2012-09-02
ထိုင်းနိုင်ငံ ပါလီမန်လွှတ်တော်နဲ့ ဒေသန္တရအုပ်ချုပ်ရေးဆိုင်ရာတွေကို သွားရောက်လေ့လာခဲ့တဲ့ မြန်မာနိုင်ငံက ပြည်သူ့လွှတ်တော် ကိုယ်စားလှယ်တွေနဲ့ နိုင်ငံရေးပါတီခေါင်းဆောင်တွေ အပါအ၀င် လူထုအခြေပြုအဖွဲ့အစည်းက အဖွဲ့ဝင် ၂၂ ဦးဟာ ဒီကနေ့ ညနေ ပိုင်းက ချင်းမိုင်မြို့ကနေ ရန်ကုန်မြို့ကို လေယာဉ်နဲ့ ပြန်လည်ထွက်ခွါသွားကြပါတယ်။
ထိုင်းနိုင်ငံမှာ နှစ်ပတ်ကြာ လေ့လာခဲ့ရတဲ့ အတွေ့အကြုံတွေနဲ့ ပတ်သက်လို့ မွန်ဒေသလုံးဆိုင်ရာ ဒီမိုကရေစီပါတီက ချောင်းဆုံမြို့ နယ် မဲဆန္ဒနယ် အမှတ် ၁ က မွန်ပြည်နယ် လွှတ်တော် ကိုယ်စားလှယ် ဒေါက်တာ အောင်နိုင်ဦးက အာအက်ဖ်အေ ကို အခုလို ပြောပါတယ်။
မြန်မာနိုင်ငံမှာတော့ ၂၀၀၈ ဖွဲ့စည်းအုပ်ချုပ်ပုံ အခြေခံအုပ်ချူပ်ပုံ စည်းမျဉ်းအရ ပြည်နယ်နဲ့တိုင်းအဆင့်တွေမှာ အုပ်ချုပ်ပိုင်ခွင့် လုပ်ပိုင်ခွင့်တွေပေးထားပေမယ့် တကယ်တန်း လက်တွေ့မှာ ထိုင်းနိုင်ငံမှာလို လုပ်ပိုင်ခွင့်တွေ မရရှိဘဲ ဖြစ်နေတယ်လို့လည်း ပြောပါတယ်။
"ဗမာပြည်မှာတော့ ပြောရရင်တော့ အခုအချိန်ထိပေါ့နော်။ ဗဟိုက ချူပ်ကိုင်မှု တအားများတယ်။ မြို့နယ်ပဲဖြစ်ဖြစ် ခရိုင်ပဲ ဖြစ်ဖြစ် ပြည်နယ်ပဲ ဖြစ်ဖြစ် လုပ်ပိုင်ခွင့် တခုခု ဆိုရင်တော့ ဗဟိုကို တင်ပြရတာများတယ်လေ။ အဲ့တော့ အခု အခြေခံ ဥပဒေအရလည်း အသစ်ပြန်လည်ဖွဲ့စည်းလိုက်တဲ့ စနစ်အရတော့ ပြည်နယ်မှာ တိုင်းတွေမှာလည်း ပြည်နယ်အစိုးရ တိုင်းအစိုးရ ရှိပေမယ့်လည်း ဗဟိုချုပ်ကိုင်မှုကို ဖြေလျှော့တဲ့ အပိုင်းကတော့ သိပ်ကြီးတော့ ပီပီပြင်ပြင် မဖြစ်သေးဘူးပေါ့နော်၊ "
ဒီလေ့လာရေးခရီးစဉ်ကနေ ရရှိလာတဲ့ အတွေ့အကြုံတွေကို သင်ခန်းစာယူပြီး မြန်မာနိုင်ငံမှာ ကျင့်သုံးနေတဲ့ ၂၀၀၈ ဖွဲ့စည်းအုပ် ချုပ်ပုံ အခြေခံ ဥပဒေနဲ့အညီ ပြည်နယ်တွေမှာ တကယ် လုပ်ပိုင်ခွင့်တွေ ရရှိအောင် လွှတ်တော်ထဲကနေ တဆင့် အဆိုတွေ တင်သွင်းသွားပြီး ဥပဒေ ပြဌာန်းသင့်တာတွေကိုလည်း ပြဌာန်းနိုင်အောင် ဆောင်ရွက်သွားမယ်လို့ ဦးအောင်နိုင်ဦး က ပြောသွား ပါတယ်။
Ref: အာရ်အဖ်အေ
2 hours ago
Posts
0 comments:
Post a Comment