2012-01-07
နိုင်ငံရေးပါတီအဖြစ် မှတ်ပုံတင်ပြီးတဲ့နောက် NLD အမျိုးသားဒီမိုကရေစီ အဖွဲ့ချုပ်ကို အသစ် ဖွဲ့စည်းတဲ့အခါ အရင်ကလို ဗဟိုအလုပ် အမှု ဆောင် အဖွဲ့ဝင်တွေ မထားရှိတော့ဘဲ ပုံသဏ္ဍာန်တမျိုးနဲ့ ဖွဲ့စည်းမယ်လို့ ပါတီခေါင်းဆောင်တဦး ဖြစ်တဲ့ ဦးတင်ဦးက ပြောကြားပါတယ်။
“အပေါ်မှာ ခေါင်းဆောင် တယောက်ရှိပြီး ကျန်တာကို အဖွဲ့ဝင်ပေ့ါ၊ ကောင်စီသဘောမျိုးပေါ့လေ။ လူငယ်တွေ များမယ်၊ အမျိုးသမီးတွေ၊ တိုင်းရင်းသားတွေ ပါမယ်။ တနင်္လာနေ့ အောင်နိုင်ရေးအဖွဲ့မှာ ထပ်ပြီး ပုံဖော်ရမှာပေ့ါ”
ခုလာမယ့် တနင်္လာနေ့မှာ စတင်ထုတ်ပေးမယ့် ပါတီဝင် လျှောက်လွှာတွေကိုလည်း တိုင်းနဲ့ ပြည်နယ်အလိုက် ကြိုတင် ထုတ်ပေးနေ တယ်လုိ့ သိရပါတယ်။ လက်ရှိ ဆောင်ရွက်နေတဲ့ အစီအစဉ်တွေကို ဦးတင်ဦးက အခုလို ပြောပြပါတယ်။
“အဲဒီ လျှောက်လွှာတွေ ပေးပြီးရင် Smart Card ဖြစ်အောင် ကြိုးစားပြီးလုပ်မယ်။ ဒီကြားထဲမှာလည်း ၁၁ ရက်နေ့ နောက်ဆုံးထားပြီး အခု ၄၈ နေရာက ကိုယ်စားလှယ်လောင်းတွေအတွက် ဆွေးနွေးပြီး စိစစ်တင်ပြဖို့ ရှိတယ်”
ကြားဖြတ်ရွေးကောက်ပွဲမှာ ဝင်ရောက်ယှဉ်ပြိုင်မယ့် ကိုယ်စားလှယ်လောင်းတွေကို လျာထား ရွေးချယ်ရာမှာ ဒီမိုကရေစီရေးအပေါ် သစ္စာ စောင့်သိသူတွေ၊ ပညာအရည်အချင်းနဲ့ အလုပ်အကိုင် အတွေ့အကြုံ ရှိသူတွေ၊ တိုင်းရင်းသားတွေ၊ အမျိုးသမီးတွေနဲ့ လူငယ်တွေကို ဦးစားပေးမယ်လို့ NLD က ကြေညာထားပါတယ်။
ဒီအတောအတွင်း ဆရာဦးဝင်းတင် ဦးစီးပြီး D-Wave စာစောင် ထုတ်ဝေဖို့လည်း ပြင်ဆင်နေပြီး ပါတီဝင် မဟုတ်တဲ့ စာရေးဆရာတွေ ကဗျာဆရာတွေလည်း စာမူ ပေးပို့ထားတယ်လို့ သိရပါတယ်။
စာစောင်ကို ဆရာဦးဝင်းတင်က ‘ဒီမိုကရေစီလှိုင်း’ လို့ အဓိပ္ပာယ်ဆောင်တဲ့ “ဒီလှိုင်း” ဆိုပြီး ကနဦးက နာမည်ပေးခဲ့တာပါ။ နောက်ပိုင်းမှာ လူငယ်တွေနဲ့ ညှိနှိုင်းပြီး ‘D-Wave’ အမည်နဲ့ ထုတ်ဝေဖို့ ဆုံးဖြတ်ခဲ့တာလို့လည်း သိရပါတယ်။
Ref: အာရ်အဖ်အေ
2 hours ago
Posts
0 comments:
Post a Comment