အေးရှားဝေါဆိပ်ကမ်းရှေ့မှ လူအများစုရုန်းမှုကြောင့် (၅)နာရီအကြာယာဉ်ကြောပိတ်ဆို့မှုဖြစ်

စောဇင်ညီ(မြစ်မခ)
25 Aug, 2012

ရန်ကုန်မြစ်အတွင်း စီးဝင်နေသော ပင်မမြောင်းကြီးတစ်ခု ပိတ်ဆို့မှုနှင့်ပတ်သက်၍ အေးရှားဝေါကုမ္မဏီ အရှေ့တွင် သြဂုတ်လ (၂၄) ရက်နေ့ကလူ(၃ဝဝ)ကျော်စုရုန်းခဲ့ကြပြီး ထက်ကြည်မြင်တိုင်လမ်းနှင့်အောက်လမ်းရှိယဉ်ကြော များ (၅)နာ ရီကျော်အကြာ ပိတ်ဆို့မှုဖြစ်ပွားခဲ့သည်။

အဆိုပါ ကွန်တိန်နာများ အတင်အချပြုလုပ်ရာ အေးရှားဝေါဆိပ်ကမ်းရုံးဝင်းအောက်ခြေရှိ ရေမြောင်းကြီးပိတ်ဆို မှုနှင့်ပတ်သတ်ပြီး ကြည်မြင်တိုင်နှင့်အလုံမြိုနယ်များမှ ဒေသခံများက စုဝေးကာ ယာဉ်သွားလာမှုကို ပိတ်ဆို့ဖြတ်တောက်ခဲ့ခြင်းကြောင့် ဖြစ်သည်။

''ကျွန်တော်တို့  လမ်းပိတ်ဆို့ ထားတာပာာ နိုင်ငံရဲ့ တာဝန်ရှိပုဂ္ဂိုလ်တွေ ဆင်းလာစေချင်လို့ ပါ။ အေးရှားဝေါ အကျိုးစီးပွား အတွက် ကျွန်တော်တို့ ဘယ်လောက် နစ်နာနေသလဲဆိုတာ သိစေချင်လို့ ပါ။''ပာုကြည်မြင်တိုင်မြို့ စဉ့် အိုးတန်းရပ်ကွက်မှ ကိုအောင်ကျော်ဦးက ပြောသည်။

အောက်ကြည့်မြင်တိုင်လမ်းမှ ကားပိတ်ဆို့မှုကြောင့်အထက်လမ်းသို့တက်ရောက်သွားခဲ့သော ကားများကြောင့် အထက်လမ်းတွင် လည်းကားကြပ်ကာ ယာဉ်ကြောပိတ်ဆို့ခဲ့ခြင်းဖြစ်သည်။

အဆိုပါ ကားလမ်းများသည် ညနေ (၃)နာရီခွဲဝန်းကျင်မှပိတ်ဆိုမှုစတင်ခဲ့ခြင်းဖြစ်ပြီး ည(၈)နာရီခွဲအထိ ယာဉ်များရပ်တန့် ထား ရခြင်းဖြစ်ကြောင်းကိုလည်း သိရသည်။

''ကျွန်တော် ည၃နာရီ ခွဲကတည်းက ဈေးပောာင်းရှေ့ ရောက်နေတာ။ ၃ကြောင်းပဲဆွဲရသေးတယ်။ အခုတော့ ဒီရောက် နေ တာ ၄နာရီ လောက်ရှိပြီ။ ၈နာရီခွဲဆိုကားအပ်ရတော့မယ် သွားပါပြီဗျာ။'' ပာု ၁၉၉ ယဉ်လိုင်းမှ ယာဉ်မောင်းတစ်ဦးကပြောသည်။

အေးရှာဝေါဆိပ်ကမ်းအနေဖြင့်  ရန်ကုန်မြစ်အတွင်းစီးဝင်နေသောရေမြောင်းကြီးအား ပေ၂ဝ ကျော်ခန့် ကွန်ကရစ်လောင်းကာ ဖုံး အုပ်ခဲ့ခြင်းကြောင့် သြဂုတ်လ (၂၂)ရက်နေ့စတင်ကာ မိုးကြီးချိန်တွင် မြောင်းရေ စီးဆင်းမှုအားကောင်းချိန်၌မြောင်းရေပြည့်လျှံပြီး ရပ်ကွက်များအတွင်းရေဝင်ကာ ရပ်ကွက်နေ ပြည်သူများနှင့် ဈေးသည်များနစ်နာမှုရှိကြောင်းသိရှိရသည်။

အဆိုပါရေကြီးရေလျှံမှုမှာ (၂၄)ရက်နေ့ရောက်သည့်တိုင် ဖြစ်ပွား နေဆဲဖြစ်သဖြင့် ယခုကဲ့သို့ လူစု၍အေးရှားဝေါရှေ့တွင် တောင်း ဆိုခဲ့ကြခြင်းဖြစ်သည်။

''ကျွန်တော်ရန်ကုန်မှာ နေလာတာ အနှစ်(၄ဝ)ဆယ်ရှိပြီ။ တစ်ခါမှဒီမှာ ရေကြီးတာမတွေ့ဖူးဘူး၊ အေးရှားဝေါ လုပ်မှဘဲ မြင်တွေ့ ရတော့တယ်'' ပာုကြည့်မြင်တိုင်နေပြည်သူတစ်ဦးက ပြောသည်။

ထိုသို လူအများစုရုံးကာတောင်းဆိုမှုကြောင့်  အေးရှားဝေါ ကုမ္ပဏီအနေဖြင့်ထိုမြောင်းအဖုန်း ကွန်ကရစ်အား ည (၇)နာရီခန့် တွင် ပြန်လည်ဖယ်ရှားပေးခဲ့ကြောင်း သိရသည်။

"ကျွန်တော်တို့ ကုမ္ပဏီက ဒီမြောင်ကြီးထဲ လူတွေပြုတ်ကျမှာဆိုးလို့အဖုံးအုပ်ခဲ့တာပါ၊ အခြား ဘာရည်ရွယ်ချက်မှ မပါပါဘူး'' ဟု အေးရှားဝေါကုမ္ပ္ပဏီမှအမည်မဖော်လိုသူ တာဝန်ရှိသူတစ်ဦးက ပြောကြားသည်။

ထိုမြောင်းအဖုံးအား အေးရှားဝေါကုမ္ပဏီမှ သံပြားများဖြင့် ခြံစည်းရိုးကာ၍ပြုလုပ်ခဲ့ခြင်းကြောင့် ရပ်ကွက်နေ ပြည်သူများကပင် မည် သည့်အချိန်တွင်ပြုလုပ်ခဲ့သည်ကို မသိရှိခြင်းဖြစ်ကြောင်း ဒေသခံများထံက သိရသည်။

''ဒီမြောင်းကြီးက ဒီအဖုံးတွေ ဖယ်ရုံနဲ့ မပြီးနိုင်ပါဘူး။ သူတို့ဆောက်ထားတဲ့ လမ်းတွေ အထဲက ရန်ကုန်မြစ် ထဲကို ရေ ဆင်း ပေါက်တွေမှာတိုင်တွေထောင်ထားတော့ ရေထွက်ဖို့ ခက်နေတာ။''ဟု စဥ့်အိုးတန်းလမ်းနေအငယ်တန်း အင်ဂျင်နီယာ တစ် ဦးဖြစ်သူ ကိုကျော်ကိုကိုက ပြောသည်။

အဆိုပါရေကြီးရေလျှံမှုကြောင့်သိရိမင်္ဂလာဈေးအပောာင်းရှေ့ရှိ ဈေးငယ်မှဈေးသည်အယောက် (၄ဝ)ခန့်  နစ်နာခဲ့သလို အိမ်ဆိုင် များတွင်လည်း ကုန်ပစ္စည်းဆုံးရှုံးမှုများ ရှိခဲ့သည်ဟု ဈေးသည်များထံက သိရသည်။

''ကျွန်မတို့ ဈေးသည်တွေ အထိနာတာပါ။ ကျွန်မဆိုင်က ဆန်ဆိုင်ဆိုတော့ရေတွေဝင်ပြီး ဆန်အိတ် တွေ ပျက်စီးသွားတယ်'' ပာု အဆိုပါပတ်ဝန်းကျင်တွင်ဆန်ဆိုင်ဖွင့်ထားသော အမျိုးသမီးတစ်ဦးက ပြောသည်။

အဆိုပါ လူအများစုရုံမှုသို့  အာဏာပိုင်များမှ ဝင်ရောက်ဖြေရှင်းမှုမပြုခဲ့ပဲ ည(၈)နာရီခန့် တွင် ယာဉ်ထိန်းရဲ နှစ်ဦး ရောက် လာ ကာ ယာဉ်ကြောဖြေရှင်းရန် မလွယ်သဖြင့် ပြန်လည်ထွက်ခွာသွားသည်ကို တွေ့ရသည်။

အဆိုပါ မြောင်းကြီးပိတ်ဆို့နေခြင်းကြောင့် သြဂုတ်လ ၂၂ရက်နေ့ကလည်းနာရီအနည်းခန့် ရက်ကွက်နေ ပြည်သူများမှာ ဆန္ဒ ထုတ်ဖော်ခဲ့ကြောင်း သိရသည်။

Ref: မြစ်မခ

Read More...

Collapse...

ရန်ကုန်လမ်းတွေပေါ်က နံရံဆေးမှုတ်အနုပညာ

ကိုသားညွှန့်ဦး
26.08.2012

မြန်မာနိုင်ငံမှာ စာပေလွတ်လပ်ခွင့်နဲ့ လွတ်လပ်စွာ ဆန္ဒထုတ်ဖော်မှုတွေ အထိုက်အလျောက် ရှိလာပြီဖြစ်ပေမဲ့လို့ မြို့ပေါ်လမ်းမ တွေဘေး နံရံဆေးမှုတ် အနုပညာတွေကိုတော့ တစုံတရာ ကန့်သတ်ခံနေရဆဲ ဖြစ်တယ်လို့ လမ်းဘေး နံရံဆေးမှုတ် အနုပညာ ရှင်တွေက ပြောပါတယ်။ ဒါပေမဲ့လည်း ရန်ကုန်မြို့ လမ်းတွေမှာတော့ အရင်ကထက်စာရင် Graffiti ဆိုတဲ့ လမ်းဘေး နံရံ ဆေးမှုတ် အနုပညာတွေ ကတော့ ပိုပြီး တွေ့လာရတယ်လို့ ဆိုရမှာပါ။ ရိုက်တာသတင်းဌာနက ဒီအကြောင်း ရေးသားချက်ကို ကိုသားညွန့်ဦးက တင်ပြထားပါတယ်။

