစု ပေါင်း (၁) သောင်းကျော်လောက် ဆန္ဒပြပွဲမှာ ပါဝင်အားပေး ခဲ့ကြပါတယ်။
ပထမဆန္ဒပြပွဲကို မဟာအောင်မြေမြို့နယ် (၃၅) လမ်းနဲ့ (၈၄) လမ်းထောင့်မှာ စတင်စုဝေးပြီး (၃၅) လမ်းအတိုင်း အရှေ့ဘက် ကို (၈၁) လမ်း အထိချီတက်ခဲ့ကြတာ ဖြစ်ပါတယ်။ ဒုတိယဆန္ဒပြပွဲကိုတော့ အောင်မြေသာစံမြို့နယ် လမ်း(၈၀) နဲ့ (၁၂) လမ်းကျုံးထောင့်ကနေ တောင်ဘက် (၁၉) လမ်းအထိ၊ အဲဒီကနေ အနောက်ဘက် (၈၆) လမ်းအထိ ချီတက်ခဲ့ပြီးတဲ့နောက် မူလစုရပ် ကျုံးထောင့်ကို ပြန်လည် ချီတက်ခဲ့ကြတာ ဖြစ်ပါတယ်။ ဒီဆန္ဒပြပွဲနဲ့ ပတ်သက်လို့ ဦးဆောင်သူ နိုင်ငံရေး အကျဉ်းသား ဟောင်း ဆရာတော် ဦးဝီရသူက RFA ကို အခုလို မိန့်ကြားခဲ့ပါတယ်။
အာဏာပိုင်တွေဘက်က ဆန္ဒပြအင်အား (၁၀၀) ပဲ ခွင့်ပြုထားခဲ့ပေမယ့် ချီတက်ရာလမ်းကြောင်းတွေ တလျှောက် လိုက်ပါအား ပေးတဲ့ ရဟန်းရှင်လူတွေကြောင့် အင်အားသောင်းနဲ့ချီ ရှိခဲ့တာဖြစ်ပြီး၊ နေ့လည်ပိုင်း ဆန္ဒပြပွဲမှာ မနက်ပိုင်းကထက် အားပေးတဲ့ ပရိသတ် ပိုမို များပြားလာခဲ့ပါတယ်။
ဆန္ဒပြပွဲ တလျှောက်မှာ ပရိသတ်တွေက ရေသန့်ဗူးနဲ့ အချိုရေတွေ ပေးကမ်းကြသလို လက်ခုပ်သြဘာသံတွေနဲ့လည်း ထောက်ခံ အားပေးခဲ့ကြပါတယ်။
ဒီကနေ့ ဆန္ဒပြပွဲဟာ ၂၀၀၇ ရွှေဝါရောင် တော်လှန်ရေး နောက်ပိုင်း အင်အားအကြီးမားဆုံး သံဃာထု ဆန္ဒပြပွဲကို ပထမဆုံးအ ကြိမ် ပြန်လည်မြင်တွေ့ရတာ ဖြစ်တယ်လို့ မန္တလေးမြို့ခံတွေက ပြောပါတယ်။ ဆန္ဒပြပွဲကို လုံခြုံရေးရဲအင်အား (၂၀) ကျော် လောက် ချထားခဲ့ပြီး အာဏာပိုင်တွေနဲ့ ဆန္ဒပြသူတွေအကြားမှာ ပဋ္ဋိပက္ခ တစုံတရာ ဖြစ်ပွားမှု မရှိခဲ့ဘူးလို့ သိရပါတယ်။ မနက် ဖြန်မှာတော့ ပြည်ကြီးတံခွန်မြို့နယ်နဲ့ ချမ်းအေးသာစံမြို့နယ်၊ သဘက်ခါမှာတော့ ချမ်းမြသာစည်နဲ့ အမရပူရမြို့နယ်တွေမှာ ဆန္ဒပြပွဲ တွေ ဆက်လက်ပြုလုပ်သွားဖို့ရှိတယ်လို့လည်း သိရပါတယ်။
Ref: အာရ်အဖ်အေ
PDF တွေနဲ့ ပကဖ တွေကို အဆင့်ဆင့် စည်းကမ်းထိန်းသိမ်းအရေးယူမှုတွေ
ဆောင်ရွက်နေပြီး ခြောက်ဦးကို ထုတ်ပြန်ထားတဲ့ လုပ်ထုံးလုပ်နည်းတွေနဲ့အညီ
အရေးယူဆောင်ရွက်ခဲ့တာလို...
10 hours ago
Posts
0 comments:
Post a Comment