အစိုးရတပ်က ပစ္စည်းလု၊ သတ်ဖြတ်မှုများရှိနေသည်ဟု ကျေးရွာသားများပြော

ဖနိဒါ
ဇန်နဝါရီလ ၂၄ ရက် ၂၀၁၃ ခုနှစ်

မြန်မာအစိုးရ စစ်တပ်များက ဖားကန့်မြို့နယ် လုံးခင်းကျေးရွာအုပ်စု ဆန်ခါကျေးရွာရှိ ဒေသခံ ကျေးရွာသားများ၏ နေအိမ်အား ဖျက်ဆီး၍ ရွှေ၊ ငွေများအား ယူကာ ဒေသခံတချို့ သတ်ဖြတ်ခံရမှုများ ရှိနေသည်ဟု အဆိုပါ ဒေသခံ များက ပြောသည်။

ဇန်န၀ါရီလ ၂၃ရက်နေ့ နံနက်ပိုင်းတွင် ဆန်ခါကျေးရွာတွင် ဗိုလ်မှူး စိုင်းခမ်းလိတ်ဝင်း ဦးစီးသော ခလရ ၄၃၇ တပ်ဖွဲ့ မှအင်အား ၄၀ ခန့်သည် အဆိုပါ ကျေးရွာရှိ ဒေသခံများကို စခန်းကုန်းသို့ ဖမ်းဆီးထားပြီး ကျေးရွာထဲရှိ သော့ခတ်ထားသော “သော်ဇင်” ခွေ အငှား ဆိုင်ကို ဖွင့်၍ ၃၀၀ ကျပ်သား တန်ဖိုးရှိ ရွှေပစ္စည်းများနှင့် ငွေများ အပြင် အခြား နေအိမ်များမှ ငွေများကိုလည်း လုယူခဲ့သည်ဟု ဆန်ခါ ကျေးရွာသား တဦးက ပြောသည်။

“သူခိုး ဓါးမြလို လုပ်နေကြတယ်။ မနေ့ မနက်ပိုင်းက ရွာသားတွေ အားလုံးကို သူတို့ ဂိတ်မှာ ဖမ်းထားပြီးတော့ သူတို့က တအိမ်ပြီး တအိမ် သော့ခတ်ထားတဲ့ အိမ်တွေလည်း ဖျက်ပြီးဖွင့်ပြီး သူတို့လိုချင်တာတွေ ယူသွားတယ်။ အုပ်ချုပ်ရေးမှူး အိမ်တောင် မကျန်ဘူး၊ တခြား အိမ်မှာလည်း ကျောက်စိမ်း လက်ကောက်တွေ တခြားပစ္စည်းတွေ အများကြီး ယူသွားကြတယ်”ဟု ၎င်းရွာသားက မဇ္စျိမကို ပြောသည်။

ရွာသား ဦးအန်းနော်အောင် ဆိုသူ၏ နေအိမ်တွင် ခေါင်းအုံး အောက်၌ သိမ်းထားသည့် ကျပ်ငွေ ၈ သိန်းနှင့် နန်းအိ ဆိုသူထံမှ ဖုန်းကဒ်၊ ငွေနှင့် အခြားပစ္စည်းများ၊ကို လုယူသွားသည်ဟု ၎င်းက ဆက်ပြောသည်။ မနက်ပိုင်းက ဖမ်းဆီးထားသော ထိုရွာသားများကို ညနေ ၄ နာရီတွင် ပြန်လည် လွှတ်ပေးခဲ့သည်ဟု ထိုဒေသခံက ပြောသည်။

ယခုလ ၁၈ ရက်နေ့ကလည်း ၄င်းတပ်ဖွဲ့များက ခရီးသွားဒေသခံ အမျိုးသမီး တဦး အပါအဝင် လူခုနှစ်ဦးတို့ကို မည်သည့်အကြောင်း အရင်းကြောင့် ဖမ်းဆီးသည်ဟု မသိရသော်လည်း ယင်းတို့အား စခန်းကုန်းသို့ ခေါ်ဆောင်၍ ပစ်သတ်ခဲ့သည်ဟု ထိုဒေသခံများထံမှ သိရသည်။

“အဲဒီလူ ခုနှစ်ဦးကို လူသတ်သမားတွေလို အနီရောင်ပိတ်စနဲ့ မျက်စိပိတ်ပြီး ရွာလယ်ခေါင်ကနေ ခေါ်ပြီး စခန်းကုန်းပေါ်မှာ ဗုံးနဲ့ပစ် သတ်လိုက်တယ်။ ခုထိ သူတို့ စီးလာတဲ့ကားက ခုထိ ဘုန်းကြီးကျောင်းနားမှာ ရပ်ထားတယ်။ ရွာသား တွေက တော်တော် ကြောက် နေကြတယ်။ မနေ့က ပစ္စည်းပြန်လာယူသွားတယ်”ဟု အခြားဆန်ခါ ဒေသခံ တဦးကပြောသည်။

အလားတူ ယခုလ ၁၇ ရက်နေ့တွင် ဒေသခံ အယောက် ၃၀ ကျော်ကို ဖမ်းဆီးထားရာမှ ကျေးရွာ ဥက္ကဌနှင့် ရွာလူကြီးများ အာမခံဖြင့် ပြန်လည် လွတ်ပေးခဲ့သော်လည်း ၎င်းခုနှစ်ဦးမှာ ယနေ့ထိ ပြန်လည် လွတ်မြောက်လာခြင်း မရှိဘဲ သတ်ဖြတ်ခြင်း ခံလိုက်ရသည်ဟု ဒေသခံများက ပြောဆိုသည်။