ရန်ကုန်မြို့ရဲ့ ညစ်ပေနေတဲ့ လမ်းဘေးတခုရဲ့ နံရံမှာ အတောင်ပံပါတဲ့ ရုပ်မြင်သံကြားစက် တလုံးပုံကို တွေ့ရပါတယ်။ ဒါဟာ ရန်ကုန်မြို့ လမ်းတွေပေါ်မှာ Graffiti လို နံရံဆေးမှုတ် အနုပညာ ဖန်တီးနေတဲ့ ကိုအောင်ရဲ့ လက်ရာတခုပါ။ မီဒီယာ လွတ်လပ်ခွင့်ရဖို့ မျှော်လင့်နေတဲ့ ဒီ ပုံဟာ အခု ရန်ကုန်မြို့ရဲ့ အခြားနေရာ အတော်များများမှာပါ ပုံတူကူးဆွဲထားတာ တွေ့ရ ပါတယ်။ ဒီ အနုပညာမျိုးကို ဥရောပတို့ အမေရိကန် ပြည်ထောင်စု မြို့ကြီးတွေရဲ့ လမ်းဘေးချောင်ကြားတွေမှာ တွေ့ရမြင်ရလေ့ ရှိပေမဲ့ မြန်မာပြည်မှာတော့ ကျယ်ကျယ်ပြန့်ပြန့် မရှိသေးပါဘူး။ တာဝန်ရှိသူတွေ ဘက်က လက်မခံနိုင်တဲ့ အတိုင်းအတာမျိုးတွေ ရှိနေတုန်းပဲလို့ Graffiti အနုပညာရှင် ကိုအောင်က ပြောပါတယ်။

“တော်တော်များများက သေသေချာချာလည်း သိပ်မသိကြဘူးလေ။ သိပ်မသိကြတော့ ဒီလို Graffiti ရေးတာကို အရေးခံရ တဲ့ နေရာတွေက လူတွေကလည်း တအားကို sensitive ဖြစ်နေတုန်းပဲ။ ဒါပေမဲ့ အကြီးအကျယ်တော့ ဖမ်းပြီးတော့ ထောင် ချတယ်တို့ ဘာတို့ ဆိုတာမျိုးတော့ လောလောဆယ် မရှိသေးဘူး။ ဒါပေမဲ့ ခံဝန်ချက် ထိုးရတာမျိုးတော့ ရှိတယ်။”

ဒါပေ မဲ့ လည်း အခုလို လူမှု အဖွဲ့အစည်းအတွင်းက နိုင်ငံရေး လူမှုရေး အခြေအနေတွေကို ထပ်ဟပ်သရော်တဲ့ Graffiti ရေးဆွဲတာတွေဟာ၊ လက်ရှိ ပြုပြင် ပြောင်းလဲရေးတွေ မကြုံခင် စစ်အစိုးရ အောက်မှာဆိုရင် အတော်လေး အန္တရာယ်များမယ့် ကိစ္စပါ။ ၂၀၁၁ မတ်လမှာ အရပ်သားတပိုင်း အုပ်ချုပ်ရေး ပြောင်းလဲပြီးတဲ့နောက် လမ်းတွေပေါ်က Graffiti အနုပညာ သမားတွေ အတွက် အပြောင်းအလဲ တစုံတရာ ရှိလာစေပါတယ်။

နိုင်ငံရေးလွတ်လပ်မှု တစုံတရာ ရှိလာတာနဲ့အမျှ၊ Graffiti သမားတွေကလည်း နိုင်ငံရေး လူမှုရေး ရိုက်ခတ်တဲ့ အနုပညာ တွေကို ရန်ကုန်လမ်းတွေပေါ်မှာ သရုပ်ဖော် လာခဲ့ကြပါတယ်။ ပြီးခဲ့တဲ့နှစ် အတွင်းမှာတင် ရန်ကုန်လမ်းတွေပေါ် Graffiti ရေးဆွဲမှုတွေ အတော်များလာခဲ့တယ်လို့ ပန်ချီဆရာ ဂရစ်ဖစ်ဒီဇိုင်နာ ကိုအောင်က ပြောပါတယ်။ ကိုအောင် အဖို့တော့ သူ့ရဲ့ စံပြုသူဟာ ဗြိတိသျှအကျော်အမော် လမ်းဘေးအနုပညာရှင် Banksy ဖြစ်ပါတယ်တဲ့။ Banksy ဟာ စစ်ဆန့်ကျင်ရေး၊ ဆင်းရဲ မွဲတေမှု စတဲ့ လူမူဘ၀တွေကို လမ်းဘေးနံရံတွေ ဆေးမှုတ် ရေးဆွဲခဲ့သူပါ။ မြန်မာပြည်က Graffiti သမားတွေဟာလည်း ဒီ အယူအဆကို သယ်ဆောင်လာသူတွေပါ။ မြန်မာပြည်အနှံ့ မီးတွေပျက်တာကြောင့် မီးလာရေး လှုပ်ရှားမှု လုပ်ခဲ့စဉ်မှာ Graffiti သမားတွေကလည်း သူ့နည်းသူဟန်နဲ့ ဒီလှုပ်ရှားမှုမှာ ပါဝင်ခဲ့ကြပါတယ်။

“ရန်ကုန်မှာ ကျနော်တို့ မီးတွေ ပျက်တဲ့အချိန် ရှိတယ်။ အဲဒီမီးတွေ ပျက်တဲ့အချိန်တုန်းက ကျနော်တို့က ဘာကိုဖြစ်လဲ ဆိုတော့ ဒီ မီးပျက်တဲ့ဟာကို ပြည်သူတွေက မလိုလားဘူး။ ဒါပေမဲ့ ပြည်သူတွေကို ကျနော်တို့ ကိုယ်စားပြုပြီး လုပ်တာတော့ မဟုတ်ဘူး။ ကျနော်တို့ကိုယ်တိုင် ဒီ မီးပျက်တာကို ခံစားလာရတာ။ အဲဒီ ခံစားလာရတာကို ကျနော်တို့က ရင်ဖွင့်ပြီးတော့ မီးပေးပါ တို့ ဆိုတဲ့ ပုံစံမျိုးနဲ့ ရေးကြတာ။”

Twotwenty လို့ ကိုယ့်ကိုကိုယ့် အမည်ပေးထားတဲ့ Graffiti လမ်းပေါ် အနုပညာသမားတဦး သူ့အတွေ့အကြုံကို ပြောခဲ့ တာပါ။ ဒီလိုပုံတွေကြောင့် မြို့ရဲ့ အလှတွေ အနုပညာရသတွေ ပျက်စီးကုန်တယ်လို့ ဝေဖန်မှုတွေတော့ ရှိပါတယ်။ ဒါပေမဲ့ သူတို့ အနေနဲ့ နေရာကို အသေအချာ သတ်မှတ် ရွေးခြယ်ပြီးမှ Graffiti ရေးဆွဲတာဖြစ်တယ်လို့ Twotwenty က ဖြေရှင်းချက် ပေးပါတယ်။

“ကျနော်တို့က တကယ် ဖျက်ဆီးတယ်ဆိုရင်လည်း ဖျက်ဆီးတယ်။ ဒါပေမဲ့ ကျနော်တို့ ဖျက်ဆီးတယ် ဆိုတာက ကျောင်းတွေ၊ ကလေးစာသင်ကျောင်း၊ Church တွေ၊ ဘာသာရေးဆိုင်ရာ နေရာတွေ။ ဒါတွေ ကျနော်တို့ ဖျက်ဆီးတဲ့စာရင်းထဲမှာ မပါဘူး။ ဒီနေရာတွေကိုလည်း ကျနော်တို့ မဖျက်ဆီးဘူး။ ဒါပေမဲ့ တကယ် ဖျက်ဆီးတာက ကျနော်တို့ မကျေနပ်တဲ့ နေရာတွေမျိုး။ အဆောက်အဦးတွေ၊ သူများတွေက နေရာယူပြီးတော့ အဲဒီ နေရာယူခံလိုက်ရတဲ့ သူတွေက ဘေးမှာ ဖယ်လိုက်ရတယ်ပေါ့။”

မြန်မာအစိုးရ အနေနဲ့ မီဒီယာထိန်းချုပ်မှု အတော်များများကို သြဂုတ် ၂၀ ရက်နေ့က ပယ်ဖျက်ပေး လိုက်ပါတယ်။ ဒါပေမဲ့လည်း ၂၀၀၇ ရွှေဝါရောင် လှုပ်ရှားမှု အပြီးမှာ ထင်ရှားတဲ့ တတ်ကြွ လှုပ်ရှားသူတွေ ထောင်နန်းစံ ခဲ့ရတဲ့ လွတ်လပ်စွာ ရေးသားပြော ဆိုခွင့်ကို ဟန့်တားတဲ့ ဥပဒေ ပုဒ်မတွေကတော့ ရှိနေဆဲပါ။ ဒါကြောင့်လည်း Graffiti အနုပညာသမားတွေ အဖို့လည်း လွတ်လပ်မှု အကန့်အသတ်တွေက ရှိနေဦးမှာပါ။ တဘက်မှာလည်း Graffiti ကို ဝေဖန်သူတွေ ပြောသလိုပဲ၊ သာမန် မြို့ခံ တွေ အဖို့လည်း လမ်းဘေးအနုပညာနဲ့ စည်းမဲ့ကမ်းမဲ့ ရေးခြစ်တာမျိုးကို ခွဲခြားမြင်နိုင်ဖို့ကလည်း ခက်ပါသေးတယ်။ ဒါပေမဲ့လည်း Graffiti ကို စိတ်ဝင်စားလာကြတဲ့ အနုပညာရှင်တွေလည်း အတော်လေးတော့ ပေါ်လာပါတယ်။ မကြာသေးခင်ကတော့ ကိုအောင်ဟာ ဗိုလ်ချုပ်အောင်ဆန်းပုံကို အာဏာရပါတီကြီးရဲ့ ဆိုင်းဘုတ်မှာ သွားဆွဲခဲ့ပါတယ်။ ဒါပေမဲ့ အလျင်အမြန်ပဲ နောက်နေ့ ဆိုသလိုတော့ ပြန်ဖျက်တာ ခံခဲ့ရပါတယ်။

Ref: ဗွီအိုအေ

Read More...

Collapse...

