နေမျိုး
မေလ ၁၄ ရက် ၂၀၁၃ ခုနှစ်
လယ်ယာမြေ သိမ်းဆည်းခံရခြင်းနှင့် ပတ်သတ်ပြီး တောင်သူလယ်သမား နှီးနှော ဖလှယ်ပွဲ တရပ်ကို မန္တလေးတိုင်း မိတ္ထီလာမြို့နယ်တွင် တနင်္ဂနွေနေ့က ကျင်းပခဲ့ပြီး တောင်သူလယ်သမား ကိုယ်စားလှယ် ၂၀၀ခန့် တက်ရောက်ခဲ့ကြောင်း သတင်းရရှိသည်။
တောင်သူလယ်သမားများ၏ အခက်အခဲ ပြဿနာရပ်များကို အနယ်နယ်အရပ်ရပ်မှ တောင်သူ လယ်သမား ကွန်ယက်အဖွဲ့ နှစ်ဆယ့်နှစ်ဖွဲ့ ပါဝင်ဆွေးနွေးခဲ့သည်ဟု ဒီမိုကရေစီနဲ့ ငြိမ်းချမ်းရေး ကွန်ယက်အဖွဲ့ဝင် မသန္တာက မဇ္ဈိမသို့ ပြောသည်။
မသန္တာက “ လယ်သမားတွေရဲ့ သီးခြားပြဿနာတွေ သူတို့အခက်အခဲက လယ်သိမ်းခံရတာ၊ အဲလိုခံရလို့ ဥပဒေနဲ့ အညီ ပြန်ရဖို့ ကြိုးစားတာကို ထပ်ပြီး ဟန့်တားခံရတာတွေ ဆွေးနွေးပါတယ်” ဟု မဇ္စျိမ ကို
ပြောသည်။
နှီးနှောဖလှယ်ပွဲမှ ဆုံးဖြတ်ချက် ၉ချက် ချမှတ်နိုင်ပြီး အဆိုပါဆုံးဖြတ်ချက်များကို နိုင်ငံအ၀ှမ်း ရှိ တောင်သူလယ်သမားများထံ ဖြန့်ဝေသွားမည် ဖြစ်သည်။
ထို့နောက် လွှတ်တော်ကိုယ်စားလှယ်များနှင့် တိုင်ပင်ကာ လွှတ်တော်သို့ တင်ပြသွားမည်ဟု အဆိုပါပွဲ တက်ရောက်သူ များ ထံမှ သတင်းရရှိသည်။
ယခု ချမှတ်လိုက်သည့် အချက်များတွင် လယ်သမားများ၏ ဘ၀ဖွံ့ဖြိုးတိုးတက်ရေးကို အာမခံသည့် တိကျ ခိုင်မာသော မြေယာဥပဒေများ ပြဌာန်းနိုင်ရေး၊ လယ်သမားများနှင့် ပညာရှင်များ ပါဝင်ဆွေးနွေး
ရေးဆွဲရေးနှင့် နိုင်ငံလုံးဆိုင်ရာ တောင်သူလယ်သမား နှီးနှောဖလှယ်ပွဲကြီး ကျင်းပရန် စသည့် အချက်များ ပါဝင်တောင်းဆိုထားသည်။
ခေတ်အဆက်ဆက် အကြောင်းအမျိူးမျိူးပြကာ တောင်ပေါ်ဒေသမကျန် တောင်သူလယ်သမားများ ထံမှမတရား သိမ်းဆည်းခဲ့သည့် လယ်ယာမြေများကို မူလပိုင်ရှင်ထံ ပြန်ပေးအပ်ရန်နှင့် ထိုက်တန်သည့်
လျှော်ကြေး ပေးရန်တို့ကို အဓိကထားတောင်းဆိုထားကြောင်း မသန္တာမှ ဆက်လက် ပြောပြသည်။
ဥပဒေနှင့်အညီ လယ်ယာမြေ ပြန်လည် ရရှိရေး ကြိုးပမ်းမှုများ ဟန့်တားခံ နေရသော်လည်း လယ်သမားများ ထိခိုက်မည်ကို မလိုလား၍ အန္တရာယ်ရှိ နည်းလမ်းများကို ရှောင်ရှားသွားမည် ဟု မသန္တာက ဆိုသည်။
လယ်ယာမြေ စုံစမ်းစစ်ဆေးရေး ကော်မရှင်၏ အစီရင်ခံစာ အပိုင်းနှစ်ကို ဇွန်လတွင် ပြည်ထောင်စု လွှတ်တော်ကို တင်ပြသွားမည် ဖြစ်ရာ အဆိုပါအစီရင်ခံစာတွင် အစိုးရ သိမ်းဆည်းထားသည့် စီမံကိန်း လယ်မြေများ၊ စိုက်ပျိုးမွေးမြူရေး လုပ်ငန်းများအတွက် သိမ်းဆည်းထားသည့် လယ်မြေများနှင့် ပတ်သတ်၍ စုံစမ်းစစ်ဆေး ထားသည်။
Ref: မဇ္ဈိမ
Read More...
