2012-07-24
ရန်ကုန်တိုင်း မရမ်းကုန်းမြို့နယ်အတွင်း ဗဟိုလမ်းအနီးက ကျူးကျော် အရောင်းဆိုင်ခန်း ၄၀ ကျော်ကို မီးရထား ၀န်ထမ်းတွေနဲ့ ရဲဝန်ထမ်းတွေ အပါအ၀င် လူအင်အား (၄၀) လောက်က ဒီကနေ့ မနက်က အဓမ္မ လာရောက် ဖျက်ဆီး ဖယ်ရှားခဲ့ကြတယ်လို့ ကာယကံရှင် ဆိုင်ခန်းရှင်တွေက RFA ကို ပြောပါတယ်။
အဲဒီကျူးကျော် ဆိုင်ခန်းတွေဟာ မီးရထားဌာန ၀င်းအတွင်းမှာရှိပြီး နေထိုင်သူ တချို့ဆိုရင် ၁၀ နှစ်ကျော်လောက် ရှိပြီလို့ သိရပါ တယ်။ ရုတ်တရက် ၀င်ရောက်ပြီး အင်အားသုံး ဖျက်ဆီးခဲ့တဲ့အတွက် ပစ္စည်းတွေ သိမ်းဆည်းချိန် မရလိုက်ဘူးလို့ ဆိုင်ရှင်တစ်ဦးက ပြောပါတယ်။
ရပ်ကွက် အုပ်ချုပ်ရေးမှူး ဦးမောင်မောင်ကတော့ အဲဒီ ကျူးကျော်ဆိုင်ခန်းတွေကို ဖျက်သိမ်းဖို့အတွက် ဇူလိုင်လ ၁၀ နေ့က ဆိုင်ခန်း ပိုင်ရှင်တွေကို ခေါ်ယူပြီး သီတင်းတပတ်အတွင်း ပြောင်းရွှေ့ကြဖို့ ကြိုတင် အသိပေးခဲ့တယ်လို့ ပြောပါတယ်။
"အကြောင်းလည်း အကြိမ်ကြိမ် ကြားထားပြီးသား ဖြစ်ပါတယ်။ ၁၀ ရက်နေ့ကတည်းက ဒါအစည်းအဝေး လုပ်ကတည်းက ၁၇ ရက် နေ့ကို ဖျက်ဖို့ လုပ်ထားတာပေါ့နော်။ အခုက ၂၄ ရက်ဆိုတော့ တစ်ပတ်တောင် တိုးထားပေးတာပေါ့။ နောက်တစ်ခုက ဒီဥစ္စာက မီးရထားပိုင်မြေဆိုတော့ သတ်သတ်မှတ်မှတ် ခတ်ထားတာကိုး၊ ခြံဝိုင်းခတ်ထားတာကိုး။ ခြံဝိုင်းခတ်ထားတဲ့ထဲမှာ ယာယီလာပြီးတော့ ဆိုင်ဖွင့်တာတို့ ဘာတို့ပေါ့နော်၊ အဲလို ခဏယာယီနေတာတို့ ဒါပါပဲ။ အဲတာလေးတွေကို ဌာနပိုင်မြေ ဖြစ်တဲ့အတွက်ကြောင့်မို့လို့ ပြန်လည်ပြီးတော့ ဖယ်ရှားတယ်"
အဲဒီ မီးရထားဌာနပိုင်နက် နယ်မြေကို ၂၀၀၈ ခုနှစ်အတွင်း ခြံစည်းရိုးခတ်ခဲ့ပြီး ၀င်းအတွင်း နေထိုင်သူတွေကို ဖယ်ရှားဖို့ ဖိအားပေး တာမျိုး မရှိခဲ့ဘူးလို့ ရန်ကုန်တိုင်း မြန်မာ့မီးရထားဌာန အရာရှိ ဦးသိန်းနိုင်က ပြောပါတယ်။ အခုလို မီးရထားဌာန ပိုင်နက်အတွင်းက ကျူးကျော်တွေကို ဖယ်ရှားရတာဟာ မီးရထားလုပ်ငန်းမှာ အဆင့်မြှင့်တင်ရေး လုပ်ငန်းတွေ ဆောင်ရွက်စရာတွေ ရှိတဲ့အတွက် ဖြစ် တယ်လို့လည်း ဦးသိန်းနိုင်က ပြောပါတယ်။
Ref: အာရ်အဖ်အေ
အသက် ၂၆ နှစ်ကနေ ၄၃ နှစ်အရွယ် အထောက်အထားမဲ့ မြန်မာနိုင်ငံသား အမျိုးသား
ငါးဦးနဲ့ အမျိုးသမီး နှစ်ဦး ကို တွေ့ရှိခဲ့တယ်လို့ ဆိုပါတယ်။
3 hours ago
Posts
0 comments:
Post a Comment