အမေရိကန် အားကစား သံတမန်တွေ မြန်မာနိုင်ငံရောက်

26.08.2012

အမေရိကန်နဲ့ မြန်မာ နှစ်နိုင်ငံအကြား ယဉ်ကျေးမှုနဲ့ ဆက်ဆံရေးကို မြင့်တင်တဲ့အနေနဲ့ အမေရိကန်အစိုးရက ကြေးစား ဘတ်စ ကက်ဘော အားကစားသမားတွေနဲ့ နည်းပြတွေပါဝင်တဲ့ အားကစားသံတမန်အဖွဲ့ကို မြန်မာနိုင်ငံကို စေလွှတ် လိုက်ပါတယ်။

မြန်မာနိုင်ငံ ရန်ကုန်မြို့ကို ဒီကနေ့ ရောက်ရှိသွားတဲ့ အားကစား သံတမန် ၄ ယောက်ရဲ့ ခရီးစဉ်ကို အမေရိကန် နိုင်ငံခြားရေး ၀န်ကြီးဌာနက တာဝန်ယူ စီစဉ်တာဖြစ်ပြီး၊ မြန်မာနိုင်ငံမှာ သြဂုတ်လ ၂၆ ရက်နေ့ကနေ ၃၁ ရက်နေ့အထိ နေထိုင်မှာ ဖြစ်ပါတယ်။

အမေရိကန် အားကစား သံတမန်အဖွဲ့ဟာ မြန်မာနိုင်ငံမှာ ရှိစဉ် အချိန်အတွင်း မြန်မာလူငယ်တွေနဲ့ အားကစားဆိုင်ရာ အလုပ်ရုံ ဆွေးနွေးပွဲတွေ လုပ်မှာဖြစ်ပါတယ်။

ဒီအဖွဲ့မှာ Charlotte Bobcats ဘတ်စကက်ဘော အသင်း မန်နေဂျာလည်းဖြစ် အမေရိကန်နိုင်ငံ ကို ပြောင်းရွှေ့နေထိုင်တဲ့ မြန်မာနိုင်ငံဖွား Richard Cho, Los Angeles Lakers အသင်း လက်ထောက်နည်းပြ Darvin Ham, NBA အမျိုး သမီး ဘတ်စကက်ဘော အားကစားသမားဟောင်း Allision Feaster နဲ့ NBA အမျိုးသား ဘတ်စကက်ဘော ကစားသမား ဟောင်း Merty Conlon တို့ ပါဝင်ကြတယ်။


Ref: ဗွီအိုအေ

Read More...

Collapse...

တွေ့ဆုံဆွေးနွေးမှု အမြန်လုပ်ဖို့ KNU တိုက်တွန်း

26.08.2012

KNU ကရင်အမျိုးသားအစည်းအရုံး နဲ့ မြန်မာအစိုးရ တပ်ဖွဲ့တွေကြား တိုက်ပွဲတွေ ဖြစ်ပွားနေသေးတာကြောင့် ငြိမ်းချမ်းရေး အ တွက် နောက်ထပ် တွေ့ဆုံမှုတွေ မြန်မြန်ဆန်ဆန် လုပ်ဆောင်ဖို့ လိုအပ်တယ်လို့ KNU က ပြောလိုက်ပါတယ်။ KNU နဲ့ မြန်မာ အစိုးရ ငြိမ်းချမ်းရေး ကိုယ်စားလှယ်တွေ အကြား နောက်ထပ် တွေ့ဆုံဆွေးနွေးဖို့ စီစဉ်နေပေမဲ့ ဖြစ်မလာသေးတာကြောင့် KNU က အခုလို တိုက်တွန်းလိုက်တာပါ။ အသေးစိတ်ကို မနန္ဒာချမ်း က တင်ပြထားပါတယ်။

KNU အထွေထွေအတွင်းရေးမှူး နော်စီဖိုးရာစိန် ဦးဆောင်တဲ့ အရပ်ဘက်နဲ့ စစ်ဘက်ဆိုင်ရာ ကိုယ်စားလှယ်အဖွဲ့နဲ့ မြန်မာအစိုးရ ပြည်ထောင်စုဝန်ကြီး ဦးအောင်မင်း ဦးဆောင်တဲ့ ကိုယ်စားလှယ် အဖွဲ့အကြား တနင်္လာနေ့မှာ တတိယအကြိမ် ထပ်မံ တွေ့ဆုံဖို့ ပြောဆိုထားပေမဲ့ မြန်မာအစိုးရဘက်က အဆင်မပြေသေးတာကြောင့် ရက်ရွှေ့ဆိုင်းလိုက်တာ ဖြစ်တယ်လို့ KNU က ဒီကနေ့ ပြောဆိုခဲ့တာပါ။ နှစ်ဘက်အကြား အပစ်အခတ်ရပ်စဲရေး သဘောတူ လက်မှတ် ရေးထိုးထားပေမဲ့ တိုက်ပွဲတွေ ဆက်ဖြစ်နေသေး တာကြောင့် ဒီကိစ္စကို ပိုပြီး ခိုင်မာအောင် ကရင်ပြည်နယ် ဘားအံမြို့မှာ တွေ့ဆုံဆွေးနွေးဖို့ မူလက စီစဉ်ထားတာဖြစ်တယ်လို့ KNU ပြောရေးဆိုခွင့် ရှိသူ နော်မေဦး က ပြောပါတယ်။

"သြဂုတ်လ ၅ ရက်နေ့က ကျမတို့ မြ၀တီမှာ ကြိုတင်ညှိနှိုင်းအစည်းအဝေးဆိုပြီး လုပ်ခဲ့တာရှိပါတယ်။ အဲ့ဒီအစည်းအဝေးမှာ ကျမတို့က ဘယ်နေရာမှာတွေ့မယ်။ ဘယ်နေ့မှာတွေ့မယ်။ ဘယ်အကြောင်းတွေ ပြောမယ်ဆိုတာကို ဆွေးနွေးခဲ့တာဖြစ်တယ်။ ဆုံးဖြတ်ချက် တွေ ချခဲ့တာဖြစ်တယ်။ ၂၇ ရက်နေ့မှာ မနက်ဖြန်ပေါ့လေ တတိယအကြိမ် ညှိနှိုင်းဆွေးနွေးပွဲဟာ သြဂုတ်လ ၅ ရက်နေ့တုန်းက ကြိုတင်ညှိနှိုင်း ဆွေးနွေးပွဲရဲ့ အဖြေဖြစ်ပါတယ်။"

ဒါပေမဲ့လည်း ကရင်ပြည်နယ်ဝန်ကြီးချုပ် ဦးဇော်မင်း ကတော့ နှစ်ဘက်ကိုယ်စားလှယ်တွေအကြား တနင်္လာနေ့ တွေ့ဆုံမှာ မဟုတ် သလို ထပ်မံတွေ့ဆုံမယ့် ရက်ကို ညှိနှိုင်းရဦးမယ်လို့ အခုလို ပြောပါတယ်။

"ကျနော်သိထားတာကတော့ - မြ၀တီမှာ တွေ့စဉ်ကာလတုန်းက အဲ့ဒီရက်ပိုင်းလောက် ဖြစ်ချင်ဖြစ်နိုင်တယ်။ မနက်ဖြန် ဆိုတာကို တော့ သေသေချာချာ သတ်မှတ်ခဲ့တာ မဟုတ်သေးပါဘူး။ နှစ်ဘက်စလုံးက အဆင်ပြေတဲ့ရက်ကို ပြန်ညှိမယ်လို့ပဲ ပြောတာ၊ ရက် ရွှေ့လိုက်တာ မဟုတ်ပါဘူး။ ညှိနှိုင်းကတည်းက ၂၇ မှာ တွေ့မယ်ဆိုတဲ့ အတိအကျ အဲ့လို သတ်မှတ်ခဲ့တာ မဟုတ်ပါဘူး။ အခု ကတော့ မနက်ဖြန် တွေ့ဖို့ အစီအစဉ် မရှိပါဘူးခင်ဗျ။ တွေ့ဖို့ကတော့ နှစ်ဘက်စလုံးက အခြေအနေပေးတဲ့ အချိန်မျိုးဖြစ်ပါလိမ့် မယ်။ ဟိုဘက်မှာလည်း အဆင်ပြေမယ့်ရက်၊ ဒီဘက်မှာလည်း ပြည်ထောင်စုဝန်ကြီးတွေက အလုပ်ကိစ္စလေးတွေ သူတို့ ရှိနေတဲ့ အခါကျတော့ ရက်ကို ပြန်ညှိကြရလိမ့် မယ်နဲ့ တူပါတယ်။"

KNU ကတော့ ခိုင်မာတဲ့ အပစ်အခတ်ရပ်စဲရေး မရှိသေးသ၍ ကရင်ပြည်နယ်တွင်းမှာ တိုက်ပွဲတွေ ဆက်ဖြစ်နေဦးမှာမို့ - ဒီလ ၅ ရက်နေ့က မြ၀တီမြို့မှာ လုပ်ခဲ့တဲ့ ကြိုတင်ညှိနှိုင်း အစည်းအဝေးအတွင်း ပြည်သူလူထုဘ၀ လုံခြုံရေး အာမခံနိုင်မယ့်ကိစ္စကို အဓိ က ထား ဆွေးနွေးဖို့ ရှိတယ်လို့ KNU ပြောရေးဆိုခွင့်ရှိသူ နော်မေဦး က အခုလို ဆက်ပြောပြပါတယ်။

"ကျမတို့က တတိယအကြိမ်မှာ ပြည်သူ့လူထုဘ၀ လုံခြုံရေးဆိုတဲ့အချက်ရဲ့အောက်မှာ အဓိက အချက်ကြီး ၂ ချက်ကို ဆွေးနွေး ဖို့အတွက် ဆုံးဖြတ်ချက်ချထားပါတယ်။ ဒါက နှစ်ဦးနှစ်ဘက် အသိပေးထားပြီးသား၊ သဘောတူထားပြီးသား။ ဘာတွေလဲဆို ရင် ပြည်သူလူထုဘ၀ လုံခြုံရေး အာမခံနိုင်ဖို့အတွက် တပ်နေရာ ပြန်လည်ချထားရေးနဲ့ နှစ်ဦးနှစ်ဘက် လိုက်နာရမယ့် အပစ်အခတ် ရပ်စဲရေး ဆိုင်ရာ ကျင့်ဝတ်များဆိုတဲ့ ဒီနှစ်ချက်ကို ဆွေးနွေးဖို့အတွက် ဆုံးဖြတ်ထားပါတယ်။"

အခုလို တတိယအကြိမ် ဆွေးနွေးပွဲ မဖြစ်မြောက်သေးပေမဲ့ - အစိုးရ နဲ့ ကေအန်ယူအကြား တဖက်နဲ့တဖက် ယုံကြည်မှု တည် ဆောက်နေ တာမှာ - အပြန်အလှန် နားလည်မှုနဲ့ ငြိမ်းချမ်းရေးရအောင် ဆွေးနွေးနိုင်တဲ့အဆင့်မှာတော့ ရှိတယ်လို့ ကေအန်ယူ က အသိအမှတ်ပြုခဲ့ ပါတယ်။ ဒါကြောင့်လည်း ကရင်ပြည်နယ်တွင်းမှာ ခိုင်မာတဲ့ အပစ်အခတ်ရပ်စဲရေး အကောင် အထည်ဖော် နိုင်ဖို့အတွက် အမြန်ဆုံး တွေ့ဆုံကြဖို့ကို KNU က တိုက်တွန်းခဲ့ပါတယ်။

မြန်မာအစိုးရနဲ့ KNU အကြားမှာ ပြီးခဲ့တဲ့ ဇန်န၀ါရီလ ၁၂ ရက်နေ့က ပြည်နယ်အဆင့် အပစ်အခတ်ရပ်စဲရေးနဲ့ ဧပြီလ ၆ ရက် နေ့ က ပြည်ထောင်စုအဆင့် ငြိမ်းချမ်းရေးကို လက်မှတ်ရေးထိုးနိုင်ခဲ့ကြတာပါ။ သမ္မတ ဦးသိန်းစိန်လက်ထက်မှာ ပထမဆုံး အကြိမ် KNU နဲ့ ငြိမ်းချမ်းရေးအတွက် အခုလို လက်မှတ်ရေးထိုးနိုင်တဲ့အထိ သမိုင်းဝင် ဖြစ်ခဲ့ပြီး - KNU အနေနဲ့လည်း တော် လှန်ရေးကာလ ၆၃ နှစ်တာ အတွင်းမှာ ဒီဆွေးနွေးမှုတွေဟာ ပွင့်လင်းမြင်သာပြီး တန်းတူရည်တူ မျှတမှုရှိတာကို တွေ့ရ တယ်လို့ မှတ်ချက်ချခဲ့ပါတယ်ရှင်။


Ref: ဗွီအိုအေ

Read More...