Collapse...
15.05.2013
al-Qaeda အဖွဲ့ ဗုံးဖောက်ခွဲဖို့ စီစဉ်တာကို လက်ဦးမှုယူ တားဆီးလိုက်နိုင်တဲ့ CIA အမေရိကန်ထောက်လှမ်းရေးအဖွဲ့ရဲ့ ယေမင်နိုင်ငံမှာ လုပ်ခဲ့တဲ့ စစ်ဆင်ရေးနဲ့ ပတ်သက်လို့ အစိုးရရဲ့ လျှို့ဝှက် သတင်း အချက်အလက်တွေ ဘယ်ကပေါက်ကြားခဲ့သလဲ ဆိုတဲ့အပေါ် ရာဇဝတ်မှုနဲ့ စုံစမ်းစစ်ဆေးနေမှုကို အိမ်ဖြူတော်က ကာကွယ် ပြောကြားလိုက်ပါတယ်။
သတင်းထောက်တွေမှာ အဖြစ်မှန်ကို စုံစမ်းဖော်ထုတ်ပိုင်ခွင့် လွတ်လွတ်လပ်လပ် ရှိတာကို သမ္မတ ဘရက်ခ် အိုဘားမား (Barack Obama) က အပြည့်အဝ ယုံကြည်ပေမဲ့ အထူး လျှို့ဝှက်ထားတဲ့ အချက်အလက်တွေ မပေါက်ကြားအောင် ထိန်းသိမ်းဖို့ လိုအပ်တယ်လို့လည်း သမ္မတက မြင်ကြောင်း အိမ်ဖြူတော် ပြောခွင့်ရသူ ဂျေး ကာနေး (Jay Carney) က အင်္ဂါနေ့က ပြောကြားခဲ့ပါတယ်။
ပြီးခဲ့တဲ့နှစ် ဧပြီလနဲ့ မေလတွေအတွင်း AP သတင်းဌာနက အယ်ဒီတာတွေနဲ့ သတင်းထောက်တွေရဲ့ တယ်လီဖုန်း ဆက်သွယ်မှု မှတ်တမ်းတွေကို အစိုးရက လျှို့ဝှက် ရယူခဲ့တဲ့အပေါ် တချို့ အမေရိကန် သတင်းထောက်တွေက လူသိရှင်ကြား ကန့်ကွက်နေတဲ့အတွက် အိမ်ဖြူတော်က အခုလို ကာကွယ်ပြောကြားခဲ့တာ ဖြစ်ပါ တယ်။
ယေမင်နိုင်ငံမှာလုပ်ခဲ့တဲ့ စစ်ဆင်ရေးအကြောင်းကို AP သတင်းဌာနက ၂၀၁၂ ခုနှစ် မေလမှာ သတင်းရေးသား ဖော်ပြခဲ့ပါတယ်။ အခုလို တယ်လီဖုန်း မှတ်တမ်းတွေကို အစိုးရက လျှို့ဝှက် စစ်ဆေးခဲ့တာနဲ့ ပတ်သက်လို့ ဘယ်လိုမှ တရားမျှတတယ်လို့ ဖြေရှင်းလို့ မရနိုင်ဘူးလို့ AP အကြီးအကဲက ပြောကြားခဲ့သလို၊ အမေရိကန် သတင်းစာ အယ်ဒီတာများအဖွဲ့ကလည်း အင်မတန် တရားလွန်ပြီး အလွန် စိတ်ပျက်စရာ ဖြစ်တယ်လို့ ပြောကြားခဲ့ပါတယ်။
