ပျောက်ဆုံးနေသောသားကို ကလေးစစ်သားဘ၀ဖြင့် ပြန်တွေ့၍ မိခင် ဖြစ်သူက ILO ကိုတိုင်ကြား

January 19, 2013
မောင်ရမ္မာ

ရခိုင်ပြည်နယ် တောင်ကုတ်မြို့မှ မိခင် တစ်ဦးသည် သူမ၏ တနှစ်ကျော်ကြာ ပျောက်ဆုံးနေသည့် သားငယ်ကို ကလေးစစ်သား ဘ၀ဖြင့် ပြန်လည် တွေ့ရှိရသဖြင့် တပ်မတော်မှ နုတ်ထွက်ခွင့် ရရန် နိုင်ငံ တကာ အလုပ်သမား အဖွဲ့ချုပ် ILO သို့ စာရေး တိုင်ကြားလိုက်သည်ဟု သိရသည်။

တောင်ကုတ်မြို့ ကံပိုင်ရပ်ကွက်၊ နိုးကြားရေးလမ်းတွင် နေထိုင်သူ ဒေါ်ခင်နွယ်သည် သူမ၏ သားဖြစ်သူ မောင်ကျော်ကျော်နိုင် အသက် (၁၅)နှစ် အား စစ်တွေမြို့ ကျားမသောက်ကျေးရွာ အမှတ် (၉၀၈) တပ်ရင်းတွင် ပြန်လည် ရှာဖွေ တွေ့ရှိခဲ့သည်ဟု ဆိုသည်။

ထိုသို့ ရှာဖွေ တွေ့ရှိပြီးနောက် ယခုလ ၈ ရက်နေ့က သူမ၏ သားဖြစ်သူ စစ်တပ်မှ ပြန်လည် ထွက်ခွင့် ရရေး အတွက် နိုင်ငံတကာ အလုပ်သမား အဖွဲ့ချုပ် (ရန်ကုန်)သို့ စာရေး တိုင်ကြားလိုက်သည်ဟု ဆိုသည်။

“ ကျွန်မ ဒီလ ၈ ရက်နေ့က အိုင်အယ်လ်အို ဆက်သွယ် ညှိနိုင်းရေး အရာရှိဆီကို စာပို့ပါတယ်။ ကျွန်မ အနေနဲ့ အသက် မပြည့်တဲ့သား စစ်တပ်ထဲကို ရောက်နေတာကို လုံးဝ လက်မခံနိုင်ဘူး။ ကျွန်မသား အသက် မပြည့်သေး ဘူးဆိုတာကို ရပ်ကွက် အုပ်ချုပ်ရေးမှူးနဲ့ အမက ကျောင်းအုပ်ဆရာကြီး ဦးသိန်းထွန်းကလည်း ထောက်ခံချက် ပေးထားပါတယ်။ မိတ္တူကိုတော့ တောင် ကုတ် NLD ကိုပေးပါတယ်” ဟု ဒေါ်ခင်နွယ်က ဆိုသည်။

မိခင်ဖြစ်သူ ဒေါ်ခင်နွယ်က သူမ၏ သားငယ်အား လွန်ခဲ့သောနှစ် စက်တင်္ဘာလ ၁၆ ရက်နေ့က ဖုံးအဆက်အသွယ် ရရှိခဲ့ပြီးမှသာ သားဖြစ်သူမှာ စစ်တပ်ထဲကို ရောက်နေကြောင်း သိရှိခဲ့ရသည်ဟု ပြောသည်။

“ ပထမ ကျွန်မသားက အဘွားဆီကို ဖုန်းဆက်တယ်။ မင်း ဘယ်ကိုရောက်နေလဲလို့ သူ့အဘွားက မေးတဲ့အခါ ကျွန်တော် စစ်တွေမှာ ရောက်နေတယ်။ စစ်တွေမှာ စစ်သား ဖြစ်နေတယ်။ နောက်နေ့ ၁၁ နာရီလောက်ကို ကျွန်မနဲ့ ဖုံးချိန်း လိုက်တယ်။ နောက်နေ့ ၁၁ နာရီလောက် ဖုန်းဆိုင်ကို သွားပြီးမေးတဲ့အခါမှာ ကျွန်တော် စစ်တွေမှာ ရောက်နေတယ်။ စစ်တွေ ကျားမ သောက်ရွာရဲ့ အမှတ် (၉၀၈) တပ်ရင်းမှာ ရောက်နေတယ်လို့ ပြောတယ်။ အဲဒီတော့မှ ကျွန်မရဲ့သား စစ်သား ဖြစ်နေတာကို သိရပါတယ်။”