Collapse...

ဧရာဝတီတိုင်း ရေဘေး အကူအညီလိုအပ်

မခင်ဖြူထွေး
26.08.2012

ဧရာဝတီတိုင်းက ရေဘေးဒုက္ခသည် သောင်းနဲ့ချီအတွက် အစားအစာ၊ ရေနဲ့ အကူအညီတွေ အများအပြား လိုအပ်နေတယ်လို့ အကူအညီပေးရေး အဖွဲ့တွေက ပြောပါတယ်။ ဒုက္ခရောက်နေကြတဲ့ ဒေသခံတွေ၊ အထူးသဖြင့် ကလေးငယ်တွေ အစားအစာ အလုံအလောက်မရတဲ့ အခြေအနေမှာ ရှိနေပြီး ကျန်းမာရေးဆိုင်ရာ စိုးရိမ်စရာတွေ ရှိနေတဲ့ တချိန်တည်းမှာပဲ နောက်တကြိမ် ရေထပ်ကြီးနိုင်တဲ့ အတွက်လည်း ဒေသခံတွေက စိုးရိမ်နေကြရတယ်လို့ ရေဘေးသင့်ဒေသတွေမှာ အကူအညီ ပေးနေသူတွေက ပြောပါတယ်။ အပြည့်စုံကို ဆက်သွယ် စုံစမ်းထားတဲ့ မခင်ဖြူထွေးက တင်ပြထားပါတယ်။

ဧရာဝတီတိုင်းအတွင်းမှာ တလနီးပါး ရွာခဲ့တဲ့မိုးနဲ့အတူ လူတရပ်စာနီးပါး တင်နေတဲ့ ရေတွေ ပြန်မကျသေးတာကြောင့် ဒေသခံ ပြည်သူတွေ သောင်းနဲ့ချီ ဒုက္ခ ရောက်နေကြရတာ ဖြစ်ပါတယ်။ အထူးသဖြင့် ကလေးငယ်တွေ စားစရာ အလုံအလောက်မရလို့ အင်အားချိနဲ့တဲ့ အခြေအနေမျိုးကိုတောင် ရောက်လာနေပြီလို့ အကူအညီ ပေးနေသူတွေ က ပြောပါတယ်။ ရေဘေးသင့် ပြည်သူ တွေအတွက် အစားအစာနဲ့ ကျန်းမာရေးဆိုင်ရာ အကူအညီတွေ အရေးပေါ် လိုအပ်နေတယ်လို့ ဧရာဝတီတိုင်း အတွင်းက ရေ ဘေးသင့် ဒေသတွေမှာ အကူအညီတွေ ကိုယ်တိုင် သွားပေးနေတဲ့ NLD ပါတီ အဖွဲ့ဝင် တဦးလည်းဖြစ်၊ မြန်မာလူမှုဘ၀ ဖွံ့ဖြိုး တိုးတက်ရေး ကွန်ယက်က ဦးနေမျိုးဇင်က ပြောပြပါတယ်။

“စားဝတ်နေရေးလည်း တော်တော်လေးကို အခက်ကြုံနေပြီးတော့ ဆန်ပြုတ်နဲ့ ငါးလေးတွေ ရောကြိုသောက်နေတာ ကျနော် ရွာ တော်တော်များများမှာ တွေ့ခဲ့ရပါတယ်။ နည်းနည်း ကြေးရတတ် ဖြစ်တဲ့သူတွေကတော့ စုထား ဆောင်းထားတဲ့ ဆန်လေးတွေ၊ ငါးခြောက်လေးတွေ ရှိတော့ ဒီတလလောက် ခံနိုင်ပေမဲ့ ဆင်းရဲတဲ့ လက်လုပ်လက်စားတွေ ကျတော့ ဘယ်လို့ မတောင့်နိုင်ဘူးဗျ။ ဖြစ်သလို စားနေရတာ တွေ့ရတယ်။ ပြီးတော့ ကလေးလေးတွေက ဘယ်မှ မသွားရဘဲနဲ့ အိမ်လေးထဲက အဆင့်လေးတွေမှာ နေကြရတော့ တလနီးပါးလောက် ကျောင်းလည်း မသွားရဘူး၊ အပြင်သွားစရာလည်း လှေ မရှိဘူး။ ရေပြင်ကြီးကလည်း ပတ် လည်ဝိုင်းနေတယ်။ သူတို့က အဲဒီအနားလေး ခြောက်ပေလောက် နေရာလေးမှာပဲ သွားရလာရ လှဲလိုက် ဆိုတော့ ချိနေတာကို ကျနော် တွေ့ခဲ့ရတယ်ဗျ။ မလှုပ်မရှားတာလည်း ပါမယ်။ အာဟာရပြည့်တဲ့ အစားအသောက်တွေ မစားရတာလည်း ပါ ပါမယ်။ အဲဒါကြောင့် ကျနော်က တက်တက်ကြွကြွ လှုံ့ဆော်ပြီးတော့ အာဟာရဖြစ်စေမယ့် အစားအသောက်တွေကို လိုက်ပြီးတော့ ပြင်း ပြင်းထန်ထန် အလှူခံပြီးတော့ ကျနော် သဘက်ခါကို ကျနော် ထပ်သွားပါမယ်။ အဆိုးဆုံးဖြစ်တဲ့ ရွာတွေကို ရောက်အောင် အကူ အညီတွေ ပေးဖို့ ကျနော် ပြင်ဆင်နေပါတယ်ခင်ဗျ။”

လနဲ့ချီ ရေမကျဘဲ ဖြစ်နေတာကြောင့် ရေကြောင့်ဖြစ်တဲ့ နောက်ဆက်တွဲ ရောဂါတွေ အတော်များများနဲ့ ကြုံနေရတယ်လို့လည်း ဦးနေမျိုးဇင်က ပြောပြပါတယ်။

“အဓိက ဖြစ်တာကတော့ သူတို့ဒေသရဲ့ ဖြစ်တဲ့ ငှက်ဖျားပေါ့နော်။ ငှက်ဖျားက အအေးပတ်တဲ့အခါမှာ အာဟာရ နည်းတဲ့အခါမှာ ပေါ်တာပေါ့။ ငှက်ဖျား မပြတ်သေးတဲ့ဒေသ ဖြစ်တဲ့အတွက်ကြောင့် ငှက်ဖျား ရှိပါတယ်။ ဒုတိယကတော့ အအေးမိတဲ့ ပြဿနာပါပဲ။ ဘာကြောင့်လဲ ဆိုတော့ ရေပတ်လည်ဝိုင်းနေတာ ဖြစ်တဲ့အတွက်ကြောင့် ဘာကိစ္စလေးပဲ ရှိရှိ ရေကိုဖြတ်ပြီး သွားရေတော့ အ အေး မိတဲ့ ရောဂါ ပါ။ နောက်တခုကတော့ ရေ၀ဲစားတဲ့ရောဂါ ပါ။ သူတို့က ဆပ်ပြာတွေ ဘာတွေလည်း မသုံးနိုင်ဘူး။ ဒီရေကိုပဲ သောက်၊ ဒီရေမှာပဲ မစင်စွန့်၊ ဒီရေနဲ့ပဲ ချက်ပြုတ် စားရတယ် ဆိုတဲ့အခါကျတော့ ရေ၀ဲထတဲ့ ပြဿနာတွေ ဖြစ်ပါတယ်။ အဓိက ကတော့ အာဟာရ ပြတ်ပြီးတော့ ချိတဲ့ရောဂါနဲ့ အကြောတွေ ညောင်းညာ ကိုက်ခဲတာကိုး။ သွားစရာလည်း မြေမရှိဘူးလေ။ ရေပြင်ကြီး ဖြစ်နေတော့။ အဲဒီ ပြဿနာလည်း ရှိပါတယ်။ ပိုပြီးတော့ ကျနော် စိတ်ပူတာကတော့ မျိုးဆက်သစ် ကလေးလေးတွေ ရဲ့ အကြောက်တရားကို ကုစားပေးနိုင်မယ့်ဟာတွေ၊ အာဟာရပြည့်အောင် ဖြည့်တင်း မပေးနိုင်လို့ သူတို့က စိတ်ဓာတ်တွေ ပျက် ပြားပြီးတော့ အကြောက်အလန့်တကြား လောကကြီးကို မြင်သွားမယ့် အမြင်လေးကတော့ ဒါ အစိုးရိမ်ဆုံး ပြဿနာလို့ ကျနော်က တော့ မြင်ပါတယ်။”

ရေဘေးသင့် ပြည်သူတွေအတွက် ပြည်တွင်းပြည်ပ အလှူရှင်တွေဆီကနေ ငွေကြေး စုဆောင်း ကောက်ယူနေသလို တခြား အကူအညီပေးရေး အဖွဲ့တွေနဲ့အတူတူ ရေဘေးသင့်သူတွေကို ကိုယ်တိုင် အကူအညီတွေ ပေးနေတာဖြစ်တဲ့ အကြောင်းလည်း ဦးနေမျိုးဇင် ပြောပြပါတယ်။ ဒီလိုပဲ ရန်ကုန် တောင်ပိုင်းခရိုင် ကျောင်းသား သမဂ္ဂ ကျောင်းသားကျောင်းသူတွေ ကလည်း ဒီနေ့ ကစလို့ သုံးရက်ကြာ ရေဘေးသင့် ပြည်သူတွေ အတွက် ရန်ကုန်မြို့က လူစည်ကားရာ နေရာတွေမှာ အလှူလိုက်ခံနေတယ် လို့ ဒီကိစ္စ ဦးဆောင်လုပ်နေသူ တဦးဖြစ်တဲ့ ဗကသများအဖွဲ့ချုပ်ရဲ့ တွဲဘက် အတွင်းရေးမှူး ကိုမင်းသွေးသစ်က ပြောပြပါတယ်။

