ဖွဲ့စည်းပုံကို လေးစားလိုက်နာမည်ပါမည်ဟု ပြင်ဆင်မှ ဒီချုပ်ကိုယ်စားလှယ်များ လွှတ်တော်တက်မည်ဟု နယက ဦးဝင်းတင် ပြောဆို

19 Apr, 2012
ဝင့်သင်ဇာကျော်

လွှတ်တော်တတိယပုံမှန်အစည်းအဝေးတွင် ဖွဲ့စည်းပုံအခြေခံဥပဒေကို စောင့်ရှောက်ပါမည်အစား လေးစား လိုက်နာပါမည်ဟူသော စကားရပ်ကို ပြင်ဆင်မှသာ အန်အယ်လ်ဒီပါတီ(ဒီချုပ်)ကိုယ်စားလှယ်များ လွှတ်တော် တက်နိုင်မည်ဖြစ်ကြောင်း သိရှိရသည်။

“အခြေခံခုံရုံး ဒါမှမဟုတ် သမ္မတရုံးကနေ ဘယ်လိုစီစဉ်လဲတော့ မသိဘူး အဲ့ဒီအစီအစဉ်ထဲမှာ ပါတဲ့အတိုင်း စောင့်ရှောက်ပါမည်ဆိုတဲ့ စ ကားရပ်အစား လေးစားလိုက်နာပါမည်ဆိုတဲ့ စကားကို ပြင်မှသာလျှင် ကျွန်တော် တို့က လွှတ်တော်ကို တက်နိုင်မယ်” ဟု အန်အယ်လ် ဒီပါတီ နာ.ယ.က ဦးဝင်းတင်က ပြောသည်။

အန်အယ်လ်ဒီပါတီအနေဖြင့် လွှတ်တော်သို့ တက်ရောက်ရန် မဖြစ်နိုင်သေးခြင်းမှာ ပြည်သူ့လွှတ်တော်တွင် ၂၀၀၈ဖွဲ့စည်းပုံအခြေခံ ဥပဒေကို ကာကွယ်စောင့်ရှောက်ပါမည်ဟူသောစကားလုံးကို လေးစားလိုက်နာပါမည် ဆိုသည့် စကားအား ပြောင်းလဲ ကျမ်းကျိန် ခြင်း မရှိသေးခြင်းကြောင့် ဖြစ်သည်။


“လာမယ့် ၂၃ရက်နေ့မှာ ကျင်းပမယ့် လွှတ်တော်အစည်းအဝေးမှာ သွားပြီး တက်ရောက်မယ်ဆိုတဲ့ အနေ အထားရှိတယ်ပေါ့ သို့သော် ဘယ်မှာ ပြသာနာဖြစ်တယ်ဆိုလဲဆိုတော့ လွှတ်တော်ထဲမှာ ကျမ်းသစ္စာကျိန်တဲ့ အခါကျတော့ ကျွန်တော်တို့ ရွေးကောက်ပွဲဥပဒေမှာ ပြင်ဆင်ထားသလို အခြေခံဥပဒေကို လေးစားလိုက်နာ ပါမယ်ဆိုတဲ့ စကားနဲ့ပြင်မထားဘူး အခြေခံဥပဒေကို ကာကွယ်စောင့်ရှောက် ပါမည်ဆိုပြီး ကျမ်းသစ္စာ ကျိန်ဆိုရမယ် အဲ့ဒါကို ကျွန်တော်တို့ လက်မခံနိုင်ဘူး” ဟု ဦးဝင်းတင်က ဆက်ပြောသည်။

ရွေးကောက်ပွဲ ဥပဒေကို ကာကွယ်စောင့်ရှောက်ပါမည်ဟူသော စကားမှ လေးစားလိုက်နာပါမည်ဟူသော စကားကို ပြန်လည်ပြောင်းလဲ ကျမ်းကျိန်ရန်အတွက် အန်အယ်လ်ဒီပါတီမှ ထပ်မံ၍ နိုင်ငံတော်သမ္မတထံသို့ စာတင်ခဲ့သော်လည်း အကြောင်းပြန်ခြင်းမျိုး မရှိခဲ့ကြောင်း သိရှိရသည်။

