2011-07-31
ျမန္မာအစိုးရက ကေလးစစ္သားေတြ အသံုးျပဳေနတယ္ ဆိုတာကို အေမရိကန္ ေအာက္လႊတ္ေတာ္မွာ ဝန္ခံထြက္ဆိုမယ့္ ကိုဟိန္းမင္းေအာင္ ကို အေမရိကန္ႏိုင္ငံ ေမရီလဲန္းနဲ႔ ဗာဂ်ီးနီးယား ျပည္နယ္ေတြမွာ ေနထိုင္တဲ့ ျမန္မာႏိုင္ငံသား မိသားစုေတြက မေန႔ကညေနပိုင္းက ႀကိဳဆိုပဲြတခု က်င္းပခဲ့ၾကပါတယ္။
ကိုဟိန္းမင္းေအာင္ဟာ ျပည္ၿမိဳ႕ဇာတိ ျဖစ္ၿပီး လြန္ခဲ့တဲ့ ၁၉၉၉ ခုႏွစ္ အသက္ ၁၄ ႏွစ္သားအရြယ္မွာ သူငယ္ခ်င္းေတြနဲ႔ ညဘက္ လည္ပတ္ၿပီး အိမ္အျပန္မွာ လူသံုးေယာက္က သူတို႔ကို ေမွာင္ရိပ္ခိုမႈနဲ႔ ဖမ္းဆီးခဲ့တယ္လို႔ ေျပာပါတယ္။ ေနာက္တေန႔မွာ တျခား အသက္မျပည့္ေသးတဲ့ ကေလး ၁၃ ေယာက္နဲ႔အတူ ဒညင္းကုန္း စစ္သားစုေဆာင္းေရးတပ္ကို ေခၚေဆာင္သြားတယ္လို႔ ဆိုပါတယ္။
ကိုဟိန္းမင္းေအာင္ဟာ ၂ဝဝဝ ခုႏွစ္မွာ မြန္ျပည္နယ္ ခလရ (၃၄၃) မွာ တာဝန္က်ၿပီး ထိုင္း-ျမန္မာနယ္စပ္ ကရင္ျပည္နယ္ စစ္ဆင္ေရးကာလမွာ စစ္တပ္ကေန ထြက္ေျပးခဲ့ပါတယ္။ ေနာက္ပိုင္းမွာ ဒုကၡသည္အျဖစ္ ေလွ်ာက္ထားၿပီး နယူးဇီလန္ႏိုင္ငံမွာ အေျခခ် ေရာက္ရိွေနထိုင္ခဲ့ပါတယ္။
ျမန္မာစစ္အစိုးရက ကေလးစစ္သားေတြ အသံုးျပဳေနတာကို သက္ေသျပတဲ့အေနနဲ႔ အေမရိကန္ ေအာက္လႊတ္ေတာ္အမတ္ Eddie Johnson ကမကထျပဳၿပီး ေအာက္လႊတ္ေတာ္ ၾကားနာပဲြတရပ္ကို လာမယ့္ ၾသဂုတ္လ ၃ ရက္ေန႔မွာ က်င္းပတဲ့အခါ ကိုဟိန္းမင္းေအာင္က ထြက္ဆိုသြားမွာ ျဖစ္ပါတယ္။
Ref: အာရ္အဖ္ေအ
အသက် ၂၆ နှစ်ကနေ ၄၃ နှစ်အရွယ် အထောက်အထားမဲ့ မြန်မာနိုင်ငံသား အမျိုးသား
ငါးဦးနဲ့ အမျိုးသမီး နှစ်ဦး ကို တွေ့ရှိခဲ့တယ်လို့ ဆိုပါတယ်။
5 hours ago
Posts
0 comments:
Post a Comment