September 25, 2012
မောင်အေး
ရခိုင်ပြည်နယ် အစိုးရ အဖွဲ့တွင် ၀န်ကြီးဌာနများရှိ ၀န်ထမ်းများကို လစာပေးရန် ဘတ်ဂျက်ငွေ မရှိ ဖြစ်နေကြောင်း သတင်းရရှိ သည်။
“ရခိုင်အစိုးရက ခုလိုဝန်ထမ်းတွေ လစာအတွက် ဘတ်ဂျက် မရှိ ဖြစ်နေတာကို မနေ့က ပြုလုပ်တဲ့ ရခိုင်ပြည်နယ် လွှတ်တော် မှာ တင်ပြပါတယ်”ဟု စစ်တွေ ပြည်နယ် လွှတ်တော် ကိုယ်စားလှယ် ဦးအောင်မြကျော်က ပြောသည်။
ရခိုင်ပြည်နယ် လွှတ်တော်ကို မနေ့က ပြန်လည် စတင်ခဲ့ရာ ရခိုင်ပြည်နယ် ဘတ်ဂျက် အစီအစဉ်တွင် ရခိုင် အစိုးရက ထိုသို့ တင်ပြသွားခြင်း ဖြစ်သည်။
ရခိုင်ပြည်နယ်ရှိ ၀န်ကြီးဌာ ၁၀ခု ထဲတွင် လုံခြုံရေးနှင့် နယ်စပ်ရေးရာ၊ အခွန် နှင့် ဘဏ္ဍာရေး၊ စိုက်ပျိုးရေးနှင့် မွေးမြူးရေး၊ သစ်တောနှင့် သတ္တု၊ စီမံကိန်းနှင့် စီးပွားရေး၊သယ်ယူပို့ဆောင်ရေး၊ လျှပ်စစ်နှင့် စက်မူ၊ ဖွံ့ဖြိုးရေးနှင့် လူမူရေး ၀န်ကြီးဌာနတို့ ပါဝင်သည်။
ယခု ပြုလုပ်နေသည့် ရခိုင်ပြည်နယ် လွတ်တော်အစည်းအဝေးမှာ ပထမအကြိမ် စတုတ္ထပုံ မှန်အစည်း အဝေးဖြစ်သည်။
အစည်းအဝေးကို နံနက် ၁၀ နာရီတွင် စတင်ကျင်းပခဲ့ပြီး ပြည်နယ်လွတ်တော် ဥက္ကဌမှ မိန်းခွန်း စကားပြောကြားပြီးနောက် ရခိုင် ၀န်ကြီးချုပ် ဦးလှမောင်တင်မှ တနှစ်တာလုပ်ငန်း အစီရင် ခံစာကို ဖတ်ပြခဲ့သည်ဟု ဆိုသည်။
ရခိုင်ပြည်နယ်ရှိ ၀န်ကြီးဌာများတွင် ဘတ်ဂျက် လိုငွေပြခြင်းမှာ ၀န်ကြီးဌာနများ အနေဖြင့် မိမိ ၀န်ကြီးဌာနများ၏ လုပ်ငန်းများ အပေါ် အာရုံ စူးစိုက်မူ နည်းပြီး တချို့ ၀န်ကြီးဌာနများသည် မိမိဝန်ကြီးဌာနတွင် ၀န်ထမ်းမည်မျှ ရှိသည်ကိုပင် မသိရှိကြောင်း အတွင်းက လာသော သတင်းများ အရသိရသည်။
ယမန်နေ့က ကျင်းပသည့် လွတ်တော် အစည်းအဝေးတွင် မေးခွန်းလေးခုကို အဆို တင်သွင်းခဲ့ကာ ပုံမှန်အတိုင်း ပြီးဆုံးခဲ့သော် လည်း ယနေ့တွင် ပြုလုပ်မည့် လွှတ်တော်တွင် အနည်းငယ် ရှုပ်ထွေးမူများ ရှိနိုင်သည့် ကဏ္ဍ များပါဝင်နိုင်ကြောင်း သိရသည်။
Ref: နိရဉ္စရာ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
2 hours ago
Posts
0 comments:
Post a Comment