2012-07-24
UNFC လို႔ေခၚတဲ့ ညီညြတ္ေသာ တုိင္းရင္းသား လူမ်ဳိးမ်ား ဖယ္ဒရယ္ေကာင္စီက အစည္းေဝးတစ္ခုကို ၿပီးခဲ့တဲ့ရက္ပုိင္းအတြင္း ထုိင္း ျမန္မာနယ္စပ္ တစ္ေနရာမွာ ျပဳလုပ္ခဲ့ၿပီးေနာက္ ျပည္ေထာင္စု အစိုးရ ၿငိမ္းခ်မ္းေရး ကိုယ္စားလွယ္အဖြဲ႔နဲ႔ UNFC တို႔ လြတ္လပ္တဲ့ ၾကားေဒသ တစ္ခုမွာ ေတြ႔ဆုံဖို႔ ေတာင္းဆုိလုိက္ပါတယ္။
ဇြန္လ (၁၆) ကေန (၁၈) ရက္ထိ ႏွစ္ရက္ၾကာ က်င္းပတဲ့ UNFC အစည္းအေဝးကေန အခုလို ေတာင္းဆိုလိုက္တာပါ။ UNFC အေနနဲ႔ တစ္တုိင္းျပည္လုံး အပစ္ရပ္ထားဖို႔ ေတာင္းဆုိခဲ့ေပမယ့္ အစိုးရတပ္ေတြဘက္က စစ္ဆင္ေရးေတြ ဆက္လက္ လုပ္ေဆာင္ ေနတာဟာ မျဖစ္ဘူးလို႔ UNFC အေထြေထြ အတြင္းေရးမႉး ႏုိင္ဟံသာက အာအက္ဖ္ေအ ကုိ ေျပာပါတယ္။
UNFC အဖြဲ႔က ထုတ္ျပန္လိုက္တဲ့ ေၾကညာခ်က္ထဲမွာေတာ့ UNFC နဲ႔ အစိုးရ ၿငိမ္းခ်မ္းေရး ကိုယ္စားလွယ္အဖြဲ႔တို႔ ေတြ႔ဆုံၾကတဲ့အခါ ဘက္လုိက္မႈကင္းတဲ့ ႏုိင္ငံတကာ ေလ့လာေစာင့္ၾကည့္ေရးအဖြဲ႔ ထားရွိဖို႔၊ တုိင္းရင္းသား လက္နက္ကိုင္အဖြဲ႔က ကုိယ္စားလွယ္ေတြ အပါအဝင္ တုိင္းရင္းသား ႏုိင္ငံေရးပါတီ ကုိယ္စားလွယ္ေတြ၊ တုိင္းရင္းသား လူမႈေရး ကိုယ္စားလွယ္ေတြနဲ႔ တုိင္းရင္းသား ပညာရွင္ ေတြပါတဲ့ တုိင္းရင္းသား ညီလာခံတရပ္ ေခၚယူက်င္းပဖုိ႔နဲ႔ အဲဒီေနာက္ ၂၀၁၅ ခုႏွစ္ မတိုင္မီမွာ အစိုးရ ကိုယ္စားလွယ္ အဖြဲ႔ေတြ အပါအဝင္ ဒီမုိကေရစီ အင္အားစု ကိုယ္စားလွယ္ေတြနဲ႔ တုိင္းရင္းသား ကိုယ္စားလွယ္ေတြ ပါဝင္မယ့္ အမ်ဳိးသား ညီလာခံတရပ္ က်င္းပၿပီး တစ္မ်ဳိးသားလုံးဆိုင္ရာ သေဘာတူညီခ်က္ ခ်မွတ္ဖို႔ စတဲ့အခ်က္ေတြကို ေဆြးေႏြး ဆုံးျဖတ္ခဲ့ပါတယ္။
Ref: အာရ္အဖ္ေအ
မြင်းခြံမြို့နယ်နဲ့ အရှေ့ဘက်တစ်မိုင်ကျော်မှာရှိတဲ့ ကျောက်ရံရွာကို
စစ်ကောင်စီတပ်က လက်နက်ကြီးနဲ့ ပစ်ခတ်ခဲ့တာကြောင့် အသက်မပြည့်သေးတဲ့
ကလေးငယ်တစ်ဦး သေဆုံးပြီး ...
6 hours ago
Posts
0 comments:
Post a Comment