2012-09-26
ျပင္သစ္ႏိုင္ငံအေျခစိုက္ နယ္စည္းမျခား သတင္းေထာက္မ်ားအဖြဲ႔ RSF က ခ်ီးျမွင့္တဲ့ဆုေငြကို Eleven Media Group က ကခ်င္ျပည္နယ္ရွိ စစ္ေဘးဒုကၡသည္အတြက္ အမ်ိဳးသား ဒီမိုကေရစီအဖြဲ႕ခ်ဳပ္ (NLD) မွတစ္ဆင့္ ဒီကေန႔ လႉဒါန္းလိုက္ပါတယ္။
RSF က Eleven Media ကို ၂၀၁၁ ခုႏွစ္အတြက္ အေကာင္းဆံုး သတင္းမီဒီယာဆုအျဖစ္ ယူရိုေငြ ၂၅၀၀ ျခီးျမွင့္ခ့ဲပါတယ္။
"RSF ကေနျပီးေတာ့ ၂၀၁၁ အတြက္ ကြ်န္ေတာ္တို႔ကို သတင္းစာအတြက္ အေကာင္းဆံုးအျဖစ္ ကြ်န္ေတာ္တို႔ မီဒီယာကိုေရြး ပါတယ္။ အဲဒီဆုေပးပြဲကို သြားတက္ျပီး ဆုယူခဲ့ပါတယ္။ ဒါေပမဲ့ ဆုေငြကို ကြ်န္ေတာ္တို႔ ယူမလာပါဘူး။ အဲဒီတုန္းက ကြ်န္ေတာ္ တို႔ သူတို႔ကို မွာခဲ့ပါတယ္။ ရရိွတဲ့ ဆုေၾကးေငြကို ျမန္မာ့ႏိုင္ငံအေရး တြက္ေသာ္လည္းေကာင္း၊ တစ္ခုခုေပါ့ေနာ္။ ကိစၥရပ္ေတြမွာ ျပန္လည္ လႉပါမယ္လို႔ ကြ်န္ေတာ္တို႔ သူတို႔ကိုေျပာခဲ့ပါတယ္။ အခုသူတို႔ ရန္ကုန္ကို ေရာက္လာတဲ့အခ်ိန္မွာ ဆုေၾကးေငြေတြ ယူလာပါတယ္။ အဲဒီရတဲ့ ဆုေၾကးေငြကို ကခ်င္ျပည္နယ္မွာရိွတဲ့ စစ္ေျပး ဒုကၡေရာက္ေနသူတဲ့ သူေတြအတြက္ ရည္ရြယ္ျပီး ကြ်န္ေတာ္တို႔ အမ်ဳိးသားဒီမိုကေရစီ အဖြဲ႔ခ်ဳပ္ကတဆင့္ လႉလိုက္တာပါ"
လႉဒါန္းေငြေတြကို Eleven Media Group ဦးေဆာင္ညြန္ၾကားေရးမႉး ေဒါက္တာသိန္းျမင့္က ေပးအပ္ျပီး NLD နာယက ဦၤးတင္ဦးက လက္ခံယူခဲ့ပါတယ္။ ျမန္မာက်ပ္ေငြ ၂၆ သိန္း ၅ေသာင္းရွိတဲ့ အဲဒီလွဴဒါန္းေငြေတြကို ကခ်င္ျပည္နယ္တြင္းက စစ္ ေျပးဒုကၡသည္ေတြအတြက္ NLD လူမႈအေထာက္အကူျပဳအဖြဲ႔က ဆက္လက္လႉဒါန္းသြားမယ္လုိ႔ သိရပါတယ္။
Ref:
မန္တလေးတိုင်း၊ မြင်းခြံမြို့နယ်မှာ စစ်ကောင်စီတပ်က ရွာတွေကို ဝင်ရောက်စီးနင်း
စစ်ကြောင်းထိုးနေတဲ့ အချိန်နှစ်ပတ်ကျော်အတွင်း သတ်ဖြတ်ခံရတဲ့ အရပ်သား
ခြောက်ဦးအထိရ...
1 hour ago
Posts
0 comments:
Post a Comment