ပါတီဝင်လျှောက်လွှာများကို ကျပ်တစ်ရာနှုန်းဖြင့်ရောင်းချမည်

09 January 2012

ဇန်န၀ါရီလ ၉ ရက်နေ့မှစတင်ပြီး NLD ပါတီဝင် လျှောက်လွှာများကို မြန်မာ တစ်နိုင်ငံလုံးသို့ ဖြန့်ဝေမည်ဖြစ်ကြောင်း ပါတီ၏ ပြောရေး ဆိုခွင့်ရှိသူ ဦးအုန်းကြိုင်က ဆိုပါသည်။ ယင်းပါတီဝင်လျှောက်လွှာတွင်လည်း ကိုယ်ရေးရာဇဝင် အကျဉ်းကဲ့သို့ သော အကြောင်း အရာများသာ ပါဝင်မည်ဖြစ်ပါသည်။ ပါတီဝင်လျှောက်လွှာကိုလည်း ပုံနှိပ်ခအဖြစ် ကျပ်တရာနှင့် ရောင်းချသွားမည်ဖြစ် ပါသည်။


NLD ပါတီဝင်အဟောင်းများသည် အသစ်တည်ထောင်လိုက်သည့် ပါတီတွင် ပါတီဝင်အဖြစ် ပြန်လည်လျှောက်ထားရမည် ဖြစ်ပြီး ပါတီဝင် လျှောက်လွှာများကို ပထမ အသုတ် အနေဖြင့် စောင်ရေ တစ်သန်းနီးပါး ဖြန့်ဝေသွားမည်ဟု သိရပါသည်။

အမျိုးသား ဒီမိုကရေစီ အဖွဲ့ချုပ်ကို ဇန္နာဝါရီ (၅)ရက်နေ့တွင် နိုင်ငံရေး ပါတီအဖြစ် ပါတီမှတ်ပုံတင်ခြင်းကို ပြည်ထောင်စု ရွေး ကောက်ပွဲကော်မရှင်က ခွင့်ပြုလိုက်ပြီး ဤကဲ့သို့ NLD ပါတီ ပြန်လည်မှတ်ပုံတင်ကာ ရွေးကောက်ပွဲဝင်မည့် သမိုင်းဝင် ဆုံးဖြတ် ချက်အား ၂၀၁၁ ခုနှစ် နိုဝင်ဘာ ၁၈ ရက်နေ့တွင် ချမှတ်ခဲ့သည်။

Ref: ရွှေဟင်္သာ