မြန်မာ့ သဘာဝပတ်ဝန်းကျင် စောင့်ရှောက်ရေး အစိုးရသစ် ပျက်ကွက်နေ

2011-07-24

မြန်မာအစိုးရအသစ်ဟာ သဘာဝ ပတ်ဝန်းကျင် ထိန်းသိမ်းစောင့်ရှောက်မှုမှာ အားနည်းနေပြီး သဘာဝ ပတ်ဝန်းကျင်နဲ့ ပြည်သူ တွေရဲ့ ဘ၀အိုးအိမ်တွေကို အကာအကွယ်ပေးမှုလည်း ပျက်ကွက်နေတယ်လို့  မြန်မာနိုင်ငံ သဘာဝ ပတ်ဝန်းကျင်ဆိုင်ရာ အလုပ် အဖွဲ့ BEWG က ပြောပါတယ်။

ဒီကနေ့  မနက် ၁၀ နာရီမှာ ထိုင်းနိုင်ငံ ဘန်ကောက်မြို့  က နိုင်ငံခြား သတင်းထောက်များဌာနမှာ BEWG အဖွဲ့ ဟာ သတင်းစာ ရှင်းလင်းပွဲ ကျင်းပဖို့ ရှိပါတယ်။ အဖွဲ့ ရဲ့ ပြောခွင့်ရ ပုဂ္ဂိုလ် တဦးဖြစ်တဲ့ ပေါလ်စိန်ထွား က - သမ္မတ ဦးသိန်းစိန်က သဘာဝ ပတ်ဝန်းကျင် ထိန်းသိမ်းရေးဆောင်ရွက်မယ်လို့ မိန့်ခွန်းထဲမှာ ပြောဆိုခဲ့ပေမဲ့ အခုထိ လိုအပ်တဲ့ဥပဒေတွေ ထုတ်ပြန်တာမျိုး မတွေ့ရသေးကြောင်း၊ အခုလို ပြင်ပရင်းနှီးမြုပ်နှံမှုတွေ ၀င်ရောက်လာချိန်မှာ သဘာဝပတ်ဝန်းကျင် မပျက်စီးရေး အတွက် အကာအကွယ်တွေ ရှိထားသင့်ပြီ ဖြစ်ကြောင်း၊ ဒီပုံအတိုင်းဆိုရင် မကြာခင် သဘာ၀၀န်းကျင် ဆိုင်ရာ ပြဿနာတွေ နဲ့ ကြုံတွေ့လာရဖွယ်ရှိကြောင်း အာအက်အေ ကို ပြောဆိုခဲ့ပါတယ်။

မြန်မာနိုင်ငံက သဘာဝ သယံဇာတတွေ ဖြစ်တဲ့ သဘာဝဓါတ်ငွေ့ သစ်တော တွင်းထွက် စတာတွေကို ပြည်သူတွေ အကျိုးရှိ အောင် သုံးစွဲနိုင်ဖို့ နဲ့ ရေရှည်တည်ရှိနိုင်အောင် ထိန်းသိမ်းသွားနိုင်မယ့် ဥပဒေ ပြဌာန်းပြီး အကောင်အထည် ဖေါ်နေတာမျိုး မရှိသေးတဲ့ အတွက် အထူး စိုးရိမ်စရာ ဖြစ်နေတယ်လို့  ပေါလ်စိန်ထွားက ပြောပါတယ်။

ဒါ့အပြင် တိုင်းရင်းသားလက်နက်ကိုင် နယ်မြေတွေဟာ သဘာဝ သယံဇာတထွက်ရှိမှု အများဆုံး ဒေသတွေ ဖြစ်တဲ့အတွက် အစိုးရကနေ သယံဇာတတွေကိုသာ ထိန်းချုပ်ထားနိုင်ဖို့  ကြိုးစားနေတာ တွေ့ ရှိရကြောင်း၊ တကယ့် ပြည်တွင်း ငြိမ်းချမ်းရေး ရရှိအောင် အကောင်အထည် ဖေါ်ဖို့ ကြိုးစားမှု လမ်းစ မမြင်ရသေးကြောင်း BEWG ခေါ် မြန်မာနိုင်ငံ သဘာဝ ပတ်ဝန်းကျင် ဆိုင်ရာ အလုပ်အဖွဲ့့က ပြောပါတယ်။

BEWG အဖွဲ့ မှာ ကချင်ဖွံ့ ဖြိုးတိုးတက်ရေးအဖွဲ့ KDNG၊ ရခိုင်ပြည်နယ်က ရွှေ ဂက်စ်အဖွဲ့ စတာတွေ အပြင်၊ လူမှုအဖွဲ့ အစည်း တွေနဲ့ ပူးပေါင်းဖွဲ့ စည်းထားတာ ဖြစ်ပါတယ်။

Ref: အာရ်အဖ်အေ