08 ဒီဇင်ဘာ 2011
သြစတြေးလျားမှာရှိတဲ့ အမေရိကန်တပ်ဖွဲ့တွေကို ဖြန့်ချဖို့ စီစဉ်ခဲ့တဲ့ မကြာသေးခင်က ကြေညာချက်ဟာ ဒေသတွင်းမှာ တရုတ် ရဲ့သြဇာ ကြီးထွားလာမှုကို ထိန်းချုပ်ဖို့အတွက် ရည်ရွယ်လုပ်ဆောင်တာမဟုတ်ဘူးလို့ အမေရိကန်ကာကွယ်ရေးဌာန အဆင့်မြင့် အရာရှိတဦးက ပြောလိုက်ပါတယ်။ ဒီလုပ်ဆောင်ချက်ဟာ တရုတ်နဲ့ ဘယ်လိုမှ မပတ်သက်ဘူးလို့ အမေရိကန် မူဝါဒရေးရာ လက် ထောက်ကာကွယ်ရေး ၀န်ကြီး မီချဲ ဖလော်နွိုင်း (Michele Flournoy) က တရုတ်တာဝန်ရှိသူတွေကို ပြောဆိုခဲ့တာပါ။
သြစတြေးလျားမှာ အမေရိကန် မရိမ်းတပ်သား ၂၅၀၀ လောက်အထိ ဖြန့်ချဖို့ နိုဝင်ဘာလမှာ အမေရိကန်သမ္မတ ဘားရက်ခ် အိုဘားမား ကြေညာခဲ့ပြီးကတည်းက ထိပ်တန်းအဆင့် ဆွေးနွေးမှု အတွက် မစ္စစ် ဖလော်နွိုင်းဟာ ပီကင်းမှာ တရုတ်အစိုးရ အရာရှိတွေနဲ့ ဗုဒ္ဓဟူးနေ့ က တွေ့ဆုံခဲ့တာပါ။
ဒါပေမဲ့ အမေရိကန်ရဲ့ ဒီဆုံးဖြတ်ချက်ဟာ - ဒေသတွင်းမှာ တရုတ်ရဲ့ စစ်အင်အား ကြီးထွားလာနေတာ အပေါ် ရည်ရွယ်လုပ် ဆောင်တာ ဖြစ်တယ်ဆိုတဲ့ ထင်ကြေးတချို့ ရှိနေပေမဲ့လည်း သမ္မတ အိုဘားမားကတော့ ဒီဆုံးဖြတ်ချက်ဟာ အာရှ-ပစိဖိတ် ဒေသတွင်း လုံခြုံရေးကို ဆက်ပြီး ထိန်းထားနိုင်ဖို့အတွက် အထောက်အကူ ဖြစ်စေလိမ့်မယ်လို့ ပြောဆိုခဲ့တာဖြစ်ပါတယ်။
တရုတ်ဘက်ကတော့ ဒါဟာ မသင့်လျော်တဲ့ ဆုံးဖြတ်ချက်ဖြစ်ပြီး ဒီလို မလုပ်ခင် နိုင်ငံတကာ အသိုင်းအ၀ိုင်းနဲ့ အရင်ဆုံး ဆွေးနွေး သင့်တယ်လို့ ပြောဆိုခဲ့တာဖြစ်ပါတယ်။
Ref: ဗွီအိုအေ
1 hour ago
Posts
0 comments:
Post a Comment