AP ကို သတင်းပေါက်ကြားခဲ့တဲ့အတွက် အမေရိကန်ပြည်သူတွေ အန္တရာယ် ဖြစ်စေခဲ့တယ်လို့ အမေရိကန် ရှေ့နေချုပ် အဲရစ် ဟိုဒါ (Eric Holder) ကတော့ ဆိုပါတယ်။ ဒီပေါက်ကြားမှုနဲ့ ဆက်နွယ်ပြီး သူ့ကို FBI က စစ်ဆေးနေတဲ့အတွက် စုံစမ်းမှုမှာ သူ မပါဝင်ဖို့ လုံခြုံရေးအဖွဲ့များရဲ့ ထိပ်တန်းအရာရှိဖြစ်တဲ့ မစ္စတာ ဟိုဒါ က ဆုံးဖြတ်ခဲ့ပါတယ်။
Ref: ဗွီအိုအေ
Read More...
Collapse...
15.05.2013
ပါကစ္စတန်နိုင်ငံရဲ့ စနေနေ့ လွှတ်တော် ရွေးကောက်ပွဲမှာ အနိုင်ရသွားတဲ့ ပါတီရဲ့ခေါင်းဆောင် ဝန်ကြီးချုပ်သစ် ဖြစ်လာမဲ့ပုံရသူ န၀ပ် ရှရစ်ဖ် (Nawaz Sharif) ကို အမေရိကန်သမ္မတ ဘရက်ခ် အိုဘားမား (Barack Obama) က တယ်လီဖုန်းနဲ့ လှမ်းဆက်သွယ်ပြီး ဂုဏ်ပြုစကား ပြောဆိုခဲ့ပါတယ်။
အမေရိကန်နဲ့ ပါကစ္စတန်ဟာ ဟိုးအရင်ကတည်းက အတူလက်တွဲ အလုပ်လုပ်လာတဲ့ သမိုင်းရှိပြီး ပါကစ္စတန်အစိုးရသစ်နဲ့ ဆက်ပြီး ပူးပေါင်း ဆောင်ရွက်သွားလိုတယ်လို့ သမ္မတ အိုဘားမား က ပြောခဲ့ကြောင်း အိမ်ဖြူတော် ပြောခွင့်ရသူ ဂျေး ကာနေး (Jay Carney) က ပြောပြပါတယ်။
အစွန်းရောက်သမားတွေရဲ့ နှောင့်ယှက်မှုတွေ ရှိပေမဲ့ လူအများအပြား လာရောက် မဲပေးကြတဲ့အပေါ်မှာလည်း ချီးကျူးပြောကြားခဲ့တယ်လို့ ဆိုပါတယ်။ မဲရလဒ် အားလုံးနီးပါးကို ရေတွက်ပြီးချိန် အင်္ဂါနေ့က တရားဝင် မဲရလဒ်တွေအရ မစ္စတာ ရှရစ်ဖ်ရဲ့ Pakistan Muslim League က လွှတ်တော်မှာ အမတ်နေရာ အများစု အနိုင်ရခဲ့ပါတယ်။
လွှတ်တော်အမတ်နေရာ ၂၇၂ နေရာအတွက် သူ့ရဲ့ပါတီက ၁၂၃ နေရာ အနိုင်ရရှိခဲ့ပါတယ်။ လက်ရှိအာဏာရ Pakistan People’s ပါတီကတော့ အမတ်နေရာ ၃၁ နေရာရပြီး Cricket အားကစား အကျော်အမော် အင်ရန် ခန်း (Imran Khan) ရဲ့ ပါတီကတော့ ၂၆ နေရာ အနိုင်ရရှိခဲ့တာ ဖြစ်ပါတယ်ရှင်။
Ref: ဗွီအိုအေ
Read More...