“ဒီဥစ္စာက ဧရာဝတီ တိုင်းအတွင်းက ရေဘေးသင့် ပြည်သူတွေ အတွက် ရန်ကုန် တောင်ပိုင်းခရိုင် ကျောင်းသား သမဂ္ဂက ကျောင်းသားကျောင်းသူတွေက ရန်ကုန်မှာရှိတဲ့ shopping center တွေရယ်၊ နောက် လမ်းစုံလမ်းခွတွေမှာ သီချင်းလိုက် ဆိုပြီးတော့ အလှူခံတာပေါ့။ ဧရာဝတီတိုင်း ရေဘေးသင့် ပြည်သူတွေအတွက် တတ်နိုင်သ၍ လှူကြဖို့ မိဘပြည်သူတွေကို အော် လံ တွေနဲ့ အော်ပြီးပြောတယ်။ ကျနော်တို့ အလှူ လိုက်ခံတယ်ပေါ့။ နေရာတွေ ရွှေ့ပြီးတော့ ဒီနေ့က စတာပေါ့။ ဒီနေ့ရယ်၊ မနက်ဖြန်ရယ်၊ သဘက်ခါ ရယ် သုံးရက်။ ကျနော်တို့ ဒီတကြော့ ထပ်ရတဲ့ဟာကိုလည်း ထပ်ရတဲ့ အလှူငွေကိုလည်း ကျနော်တို့ သဘက်ခါပြီးတော့ နောက်တနေ့ကျလို့ရှိရင်တော့ သာပေါင်း၊ ကံကြီးဒေါင့် အဲဒီကို ကျနော်တို့ သွားပြီးတော့ လှူကြမယ်ပေါ့ခင်ဗျ။ ကျနော်တို့က ကျနော်တို့ဘာသာ ကျနော်တို့ အစည်းအဝေး ဆုံးဖြတ်ချက် ချထားတာက ကိုယ့်စရိတ်နဲ့ကိုယ် လိုက်နိုင်တဲ့သူတွေ လိုက်ခဲ့ကြဖို့။ အဲဒါကို ကျနော်တို့ ဦးဆောင်ပြီး သွားလှူမယ်။ အခု ကျနော်တို့ကို စာရင်းလာပေးထားတာ ကျောင်းသား ၆ ယောက်လောက် ရှိတယ်။ သူတို့ကို ကျနော်တို့က ဦးဆောင်ပြီးတော့ ကိုယ်တိုင်ကိုယ်ကျ အဲဒီနေရာတွေကို ရောက်အောင် သွားလှူမှာပါ။”

ရေကြီးနေတာ တလကျော်လာပေမဲ့ ရေက အခုထိ လူတရပ်စာနီးပါးအထိ ရှိနေတုန်းပဲလို့လည်း ဒေသခံတွေက ပြောပါတယ်။ အခုလို ဆိုးဆိုးရွားရွား ရေကြီးမှုကြောင့် ဧရာဝတီတိုင်းအတွင်းက ကျေးရွာပေါင်း ၃၈၀ ကျော်လောက် ရေနစ်မြှုပ်နေပြီး လယ် ယာမြေ ဧကပေါင်း သောင်းနဲ့ချီ ထိခိုက်ပျက်စီး ခဲ့ရတယ်လို့လည်း သူတို့က ပြောပါတယ်။ မနေ့က အေပီ သတင်းမှာတော့ မြန်မာနိုင်ငံတ၀ှမ်း လယ်မြေဧကပေါင်း ၆ သိန်းနီးပါးလောက် ရေလွှမ်းနေတယ်လို့ ဆိုပါတယ်။ ဧရာဝတီတိုင်းအတွင်း ခုလို ရေကြီးမှုမျိုးဟာ တကြိမ်နဲ့တင် ရပ်သွားလေ့မရှိတာကြောင့် အခု တင်နေတဲ့ ရေမကျသေးခင် နောက်တကြိမ် ထပ်ပြီး ရေကြီးလာ မှာကိုလည်း ဒေသခံတွေက စိုးရိမ်နေကြတယ်လို့ ရေဘေးသင့် ပြည်သူတွေကို အကူအညီ ပေးနေသူတွေက ပြောကြပါတယ်။


Ref: ဗွီအိုအေ

Read More...

Collapse...

ဘက်မလိုက်နိုင်ငံများညီလာခံ အီရန်တွင် ကျင်းပ

26.08.2012

အီရန်နိုင်ငံ တဟီရန်မြို့မှာ ကျင်းပတဲ့ ဘက်မလိုက်နိုင်ငံများ လှုပ်ရှားမှု ညီလာခံကို နိုင်ငံ ဒါဇင်ပေါင်း များစွာက နိုင်ငံခေါင်း ဆောင် တွေ အပါအ၀င်၊ နိုင်ငံပေါင်း ၁၂၀ နီးပါးက ကိုယ်စားလှယ်တွေ တက်ရောက်ခဲ့ကြပါတယ်။

တနင်္ဂနွေနေ့က ပြုလုပ်တဲ့ ဖွင့်ပွဲအခမ်းအနားမှာတော့ အီရန်နိုင်ငံရဲ့ နျူးကလီးယား စီမံကိန်းကို နှိပ်ကွပ်ဖို့အတွက် အနောက်နိုင်ငံ တွေက ချမှတ်ထားတဲ့ ဒဏ်ခတ်ပိတ်ဆို့မှုတွေကို ဘက်မလိုက်နိုင်ငံများ လှုပ်ရှားမှုမှာပါတဲ့ နိုင်ငံခေါင်းဆောင်တွေ အနေနဲ့ အီရန် နိုင်ငံဘက်က ရပ်တည်သွားဖို့ အီရန်နိုင်ငံခြားရေးဝန်ကြီး အလီ အက်ခ်ဘား ဆာလေဟီက တောင်းဆိုလိုက်ပါတယ်။

ဒါ့အပြင် ဘက်မလိုက်လှုပ်ရှားမှု အဖွဲ့ အနေနဲ့လည်း အကြမ်းဖက်မှုတွေကို ဆန့်ကျင်သွားဖို့၊ အထူးသဖြင့် အစိုးရတွေကနေ လုပ် နေတဲ့ အကြမ်းဖက်မှုတွေကို ဆန့်ကျင်ပြီး မားမားမတ်မတ်ရပ်တည်ဖို့ တိုက်တွန်းလိုက်ပြီး အမေရိကန်၊ ဗြိတိန် နဲ့ အစ္စရေးလ် ထောက်လှမ်းရေး အဖွဲ့တွေဟာ ၂၀၁၀ ခုနှစ်ကစပြီး အီရန်နျူးကလီးယား သိပ္ပံပညာရှင်တွေ သေဆုံးတဲ့ အမှုတွေမှာ ပါဝင် ပတ်သက်နေတယ်လို့ ပြောပါတယ်။

အီရန်နိုင်ငံက ဆီရီးယားသမ္မတ ဘက်ရှာအယ်လ်အာဆတ်ကို ထောက်ခံနေတဲ့အတွက် ၅ ရက်ကြာ ကျင်းပမယ့် ဒီညီလာခံ အတွက် ဆီးရီးယားပြဿနာဟာ ထိပ်ဆုံးက ဆွေးနွေးမယ့်ကိစ္စ ဖြစ်လာနိုင်ဖွယ် ရှိနေပါတယ်။

Ref: ဗွီအိုအေ

Read More...

Collapse...

ထိုင်း-မြန်မာ နယ်စပ်ဆိုင်ရာ အစည်းအဝေး ပုဂံတွင်ကျင်းပမည်

26.08.2012

ထိုင်း-မြန်မာနယ်စပ် ပြဿနာ အဖြေရှာရေး ဆွေးနွေးကြဖို့ မြန်မာအစိုးရက သဘောတူ လိုက်တဲ့အကြောင်း ထိုင်း နိုင်ငံခြားရေး ၀န်ကြီးဌာနက ပြောဆိုလိုက်တယ်လို့ တနင်္လာနေ့ထုတ် Bangkok Post သတင်းစာမှာ ဖော်ပြလိုက်ပါတယ်။

ထိုင်း-မြန်မာပူးတွဲ နယ်စပ်ဒေသရေးရာ ကော်မတီ (JBC) အစည်းအဝေးကို ပုဂံမှာ အောက်တိုဘာလ အတွင်း ကျင်းပမှာဖြစ် တယ်လို့ JBC ပူးတွဲ ဥက္ကဋ္ဌ Vasin Teeravechyan က ပြောပါတယ်။ ချင်းရိုင် မြို့ Mae Fah Luang တက္ကသိုလ်မှာ ကျင်းပတဲ့ လာအို၊ မြန်မာ နဲ့ ထိုင်းကိုယ်စားလှယ်တွေရဲ့ နယ်စပ်အရေး နှီးနှောဖလှယ်ပွဲမှာ JBC ပူးတွဲ ဥက္ကဋ္ဌ မစ္စတာ Vasin က ပြောဆိုလိုက်တာပါ။

၃ နိုင်ငံ နယ်ခြားမျဉ်း ကြီးကြပ်ရေး ကိုယ်စားလှယ်တွေဟာ မစ္စတာ Vasin နဲ့ အတူ ထိုင်း-မြန်မာ နယ်စပ် Mae Sai-Nam Ruok မြစ် ဖြတ်ကူးတဲ့ ဒုတိယမြောက် ချစ်ကြည်ရေးတံတားကို သွားရောက် စစ်ဆေးခဲ့ပါတယ်။

ပုဂံမှာကျင်းမယ့် ထိုင်း-မြန်မာပူးတွဲ နယ်စပ်ဒေသရေးရာ ကော်မတီ အစည်းအဝေးမှာ ထိုင်းနိုင်ငံ မဲဆောက်နဲ့ မြန်မာနိုင်ငံ မြ၀တီ မြို့အကြားက သောင်ရင်းမြစ်တလျှောက် ပြဿနာ အရပ်ရပ်ကို အဓိက ဆွေးနွေးမှာ ဖြစ်တယ်လို့ မစ္စတာ Vasin က ပြောပါ တယ်။ နှစ်ဘက်စလုံးက လိုက်နာဖို့ လမ်းညွှန်ချက်တွေကို ဆွေးနွေးပြီး နားလည်းမှု စာချွန်လွှာ လက်မှတ်ရေးထိုးနိုင်ရေး မျှော်လင့် နေတယ် လို့လည်း ဆိုပါတယ်။ နယ်စပ် ပြဿနာကို နိုင်ငံရေးအတွက် အသုံးမချစေလိုကြောင်း၊ နယ်စပ်ဂိတ်တွေ မကြာခဏပိတ် ခြင်း အားဖြင့် နယ်စပ်ဒေသ ကုန်သွယ်ရေးနဲ့ လမ်းပန်းဆက်သွယ်ရေး ထိခိုက် နစ်နာစေတယ်လို့ မစ္စတာ Vasin ကပြောတဲ့အ ကြောင်း ဘန်ကောက်ပို့စ် သတင်းစားက ရေးသားထားပါတယ်။

တချိန်တည်းမှာပဲ ထိုင်းဝန်ကြီးချုပ်ဟောင်း တက်ဆင်ရှင်နာဝပ် (Thaksin Shinawatra) ဟာ မြန်မာနိုင်ငံကို နိုဝင်ဘာလ အတွင်း လာရောက်ဖို့ရှိတယ်လို့ Pheu Thai ပါတီက အမတ် Nakhon Ratchasima Suchart Pinyo က မနေ့က တနင်္ဂနွေနေ့က ပြောဆိုလိုက်ပြီး ဘာကိစ္စနဲ့ မြန်မာနိုင်ငံကို သွားမှာလဲ ဆိုတာကိုတော့ ပြောဆိုခြင်း မရှိဘူးလို့ ဒီနေ့ထုတ် ဘန်ကောက်ပို့စ် သတင်းစာမှာ ဖော်ပြလိုက်ပါတယ်။

Pheu Thai ပါတီက အမတ်တွေ၊ အနီဝတ် တက်ဆင် ထောက်ခံသူတွေ အတော်များများ တဦးချင်းအနေနဲ့ရော အုပ်စုလိုက်ပါ မစ္စတာ တက်ဆင် ကိုတွေ့ဖို့ မြန်မာပြည်ကို သွားကြဖို့ရှိတယ်လို့ မစ္စတာ Pinyo ကပြောပါတယ်။

Ref: ဗွီအိုအေ

Read More...