မောင်ကျော်ကျော်နိုင်သည် ၂၀၀၁ ခုနှစ် နိုဝင်္ဘာလ ၁၁ ရက်နေ့မှစပြီး တောင်ကုတ်နေအိမ်မှ ပျောက်ဆုံးသွားခဲ့ဟု ဆိုသည်။

မောင်ကျော်ကျော်နိုင်အား ၂၀၁၁ ခုနှစ် နိုဝင်္ဘာလ (၁၅)ရက်နေ့က တောင်ကုတ်အခြေစိုက် အမှတ် (၅၄၄) ခြေမြန်တပ် ရင်းမှ လိမ်လည်ဖျားယောင်းသွေးဆောင်ကာ တပ်မတော်ထဲ သွင်းခဲ့ကြောင်း၊ သင်တန်းဆင်းပြီး ကလေးစစ်သား ဘ၀ဖြင့် (၇) လရှိပြီဖြစ်သော်လည်း စစ်တပ်ထဲတွင် နေရသည် ကို မပျော်ရွင်ဘဲ ဖြစ်နေကြောင်း၊ သို့အတွက် ပြန်လည်ခေါ်ယူရန် စီစဉ်ရခြင်း ဖြစ်ကြောင်း ဒေါ်ခင်နွယ်က နိရဉ္စရာကို ပြောပြသည်။

“ကျွန်မသားက အမေ ဒီမှာ နေရတာအဆင်မပြေ။ သားကို လစာကောင်းတယ်။ အလုပ်လည်း မလုပ်ရဘူးလို့ပြောပြီး ခေါ် လာ တယ်။ အလုပ်မလုပ်ရဘဲ လကုန်လို့ရှိရင် ငွေ ၇၀၀၀၀-၈၀၀၀၀ ရတယ်ဆိုလို့ လိုက်လာတာ။ အခုဆိုလိုရှိရင် အဆင် မပြေ ဖြစ်လို့ သားကို ပြန်ထုတ်ပေးပါလို့ ပြောတယ်။ အဲ့ဒါကို ကျွန်မက ဘယ်လိုလုပ်ရမှန်း မသိလို့ ကိုယ်ကလည်း တခုမှ မသိမ တတ်တဲ့ အခါကျတော့ စဉ်းစားလို့မရဘူးဖြစ်နေတယ်။ နောက်တော့မှ လူတွေက အကြံအဥာဏ်ပေးတဲ့အတွက် အိုင်အယ်လ် အိုကို တိုင်ကြားလိုက်တာ ဖြစ်ပါတယ်” ဟု ဆိုသည်။

မောင်ကျော်ကျော်နိုင်၏ မွေးသက်ရက္ကရာဇ်မှာ ၁၉၉၆ ခုနှစ် သြဂတ်စ်လ ၁၅ ရက်နေ့ဖြစ်ကြောင်းနှင့် သူ့အား စစ်သား အဖြစ် စုဆောင်းသွားချိန်တွင် အသက် (၁၅)နှစ်ခန့်သာ ရှိသေးသည်။

ယခုကဲ့သို့ အသက်မပြည့်သူ ကလေးစစ်သား မိဘရင်ခွင် ပြန်လည်ရောက်ရှိရေးအတွက် တိုင်ကြားသည့်အခြေအနေနဲ့ ပတ် သက်ပြီး NLD တောင်ကုတ်မြို့နယ် ဥက္ကဌ ဦးမင်းအောင်က နိရဉ္စရာသို့ ပြောသည်။

“ ကျွန်တော်တို့ အပြည်ပြည်ဆိုင်ရာ အလုပ်သမားအဖွဲ့ ဆက်သွယ်ညှိနှိင်းရေးမှူးဆီကို ကလေးစစ်သားနဲ့ပတ်သက်ပြီး တိုင်စာပို့ လိုက်ပြီးပါပြီ။ သူ့ဆီကို ရောက်သွားပြီးပြီ၊ သူဆီကိုရောက်သွားပြီဖြစ်တဲ့အတွက် သူက ဆက်ပြီးလုပ်သွားရင် ကလေးငယ်ဟာ မိဘရင်ခွင်ကို ပြန်ရောက်နိုင်ပါတယ်။ ဘာဖြစ်လို့လဲဆိုတော့ ILO မှာ ကလေးစစ်သားနဲ့ ပတ်သက်ပြီး အစိုးရနဲ့ သဘောတူညီ ချက်ရှိတဲ့အတွက် သူတို့လုပ်ရင် ကလေးဟာ မိဘရင်ခွင်ကို ပြန်လည်ရောက်ရှိနိုင်တဲ့အတွက် အခုလို တိုင်ကြားလိုက်တာ ဖြစ်ပါ တယ်” ဟု ဆိုသည်။

Ref: နိရဉ္စရာ