Collapse...
ကိုသားညွန့်ဦး
15.05.2013
မဟာဆန် ဆိုင်ကလုန်း မုန်တိုင်းဟာ ရခိုင်ပြည်နယ်မြောက်ပိုင်းဒေသကို ချဉ်းကပ်လာတာကြောင့်၊ အဲ့ဒီဒေသမှာ ရှိတဲ့ သောင်းနဲ့ချီတဲ့ မူဆလင်တွေအတွက် အန္တရာယ်ရှိနေတယ်လို့ နယူးယောက်အခြေစိုက် HRW လူ့အခွင့်အရေး အဖွဲ့ကြီးက ပြောပါတယ်။
မြန်မာအာဏာပိုင်တွေအနေနဲ့ မုန်တိုင်းမ၀င်ခင် ပြင်ဆင်မှုတွေ လုပ်နေတယ်ဆိုပေမဲ့၊ အဲ့ဒီ မူဆလင် ဒုက္ခသည်တွေ ကို ဘေးကင်းတဲ့ နေရာတွေကို ရွှေ့ပြောင်းမှုတွေ မလုပ်သေးဘူးလို့လည်း HRW က စွပ်စွဲပါတယ်။ အပြည့်အစုံကို ကိုသားညွန့် ဦး က တင်ပြထားပါတယ်။
ပြီးခဲ့တဲ့နှစ်တုန်းက ရခိုင်ပြည်နယ် ပဋိပက္ခတွေကြောင့် ထွက်ပြေးကြရတဲ့ သောင်းနဲ့ချီတဲ့ မူဆလင် ဒုက္ခသည်တွေကို မုန်တိုင်းဘေးလွတ်ရာ အမြင့်ပိုင်းဒေသတွေကို အမြန်ဆုံး ရွှေ့ပြောင်းပေးဖို့ HRW လူ့အခွင့်အရေးအဖွဲ့ကြီး က မြန်မာအစိုးရကို တိုက်တွန်း တောင်းဆိုတာပါ။
၂၀၁၂ ခုနှစ် ဇွန်လက စခဲ့တဲ့ အကြမ်းဖက်မှုတွေကြောင့် ရခိုင်ပြည်နယ်အတွင်းက ရိုဟင်ဂျာနဲ့ ကမန် မူဆလင် ခန့်မှန်းချေ ၁ သိန်း ၄ သောင်းလောက်ရဲ့ တ၀က်ဟာ ရေလွှမ်းမိုးတတ်တဲ့ လယ်ကွင်းတွေနဲ့ ကမ်းရိုးတန်းဒေသတွေ မှာ နေထိုင်နေကြရတယ်လို့ HRW ရဲ့ မနေ့က ထုတ်ပြန်ချက်မှာ ဖော်ပြပါတယ်။
မဟာဆန် ဆိုင်ကလုန်း မုန်တိုင်းဟာ အခု မေလ ၁၅ ရက်နေ့ကျရင် မြန်မာနိုင်ငံ အနောက်ခြမ်းနဲ့ ဘင်္ဂလားဒေ့ရ်ှ ကမ်းရိုးတန်းဒေသကို ၀င်ရောက်နိုင်တယ်လို့ ခန့်မှန်းထားတာကြောင့်၊ အဲ့ဒီ ဒုက္ခသည်တွေအတွက် အလွန်အမင်း အသက် အန္တရာယ် ရှိနေတယ်လို့ ဖော်ပြပါတယ်။
မြန်မာအစိုးရကတော့ သူတို့အနေနဲ့ မုန်တိုင်း သတိပေးချက်တွေနဲ့အတူ မုန်တိုင်း ၀င်ရောက်နိုင်ချေ ရှိတဲ့ဒေသတွေက လူတွေကို ဘေးကင်းရာ အမြင့်ပိုင်းတွေကို ရွှေ့ပြောင်း နေရာချ ထားပေးနေတယ်လို့ ထုတ်ပြန်ပါတယ်။
