ဝမ်းပျက်ဝမ်းလျောဖြစ်ပါက ဓါတ်ဆားရည်ပိုမိုသောက်သုံးသင့်ဟုပညာရှင်များအကြံပြု

ယမင်း(မြစ်မခ)
16 Jul, 2012

မိုးရာသီတွင် အဖြစ်များသော ၀မ်းပျက်ဝမ်းလျောရောဂါအားပျောက်ကင်းလိုမှုကြောင့် ဆေးမှားယွင်းစွာ သောက်သုံးမိပါက ၀မ်းဗိုက်ဖောင်းတင်းကာ အူပုတ်သည်မှအစ နောက်ဆက်တွဲ ဆိုးကျိုးအနေဖြင့် အသက်ဆုံးရှုံးသည်အထိ ကြုံတွေ့နိုင်ကြောင်း ဆရာဝန်များက ဆိုသည်။

“လူနာတွေက ၀မ်းပျက်ပြီဆိုရင် ပဋိဇီဝဆေးတွေကို အရင်စလို သောက်သုံးကြတယ်။ဆေးခန်းကို ရောက်လာ တဲ့ လူနာတော်တော် များများက အမောက်စလင်ဆေးတောင့်နဲ့မက်ထရိုဆေးပြားတွေကို သောက်ထားကြတာ ကိုတွေ့ရတယ်။ မလိုအပ်ပဲပိုးသတ်ဆေး တွေကို သောက်သုံးမိတဲ့အတွက် နောက်ဆက်တွဲ ဆိုးကျိုးတွေ ဖြစ်လာတယ်” ဟု အလုံမြို့နယ်မှ အထွေထွေရောဂါကု ဆရာဝန် တစ်ဦးက ပြောသည်။

ပဋိဇီဝဆေးတွင် ၀မ်းပိတ်ဆေး (သို့) ၀မ်းရပ်ဆေးဟု လူသိများသော လိုမိုတေး၊ဒိုင်ကလိုတေးဆေးများ သောက်သုံးခြင်းဖြင့် ၀မ်းရောဂါ အား သက်သာစေသော်လည်းအဆိုပါဆေးများသည် အူလှုပ်ရှားမှုအား နှေးကွေးစေကြောင်း၊ အူတွင်းရှိဝမ်းအရည်များ စအိုပြင်ပသို့ မထွက်နိုင်တော့ပဲ အူတွင်း၌ ပိုမိုစုစည်းကာဗိုက်ဖောင်းတင်းလာတက်ခြင်း၊ အူလှုပ်ရှားမှုများ ငြိမ်သွားခဲ့ပါကအူပုတ်ခြင်းများ ဖြစ်ပေါ် တက်ကြောင်း ဆရာဝန်များက ဆိုသည်။

ဝမ်းပျက်ဝမ်းလျောရောဂါသည် မိုးရာသီတွင် အများဆုံးဖြစ်ပွားတက်ကာရင့်မှည့်လွန် သီးနှံများ၊ ရက်လွန် အစားအစာများနှင့် ရေစို ပျော့ရွဲနေတက်သော အသီးနှံများ စားသုံးမိပါက ဖြစ်ပွားတက်ပြီးငရုပ်ဆီနှင့် အချဉ်ရည်များစားသုံးခြင်းကြောင့်လည်း ဖြစ်ပွားတက် ကြောင်းသိရသည်။

“ကျွန်မတို့ကတော့ ၀မ်းသွားပြီဆိုရင် ဆေးဆိုင်က ဆေးပဲဝယ်တိုက် လိုက်တာ။ဝမ်းသွားတာ ရပ်သွားတယ် ဆိုရင် သောက်လိုက်တဲ့ဆေး တောင် သူများဖြစ်ရင်ညွှန်းလိုက်သေး တယ်။ မိုးတွင်းဆိုရင်တော့ ယင်နားစာ တွေ၊ အချဉ်အစပ်မစားမိဖို့တော့ သတိထားပါတယ်။” ဟု လှိုင်သာယာ၊ စက်မူဇုန်မှမခင်လေးမွန်က ပြော သည်။

