အများယူဆ ထားသည့်အတိုင်း ပြည်သူ့လွတ်တော် ဥက္ကဋ္ဌ သူရ ဦးရွှေမန်းဖြစ်လာ

မိုးမခ အထောက်တော်။ ရန်ကုန်

MRTV တွင် တွေ့ရသော ဥက္ကဋ္ဌ သူရဦးရွှေမန်း (ဓာတ်ပုံ - Reuters)

ကျွန်းသားရောင်တောက်ပနေတဲ့ စင်မြင့်ခုံနဲ့ ကျွန်းကနုတ်တွေနဲ့ ပြုလုပ်ထားတဲ့ ကြီးမားတဲ့ စားပွဲနဲ့ ထိုင်ခုံနောက်မှ ကွန်ပျူတာ နှစ်လုံးကို ဘယ်ညာ ဆင်ထားပြီး အလယ်မှာ ခုံကြီးကြီး တစ်လုံးချထားတာကို တီဗီဖန်သားပြင်မှာ မြင်ရပါတယ်။ အဆိုပါ ခုံရဲ့နောက်မှာတော့ တဦးတည်းသော နာမည်တင်သွင်းခံရတဲ့ သဘာပတိ အဖြစ် ကြံ့ဖွံ့ပါတီ အတွင်းရေးမှူး ဖြစ်သူ ဦးဋ္ဌေးဦးက မတ်တပ်ရပ်ပြီး စကားပြောနေတာကို ပြသပါတယ်။

ဒါကတော့ နှစ်ပေါင်း ၂၅ နှစ်ကျော်အတွင်း ပထမဆုံးသော လွှတ်တော်ကို နေပြည်တော်မှာ အသစ်တည်ဆောက်ထားတဲ့ လွှတ်တော် အဆောက်အဦသစ်မှာ ယနေ့နံနက် ကျင်းပ ခဲ့တာပါ။

အများက မျှော်လင့်ထားသလိုပဲ သမတဖြစ်မယ်လို့ သတင်းပြေးနေတဲ့ သူရဦးရွှေမန်းက လွှတ်တော် ဥက္ကဋ္ဌ ဖြစ်လာပါတယ်။ ဒီအချက်ဟာ ယခုလွှတ်တော်ဟာ နအဖ စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေရဲ့ အစီအမံများအတိုင်း သွားနေတယ်ဆိုတာကို ပထမဆုံး ပြသလိုက်တဲ့ အချက်ဖြစ်တယ်လို့ ရန်ကုန်မြို့မှ သတင်းအယ်ဒီတာ တဦးက သုံးသပ်ပြောဆိုလိုက်ပါတယ်။

ယနေ့ ညနေ ၆နာရီမှာ လွှင့်ထုတ်တဲ့ အစိုးရပိုင် တီဗီသတင်းမှာ ယနေ့ကျင်းပခဲ့တဲ့ ပြည်သူ့လွှတ်တော်၊ အမျိုးသားလွှတ်တော်၊ ပြည်ထောင်စုလွှတ်တော် အစည်းအဝေးတွေကို ကျင်းပခဲ့ပါတယ်။

ခမ်းနားစွာမြင်ရတဲ့ ပြည်သူ့လွှတ်တော် အဆောက်အဦးထဲကို ရွေးချယ်ခံ ကိုယ်စားလှယ် တွေ ၀င်ရောက်လာတာကို ပြသပြီး အ၀င်ဝမှာ နာ မည်စာရင်း ရေးထိုးနေတာ၊ စစ်တပ်က ကိုယ်စားလှယ်တွေ သီးခြားစီဝင်ရောက်လာပြီး၊ စာရင်းသွင်းနေတာကို ပြသပါတယ်။ အဲဒီနောက်မှာတော့ လွှတ်တော်ခန်းမရဲ့ ညာဘက်အစွန်မှာ ယူနီဖောင်းဝတ် စစ်တပ်က ကိုယ်စားလှယ်တွေ နေရာချထားတာ တွေ့ရပါတယ်။

၂၅ ရာခိုင်နှုန်းသော တပ်မတော် ကိုယ်စားလှယ်များက ယူနီဖောင်းဝတ်ပြီး ထိုင်နေကြသည်။

၎င်းတို့က ရွေးကောက်ပွဲကို မဖြတ်သန်းဘဲ လွှတ်တော်သို့ တန်းပြီး ရောက်လာသူများ ဖြစ်သည်။

အသံကို ထုတ်လွှင့်ခြင်းမပြုတဲ့ ပထမဆုံးအကြိမ် ကျင်းပတဲ့ လွှတ်တော်ခန်းမ မြင်ကွင်းဟာ ရှင်းလင်းနေတာကိုလည်းတွေ့မြင်ရပါတယ်။ ဥကဋ္ဌ ရွေးချယ်ရာမှာ လျှို့ဝှက်မဲ စနစ်နဲ့ မဲပေးတယ် လို့ဆိုပြီး သူရဦးရွှေမန်းက ၃၇၆ မဲ၊ မန်းမောင်မောင်ဥာဏ်က ၃၀ မဲနဲ့ အပြတ်အသတ် အနိုင်ရတယ်လို့ ထုတ်လွှင့်သွားပါတယ်။

ထို့အတူပဲ ဒုဥကဋ္ဌ ဖြစ်သူ ဒဂုံမြို့နယ်မှ နန္ဒကျော်စွာကလည်း မဲ၃၆၈ မဲနဲ့ အပြတ်အသတ် အနိုင်ရခဲ့တာကြောင့် ကြံ့ဖွံ့ပါတီနဲ့ ကြံ့ဖွံ့ပါတီရဲ့ သူ့ရဲ့ မဟာမိတ် ပါတီတွေက ညွှန်ကြားထားတဲ့အတိုင်း မဲထည့်တယ်လို့ ယူဆရတယ်လို့ နိုင်ငံရေး လေ့လာသူ တဦးက ဝေဖန်မှတ်ချက်ချပါတယ်။

ယခုလွှတ်တော် ကျင်းပတာကို ပြည်တွင်းမီဒီယာတွေနဲ့ မြန်မာနိုင်ငံသား ပြည်ပသတင်းဋ္ဌာန တွေအတွက် လုပ်ကိုင်ပေးနေတဲ့ နိုင်ငံခြားသတင်း ဋ္ဌာနသတင်းထောက်တွေလည်း ၀င်ရောက် သတင်းယူခွင့် မရရှိကြပါဘူး။

သာမန်လူထု အနေနဲ့ စစ်အစိုးရက ကြီးမှူးကျင်းပပြီး လွတ်လပ်မှု မရှိတဲ့၂၀၁၀ ရွေးကောက်ပွဲဟာ တိုင်းပြည်စီးပွားရေး နိုင်ငံရေး အပြောင်းအလဲတွေ ဖြစ်ပေါ်စေနိုင်မယ်လို့ မျှော်လင့် မထားကြဘူးလို့လည်း ရန်ကုန်မြို့ခံ တချို့က ပြောဆိုပါတယ်။

Ref;မိုးမခ