ယမင်း(မြစ်မခ)
30 Jun, 2012
ပြည်ပပို့ကုန်အဖြစ် ငါးဝမ်းဗိုက်ထဲသို့ ရေခဲချောင်းများထိုးထည့်၍ တင်ပို့ခြင်းသည် ငါးဈေးကွက်အား ထိခိုက်စေကြောင်း ငါးလုပ်ငန်း ရှင်များက သုံးသပ်ပြောဆိုကြသည်။
ပြည်ပသို့တင်ပို့ရောင်းချလျက်ရှိသော မြန်မာပို့ကုန်ငါးများအား ငါးဝမ်းဗိုက်ထဲသို့ ရေခဲချောင်းများ ထိုးထည့်၍ တင်ပို့ခြင်းသည် အသား က ရေနှင့်တိုက်ရိုက်ထိကာ အသားထဲ ရေရောက်သွား၍ ပွစိစိဖြစ်သွားနိုင်ကြောင်းနှင့် ထိုသို့ဆက်လက်တင်ပို့နေပါက မြန်မာပြည် ငါးဈေးကွက်မှာ ပျက်စီးသွာမည်ဖြစ်ကြောင်းကိုလည်း သိရသည်။
ငါး တစ်တန်(၁၀၀%)လျှင် ရေခဲ(၂၀%) ခန့်ပါ၍ အသားသည် (၈၀%) ရှိနေခြင်းကြောင့် ဖြစ်ကြောင်းကိုလည်း သိရှိရသည်။
မြန်မာနိုင်ငံတွင် ငါးလုပ်ငန်းဦးစီးဌာနအနေဖြင့် ငါးအတွင်းသို့ ရေခဲချောင်းထည့်၍ တင်ပို့ခြင်းကိစ္စအား လက်မခံ ပါကြောင်း၊ စစ်ဆေး တွေ့ရှိပါကလည်း အရေးယူဆောင်ရွက်သွားမည်ဖြစ်သည်ဟု ငါးအရည် အသွေး စစ်ဆေးရေးဌာနမှ ပြောသည်။
“အာဆီယံနိုင်ငံတွေမလာခင် မြန်မာပြည်ငါးဈေးကွက်ကို မပျက်ချင်ပါဘူး။ ဒါပေမယ့် ၀ယ်သူက ရေခဲ ထည့်ပေးပါလို့ တောင်းဆိုရင် ကျွန်တော်တို့က ထည့်ပေးရမှာပါပဲ။ ကြိုက်ရင်ရောင်း၊ မကြိုက်ရင် မရောင်းနဲ့ ကိုယ့်ကိစ္စပါပဲ။ ဒီလိုငါးထဲမှာ ရေခဲထည့်လိုက်လို့ ငါး အရသာပျက်သွားမှာတို့၊ စားသုံးသူ အန္တရာယ်ရာယ်ရှိမှာတို့တော့ မဖြစ်လာနိုင်ပါဘူး။” ဟု မြန်မာနိုင်ငံငါးလုပ်ငန်းဦးစီးဌာန အရည် အသွေး စစ်ဆေးရေးဌာနမှ လက်ထောက်ညွှန်ကြားရေးမှုး ဦးတင့်ငွေက ပြောသည်။
ထို့ပြင် မြန်မာနိုင်ငံငါးလုပ်ငန်းဦးစီးဌာနမှ မွေးမြူရေးနှင့်ရေလုပ်ငန်းဝန်ကြီးဌာန၏ လမ်းညွှန်မှုဖြင့် နိုင်ငံတကာ ကုန်သွယ်မှုလုပ်ငန်းများ တွင် ၀င်ရောက်ကြည့်ရှုနိုင်ရန်အတွက် (Trade Policy Review ) ၀က်ဆိုဒ်အား သြဂုတ်လ(၁၈)ရက်နေ့တွင် အပြီးသတ်ရေး ဆွဲမည် ဟု ဦးတင့်ငွေက ဆိုသည်။
ပြည်ပတင်ပို့သူ၊ မွေးမြူသူ၊ ငါးဖမ်းဆီးသူများနှင့် ပတ်သတ်သော ယှဉ်ပြိုင်မှုဥပဒေ( Competition Law)ကိုလည်း မူကြမ်းရေး ဆွဲသွား မည်ဖြစ်ကြောင်းကိုလည်း သိရှိရသည်။
Ref: မြစ်မခ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
42 minutes ago
Posts
0 comments:
Post a Comment