စုံစမ်းရေး ကော်မရှင်နှင့် ကော်မတီများတွင် ပါဝင်သူများကို လုပ်ပိုင်ခွင့် ပိုပေးဖို့လို ဟု ကော်မတီဝင်များပြော

နေမျိုး
မေလ ၁၁ ရက် ၂၀၁၃ ခုနှစ်

အစိုးရမှ ဖွဲ့စည်းသည့် ကော်မတီများတွင် အရပ်ဘက် ပုဂ္ဂိုလ်များ၊ ပညာရှင်များ ပါဝင်လာမှုအပေါ် ကြိုဆိုကြသော်လည်း လုပ်ပိုင်ခွင့် ပိုမိုပေးသင့်ကြောင်း နိုင်ငံရေး အကျဉ်းသားဟောင်းများ အဖွဲ့ချုပ်မှ ဦးညိုထွန်း က ပြောသည်။

၎င်းက “အရပ်ဘက်က ပညာရှင်တွေပါတာ ကျနော်တို့ ၀မ်းပန်းတသာ ကြိုဆိုတာပေါ့ခင်ဗျာ။ တချို့ဟာတွေ မှာတော့ ပွင့်လင်းမြင်သာမှု ရှိဖို့တော့ လိုတယ်။ ကော်မရှင်မှာ ပါဝင်တဲ့သူတွေကို လုပ်ပိုင်ခွင့်လေးတွေ ပိုပြီးတော့ ပေးရင် ပိုပြီးတော့ ကောင်းမယ်” ဟု မဇ္စျိမ ကို ပြောသည်။

နိုင်ငံရေးအကျဉ်းသားများအား လွှတ်ငြိမ်းချမ်းသာခွင့်ဖြင့် ပြန်လည်လွှတ်ပေးနိုင်ရေးအတွက် စီစစ်ဆောင်ရွက် ရန် လက်ကျန် နိုင်ငံရေးအကျဉ်းသားများ စီစစ်ရေးကော်မတီ ကို အစိုးရမှ တိုးချဲ့ ဖွဲ့စည်းရာတွင် ဦးညိုထွန်းသည်လည်း အဖွဲ့ဝင်တဦးအဖြစ် ပါဝင်လာသည်။

သမ္မတဦးသိန်းစိန် အစိုးရလက်ထက် မြန်မာနိုင်ငံတွင် စုံစမ်းရေးကော်မရှင်များနှင့် စိစစ်ရေးကော်မတီများ အများအပြား ဖွဲ့စည်းခဲ့ရာတွင် အဖွဲ့ဝင် များအဖြစ် အရပ်ဘက်နှင့် အစိုးရ၀န်ထမ်းမဟုတ်သည့် ပညာရှင်များပါ ပါဝင်လာသော်လည်း လုပ်ငန်းဆောင်ရွက်ရာတွင် အခက်အခဲ တချို့ရှိနေကြောင်းလည်း အဖွဲ့ဝင်များက ဆိုသည်။

“၀န်ထမ်းတွေနဲ့ ပူးတွဲပြီး အလုပ်လုပ်တဲ့ အခါကျတော့ သူတို့က ပွင့်လင်းမြင်သာမှု အားနည်းတယ်ပေါ့ဗျာ။ သူတို့က အလုပ်ကို ရာထူးကိုထိခိုက်မှာကို စိုးရိမ်တဲ့ဟာကို တွေ့ရတယ်ပေါ့ဗျာ။ အရင်အစိုးရခေတ်က ကျန်ခဲ့တဲ့ အမွေဆိုးကြီးပဲ။ ၀န်ထမ်းတွေထဲမှာ မပျောက်သေးဘူး။ ဒါကို ပြုပြင်စေချင်ပါတယ်” ဟု ဦးညိုထွန်း က ရှင်းပြသည်။

ယခင် အစိုးရများ လက်ထက်တွင် ပြဿနာရပ်များကိုစုပေါင်း ဖြေရှင်းမှု အားနည်းခဲ့ပြီး အတွေ့အကြုံ ရှိသူများစုပေါင်း ဖြေရှင်းခြင်းဖြင့် ရလဒ်ကောင်းများ ရရှိအောင် ကြိုးပမ်းသင့်ကြောင်း မြန်မာနိုင်ငံ ကုန်သည်များနှင့် စက်မှုလုပ်ငန်းရှင်များ အသင်းချုပ် မှ ဒေါက်တာမောင်မောင်လေး က ပြောသည်။

“ကောင်းတဲ့အဖြေ ရလဒ်ကို ရလို့၊ ရအောင်လို့ ကြိုးစားပြီးတော့ လုပ်သွား ကြတာပါ။ အခက်အခဲကတော့
တွေ့ရစမြဲပါ။ တခါတလေကျတော့လည်း အများရဲ့ interest (အကျိုး) ကို လျှောက်ရတဲ့ လမ်းမှာ ရှဥ့်လည်းစွဲသာ ပျားလည်းစွဲတာ၊ နိုင်ငံတကာစံချိန်ရယ်၊ ဒေသစံချိန်အတိုင်းကို မီအောင်လို့သွားရတဲ့ အပိုင်းလေး တွေ ရှိပါတယ်။ ကျနော်တို့ဟာ နိုင်ငံတကာနဲ့လည်းမတူ၊ ဒေသနဲ့လည်းမတူ တမူ ထူးတာလေး
တွေ ရှိတာလည်းရှိပါတယ်။ ပြန်ပြီးတည့်မတ်အောင် လုပ်ရတာ ဒီနေရာမှာ အခက်အခဲလေးတွေ ရှိပါတယ်။ ဒါဟာစိန်ခေါ်မှုတွေပါ” ဟု လက်ရှိအခြေအနေအပေါ် မှတ်ချက်ပြု ပြောကြားသည်။

