မြတ်ကျော်သူ
သြဂုတ်လ ၀၂ ရက် ၂၀၁၂ ခုနှစ်
ပြည်သူ့လွှတ်တော် အစည်းအဝေးတွင် ပြည်သူ့လွှတ်တော် ဥက္ကဋ္ဌ ဦးရွှေမန်းက မလိုလား အပ်သည့် အမည်နာမများနှင့် ပါတီ အမည်များကို သုံးစွဲခြင်းမပြုရန် သတိပေး ပြောကြားလိုက်ခြင်းသည် ၈၈ မျိုးဆက်ကျောင်းသား ခေါင်းဆောင်များကို ရည်ညွှန်း သည်ဟု အမတ်များက မဇ္ဈိမကို ပြောသည်။
ဗုဒ္ဓဟူးနေ့က ပြည်သူ့လွှတ်တော်တွင် ဥက္ကဋ္ဌ ဦးရွှေမန်းက ပြောကြားချက်ကို ကြာသပတေးနေ့ထုတ် ကြေးမုံသတင်းစာ က အကျဉ်းချုပ်ဖော်ပြထားရာတွင် "ပြည်သူ့လွှတ်တော်၌ ဆွေးနွေးတင်ပြရာတွင် ပြည်သူ့လွှတ်တော်ဆိုင်ရာ ဥပဒေ၊ နည်းဥပဒေ များနှင့်အညီ ဆောင်ရွက်ကြရမည်ဖြစ်ရာ အချို့ကိုယ်စားလှယ်များအနေဖြင့် လိုက်နာမှုမရှိဘဲ ပြောဆို ဆွေးနွေးမှုများရှိသဖြင့် ဥပဒေချိုးဖောက်ရာရောက်သကဲ့သို့ ဖြစ်နေပါကြောင်း၊ သို့ဖြစ်၍ သိလျက်နှင့်ဖြစ်စေ၊ မသိ၍ ဖြစ်စေ မလိုလားအပ်သည့် အမည် နာမများ၊ ပါတီအမည်များ သုံးစွဲခြင်းကို မပြုလုပ်ကြရန်နှင့် ပြောဆိုသူများအား လွှတ်တော်ကတဆင့် သတိပေးကြောင်း ပြော ကြားသည်။” ဟူ၍ ပါရှိသည်။
ယင်းနောက် ပြည်သူ့လွှတ်တော်အမတ် ဦးသိန်းညွန့်က ဦးခိုင်မောင်ရည်၏ ဆွေးနွေးမှုကို ထောက်ခံဆွေးနွေးရာတွင် လည်း ၈၈ အပါအဝင်၊ အခြားလူမှုရေး အဖွဲ့အစည်းအချို့၏ အမည်များကို ထည့်သွင်း ဆွေးနွေးခဲ့သည်ဟုလည်း ဦးသိန်းညွန့်က မဇ္ဈိမကို ပြောသည်။
“ပထမ ဦးခိုင်မောင်ရည်က သုံးတယ်၊ နောက် ကျနော်က အဲဒီဆွေးနွေးချက်ကို ထောက်ခံတယ်၊ ပြီးတော့ ရန်ကုန်မှာဆို ရန်ကုန် နာရေးကူညီမှုအသင်းလိုမျိုးရှိတယ်၊ မန္တလေးမှာဆို ဦးကျော်သူတို့ရဲ့ ဗြဟ္မစိုအသင်းလိုမျိုး ရှိတယ်လေ၊ ဆိုတော့ ကျနော်က ၈၈ မျိုးဆက်ကျောင်းသားတွေဟာ ဒီလို လူမှုရေးကိစ္စတွေ ဖြေရှင်းတဲ့နေရာမှာ ပါဝင်သင့်တယ်လို့ ဆွေးနွေး တယ်။” ဟု ဦးသိန်း ညွန့်က ပြောသည်။
သို့သော်လည်း ယခုကဲ့သို့ ဦးရွှေမန်း၏ ပြောကြားချက်အပေါ် ၈၈ မျိုးဆက်ကျောင်းသားခေါင်းဆောင်များကတော့ ပူပန်မှု မရှိ ကြောင်း ပြောသည်။
"ဒီလိုပြောတဲ့အတွက် ကျနော်တို့ဘက်က ဘာမှစိတ်ပူပန်စရာမရှိပါဘူး၊ နောက်ပြီးတော့ ဦးရွှေမန်းက အစည်းအဝေး လမ်းကြောင်း တည့်ပေးတဲ့ လူဆိုတော့ သူ့အနေနဲ့ လက်မခံတဲ့ သဘောနဲ့လည်း မဟုတ်လောက်ပါဘူး။" ဟု ၈၈ မျိုးဆက် ကျောင်းသား ခေါင်း ဆောင်တဦးဖြစ်သူ ၈၈ ကျောင်းသား ကိုဂျင်မီက မဇ္ဈိမကိုပြောသည်။
၈၈ မျိုးဆက် ကျောင်းသားခေါင်းဆောင်များအနေဖြင့် "၈၈ ဒီမိုကရေစီ အရေးတော်ပုံ ၂၄ နှစ်မြောက် အခမ်းအနား" အမည်ဖြင့် ယခုလ ၈ ရက်နေ့တွင် ရန်ကုန်မြို့ တော်ဝင်နှင်းဆီစားသောက်ဆိုင်တွင် ကျင်းပရန် ပြင်ဆင်လျက် ရှိနေ သည်။
၈၈ မျိုးဆက် ကျောင်းသားများသည် နှစ် ၅ဝ ပြည့် အောက်မေ့ဖွယ် အခမ်းအနား '7 July' ကို ဇူလိုင် ၇ နေ့က တောင် ဥက္က လာပ မြို့နယ် ဝေဇယန္တာလမ်းရှိ ၈၈ မျိုးဆက် ကျောင်းသားခေါင်းဆောင်များ ရုံးခန်းတွင် ပြုလုပ်ခဲ့သေး သည်။ ထိုပွဲကျင်း ပရန် စီစဉ်သဖြင့် ဗကသ ခေါင်းဆောင် ဒီငြိမ်းလင်း၊ စည်သူမောင်၊ မဖြိုးဖြိုးအောင်နှင့် ရဲမြင့်ဟိန်းတို့ အပါအဝင် ရှမ်းပြည်နယ်နှင့် မန္တတလေးတိုင်းတို့မှ ဗကသ အဖွဲ့ဝင် ၁၂ ဦးခန့် ခေတ္တထိန်းသိမ်းခံခဲ့ကြရသည်။
Ref: မဇ္ဈိမ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
1 hour ago
Posts
0 comments:
Post a Comment