ကုလသမဂ္ဂရဲ့ OCHA လူသားချင်း ကူညီမှုဆိုင်ရာ ညှိနှိုင်းရေးမှူးရုံးရဲ့ ထုတ်ပြန်ချက်မှာတော့ မုန်တိုင်းကြောင့် အိန္ဒိယ၊ ဘင်္ဂလားဒေ့ရ်ှနဲ့ မြန်မာနိုင်ငံတွေက လူဦးရေ ၈ ဒဿမ ၂ သန်းအတွက် အသက် အန္တရာယ် ခြိမ်းခြောက်မှုတွေ ရှိနေတယ်လို့ ပြောပါတယ်။
မြန်မာအာဏာပိုင်တွေဘက်က ပြင်ဆင်မှုတွေ နေရာချထားမှုတွေ လုပ်နေတယ်ဆိုသလို၊ လူသားချင်း စာနာကူညီမှုအဖွဲ့တွေကလည်း အခြေအနေတွေကိုရော နေရာချထားမှုတွေ လုပ်နေတာကိုပါ စောင့်ကြည့် အကဲခတ်နေတယ်လို့ ဖော်ပြပါတယ်။
တချိန်တည်းမှာ ဒုက္ခသည်တွေကို စစ်ကားတွေနဲ့ ရွှေ့ပြောင်းပေးတာ၊ စစ်တပ်ဝန်းအတွင်းမှာ နေရာချထားပေးတာကို ဒုက္ခသည်အချို့က လက်ခံဖို့ တွန့်ဆုတ်နေတယ်လို့လည်း ဖော်ပြပါတယ်။ HRW လူ့အခွင့်အရေးအဖွဲ့ရဲ့ ပြောခွင့်ရသူ တွန် မလင်နော့စကီး (Tom Malinowski) ကတော့ မူဆလင်ဒုက္ခသည် အများစုကို မနေ့ကအထိ ရွှေ့ပြောင်းမှုတွေ မလုပ်သေးဘူးလို့ ဗွီအိုအေကို ပြောပါတယ်။
“ပြင်ဆင်မှု ရှိတယ်ဆိုတာ မဟုတ်ပါဘူး။ မနေ့တုန်းကအထိ IDP ဒုက္ခသည်တွေ အများစုကို ရွှေ့ပြောင်းမှုတွေ မလုပ်ရသေးပါဘူး။ ဒီနေ့တော့ ပြင်ဆင် ဆောင်ရွက်မှုတွေ လုပ်လာလိမ့်မယ်လို့ တော့ မျှော်လင့် ပါတယ်။ မနေ့ကအထိတော့ ဒုက္ခသည် ၆ သောင်းခွဲဟာ ရေဘေးဒဏ် ခံရလေ့ရှိတဲ့ ဒေသတွေမှာ ရှိနေတုန်းပါပဲ။ ဒီလူတွေကို နေရာရွှေ့ပေးဖို့ ဆိုပြီးတော့ နိုင်ငံတကာ အသိုင်းအ၀ိုင်းအနေနဲ့ ရခိုင်ပြည်နယ် အာဏာပိုင်နဲ့ ဦးသိန်းစိန်အစိုးရတို့ကို ပြီးခဲ့တဲ့လတွေကတည်းက တိုက်တွန်းခဲ့တာပါ။ ဒါပေမဲ့ အရေးယူ ဆောင်ရွက်ပေးခြင်း မရှိပါဘူး။ အခု ရွှေ့ပြောင်း နေရာချပေးတယ်ဆိုတာ စစ်တွေနားက လူအနည်း စုကိုပါ။”
OCHA ထုတ်ပြန်ချက်မှာတော့ ရခိုင်မြောက်ပိုင်း မောင်တောဒေသမှာ ရွှေ့ပြောင်း နေရာချမှုတွေဟာ အခြားနေရာတွေမှာထက် နှေးကွေးနေတယ်လို့ ဖော်ပြပေမဲ့ ဘာကြောင့်လဲဆိုတာ အသေးစိတ်ကိုတော့ မပြောပါဘူး။ အဲ့ဒီမှာရှိတဲ့ စုစုပေါင်းကျေးရွာ ၆၄ ရွာကို ပြောင်းရွှေ့နေရာချထားမှုတွေ လုပ်ဖို့ရှိတယ်လို့ ဖော်ပြပါတယ်။