Collapse...

ထိုင်းဝန်ကြီးချုပ်ဟောင်း သက်ဆင် နိုဝင်ဘာလအတွင်း မြန်မာနိုင်ငံ ရောက်မည်

2012-08-26

ထိုင်းဝန်ကြီးချုပ်ဟောင်း သက်ဆင် ရှင်နာဝပ်ထရာဟာ လာမယ့် နိုဝင်ဘာလအတွင်း မြန်မာနိုင်ငံကို ရောက်ရှိနေမှာ ဖြစ်ကြောင်း Pheu Thai ပါတီ လွှတ်တော်အမတ် တစ်ဦးက မနေ့က ထုတ်ဖော် ပြောဆိုပါတယ်။

အဲဒါကြောင့် Pheu Thai ပါတီ လွှတ်တော်အမတ်တွေနဲ့ ရှပ်နီထောက်ခံသူ အများအပြားဟာ ၀န်ကြီးချုပ်ဟောင်း သက်ဆင်နဲ့ တွေ့ဆုံဖို့ နိုဝင်ဘာလမှာ မြန်မာနိုင်ငံကို အဖွဲ့တွေ အနေနဲ့ရော၊ တစ်ဦးချင်း အနေနဲ့ပါ သွားရောက်ကြလိမ့်မယ်လို့ မျှော်လင့်ရ ကြောင်း လွှတ်တော်အမတ် မစ္စတာ ပင်ညိုက ပြောဆိုပါတယ်။

ဒါပေမဲ့ မစ္စတာ သက်ဆင် မြန်မာနိုင်ငံကို သွားရောက်မယ့် အကြောင်းရင်း ကိစ္စကိုတော့ မပြောဆိုခဲ့ပါဘူး။ မစ္စတာ သက်ဆင် ဟာ ၂၀၀၆ ခုနှစ် ပြည်ပကို ရောက်ရှိနေစဉ်အတွင်း စစ်တပ်က အာဏာသိမ်းလိုက်လို့ ပြည်ပြေးအဖြစ်နဲ့ နေထိုင်နေရပြီး အခု အခါ ဒူဘိုင်းနိုင်ငံမှာ နေထိုင်နေတယ်လို့ ယုံကြည်ကြပါတယ်။

၂၀၀၈ ခုနှစ်မှာ ထိုင်း ဗဟိုတရားရုံးက ဝန်ကြီးချုပ်ဟောင်း သက်ဆင်ကို အာဏာ အလွဲသုံးစားမှုနဲ့ ထောင်ဒဏ် (၂) နှစ် မျက် ကွယ်မှာ ချမှတ်ခဲ့ပါတယ်။

Ref: အာရ်အဖ်အေ

Read More...

Collapse...

ထိုင်း-မြန်မာ နယ်စပ်ဆွေးနွေးပွဲ ပြန်လည်စတင်မည်

2012-08-26

ထိုင်း-မြန်မာ နယ်စပ်ပြဿနာ ဆွေးနွေးပွဲကို ပြန်လည်စတင်ဖို့ မြန်မာ အစိုးရဘက်က သဘောတူလိုက်ပြီလို့ ထိုင်းတာဝန်ရှိသူ တွေ က ထုတ်ဖော် ပြောဆိုပါတယ်။

နှစ်အတော်ကြာရပ်တန့် နေခဲ့တဲ့ နှစ်နိုင်ငံနယ်စပ် ပူးတွဲကော်မတီ အစည်းဝေးကို လာမယ့် အောက်တိုဘာလအတွင်း ကျင်းပဖို့ မြန်မာဘက်က သဘောတူကြောင်း နယ်စပ်ကော်မတီ ပူးတွဲဥက္ကဋ္ဌ မစ္စတာ Vasin က ပြောဆိုပါတယ်။

လာမယ့် အောက်တိုဘာလအတွင်း မြန်မာနိုင်ငံ ရှေးဟောင်းမြို့တော် ပုဂံမှာ အစည်းအဝေး ကျင်းပမှာ ဖြစ်ပါတယ်။ ဒါပေမဲ့ နေ့ ရက် အတိအကျ မသတ်မှတ်ရသေးဘူးလို့ ထိုင်း အရာရှိ တစ်ဦးက ပြောပါတယ်။

ထိုင်းနဲ့မြန်မာ နှစ်နိုင်ငံဟာ မိုင်ပေါင်း (၁၅၀၀) နီးပါး ထိစပ်နေပါတယ်။ နှစ်နိုင်ငံ နယ်စပ် နေရာအတော် များများမှာ နယ်နမိတ် တိတိကျကျ သတ်မှတ် မထားနိုင်သေးပါဘူး။ ဒီ နှစ်နိုင်ငံ နယ်စပ် ပူးတွဲ ကော်မတီ အစည်းအဝေးကို လွန်ခဲ့တဲ့ (၇) နှစ်က နောက်ဆုံး ကျင်းပခဲ့ပြီးတဲ့နောက် မြန်မာနိုင်ငံတွင်း နိုင်ငံရေး မတည်ငြိမ်မှုတွေကြောင့် ဆက်လက် မဆွေးနွေးနိုင်ဘဲ ရပ်တန့် နေခဲ့ပါတယ်။

နှစ်နိုင်ငံ ဆွေးနွေးဖြစ်ရင် မဲဆောက်၊ မြ၀တီအနီး သောင်ရင်းမြစ်ပေါ်က ကျွန်းမြေ ပိုင်ဆိုင်မှု ကိစ္စလည်း ဆွေးနွေးမှာ ဖြစ်သလို နယ်စပ်ကိစ္စ ဆွေးနွေးရေးနဲ့ ပတ်သက်တဲ့ သဘောတူ စာချွန်လွှာတစ်ခု လက်မှတ် ရေးထိုးနိုင်ဖို့လည်း မျှော်လင့်ကြောင်း ထိုင်း ဘက် က ပြောဆိုပါတယ်။

ဒါ့အပြင် နယ်စပ်ပြဿနာနဲ့ ပတ်သက်ပြီး နယ်စပ် ကုန်သွယ်ရေးဂိတ်တွေ ပိတ်ပစ်တဲ့ကိစ္စ ရောထွေး မလုပ်ဆောင်ဖို့ ထိုင်း ဘက်က ကြိုးပမ်းသွားမယ်လို့လည်း ထိုင်းအရာရှိက ပြောဆိုခဲ့ပါတယ်။


Ref: အာရ်အဖ်အေ

Read More...

Collapse...

ပြင်းထန်တဲ့ တိုက်ပွဲကြောင့် ကချင်စစ်ဘေးဒုက္ခသည် ပိုမိုထွက်ပြေး

2012-08-26

ကချင်ပြည်နယ် ဖားကန့် မြို့ နယ်မှာ အစိုးရ စစ်တပ်စစ်ကြောင်းတွေနဲ့ ကေအိုင်အေတို့ တိုက်ပွဲတွေ အပြင်းအထန် ဖြစ်ပွါးနေတဲ့ အတွက် စစ်ပြေးဒုက္ခသည်တွေ ဖါးကန့် မြို့ ပေါ်ကို ထွက်ပြေးလာတာ အခုဆိုရင် အနည်းဆုံး သုံးသောင်းကျော် ရှိပြီလို့  ဒုက္ခ သည် တွေကို ကူညီစောင့်ရှောက်ပေးနေတဲ့ NGO အဖွဲ့ဝင်တဦးက ပြောပါတယ်။

"ပြီးခဲ့တဲ့ စနေနေ့ကတည်းက ဖြစ်တာ။ မော်မောကုန်းကနေစပြီး ဖြစ်ခဲ့တာ။ အခု ကျွန်မတို့ မြို့ပေါ်မှာ မနေ့ကတည်းက ဒုက္ခသည် တွေက ၃ သောင်းကျော် ရှိတယ်။ ဖြစ်တုံးပဲ။ ဒီနေ့လည်း မျောက်ဖြူမှာ ဖြစ်တယ်။ မနေ့ညကကျတော့ ရွာဟောင်းမှာ ဖြစ်တယ်။ ဆိုင်းတောင်ရွာဟောင်းဆိုတဲ့နေရာမှာ။ နေ့တိုင်းကို ဖြစ်နေတာ။ ဖြစ်တဲ့နေရာတွေကတော့ ၂ -၃ မိုင်ပဲ။ သိပ်တော့ မဝေးဘူး။ ဒါပေမဲ့ တောင်တွေဘာတွေတော့ ခံထားတာပေါ့။ အရှေ့ဘက်ကတော့ မဖြစ်ဘူး။ အနောက်မြောက်ဘက်မှာ ဖြစ်တာ။"

တိုက်ပွဲဖြစ်ပွားရာ နေရာက ထွက်ပြေးလာတဲ့ ဒုက္ခသည်တွေနဲ့ ဖားကန့် မြို့ နယ်မှာ ပြည့်နှက်နေပြီး ဘုန်းတော်ကြီးကျောင်းတွေနဲ့ ခရစ်ယန်ဘုရားကျောင်းတွေမှာ နေရာချထားရာမှာ အခုအခါ နေစရာမရှိတော့ဘူးလို့လည်း ဆိုပါတယ်။

တိုက်ပွဲဖြစ်ပွားပြီး ထွက်ပြေးလာရတဲ့ ရွာသူရွာသားတွေကတော့ စတော်ခ၊ အင်ပါးလာခ၊ မျောက်ဖြူ၊ မရမ်၊ တောင်ပြို၊ မော်မော ဘွန်၊ မော်ဝိုင်းကြီး၊ မော်ဝိုင်းလေး စတဲ့ရွာတွေက ဖြစ်ပါတယ်၊ ဒုက္ခသည်တွေထဲမှာ သက်ကြီးရွယ်အိုများ၊ မွေးကင်းစကလေးများနဲ့ မီးဖွားပြီးစ မိခင်တွေ ပါဝင်ပြီး ဒီကနေ့ မှာတော့ နာမကျမ်းသူ စစ်ပြေးဒုက္ခသည် တစ်ဦး ဆုံးပါးသွားတယ်လို့ သိရပါတယ်။

Ref: အာရ်အဖ်အေ

Read More...

