မင်းမင်းလတ်-မန္တလေး(မြစ်မခ)
13 Aug, 2012
မန္တလေးမြို့ ကိုင်းတန်းဈေးမရွှေ့ရရေးအတွက် ဆန္ဒထုတ်ဖေါ်ခဲ့ကြသော ဈေးသူဈေးသားများ မှ ဦးဆောင်သူဟု ယူဆရသူ(၃)ဦး အား ချမ်းအေးသာစံမြို့နယ်တရားရုံးတွင် ပထမဆုံးအကြိမ် သြဂုတ်လ(၁၃)ရက်နေ့က ရုံးထုတ်စစ်ဆေးခဲ့သည်။
အမှုတွင် တရားလိုအဖြစ် ချမ်းအေးသာစံမြို့နယ်ရဲတပ်ဖွဲ့မှူး ဦးအုန်းခင်မှဆောင်ရွက်ခဲ့ပြီး တရားခံဘက်က တရားရုံးချုပ်ရှေ့နေ ဦးမြင့်သွင်က လိုက်ပါဆောင်ရွက်ခဲ့သည်။
ထိုသို့ရုံးတော်သို့ ဗီစီဒီအခွေအား သက်သေအဖြစ်တင်ပြခဲ့ခြင်းကိုတရားခံဘက်က လိုက်ပါဆောင်ရွက်ခဲ့သူ အထက်တန်းရှေ့နေ ဦးနိုင်နိုင်ထွန်းကအဆိုပါ ဗီစီဒီအခွေသည် သက်သေအဖြစ်တင်ပြနိုင်ခွင့်မရှိကြောင်းကန့်ကွက်ခဲ့သည်။
ထိုကဲ့သို့ ကန့်ကွက်ခဲ့မှုကို တရားသူကြီးမှ ပြန်လည်စီစစ်မည်ဖြစ်ပြီးနောက်တစ်နေ့တွင် လျှောက်လဲချက်ပေးရန် ညွှန်ကြားခဲ့ကာ ရုံးချိန်းကိုအင်္ဂါနေ့သို့ ပြန်လည်ချိန်းဆိုခဲ့သည်။
``မနက်ဖန်ကြရင် ဒါကိုလျှောက်လဲချက်ပေးရမှာပါ ၊ သက်သေခံဥပဒေအရတော့ဒါကတရားမ၀င်ပါဘူး ၊ ရုံးက လက်ခံရင်တော့ ဒါကိုတော့ငြင်းလို့မရဘူး ၊သက်သေခံအမှတ်သားတစ်ခုကို လက်ခံယုံနဲ့တော့ ဒီဟာကို အမှန်ပါလို့တော့အမှုကိုယူဆလို့မရဘူး ´´ ဟု တရားခံများဖက်မှ လိုက်လံအမှုစစ်ဆေးသူ အထက်တန်း ရှေ့နေဦးနိုင်နိုင်ထွန်းက ပြောကြားသည်။
အဆိုပါအမှုအား (၁၆၄၀ /၂၀၁၂ )ဖြင့်လက်ခံထားကာချမ်းအေးသာစံမြို့နယ်တရားရုံးတွင် သြဂုတ်လ(၁၃)ရက်နေ့ နေ့လည် (၁)နာရီတွင် စတင်ကြားနာစစ်ဆေးခဲ့ပြီး စစ်ဆေးချိန် မိနစ်လေးဆယ်ခန့်ကြာမြင့်ခဲ့သည်။
Ref: မြစ်မခ
27 minutes ago
Posts
0 comments:
Post a Comment