ပြည်သူများ သတင်းရင်းမြစ် များများရရေး ဒု-ဝန်ကြီးပြော

ရဲမင်း
မေလ ၀၃ ရက် ၂၀၁၂ ခုနှစ်

ပြည်သူလူထုအနေဖြင့် သတင်းအရင်းအမြစ် များများရရှိရန် အရေးကြီးကြောင်း မြန်မာနိုင်ငံ တွင် ပထမဆုံး ကျင်းပသည့် ကမ္ဘာ့စာနယ်ဇင်း လွတ်လပ်ခွင့်နေ့ အခမ်းအနားတွင် ပြန်ကြားရေး ဒု-ဝန်ကြီး ဦးစိုးဝင်း က ပြောဆိုသွားသည်။

“စာနယ်ဇင်း လွတ်လပ်ခွင့် ရှိဘို့လိုသလို ပြည်သူ တဦးချင်းအနေနဲ့ သတင်းအချက်အလက်များကို မတူကွဲပြားတဲ့ သတင်းရင်းမြစ်များကနေ သတင်းများ ရရှိ နိုင်ခွင့်ဟာလည်း အရေးကြီးတဲ့ အခြေခံ လူ့အခွင့်အရေး ဖြစ်တယ်ဆိုတာ ကျနော်တို့အားလုံး အသိအမှတ်ပြုဘို့ လိုအပ်ပါတယ်” ဟု ဦးစိုးဝင်း က ပြောဆို ခဲ့ပြီး စာကြည့်တိုက်များကို Community Center များအဖြစ် အသုံးချနိုင်ရန်နှင့် စာကြည့်တိုက်များမှတဆင့် ကျောင်းပြင်ပ ပညာရေးများ သင်ကြား နိုင်ရန် ရည်ရွယ် လုပ်ဆောင်နေသည်ဟုလည်း ပြောဆိုသွားသည်။

မေလ ၃ ရက်နေ့ နံနက်ပိုင်းက ပြန်ကြားရေးဝန်ကြီးဌာနနှင့် UNESCO အဖွဲ့ကြီးတို့က ပူးပေါင်းကာ ရန်ကုန်မြို့ The Strand ဟိုတယ်တွင်ပြုလုပ်သည့် အခမ်း အနား ကျင်းပရခြင်းနှင့် ပတ်သက်၍လည်း “နှစ်စဉ်နှစ်တိုင်း ကမ္ဘာ့စာနယ်ဇင်း လွတ်လပ်ခွင့်နေ့ ကျင်းပရခြင်းဟာ ကျနော်တို့အားလုံး စာနယ်ဇင်း လွတ်လပ်ခွင့်ရဲ့ အရေးပါမှုနဲ့ စာနယ်ဇင်းသမားများ ကို ကာကွယ်စောင့်ရှောက်ရန် လိုအပ်ချက်ကို အမှတ်ရစေဖို့ပဲ ဖြစ်ပါတယ်” ဟု ပြန်ကြားရေး ဒု-ဝန်ကြီး က အဖွင့်မိန့်ခွန်းတွင် ထည့်သွင်း ပြောဆိုသွားသည်။

မီဒီယာဥပဒေ ဒုတိယမူကြမ်းကိုလည်း ဧပြီလ ၂၃ ရက်နေ့က ပြည်ထောင်စု ရှေ့နေချုပ်ရုံးသို့ တင်ပြထားပြီး ဖြစ်ကြောင်းလည်း ဒု-ဝန်ကြီးက ပြောသည်။

“ပြည်ထောင်စုရှေ့နေချုပ်ရုံးရဲ့ အကြံပြုချက်များ ရရှိပါက ထပ်မံပြင်ဆင်ပြီး လုပ်ထုံး လုပ်နည်းများနဲ့အညီ ဆက်လက် ဆောင်ရွက်ကာ အနီးဆုံး ပြည်ထောင် စုလွှတ်တော် အစည်းအဝေးကို တင်ပြ အတည်ပြုချက် ရယူသွားမှာ ဖြစ်ပါတယ်” ဟု ဦးစိုးဝင်း က အသိပေး ပြောဆိုသွားသည်။

