31 July 2011
အငတ္ေဘးႏွင့္ ကပ္ဆိုက္ေနၾကၿပီျဖစ္သည့္ ကင္ညာ ရြာသားမ်ားမွာ လက္နက္မ်ား ကိုင္စြဲၿပီး အီသီယိုးပီးယားႏွင့္ ဆူဒန္ လူမ်ဳိးစုမ်ားႏွင့္ တိုက္ပြဲ ၀င္ေနရျပန္ပါသည္။ လူမ်ဳိးစု ျပႆနာမ်ား၊ ကြၽဲႏြားခိုးမႈႏွင့္ နယ္စပ္ အရႈပ္အေထြးမ်ားမွာ ကင္ညာေျမာက္ပိုင္းတြင္ ႏွစ္ေပါင္းမ်ားစြာ အျမစ္တြယ္ေနခဲ့သည္။
သို႔ရာတြင္ မႀကံဳစဖူး မိုးေခါင္ေရးရွားမႈဒဏ္ႏွင့္ အငတ္ေဘးဒဏ္တို႔မွာ လူမ်ဳိးႏြယ္စုမ်ားအၾကားတြင္ ျပႆနာကို ပိုိမို ႀကီးထြားေစျခင္းပင္။
အိုးအိမ္ပစၥည္းမ်ား၊ ကြၽဲႏြားေမြးျမဴေရးမ်ားႏွင့္ သီးႏွံကြင္းျပင္မ်ားအေပၚ ပိုင္ဆုိင္မႈဆုိင္ရာ အျငင္းပြားမႈမ်ား တုိးပြားလာေနသည္။ နယ္စပ္မ်ဥ္းေပၚရွိ လူမ်ဳိးစုမ်ား အခ်င္းခ်င္း ေသြးကြဲၾက၊ တုိက္ခိုက္ေနၾကေတာ့သည္။
သာမန္ အရပ္သားမ်ား၊ ရြာသူရြာသားမ်ားမွာလည္း ရိုင္ဖယ္ေသနတ္မ်ား ရယူကာ လက္နက္ကိုင္စြဲ ၾကရေတာ့သည္။ မိသားစုႏွင့္ အိုးအိမ္ကို မိမိဖာသာ ကာကြယ္ရေတာ့မည့္ အေျခအေနဆိုးကို ရင္ဆုိင္ၾကရျခင္းျဖစ္ပါသည္။
အစိုးရက အကာအကြယ္ မေပးႏုိင္သျဖင့္ ကေလးမ်ား၊ ေက်ာင္းသူေက်ာင္းသားမ်ားကိုလည္း ေက်ာင္းဆရာမ်ားက လက္နက္ကိုင္ သင္တန္းေပးၾကရသည္။ အၾကမ္းဖက္တိုက္ခိုက္မႈကို ခုခံကာကြယ္တတ္ရန္၊ တိမ္းေရွာင္တတ္ရန္ တရြာလံုးရွိ လူႀကီး၊ ကေလးမက်န္ အားလံုးကို သင္တန္းေပးထားရသည္။
Ref: ေမာကၡ
ရခိုင်ပြည်နယ်မှာ တရားမျှတမှု၊ တန်းတူညီမျှမှု၊ ငြိမ်းချမ်းစွာ
အတူယှဉ်တွဲနေထိုင်မှုနဲ့ အားလုံးပါဝင်တဲ့ စီမံအုပ်ချုပ်ရေးအတွက် AA ကို
ရိုဟင်ဂျာအဖွဲ့ တွေက တောင်...
1 hour ago
Posts
0 comments:
Post a Comment