ထိုဆန်ခါကျေးရွာတွင် အိမ်ခြေ ၂၀၀ ကျော်ရှိပြီး အစိုးရနှင့် KIA အကြား တိုက်ပွဲကြောင့် လုံးခင်းကျေးရွာအုပ်စုရှိ ခရစ်ယန်ဘုရား ကျောင်းများသို့ ထွက်ပြေး ခိုလှုံနေခဲ့ကြသည်မှာ ရက်သတ္တပတ်ကြာမြင့်လာပြီ ဖြစ်ကြောင်း ဒေသခံ များက ပြောသည်။

အစိုးရ သတင်းစာများတွင် ဖားကန့်မြို့နယ်အတွင်း KIA စစ်သားများ နေအိမ်များတွင် လုယက် မီးရှို့ဖျက်ဆီးနေမှုများ ရှိသည်ဟု သတင်းထုတ်ပြန်နေခြင်းမှာ KIA စစ်သားများ မဟုတ်ဘဲ အစိုးရ စစ်တပ်ဘက်မှ လုပ်ဆောင်ခြင်းသာ ဖြစ်သည်ဟု အမျိုးသား ဒီမိုကရေစီအင်အားစု NDF ပါတီမှ ဒေါ်ဘောက်ဂျာက ပြောသည်။

“ဖားကန့်မြို့မှာ KIA တွေက ရှောင်ပေးထားတယ်။ အစိုးရ စစ်တပ်တွေက နေရာယူထားတယ်။ သော့ခတ်ထားတဲ့ အိမ်တွေကို ဖောက်ပြီး ပစ္စည်းတွေ ယူတယ်။ ရွှေတွေ ယူတယ်။ ဖားကန့် တမြို့လုံး လိုလို လုပ်နေတယ်။ တချို့အိမ် ဆိုရင် မီးရှို့ခဲ့တယ်။ ကုမ္ပဏီ တချို့မှာဆိုရင် လည်း ကျောက်စိမ်းတွေ သူတို့ လိုချင်တာတွေ ယူပြီး မီးရှို့ထားတာတွေ ရှိတယ်။ အဲဒါက စစ်တပ်က လုပ်တာပါ။ အဲဒါက KIA က ရှို့ပါ တယ်ဆိုပြီး သတင်းစာတွေမှာ ပါတာ တွေ့ရလို့” ဟု သူက မဇ္ဈိမကို ပြောသည်။

၎င်းဆန်ခါကျေးရွာအတွင်း KIA ၏ တပ်မဟာ ၂ လက်အောက်ခံ တပ်ရင်း ၆ ၏ တပ်ခွဲ ၃ အခြေစိုက် လှုပ်ရှားခဲ့သော်လည်း ယခု ဇန်နဝါရီလ ၁၇ ရက်နေ့က အစိုးရဘက်မှ အင်အား အလုံးအရင်းနှင့် ထိုးစစ်ဆင် တိုက်ခိုက်လာခြင်းကြောင့် KIA တပ်ဖွဲ့ များ ရှောင်တိမ်းလိုက်ရသည်ဟု တပ်ရင်းမှူး ဒု-ဗိုလ်မှူးကြီး ဇော်ဒွဲက ပြောသည်။

ထို့ပြင် ယမန်နေ့က အစိုးရ စစ်ကြောင်း သုံးကြောင်းဖြင့် ဂွေခါကျေးရွာအနီး KIA တပ်ခွဲ ၉ အခြေစိုက်ရာ ကုန်းပေါ် သို့ ထိုးစစ် ဆင်လာ သဖြင့် နှစ်ဖက် ထိပ်တိုက် ပြင်းပြင်းထန်ထန် တိုက်ပွဲ ဖြစ်ပွားခဲ့ကာ ဒေသခံ လူ သုံးဦးသေဆုံးပြီး သုံးဦး ဒဏ်ရာရရှိခဲ့သည်ဟု KIA တပ်ရင်း ၆ တပ်ရင်းမှူး ဒု-ဗိုလ်မှူးကြီး ဇော်ဒွဲက ပြောသည်။

“မနေ့ကတော့ ဂွေခါဘက် ၆နာရီခွဲကနေ ည ၄ နာရီထိ ထိပ်တိုက် သူတို့က စစ်ကြောင်း ၃ ခုတက်လာတယ်။ ဆိုင်းတောင် ရွာဟောင်းလမ်း၊ ဂွေခါလမ်းဘက်ကနေ လာတယ်။ ဒီတခြားလမ်းကြောင်းတိုကနေ ကျနော်တို့ နေတဲ့ ကုန်းကို တက်လာလို့ တိုက်ပွဲ တော်တော်ပြင်းထန် တယ်”ဟု သူက မဇ္စျိမကို ပြောသည်။

ယနေ့ ကြာသာပတေးနေ့ နံနက်ပိုင်းတွင် ဖားကန့်မြို့နယ်အတွင်း အစိုးရဘက်မှ လက်နက်ကြီးဖြင့် ပစ်ခတ်မှုသာရှိပြီး ထိပ်တိုက် တိုက်ပွဲ ဖြစ်ပွားမှုမရှိသေးကြောင်း သူက ဆက်ပြောသည်။

Ref: မဇ္ဈိမ