08 ဒီဇင်ဘာ 2011
လာအိုနိုင်ငံအတွင်း မဲခေါင်မြစ်အောက်ပိုင်းမှာ အငြင်းပွားစရာဖြစ်နေတဲ့ ရေအားလျှပ်စစ်ထုတ်လုပ်ရေး ရေကာတာ ဆောက်လုပ်မှု စီမံချက်ကို ဆောင်ရွက်ဖို့ ဆုံးဖြတ်ချက်ချမယ့်ကိစ္စကို အချိန်ရွှေ့ဆိုင်းဖို့ အာဆီယံ ၄ နိုင်ငံက အစိုးရဝန်ကြီးတွေက မနေ့က ဆုံးဖြတ် လိုက်ပါတယ်။
ဒီရေကာတာ တည်ဆောက်မယ့်ကိစ္စနဲ့ပတ်သက်ပြီး ရေရှည်ခံမယ့် တိုးတက်မှုတွေနဲ့ စီမံခန့်ခွဲမှုတွေအတွက် အချက်အလက်တွေ သိ နိုင်အောင် ဆက်ပြီးလေ့လာဖို့လိုသေးတယ်လို့ ကမ္ဘောဒီးယားနိုင်ငံမှာ လုပ်ခဲ့တဲ့ အစည်းအဝေးအပြီး မဲခေါင်မြစ်ကော်မရှင်က မနေ့ ကပဲ ပြောပါတယ်။
လာအိုနိုင်ငံမှာတည်ဆောက်မယ့် ဆာရာဘူရီ ရေကာတာအတွက် အမေရိကန်ဒေါ်လာ ၃.၅ ဘီလီယံ ကုန်ကျပါလိမ့်မယ်။ လာအို ဟာ ကမ္ဘာ့အဆင်းရဲဆုံး နိုင်ငံတခုဖြစ်ပြီး အဲဒီ ဆာရာ ဘူရီရေကာတာက ထွက်မယ့် ရေအားလျှပ်စစ် ကီလိုဝပ် ၁,၂၆၀ ကို ထိုင်းနိုင်ငံဆီရောင်းချမယ်ဆိုရင် စီးပွားရေးအမြတ်အစွန်း အကြီးအကျယ်ရလိမ့်မယ်လို့မျှော်လင့်ရပါတယ်။
ဗီယက်နမ်နဲ့ကမ္ဘောဒီးယားနိုင်ငံတွေက သဘာဝပတ်ဝန်းကျင် ထိမ်းသိန်း စောင့်ရှောက်ရေး အုပ်စုတွေကတော့ ဒီရေကာတာ စီမံကိန်းကြောင့် မဲခေါင်မြစ်အတွင်းမှာရှိတဲ့ ငါးတွေနေရာရွှေ့ပြောင်းမှုတွေဖြစ်လာမှာကို စိုးရိမ်နေကြပါတယ်။ မဲခေါင်မြစ်ဝှမ်း တလျှောက်မှာ မှီတင်းနေထိုင်ကြတဲ့ လူ သန်းပေါင်း ၆၀ လောက်ရဲ့ ဘ၀တွေကိုလည်း ထိခိုက်နစ်နာမှုတွေ ရှိလာလိမ့်မယ်လို့ ဆိုနေပါတယ်။
လာအို၊ ကမ္ဘောဒီးယား၊ ထိုင်းနဲ့ဗီယက်နမ်နိုင်ငံတွေက အရာရှိတွေကတော့ ဒီရေကာတာ တည်ဆောက်ပြီးရင် ဖြစ်လာမယ့် အကျိုး ဆက်တွေအတွက် ဆက်ပြီးလေ့လာစူးစမ်းဖို့ ဂျပန်နဲ့ တခြားနိုင်ငံတွေကို ချဉ်းကပ်သွားမယ်လို့ ဆိုပါတယ်။ လာအိုနိုင်ငံအနေနဲ့တော့ အခုလို ကမ်းလှမ်းချက်တွေကို ဂရုမစိုက်ဘဲ ရေတာကာစီမံကိန်းကို ဆက်ပြီးလုပ်ဆောင်သွားနိုင်ပါတယ်။
Ref: ဗွီအိုအေ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
2 hours ago
Posts
0 comments:
Post a Comment