ဘေးကင်းရာ ရွှေ့ပြောင်း နေရာချထားမှုတွေကို မေလ ၁၃ ရက်နေ့က စတင်ခဲ့ပြီး၊ အခု မေလ ၁၅ ရက်နေ့မှာ အတော်များများ ပြီးစီးလိမ့်မယ်လို့ မျှော်လင့်တဲ့အကြောင်း အစိုးရက ခန့်မှန်းထားတယ်လို့ ဆိုပါတယ်။
ပြီးခဲ့တဲ့နှစ်တုန်းက ပဋိပက္ခတွေ အကြမ်းဖက်မှုတွေ ရှိခဲ့တာကြောင့် ဒေသတွင်းမှာ လူမှု အသိုင်းအ၀ိုင်း နှစ်ခုအကြားမှာ စိုးရိမ်ချက်တွေကလည်း ရှိနေဆဲပါ။ ဒါကြောင့်လည်း မုန်တိုင်းအကြို ပြင် ဆင် နေရာချ ထားရေး ကိစ္စတွေမှာလည်း အဲ့ဒီ စိုးရိမ်ချက်တွေကြောင့် မပြေမလည် ဖြစ်မှုတွေလည်း ရှိတယ်လို့ သိရပါတယ်။
မူဆလင် ခေါင်းဆောင်တွေကလည်း မူဆလင် အသိုင်းအ၀ိုင်းအနေနဲ့ အာဏာပိုင်တွေနဲ့ ပူးပေါင်းဆောင်ရွက်ကြဖို့ကို တိုက်တွန်းနေတယ်လို့ OCHA ထုတ်ပြန်ချက်မှာ ဖော်ပြပါတယ်။ လူသားချင်း စာနာကူ ညီရေးအဖွဲ့တွေ၊ ဆေးအဖွဲ့တွေကလည်း မုန်တိုင်း ၀င်ရောက်ခဲ့ရင် မုန်တိုင်းအလွန် အခြေအနေမှာ ကယ်ဆယ် ကူညီရေးတွေ လုပ်နိုင်ဖို့ ပြင်ဆင် ဆောင်ရွက်နေတာလည်း ရှိပါတယ်။ တွန် (Tom) ကတော့ မြန်မာ အာဏာပိုင်တွေအနေနဲ့ လူသားချင်း ကူညီရေးအဖွဲ့တွေကို ၀င်ရောက် လုပ်ကိုင်ခွင့်ပေးသလို၊ သူတို့ အကြံပြုချက်တွေကိုလည်း အာဏာပိုင်တွေဘက်ကလည်း နားထောင်ဖို့ လိုမယ်လို့ ပြော ပါတယ်။
“အဲ့ဒီဒေသကို လူသားချင်း စာနာမှု အကူအညီ ပေးရေးအဖွဲ့တွေ သွားရောက်ခွင့် ပေးတာ မှန်ပါတယ်။ ဒါပေမဲ့ ခက်တာကတော့ အခု မိုးရာသီရောက်လာပြီဆိုတော့ သူတို့ကို ဘေးကင်း လုံခြုံတဲ့ နေရာမျိုးတွေ မှာ နေရာပြောင်းချပေးဖို့ တိုက်တွန်းတာကို အာဏာပိုင်တွေက နားမထောင်တာပါ။”