မိုးရာသီကာလတွင် ၀မ်းပျက်ဝမ်းလျှောရောဂါအား ကာကွယ်ရန်အတွက် လတ်ဆတ်သည့်အသီးအနှံများ ကိုသာ စားသုံးသင့်ကြောင်း၊ စားသုံးမည့် ဟင်းလျာများအားကျက်အောင်ချက်ပြုတ်ပြီးမှ ပူပူနွေးနွေးစားသုံး သင့်ကြောင်း၊ ပျော့ရွှဲပြီးအနံ့အသက် မကောင်းမွန်သော အစားအစာများအား နှမျှောတွန့်တိုမနေပဲ လွှင့်ပစ်သင့်ကြောင်း၊ မိုးရေကို သန့်သန့်ရှင်းရှင်းခံယူထားပြီးကျိုးချက်သောက်သုံး သင့် ကြောင်း၊ ၀မ်းရောဂါဖြစ်ပွား ခဲ့ပါကပဋိဇီဝဆေးများအား လွယ်ကူစွာ မသောက်သုံးသင့်ကြောင်း ဆရာဝန်များမှအကြံပြုပြောဆိုသည်။

“မိုးတွင်းဆိုရင် ၀မ်းရောဂါက အဖြစ်များတယ်။ ဖြစ်ရင်လည်း လွယ်လွယ်ကူကူနဲ့မလိုအပ်တဲ့ဆေးတွေ ၀ယ် မသောက်ပါနဲ့။ ၀မ်းအရမ်း သွားခဲ့ရင်ဝမ်းရပ်ဆေးသောက်သုံးရမှာ မဟုတ်ပါဘူး။ ဓါတ်ဆားရည်သောက်ပေး သင့်တာတယ်။ဓါတ်ဆားရည်က ခန္ဓာကိုယ်ထဲက ခမ်းခြောက်သွားတဲ့ ရေဓါတ်ကို ပြန်လည်ဖြည့်ဆည်းပေး တယ်။ ၀မ်းပျက်ဝမ်းလျောဖြစ်ပြီဆိုရင် လွယ်ကူတဲ့ကုသမှုက တော့ဓါတ်ဆား ထုတ် ဖြစ်ပါတယ်။ အရေးပေါ် ကုသရပြီဆိုရင်လည်း သွေးကြောထဲကိုသွင်းဖို့အတွက် ဓါတ်ဆားရည်ပုလင်းကို သုံးရတာပဲ ” ဟု ဒဂုံမြို့သစ်မြောက်ပိုင်းမှ ဒေါက်တာစန်းသီတာအောင်မှ အကြံပြု ပြောသည်။

ဝမ်းပျက်ဝမ်းလျောရောဂါဖြစ်ပွားခဲ့ပါက ဓါတ်ဆားရေအားသောက်သုံးပေးရန်လိုအပ်ကြောင်း၊ ဓါတ်ဆားရေ သောက်ရာတွင် ၀မ်းသွား သည့်အရည်ပမာဏထက်ပိုမို ဖြည့်တင်းသောက်သုံးသင့်ကြောင်း၊ ၀မ်းသွားခြင်း အတွက်သီးသန့်ဖေါ်စပ် ထုတ်လုပ်ထားသော ဓါတ်ဆားထုတ် အညွှန်းအတိုင်းသောက်သုံးသင့်ကြောင်း ကိုလည်း သိရသည်။

နှစ်စဉ် ၀မ်းပျက်ဝမ်းလျောရောဂါသည် ကမ္ဘာ့လူဦးရေပေါင်း သန်း(၇)ထောင်ကျော်အနက်မှ လူဦးရေ သန်း(၅) ထောင်ကျော် တွင် ဖြစ်ပွားကြောင်းကမ္ဘာ့ကျန်းမာရေးအဖွဲ့ကြီးမှ တွက်ချက်ထားကြောင်းလည်း သိရှိရ သည်။

Ref: မြစ်မခ