2011-03-05
မြန်မာအစိုးရ အနေနဲ့ ကြိုက်သည်ဖြစ်စေ မကြိုက်သည်ဖြစ်စေ မြန်မာ့နိုင်ငံရေးမှာ ဒေါ်အောင်ဆန်းစုကြည်နဲ့ တိကျတဲ့ စကားပြော ဆွေးနွေးမှုတွေ လုပ်ဖို့လိုကြောင်း ထိုင်းနိုင်ငံခြားရေးဝန်ကြီး ခါဆစ်ဖိရုမ်း (Kasit Piromya) က ပြောလိုက်ပါတယ်။
မြန်မာနိုင်ငံရဲ့ အရှေ့ဘက်နဲ့ အနောက်ဘက် တဘက်တချက်စီမှာ ရှိကြတဲ့ အိန္ဒိယနဲ့ ထိုင်း နှစ်နိုင်ငံအကြား မြန်မာနိုင်ငံနဲ့ ပတ်သက်လို့ ပူးပေါင်းဆောင်ရွက်ဖို့ လိုလားကြောင်း ထိုင်းနိုင်ငံခြားရေး ဝန်ကြီးက ပြောပါတယ်။
ထိုင်းနဲ့ အိန္ဒ်ိယအကြား ငွေမဲ ခဝါချမှုနဲ့ မူးယစ်ဆေးဝါး မှောင်ခိုကူးမှုတွေမှာ သတင်း အချက်အလက် ဖလှယ်ရေးနဲ့ တိုးမြင့်ဆက်ဆံရေးကို အထူးသဖြင့် ဆွေးနွေးဖို့ရှိပြီး တဘက်မှာလည်း မြန်မာနိုင်ငံနဲ့ ပတ်သက်လို့ အိန္ဒိယနဲ့ သဘောထား တူညီတယ်လို့ အိန္ဒိယထုတ် The Hindu သတင်းစာနဲ့ မေးမြန်းခန်းမှာ ထိုင်းနိုင်ငံခြားရေး ဝန်ကြီး ခါဆစ် ဖီရွမ်က ဖြေကြားပါတယ်။
အနောက်နိုင်ငံတွေရဲ့ ပိတ်ဆို့ အရေးယူမှုတွေကို ငြင်းဆန်ရင်း တဘက်မှာလည်း ဒေါ်အောင်ဆန်းစုကြည်ကို မြန်မာ့ နိုင်ငံရေးဖြစ်စဉ်မှာ ပါဝင်ခွင့် ပေးရေးနဲ့ နိုင်ငံရေး အကျဉ်းသား လွတ်ပေးရေးကိစ္စတွေမှာ မြန်မာ စစ်အစိုးရကို စည်းရုံး တိုက်တွန်းရေးတွေမှာ သဘောထားတူတယ်လို့ မစ္စတာ ခါဆစ်က ဆိုပါတယ်။
မစ္စတာခါဆစ်ဟာ ထိုင်းဝန်ကြီးချုပ် အဘိဆစ်ရဲ့ အိန္ဒိယခရီးစဉ်အတွက် ကြိုတင်ပြင်ဆင်ဖို့ အိန္ဒိယနိုင်ငံကို ရောက်ရှိနေတာ ဖြစ်ပါတယ်။
Ref;RFA
Posts
0 comments:
Post a Comment