Collapse...

မြစ်ကြီးနားတက္ကသိုလ်မှာ အဓမ္မ လုပ်အားပေးခိုင်းစေ

2012-08-26

ကချင်ပြည်နယ်၊ မြစ်ကြီးနား တက္ကသိုလ်က ဆရာ ဆရာမတွေ၊ ကျောင်းသူ ကျောင်းသားတွေနဲ့ ဝန်ထမ်းတွေဟာ သောကြာနေ့ တိုင်း အဓမ္မ လုပ်အားပေး ခိုင်းစေခံနေရတယ်လို့ သိရပါတယ်။

မြစ်ကြီးနား တက္ကသိုလ် ဆရာ၊ ဆရာမတွေဟာ စီတာပူ သီတာအေးရပ်ကွက် ကမ်းနားလမ်းပေါ်မှာရှိတဲ့ တက္ကသိုလ်ဝင်တန်း စာမေးပွဲ မေးခွန်းထုတ်တဲ့ အဆောက်အဦးရှေ့ တလျှောက်က ထူထပ်တဲ့ ခြုံနွယ်ပိတ်ပေါင်းတွေကို အခုလ (၁၇) ရက်နေ့က စပြီး ခုတ်ထွင်ရှင်းလင်း နေရတာ ဖြစ်တယ်လို့ အမည်မဖော်လိုတဲ့ တက္ကသိုလ် ဆရာတစ်ယောက်က RFA ကို ပြောပါတယ်။

"ဆရာ ဆရာမ ဆိုတာ စာသင်ဖို့ ပဲလေ။ စာသင်တဲ့အချိန်မှာ ခိုင်းတယ်။ တချို့ဋ္ဌာနဆိုရင် ကျောင်းသူ ကျောင်းသား မရှိဘူး၊ ကျောင်းသူ ကျောင်းသား ရှိတော့လည်း ဆရာ ဆရာမ ဆိုတာ သူတို့က လုပ်ရတာ ခြုံတွေထူတဲ့ အတွက်ကြောင့်မို့ သူတို့အားနဲ့  မလုံလောက်တဲ့ အတွက်ကြောင့်မို့ ကျောင်းသားတွေကို ခေါ်ခိုင်းတယ်။ ကျောင်းသားတွေက အဲဒီတော့ စာသင်ချိန်တွေ ပျက် တယ်။ ဆရာ ဆရာမတွေကလည်း စာသင်ချိန်တွေ အပျက်ခံပြီးတော့ လုပ်ရတယ်။ ဘယ် တက္ကသိုလ်မှ မခိုင်းဘူး။ ဒါလုံးဝ မဖြစ်သင့်တဲ့ ကိစ္စပဲ။ အစဉ်အဆက် ညှဉ်းပန်းနှိပ်စက် နေတယ်လို့ ထင်တာပဲ။ ဘယ်သူမှ မကျေနပ်ကြဘူး။

ပြီးခဲ့တဲ့ သောကြာနေ့ ညနေပိုင်းက မြစ်ကြီးနားတက္ကသိုလ် အရာထမ်းတွေ နေထိုင်တဲ့ လမ်းတလျှောက်က ခြုံနွယ်တွေကို ခုတ် ထွင် ရှင်းလင်းခဲ့ရပြီး အခုလာမယ့် သောကြာနေ့မှာလည်း ဆက်လက် ခိုင်းစေခံရဦးမှာ ဖြစ်ကြောင်း တက္ကသိုလ် ဆရာက ပြောပါ တယ်။


Ref: အာရ်အဖ်အေ

Read More...

Collapse...

မိုးထိမိုးမိ ရွှေတူးဖော်ရေး အလုပ်သမား ခေါင်းဆောင်တွေ ၈၈ မျိုးဆက်ထံ အကူအညီတောင်းခံ

2012-08-25

မန္တလေးတိုင်း ရမည်းသင်းမြို့နယ် မိုးထိ မိုးမိဒေသ ရွှေတူးဖော်ရေး လုပ်ငန်းခွင်က အလုပ်သမား ခေါင်းဆောင်တွေဟာ ရန်ကုန်မြို့ သင်္ဃန်းကျွန်းမြို့ နယ်မှာ ဖွင့်လှစ်ထားတဲ့ (၈၈) မျိုးဆက် ကျောင်းသား ခေါင်းဆောင်တွေရဲ့ ရုံးခန်းကို ဒီကနေ့ ပထမဆုံးအကြိမ် လာရောက် အကူအညီ တောင်းခံခဲ့ပါတယ်။

မိုးထိ မိုးမိဒေသက ရွှေတူးဖော်ရေး လုပ်ငန်းခွင်မှာ သိန်းနဲ့ချီတဲ့ အလုပ်သမားတွေနဲ့ အမျိုးသား ကြီးပွားတိုးတက်ရေး ကုမ္ပဏီ တို့အကြား ပေါ်ပေါက်နေတဲ့ ပဋိပက္ခတွေနဲ့ ပတ်သက်လို့ မန္တလေးတိုင်း ဒေသကြီးအစိုးရ သတ္တုတွင်း ဝန်ကြီးရဲ့ ဖြေရှင်းပုံ အပေါ် မကျေနပ်တဲ့အတွက် ၈၈ မျိုးဆက် ကျောင်းသား ခေါင်းဆောင်တွေကို အခုလို အကူအညီ တောင်းခံရတာ ဖြစ်တယ်လို့ အလုပ် သမား ခေါင်းဆောင်တစ်ဦးက ပြောပါတယ်။

"၈၈ ကို ဒီလိုမျိုး လာရောက် အကူအညီတောင်းရခြင်းက သတ္တုတွင်း ဝန်ကြီး ဦးသန်းစိုးမြင့် ကိုယ်တိုင် ချုပ်ဆိုထားတဲ့ စာချုပ် လည်း ဖြစ်ပါတယ်။ သူကိုယ်တိုင်လည်း ပြေလည်အောင် မဖြေရှင်းပေးတဲ့အတွက် ကျွန်မတို့ ဒီ ၈၈ ကို အားကိုးအားထားနဲ့ လာပြီး အကူအညီတောင်းရခြင်း ဖြစ်ပါတယ်"

မိုးထိ မိုးမိတောင် ရွှေတူးဖော်ရေး လုပ်သားတွေရဲ့ တောင်းဆိုချက်တွေကို မန္တလေးတိုင်း အစိုးရအဖွဲ့က တာဝန်ယူ ဖြေရှင်းမ ပေးဘဲ တရားစွဲဖို့သာ အကြံပြုခဲ့တဲ့အတွက် အလုပ်သမားတွေ အနေနဲ့ ဥပဒေ ဗဟုသုတ၊ အမှုကုန်ကျ စရိတ်စတဲ့ အခက် အခဲတွေ ရှိနေတယ်လို့ သိရပါတယ်။

၈၈ မျိုးဆက်ကျောင်းသားတွေ အနေနဲ့ အဲဒီ အခက်အခဲတွေကို အတတ်နိုင်ဆုံး ကူညီ ဖြေရှင်းပေးသွားမယ်လို့ ကျောင်းသား ခေါင်းဆောင် ကိုမင်းကိုနိုင်က ပြောပါတယ်။

"သာမန်ပြည်သူတွေက ဥပဒေ အကြောင်းလည်း နားမလည်ကြဘူး။ တရားစရိတ်ဆိုလည်း မတတ်နိုင်ဘူးဗျ။ အဲဒီတော့ ကျွန်တော် တို့ က ပြည်သူတွေ၊ သာမန် အလုပ်သမားတွေ ဥပဒေ အကြောင်းအရာတွေကို သိရှိဖို့ရယ်၊ နောက်ပြီးတော့ တရားစရိတ် တတ် နိုင်ဖို့ ရယ်ကို ဝိုင်းပြီးတော့ စဉ်းစားပေးဖို့ ပါပဲ။ မဟုတ်လို့ ရှိရင် ဒီဖြစ်ရပ်မျိုးဟာ တစ်ပြည်လုံး အတိုင်းအတာမျိုးနဲ့ ဆင့်ကဲ ဆင့် ကဲ ဖြစ်လာမယ်ဆိုရင် အင်မတန်လည်း နစ်နာတယ်။ ဒါကြောင့်မို့လို့ အရင်ဆုံးပေါ်လာတဲ့ အကြောင်းကိစ္စတွေမှာ ကျွန်တော်တို့က အခြေခံကျတဲ့ ဒီ ပြည်သူတွေ ဘက်ကနေပြီးတော့ ကျွန်တော်တို့ ဝိုင်းကြည့်ပေးရပါလိမ့်မယ်"

မိုးထိ မိုးမိ ရွှေလုပ်သားတွေဟာ သူတို့ရင်ဆိုင်နေရတဲ့ အခွင့်အရေး ချိုးဖောက်ခံရမှုတွေနဲ့ ပတ်သက်လို့ များမကြာခင်က ရန်ကုန် မြို့  အိုင်အယ်လ်အို နိုင်ငံတကာ အလုပ်သမား အဖွဲ့ချုပ်ရုံးကို တင်ပြထားတယ်လို့လည်း သိရပါတယ်။

မိုးထိ မိုးမိ အလုပ်သမားတွေဟာ အမျိုးသား ကြီးပွား တိုးတက်ရေးကုမ္ပဏီနဲ့ ချုပ်ဆိုထားတဲ့ သဘောတူစာချုပ်ပါ အချက် (၆) ချက် ကို ကုမ္ပဏီဘက်က ဖောက်ဖျက်တဲ့အတွက် အခုလို တောင်းဆို တိုက်ပွဲဝင်နေကြတာ ဖြစ်ပါတယ်။ ကုမ္ပဏီဘက်ကတော့ ဘယ်လို ဖောက်ဖျက်မှုမျိုးမှ မရှိခဲ့ကြောင်း ပြီးခဲ့တဲ့ သီတင်းပတ် စနေ့နေ့က ရန်ကုန်မြို့ မှာ သတင်းစာ ရှင်းလင်းပွဲ ကျင်းပပြီး ပြောကြားခဲ့ပါတယ်။

Ref: အာရ်အဖ်အေ

Read More...

Collapse...