အခမ်းအနားတွင် မြန်မာနိုင်ငံစာရေးဆရာအသင်း ဖြစ်မြောက်ရေး ကော်မတီ ဥက္ကဋ္ဌ ဦးတင်လှိုင် (လယ်တွင်းသားစောချစ်) ကလည်း စာပေလွတ်လပ်ခွင့်တွင် ၇၅ ရာခိုင်နှုန်းခန့် လွတ်လပ်စွာ ထုတ်ဝေခွင့် ရရှိနေပြီဟု သူက ခန့်မှန်းထားသည်။

“မိမိတို့ရဲ့ စတုတ္ထမဏ္ဍိုင်ဆိုတဲ့ သြဇာကြီးမားမှုကို လွဲမှားစွာ အသုံးချခြင်း ကင်းအောင် ကြိုးစားကြရမှာ ဖြစ်တယ်” ဟု ဦးတင်လှိုင် က သတိပေး ပြောကြား သွားခဲ့သည်။

မြန်မာနိုင်ငံတွင် ပုံနှိပ်မီဒီယာများတွင် ဂျာနယ်နှင့် မဂ္ဂဇင်းပေါင်း ၁၇၈ စောင်ကို စာပေစိစစ်ရေးအား တင်ပြရန်မလိုဘဲ ထုတ်ဝေခွင့်ရရှိထားပြီး ဂျာနယ်နှင့် မဂ္ဂဇင်းပေါင်း ၁၈ဝ ကျော်ကို စာပေစိစစ်ရေးဌာနက စိစစ်ပြီးမှ ထုတ်ဝေခွင့် ပြုထားသည်။

၁၉၄၇ ခုနှစ် ပြည်ထောင်စု မြန်မာနိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေတွင် လွတ်လပ်စွာ တွေးခေါ်ပိုင်ခွင့်၊ လွတ်လပ်စွာ ရေးသားထုတ်ဖော်ခွင့်များကို ကာကွယ်အာမခံပေးခဲ့သည်။ ၁၉၅ဝ ခုနှစ် အရပ်သား အစိုးရ လက်ထက် တွင် မြန်မာနိုင်ငံသည် အာရှတိုက် တခုလုံး၌ အလွတ်လပ်ဆုံး မီဒီယာလုပ်ငန်း ရှိခဲ့ပြီးနောက် မြန်မာ၊ တရုတ်၊ အင်္ဂလိပ်နှင့် အိန္ဒိယ ဘာစကားများအပါအဝင် သတင်းစာပေါင်း ၃ဝ ကျော်ရှိခဲ့ကြောင်း ပြည်သူ့ခေတ် အတိုင်ပင်ခံ အယ်ဒီတာ ဆရာမောင်ဝံသ က ပြောသည်။

၂ဝဝ၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၃၅၄ တွင် “ပြဋ္ဌာန်းထားသည့် ဥပဒေများကို မဆန့်ကျင်လျှင်” နိုင်ငံသားတိုင်း လွတ်လပ်စွာ ပြောဆိုရေးသား ခွင့်ရှိ သည်ဟု ပါရှိသည်။

အသံလွှင့်မီဒီယာ နည်းဥပဒေ ဆွေးနွေးပွဲတခုကို ပြန်ကြားရေးဝန်ကြီးဌာနနှင့် International Media Support တို့ ပူးတွဲ၍ နေပြည်တော်တွင် ဧပြီလ ၂၃ ရက်နေ့က ကျင်းပခဲ့ပြီး ပုံနှိပ်မီဒီယာ နည်းဥပဒေ ဆွေးနွေးပွဲကို ရန်ကုန်မြို့တွင် ဧပြီလ ၂၄ ရက်နေ့က ကျင်းပခဲ့သည်။

Ref: မဇ္ဈိမ