နန်းသီရိလွင်
January 23, 2013
မန္တလေး – မြစ်ကြီးနား ရထားခရီးစဉ်များအား ဇန်န၀ါရီလ ၂၅ ရက်နေ့မှ စတင်ပြီး အချိန်ပြောင်းလဲ ပြေးဆွဲမည် ဖြစ်ကြောင်း သတင်း ရရှိသည်။
မန္တလေးမှ မြစ်ကြီးနားသို့ အဆန် ခရီးစဉ်များတွင် ၄၃ အဆန်ကို မနက် ၅ နာရီ ၅ မိနစ်၊ ၄၁ အဆန် ရထားကို မွန်းတည့် ၁၂ နာရီ၊ ၅၇ အဆန်ရထားကို ည ၈ နာရီ၊ ၃၃ အဆန်ကို ညနေ ၅ နာရီ ၅၅ မိနစ်၊ ၃၇ အဆန်ကို ညနေ ၄ နာရီ ၃၀၊ ၅၅ အဆန်ကို ညနေ ၇ နာရီ ၁၅ သို့ အသီးသီးပြောင်းလဲ ပြေးဆွဲမည် ဖြစ်ကာ မြစ်ကြီးနားမှ မန္တလေးသို့ အစုန် ခရီးစဉ်များကို မနက်ပိုင်းသို့ ပြောင်းလဲ ပြေးဆွဲမည်ဖြစ်ကြောင်း သိရသည်။
မန္တလေး – မြစ်ကြီးနား ရထား လမ်းပိုင်းတွင် မြစ်ကြီးနားမှ မန္တလေးသို့ အဆန်ရထား ၆ စီး၊ မြစ်ကြီးနားမှ မန္တလေးသို့ အစုန် ရထား ၅ စီးနှင့် မြစ်ကြီးနား – နဘား လော်ကယ်ရထားတို့ နေ့စဉ်ပြေးဆွဲနေကြောင်း သိရသည်။
မြစ်ကြီးနားမှ မန္တလေးအစုန် ရထားခရီးစဉ်များအနက် ၃၈ အစုန်နှင့် ၃၄ အိပ်စင်ရထားများကို အချိန်မပြောင်းလဲဘဲ ယခင် အချိန်များ အတိုင်း ပုံမှန်ထွက်မည် ဖြစ်ကြောင်း သိရသည်။
“အတတ်နိုင်ဆုံး ပြေလည်အောင် ကြိုးစားနေပါတယ်။ ရထားလမ်း တလျှောက်က တံတားတိုင်း လိုလိုမှာ မြန်မာ့ တပ်မတော် က တာဝန်ယူ ထားပါတယ်။ မသွားမဖြစ်၊ မလာမဖြစ်တဲ့ သူတွေကတော့ သွားရ လာရမှာပဲ။ စိုးရိမ် ကြောင့်ကြမှုတော့ ရှိကြမှာပဲ။ ဒါပေမယ့် ကျနော်တို့ ဘက်က လုံခြုံမှုရှိအောင်တော့ အတတ်နိုင်ဆုံး ဆောင်ရွက်ပေးသွားမယ်” ဟု ကချင်ပြည်နယ် အစိုးရလမ်းတံတား ၀န်ကြီး ဦးကမန်းဒူ နော်က ဧရာဝတီကို ပြောသည်။
ကချင်ပြည်နယ် တခုလုံးသည် မန္တလေး – မြစ်ကြီးနား ရထားလမ်းကိုသာ အားထား သွားလာနေရသည့် အတွက် ယခုနှစ် ပွင့်လင်းရာသီမှ စတင်ပြီး မန္တလေး – မြစ်ကြီးနား ကားလမ်းကို ပြင်ဆင် အဆင့်မြှင့်တင်နေကြောင်း ၎င်းက ဆက်ပြောသည်။
မန္တလေး – မြစ်ကြီးနား ရထားလမ်းသည် မြန်မာနိုင်ငံ မြောက်ပိုင်းနှင့် အလယ်ပိုင်းကို အဓိက ဆက်သွယ်ပေးနေသည့် လမ်းကြောင်း တခုဖြစ်ပြီး ၂၀၁၁ ခုနှစ် ဇွန်လဆန်းပိုင်းက စတင်ဖြစ်ပွားခဲ့သည့် ကချင်လွတ်မြောက်ရေး တပ်မတော်နှင့် မြန်မာ့ တပ်မတော်တို့၏ ပဋိပက္ခများတွင် အကြိမ်ကြိမ် မိုင်းခွဲ ဖျက်စီးခံခဲ့ရသည်။ တိုက်ပွဲများ စတင်ဖြစ်ပွားချိန်မှ စတင်ပြီး လက်ရှိအချိန်ထိ မန္တလေး – မြစ်ကြီးနား ရထားလမ်းပိုင်းအား ကချင်လွတ်မြောက်ရေး တပ်မတော်မှ မိုင်းခွဲတိုက်ခိုက်မှု ၅၆ ကြိမ်အထိ ပြုလုပ်ခဲ့ကြောင်း ပြည်ထောင်စု မြန်မာ နိုင်ငံတော် သတင်းထုတ်ပြန်ရေးအဖွဲ့၏ သတင်းထုတ်ပြန်ချက် ၃/ ၂၀၁၃ တွင် ဖော်ပြထားသည်။
Ref: ဧရာဝတီ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
1 hour ago
Posts
0 comments:
Post a Comment