အခုလို ရခိုင်ပြည်နယ်မြောက်ပိုင်းဒေသကို မုန်တိုင်းဝင်မယ်ဆိုတဲ့ စိုးရိမ်ချက်ကြားထဲမှာပဲ၊ မြန်မာသမ္မတ ဦးသိန်းစိန်ဟာ ရက်ပိုင်းအတွင်းမှာ အမေရိကန် ပြည်ထောင်စုကို နိုင်ငံတော်ခရီးစဉ်အဖြစ် စတင်ဖို့ ရှိနေပါတယ်။ မနေ့တုန်းက သမ္မတရုံးရဲ့ ၀ပ်ဆိုဒ် အင်တာနက် စာမျက်နှာမှာတော့ မုန်တိုင်းနဲ့ပတ်သက်လို့ ကြိုတင် ညှိနှိုင်းအစည်းအဝေးကို သမ္မတ ဦးသိန်းစိန် ကိုယ်တိုင် ဦးဆောင် စည်းဝေးခဲ့တာ ကို ဖော်ပြထားပါတယ်။ သဘာဝ ဘေးအန္တရာယ်ဆိုတာကို တားဆီးလို့ မရပေမဲ့၊ ထိခိုက် ဆုံးရှုံးမှု အနည်းဆုံးဖြစ်အောင် ဆောင်ရွက်သွားရမယ်ဆိုပြီး အဲ့ဒီအစည်းအဝေးမှာ သမ္မတ ဦးသိန်းစိန် က တိုက်တွန်းပြောကြားထားပါတယ်။
Ref: ဗွီအိုအေ
Read More...
Collapse...
ကိုဇော်ဝင်းလှိုင်
14.05.2013
ရခိုင်ပြည်နယ် ပေါက်တောမြို့နယ်အတွင်းမှာ ရာနဲ့ချီတဲ့ ခရီးသည်တွေ စီးနင်းလိုက် ပါလာတဲ့ လှေတစ်စင်းဟာ ကျောက်ဆောင်နဲ့ တိုက်မိပြီး ပင်လယ် တွင်းမှာ နစ်မြုပ်ခဲ့ပါတယ်။ သေဆုံးသူ အရေအတွက် အတိအကျ မသိရသေးပေမဲ့ ဒီလှေပေါ်မှာ လိုက်ပါလာသူတွေဟာ ရိုဟင်ဂျာ အစ္စလာမ် ဘာသာဝင်တွေ ဖြစ်တယ်လို့လည်း သတင်းတွေ ထွက်ပေါ်နေပါတယ်။ မဟာဆန်မုန်တိုင်းဟာ ရခိုင်ပြည်နယ်အတွင်း ၀င်ရောက် တိုက်ခတ်တဲ့အခါ လေတိုက်နှုန်း တစ်နာရီကို မိုင် ၁၂၀ လောက်အထိ ရှိနိုင်တယ်လို့ မိုးလေ၀သဌာနကလည်း သတင်းထုတ်ပြန်ထားတာပါ။ အပြည့်အစုံကိုတော့ ကိုဇော်ဝင်းလှိုင်က တင်ပြ ထားပါတယ်။
နစ်မြုပ်သွားတဲ့ စက်လှေဟာ ပေါက်တောမြို့နယ် ငှက်ချောင်းကျေးရွာ ဒုက္ခသည်စခန်းဘက်က ထွက်လာပြီး ဆင်တက်မော် ဒါမှမဟုတ် နောက်ရဲရွာဘက်ကို ဦးတည်ထွက်လာစဉ်မှာ စစ်တွေမြို့ တဘက်ကမ်း ပွဲကြည့်တောင်အနီးမှာ နစ်မြုပ်ခဲ့တာ ဖြစ်ပါတယ်။
နစ်မြုပ်သွားတဲ့ စက်လှေမှာ လိုက်ပါသူတွေဟာ ရခိုင်ပြည်နယ်က အစ္စလာမ်ဘာသာဝင် ဒုက္ခသည်တွေ ဖြစ်ကြပါတယ်။ အာဏာပိုင်တွေက မုန်တိုင်းဘေးလွတ်ရာကို ရွှေ့ပြောင်းခိုင်းတာကို မလိုက်ပါဘဲ ကိုယ့်အစီအစဉ် နဲ့ကိုယ် ရွှေ့ပြောင်းကြတုန်းမှာ နစ်မြုပ်တာဖြစ်တယ်လို့ ပေါက်တောမြို့နယ်က ပြည်နယ်လွှတ်တော်ကိုယ်စားလှယ် ဦးသက်ထွန်းအောင်က ပြောပါတယ်။