လယ်သမား နှစ်ထောင်ကျော် လယ်ယာမြေ မကျူးကျော်ရ ဆိုင်းဘုတ် စိုက်ထူ

2012-08-25

မနေ့က စစ်ကိုင်းတိုင်း မုံရွာခရိုင် ဆားလင်းကြီးမြို့နယ်က ဒေသခံ တောင်သူလယ်သမား အင်အား နှစ်ထောင်ကျော်လောက်ဟာ ကြေးနီ စီမံကိန်း အကောင်အထည်ဖော်နေတဲ့ လက်ပန်းတောင်းတောင် အနီးတ၀ိုက်မှာ လယ်ယာမြေ မကျူးကျော်ရ ဆိုင်းဘုတ် တွေ စိုက်ထူခဲ့ကြတယ်လို့ သိရပါတယ်။

ဒါ့အပြင် ဗြိတိသျှကိုလိုနီ လက်အောက် ကာလက လယ်သမားခေါင်းဆောင် ဂဠုန်ဆရာစံ တိုက်ပွဲဝင်ခဲ့သလို ရိုးရာ မောင်းတီးပြီး ကြွေးကြော်သံတွေနဲ့အတူ ဆန္ဒဖော်ထုတ်ခဲ့ကြပါတယ်။

ထောင်နဲ့ချီတဲ့ ဒေသခံတွေ မြေယာသိမ်းပိုက်ပွဲ ဆင်နွှဲနေတဲ့ စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပန်းတောင်း တောင် ကြေးနီစီမံကိန်း အနီးတ၀ိုက်ကို အာဏာပိုင်တွေက ပုဒ်မ ၁၄၄ ညမထွက်ရ အမိန့် မနေ့က ထုတ်ပြန်လိုက်တယ်လို့ ဒေသခံ လယ်သမား တစ်ယောက်က RFA ကို ပြောပါတယ်။

"ဆားလင်းကြီး မြို့နယ် အုပ်ချုပ်ရေးမှူး ကိုယ်တိုင် ဒီနေရာကတော့ ရှေ့ဆက်သွားလို့ မရတော့ဘူး။ ဒီနေရာမှာ ၁၄၄ ထုတ် လိုက် ပြီ။ ပြောတာဗျ။ အစိုးရ အဖွဲ့က ထုတ်လိုက်ပါတယ်တဲ့။ အမိန့်စာ ပြခိုင်းတော့ သူတို့လုံးဝမပြပါဘူး။ ကျွန်တော်တို့ ဆိုင်း ဘုတ် ချိတ်ထားတာ ၁၂ ခုလောက် အရောက်မှာ သူတို့ ၁၄၄ ထုတ်တယ်ဆိုလို့ ကျွန်တော်တို့က နိုင်ငံတော်သီချင်း ဆိုပြီးတော့ ပြန်လာခဲ့ကြတာ"

လက်ပန်းတောင်းတောင် ကြေးနီထုတ်လုပ်ရေး စီမံကိန်းကို ၀မ်ပေါင် တရုတ်ကုမ္ပဏီနဲ့ စစ်တပ်ပိုင် မြန်မာ့ စီးပွားရေးဦးပိုင် လီမိ တက်တို့ ပူးပေါင်း အကောင်အထည် ဖော်နေတာ ဖြစ်ပြီး ဒီစီမံကိန်းကို ရပ်တန့်ပေးပို့ ဒေသခံပြည်သူတွေက နေ့စဉ်ရက်ဆက် ဆိုသလို ဆန္ဒ ဖော်ထုတ်နေကြတာ ဖြစ်ပါတယ်။

Ref: အာရ်အဖ်အေ

Read More...

Collapse...

ဧရာဝတီ ရေဘေး ကျောင်းသားသမဂ္ဂ၀င်များ ရံပုံငွေရှာ

2012-08-26

ဧရာဝတီတိုင်းက ရေဘေးသင့် ပြည်သူတွေအတွက် လိုအပ်တဲ့ ပစ္စည်းတွေ ကူညီနိုင်ဖို့ ဗမာနိုင်ငံလုံးဆိုင်ရာ ကျောင်းသား သမဂ္ဂ အဖွဲ့ဝင် (၅၀) လောက်က ဦးဆောင်ပြီး ဒီကနေ့ ဂီတနဲ့ ဖျော်ဖြေပြီး အလှူငွေ ကောက်ခံခဲ့ပါတယ်။

ရန်ကုန်မြို့ရဲ့ အဓိကဈေးကြီးတွေဖြစ်တဲ့ မင်္ဂလာဈေး၊ ယုဇနပလာဇာ နဲ့ လှိုင်သာယာမြို့နယ်တို့မှာ ရန်ကုန်မြို့က တက္ကသိုလ် အသီး သီးမှာ ဖွဲ့စည်းထားတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂက ကျောင်းသားတွေ ပါဝင်ပြီုး အလှူခံထွက်ခဲ့တာလို့ ဗကသအဖွဲ့ရဲ့ အထွေထွေ အတွင်းရေးမှူး ကိုအောင်အောင်ကျော်က RFA ကို ပြောပါတယ်။

အဲဒီလှုပ်ရှားမှုကို ဒီကနေ့နဲ့ မနက်ဖြန် နှစ်ရက်ဆက်တိုက် လုပ်ဆောင်သွားမှာ ဖြစ်ပြီး ရန်ကုန်မြို့ရဲ့ အချက်အချာကျတဲ့ နေရာတွေ မှာ ကျောင်းသားတွေက တတ်ကျွမ်းတဲ့ ဂီတအနုပညာနဲ့ ပရိသတ်ကို ဖျော်ဖြေပြီး အလှူခံတာ ဖြစ်ပါတယ်။ အလှူခံလို့ ရရှိတဲ့ ဆေးဝါး၊ ငွေကြေး အပါအ၀င် တခြား အသုံးအဆောင် ပစ္စည်းတွေကို စုစည်းပြီး လာမည့် သြဂုတ်လ (၃၁) ရက်နေ့မှာ ဧရာဝ တီတိုင်းရဲ့ ရေဘေးသင့်နေရာ အသီးသီးကို သွားရောက်လှူဒါန်းမယ်လို့ သိရပါတယ်။

ဒီကနေ့မှာတော့ အလှူငွေ ကျပ် (၃) သိန်းနီးပါး၊ ဆေးဝါးနဲ့ အ၀တ်အထည်တွေ လက်ခံရရှိခဲ့တယ်လို့လည်း ကျောင်းသား ခေါင်းဆောင်တွေက ပြောပါတယ်။

Ref: အာရ်အဖ်အေ

Read More...

Collapse...

ရခိုင်အရေး သမ္မတ ကို ထောက်ခံတဲ့လှုပ်ရှားမှု မန်း အာဏာပိုင်များခွင့်ပြု

2012-08-26

ရခိုင်အရေးနဲ့ ပတ်သက်လို့ သမ္မတ ဦးသိန်းစိန်ရဲ့ ရပ်တည်ချက်အပေါ် ထောက်ခံတဲ့အနေနဲ့ ဆန္ဒဖော်ထုတ်ပွဲတွေကို မန္တလေးမြို့က မြို့နယ်အားလုံးနဲ့ အမရပူရမြို့တွေမှာ တရက်တည်း တပြိုင်တည်း ကျင်းပဖို့ အာဏာပိုင်တွေက ခွင့်ပြုလိုက်ပြီလို့ သိရပါတယ်။

တခြားပြည်နယ်နဲ့ တိုင်းဒေသတွေမှာ ဆန္ဒပြမယ်ဆိုရင် ပြင်ဆင်တာ၊ ကန့်သတ်တာ၊ ငြင်းပယ်တာတွေရှိ နေပေမယ့် အမရပူရ နဲ့ မန္တလေး (၅) မြို့နယ်လုံးမှာ အခုလို ဆန္ဒဖော်ထုတ်ခွင့် ပြုလိုက်တာဟာ တမျိုးသားလုံးနဲ့ဆိုင်တဲ့ လှုပ်ရှားမှုအပေါ် မန္တလေးတိုင်း အစိုးရအဖွဲ့ရဲ့ သဘောထားကြီးမှုကြောင့် ဖြစ်နိုင်တယ်လို့ ဆရာတော် ဦးဝီရသူက RFA ကို မိန့်ကြားပါတယ်။

မန္တလေးတိုင်း အစိုးရအဖွဲ့နဲ့ တခြားတိုင်းဒေသကြီးအစုိုးရ ပြည်နယ်အစိုးရတို့ သဘောထားချင်း မတူတာကြောင့် အခုလို ခွင့်ပြု တာလည်း ဖြစ်နိုင်ကြောင်း၊ ရခိုင်အရေးမှာ မားမားမတ်မတ် ရပ်တည်တဲ့ သမ္မတကို မြန်မာပြည်သူတရပ်လုံးက ထောက်ခံမယ် ဆိုတဲ့ ရည်ရွယ်ချက်ကြောင့် တစုံတရာ ပြဿနာ မရှိနိုင်ဘူးလို့ ယူဆတဲ့အတွက် တပြိုင်နက်တည်း တရက်တည်းမှာ မြို့နယ် ပေါင်းစုံမှာ ကျင်းပခွင့်ပေးတယ်လို့ ယူဆကြောင်း ဆရာတော် ဦးဝီရသူက မိန့်ပါတယ်။

မစိုးရိမ်တိုက်သစ် ဓမ္မသဟာယကျောင်း နာယကဆရာတော် ဖြစ်တဲ့ ဦးဝီရသူဟာ ဆန္ဒဖော်ထုတ်ပွဲကို စက်တင်ဘာလ (၁) ရက် နေ့ဖြစ်တဲ့ ၀ါခေါင်လပြည့်နေ့မှာ ပြုလုပ်မှာဖြစ်ပြီး၊ ဒီလှုပ်ရှားမှုမှာ သံဃာတော်တွေပါ ပါဝင်မယ်လို့ သိရပါတယ်။ မန္တလေးမြို့က မြို့နယ်စုံမှာ ဆန္ဒဖော်ထုတ်ပွဲ ကျင်းပသွားမှာ ဖြစ်ပေမယ့် အမရပူရမြို့ မှာတော့ အလှမ်းဝေးတဲ့အတွက် ကျင်းပဖို့ မသေချာသေး ဘူးလို့ သိရပါတယ်။

ဆရာတော်ဟာ ရခိုင်အရေး မန္တလေးမြို့မှာ ဆန္ဒဖော်ထုတ်ပွဲ ဆင်နွှဲဖို့ အခုလ ၂၃ ရက်နေ့က အာဏာပိုင်တွေထံမှာ ခွင့်ပြုချက် တောင်းခံခဲ့တာ ဖြစ်ပါတယ်။ ဆန္ဒပြပွဲမှာ တီရှပ်အင်္ကျီတွေလည်း ဝေငှဖို့ရှိပြီး၊ အဲဒီတီရှပ် အင်္ကျီမှာ ရှေ့ဘက်က သမ္မတဦးသိန်း စိန်ရဲ့ ဓါတ်ပုံနဲ့ ၀ဲဘက်ရင်ညွန့်မှာ ရခိုင်တိုင်းရင်းသား အမှတ်အသား လိုဂိုဖြစ်တဲ့ ရခိုင်ဒင်္ဂါးပုံနဲ့ အောက်ခြေမှာ နိုင်ငံတော်ကို ကယ်တင်ဖို့ သမ္မတကြီးကို ထောက်ခံပါ ဆိုတဲ့ စာသားပါဝင်ပြီး၊ ကျောဘက်မှာတော့ ကုလလူ့အခွင့်အရေး ကိုယ်စားလှယ် မစ္စတာကင်တားနားရဲ့ ရုပ်ပုံကိုကြက်ခြေခတ်ထားတဲ့ပုံ ပါဝင်ကြောင်း သိရပါတယ်။


Ref: အာရ်အဖ်အေ

Read More...

Collapse...