ငြိမ်းချမ်းရေးဖော်ဆောင်ရေး လုပ်ငန်းကော်မတီထံ ကေအိုင်အိုမှ ပြန်စာပို့

ဖနိဒါ
ဇန်နဝါရီလ ၂၁ ရက် ၂၀၁၃ ခုနှစ်

ငြိမ်းချမ်းရေး တွေ့ဆုံဆွေးနွေးရန် ညီညွတ်သော တိုင်းရင်းသားများ ဖက်ဒရယ်ကောင်စီ UNFC ၏ ဆုံးဖြတ်ချက်နှင့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီတို့ ဆွေးနွေးရန် သင့်လျော်မည် ဟု KIO က ယမန်နေ့က ပြန်လည် တုံ့ပြန် လိုက်သည်။

ငြိမ်းချမ်းရေး ပြန်လည် တွေ့ဆုံညှိနှိုင်းရန်အတွက် ဝန်ကြီး ဦးအောင်မင်း ဦးဆောင်သော ပြည်ထောင်စု ငြိမ်းချမ်းရေး ဖော် ဆောင် ရေးလုပ်ငန်းကော်မတီက ယခုလ ၁၉ ရက်နေ့က ကမ်းလှမ်းသည့် စာအပေါ် KIO ဘက်မှ ယမန်နေ့က ထပ်မံ တုံ့ပြန် ပြောဆိုလိုက်ခြင်း ဖြစ်သည်။

“အစိုးရဘက်က စစ်ရေးနဲ့ အပေါ်စီးကနေ ယူထားပြီးမှ ထိုးစစ်ဆင်လာတဲ့အချိန်မှာ ကျနော်တို့နဲ့ သီးခြားတွေ့ဖို့ အဆင်မပြေဘူး။ မရှိဘူး။ UNFC မှာ ကျနော်တို့ လက်နက်ကိုင်အဖွဲ့အစည်း အကုန်လုံးပါတယ်။ အဲဒီမှာ ကျနော်တို့
ကေအိုင်အို အဖွဲ့တွေလည်း ပါတယ်”ဟု KIO ပြောရေးဆိုခွင့်ရှိသူ ဦးလနန်က ပြောသည်။

KIO ကို ကြည်းတပ်၊ လေတပ်၊ အမြောက်တပ်များဖြင့် ပြင်းပြင်းထန်ထန် ထိုးစစ်ဆင်တိုက်ခိုက်ကာ စစ်ရေးအရ ဖိအားပေးမှု အခြေအနေအောက်တွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် KIO အဖွဲ့တို့သာ သီးခြားတွေ့ဆုံ ဆွေးနွေးမှု မပြုလုပ်ဘဲ UNFC ၏ ဆုံးဖြတ်ချက်အတိုင်း UNFC နှင့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီတို့ ဆွေးနွေးသွားလျှင် ပိုမိုသင့်လျော်မည် ဖြစ်ကြောင်း တုံ့ပြန်လိုက်ခြင်း ဖြစ်သည်။

UNFC အဖွဲ့၏ ဥက္ကဌ အဖြစ် KIO မှ ဒု-ဗိုလ်ချုပ်ကြီး အင်ဘန်လသည် တာဝန်ယူထားသည်။

KIO ၏ တုံ့ပြန်စာကို ယမန်နေ့ ည ၁၀ နာရီတွင် လက်ခံရရှိကြောင်းနှင့် အစိုးရနှင့် KIO တို့ နှစ်ဘက်လုံး အပစ်အခတ် ရပ်ရေးကို စောင့်ကြည့်ရန် လိုအပ်ကြောင်း ငြိမ်းချမ်းရေးအကျိုးဆောင် ဦးလှမောင်ရွှေက ပြောသည်။

“ဝန်ကြီး ဦးအောင်မင်းရဲ့သဘောထားတော့ မသိဘူး။ ကျနော်နားလည်သလောက် နိုင်ငံတကာ ငြိမ်းချမ်းရေးဖြစ်စဉ် တွေကို ကြည့်ရင် အပစ်အခတ်ဖို့ ၄၈ နာရီ၊ ၇၂ နာရီကြာ စောင့်ကြည့်ဖို့ လိုပါတယ်လို့ ကျနော်သတိ ထားမိတယ်။ ဒီကြားထဲ နှစ်ဘက်တပ်တွေ အပစ်ရပ်မဲ့ သဘောရှိ တယ်လို့ ယူဆရတယ်”ဟု သူက ပြောသည်။

UNFC နှင့် ဝန်ကြီး ဦးအောင်မင်းတို့ မကြာမီ တွေ့ဆုံရန် မူအားဖြင့် သဘောတူထားပြီး ဖြစ်သော်လည်း အချိန်နှင့် နေရာ သတ်မှတ်ခြင်း မရှိသေးကြောင်း သူက မဇ္စျိမကို ပြောသည်။

UNFC အနေဖြင့် ဆက်လက် ဆွေးနွေးသင့်ကြောင်း KIO က ပြောဆိုခြင်းသည် UNFC ၏ ရပ်တည်ချက် တခုဖြစ်၍ ကြိုဆို ကြောင်းနှင့် တခြား လက်နက်ကိုင် အဖွဲ့အစည်းများကိုလည်း အလားတူ ဖြစ်စေလိုကြောင်း UNFC ၏ ပြောရေးဆိုခွင့် ရှိသူ နိုင်ဟံသာက ပြောသည်။

“ဒါကျနော်တို့ရဲ့ ရပ်တည်ချက်ဘဲ။ UNFC အဖွဲ့ဝင်အားလုံးက ဒီလိုဘဲ ဖြစ်စေချင်တယ်။ နိုင်ငံရေးအရ ဆွေးနွေးမယ် ဆိုရင်တော့ ဒါတပြည်လုံး အနေအထားနဲ့ ဆွေးနွေးမှဘဲ ပြည့်စုံမယ်။ ဒီလိုအခြေခံ သဘောထားနဲ့ ကေအိုင်အိုက တင်ပြလိုက်တယ်လို့ ထင် တယ်။ ဒီလို ဖြစ်သင့်ပါတယ်”ဟု သူက မဇ္စျိမကို ပြောသည်။ မကြာမီ ရက်ပိုင်းအတွင်း UNFC အဖွဲ့ဝင်များနှင့် ဝန်ကြီး ဦးအောင် မင်း ဦးဆောင်သောအဖွဲ့တို့ တွေ့ဆုံချိန်တွင် KIO အပေါ် ထိုးစစ်ဆင်မှု ရပ်ရေးကိုသာ ဆွေးနွေးမည်ဟု ဆိုသည်။

Ref: မဇ္ဈိမ