“သမ္မတဆီကို စာရေးတယ်၊ သမ္မတကြီးက ရွေးကောက်ပွဲများ မှာ ရွေးကောက်ပွဲအောင်မြင်စွာကျင်းပနိုင်ရေး အန်အယ်လ်ဒီပါဝင်နိုင်ရေး အတွက်တူညီတဲ့လူကို ကျမ်းသစ္စာကျိန်တာနဲ့ ပတ်သက်ပြီးတော့လဲ ကူညီပါ အဲ့ဒါက အခြေခံဥပဒေကို ကာကွယ်စောင့်ရှောက်ပါမည် ဆိုတဲ့စကားအစား ရွေးကောက်ပွဲဥပဒေမှာ သုံးခဲ့တဲ့ စကားလုံးအတိုင်းပဲ အခြေခံဥပဒေကို လေးစားလိုက်နာပါမယ်ဆိုတဲ့ စကားနဲ့ ပြင်ဆင်ပေးပါလို့ ပြောခဲ့တယ်။ အခြေခံဥပဒေဆိုင်ရာ ခုံရုံးရှိပါတယ် အဲ့ခုံရုံးမှာ အဓိပ္ပါယ်ဖွင့်လို့ရတယ် အဲ့ဒီစာတင်ထားတဲ့ဟာက အခုထိ အကြောင်းမပြန်သေးဘူး” ဟု အန်အယ်လ်ဒီပါတီ နာ.ယ.က ဦးဝင်းတင်က ပြောသည်။

၂၀၁၂ခုနှစ် ဧပြီလ (၁၉)ရက်နေ့တွင် အန်အယ်လ်ဒီပါတီ ရွေးကောက်ပွဲအောင်နိုင်ရေး အတွင်းရေးမှူး ဦးဥာဏ်ဝင်းသည် အဆိုပါ ကိစ္စရပ်နှင့်ပတ်သက်ပြီး နေပြည်တော်သို့ သွားရောက်နေခြင်းကြောင့် လာမည့် (၂၃)ရက်နေ့တွင် အန်အယ်လ်ဒီပါတီအနေဖြင့် ပြည်သူ့လွှတ်တော် တတိယပုံမှန်အစည်းအဝေးကို တက်ရောက်နိုင်ခြင်းရှိ ၊ မရှိမှာ မသေချာသေးကြောင်း သိရှိရသည်။

“(၂၃)ရက်နေ့မှာ အန်အယ်လ်ဒီပါတီအနေနဲ့ လွှတ်တော်တက်ဖို့ဆိုတာ မသေချာသေးဘူး အဲ့ဒါကြောင့်လဲ ဒီနေ့ ဦးဥာဏ်ဝင်းတို့ နေပြည်တော်သွားတယ်” ဟု အန်အယ်လ်ဒီပါတီ ပြည်သူ့လွှတ်တော် ကိုယ်စားလှယ် လောင်း ဦးမင်းသူကပြောသည်။

အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်သည် နေအိမ်အကျယ်ချုပ်မှ လွတ်မြောက်ပြီးနောက် နိုင်ငံတော် သမ္မတနှင့် ဒေါ်အောင်ဆန်းစုကြည် တွေ့ဆုံခဲ့စဉ်တွင် ၂၀၀၈ဖွဲ့စည်းပုံအခြေခံဥပဒေကို ကာကွယ်စောင့်ရှောက်ပါမည်ဟူသော အသုံး အနှုန်းမှ လေးစားလိုက်နာပါမည်ဟူသော အသုံးအနှုန်းဖြင့် လွှတ်တော်အတွင်းတွင် ကျမ်းကျိန်မည်ဖြစ်ကြောင်း ပြောကြားခဲ့ခြင်းကြောင့် အန်အယ်လ်ဒီပါတီအနေဖြင့် ကြားဖြတ်ရွေးကောက်ပွဲဝင်ရခြင်းဖြစ်သည်။

Ref: မြစ်မခ