ပြဿနာရပ်များဖြေရှင်းရာတွင် ဝေဖန်စရာများ ပေါ်ထွက်လာတတ်သည်ကို လက်ခံကာ ပြုပြင်သင့်သည် များ ကို ပြုပြင်ဆောင်ရွက်ခြင်းဖြင့် နိုင်ငံတကာ စံချိန်မီဖြေရှင်းဆောင်ရွက်မှုမျိုး ဖြစ်လာမည်ဟု ယုံကြည်ကြောင်း ၎င်းက ပြောသည်။

“ပွင့်ပွင့်လင်းလင်းနဲ့ တိုင်ပင်ဆွေးနွေး စုံစမ်းပြီးတော့ လုပ်ကြတာပါပဲ။ လူတိုင်းကို ၀မ်းသာအောင်၊ ကျေနပ်အောင် လုပ်ဖို့တော့ အတော်လေးခဲယဉ်းပါတယ်။ ကောင်းတဲ့ အလားအလာနဲ့၊ ကောင်းတဲ့ လမ်းကြောင်းပေါ်သွားနေတယ်လို့ သတိထားမိပါ တယ်။ ကောင်းတဲ့အဖြေ ရလဒ်လေးတွေ၊ နောက်ပြီး တော့ ဆက်လက်လုပ်ဆောင်ဖို့ လိုအပ်ပါတယ်” ဟု ဆက်ရှင်းပြသည်။

အရပ်ဘက် ပုဂ္ဂိုလ်များ ပါဝင်လာခြင်းအပေါ် အကောင်းမြင်သော်လည်း ကော်မတီများ၏ စုံစမ်းတွေ့ရှိချက် ကို အစိုးရက အရေးယူ ဆောင်ရွက်ရမည် ဟု ရခိုင်အမျိုးသားတိုးတက်ရေးပါတီ ကျောက်ဖြူ လွှတ်တော် အမတ် ဦးဘရှင် က ပြောသည်။

“နိုင်ငံရေးအကျဉ်းသား ပြန်လည်စိစစ်ရေးကော်မရှင်မှာလို နိုင်ငံရေး အကျဉ်းသားဟောင်းပါလာတာ ကောင်းတာပေါ့၊ နိုင်ငံရေးအကျဉ်းသားဆိုတာက ကိုယ့်အတွက် အလုပ်လုပ်တာမှ မဟုတ်ဘဲ၊ ယုံကြည်ချက် အတွက် အလုပ်လုပ်တာကို၊ အဲလိုလူတွေ ပါလာတော့ ကောင်းတာပေါ၊့ လယ်ယာမြေ ကော်မရှင်မှာ ကျနော်ပါတယ်။ လယ်သမားဆိုတဲ့သဘာဝ၊ လယ်သမားတွေရဲ့ လယ်ယာ မြေကို သိမ်းယူတဲ့ လုပ်ငန်းရှင် ရဲ့ သဘာဝ၊ နိုင်ငံတော် အစိုးရက ချမှတ်တဲ့ စီမံကိန်းတွေရဲ့ သဘာဝ၊ မြေယာတွေကို အာဏာနဲ့ရ ထား တယ်ဆိုရင် အဲဒီအာဏာဟာ တရားနည်းလမ်းကျရဲ့လား” ဟု ၎င်း က ထောက်ပြသည်။

အစီရင်ခံစာ တွေ့ရှိချက်များကို အစိုးရက ထိန်ချန်ဖော်ပြခြင်းမရှိသော်လည်း အကောင်အထည်ဖော်ဆောင်ရွက်မည့် ကဏ္ဍအား စောင့်ကြည့်လျှက်ရှိကြောင်း လက်ပံတောင်းတောင် ကြေးနီစီမံကိန်းနှင့် ပတ်သက်သည့် အစီရင်ခံစာနှင့်ပတ်သက်၍ စုံစမ်းရေးကော်မရှင် အဖွဲ့ဝင် လွှတ်တော်ကိုယ်စားလှယ် ဒေါ်ခင်စန်းလှိုင်က ပြောဆိုရာတွင် “ကျမတို့ တွေ့ရှိချက်တွေ အားလုံးတော့ အစီရင်ခံစာထဲမှာ ပါလာ ပါတယ်။ ထိမ်ချန်ထားတာတို့၊ အစီရင်ခံစာထဲ ထည့်မပေးတာတို့ မရှိပါဘူး။ ကော်မရှင်ရဲ့ အစီရင်ခံစာကို အကောင် အထည်ဖော်မယ့် ကော်မတီရဲ့ အပေါ်မှာပဲပေါ့နော်၊ အစီရင်ခံစာ မှာပါတဲ့ အချက်တွေကို ဘယ်လောက်အထိ ဆောင်ရွက်ပေးမလဲ၊ ဘယ်လောက်အထိ ယုံကြည်လက်ခံပြီး ဘယ်လောက်အထိ လိုက်လျောမလဲ ဆိုတာကို ကျမတို့ကလည်း စောင့်ကြည့်နေတဲ့ အနေအထားပါ” ဟု မဇ္စျိမ ကို ပြော ဆိုသွားသည်။

Ref: မဇ္ဈိမ