“မနေ့ နေ့လည်ပိုင်းက ဒုက္ခသည်စခန်းက လူတွေကို ဘေးကင်းရာကိုပြောင်းဖို့ မြို့နယ်အုပ်ချုပ်ရေးဌာနက စီမံပြီးတော့ သူတို့ကို သွားခေါ်တယ်လေ။ သွားခေါ်တော့ သူတို့က မလိုက်ဘူးပေါ့နော်။ သူတို့ က ခေါ်လို့မလိုက်ဘူးဆိုတော့ ညဘက်ကျမှ ဖြစ်သွားတယ်ထင်တယ်။ ညတည်းကထွက်ပြီးတော့ နောက် သူတို့လူမျိုးတွေရှိတဲ့ နောက်ရဲ သို့မဟုတ် ဆင်တက်မော် ဘက်ကို သွားပုံပေါက်တယ်။ အဲ့လိုသွားတော့ ဒီလမ်းကြားထဲမှာ ရေပြင်မှာ မြုပ်နေတဲ့ ကျောက်ဆောင်တွေရှိတယ် အဲ့ဘက်မှာလေ။ အဲ့ဒီကျောက်ဆောင်တွေနဲ့ တိုက်မိပြီး လှေတစ်စင်းမြုပ်သွားတယ်လို့ ကြားတယ်။”
လှေပေါ်မှာ လူ ၁၀၀ ကျော်လောက် လိုက်ပါသွားတယ်လို့ ခန့်မှန်းထားပြီး ၄၀ ကျော်လောက် လွတ်မြောက်လာတယ်လို့ သိရပေမဲ့ သေဆုံးသူ အတိအကျကိုတော့ မသိရသေးဘူးလို့ ပြောပါတယ်။
ပေါက်တောမြို့နယ်က ဒေသခံ အစ္စလာမ် ဘာသာဝင်တစ်ဦးကတော့ ဒီကနေ့မနက်အစောပိုင်း ၂ နာရီ ၃ နာရီလောက်က နစ်မြုပ်တာဖြစ်တယ်။ စက်လှေပေါ်မှာ လူ ၂၀၀ ကျော်လောက် လိုက်ပါလာပြီး လူ ၂၀ လောက် ကမ်းပေါ်ပြန်တက်လာတယ်လို့ ပြောပါတယ်။
“၂ နာရီ ၃ နာရီလောက်မှာ မှောက်သွားပါတယ်။ လူ ၂၀၀ ကျော်လောက်လည်း ပါပါတယ်။ ပေါက်တောမှာ ကျောက်ရှိတယ်မဟုတ်လား။ အသက်ရှင်တဲ့သူ ၁၀၊ အယောက် ၂၀ လောက်ရှိမယ်။ မဟုတ်ဘူးဆို အားလုံး သေသွားပါတယ်။”
UNHCR ဒုက္ခသည်များဆိုင်ရာ မဟာမင်းကြီးရုံးရဲ့ ပူးပေါင်းဆောင်ရွက်ရေးမှူး ယာစုကို ရှီမိဇု (Yasuko Shimizu) ကလည်း သူတို့ရထားတဲ့ အသေအပျောက်စာရင်းကို ပြောပြပါတယ်။
“ပေါက်တောမြို့ နတ်ချောင်းရွာ ဆိပ်ကမ်းက ထွက်သွားတဲ့ လှေ ၂ စီး မှောက်သွားတာကြောင့် အနဲဆုံး လူ ၁၀၀ လောက် သေဆုံးသွားတယ်လို့ ခန့်မှန်းရပါတယ်။ စာရင်း အတိအကျကို ကျမတို့ အတည်ပြုလို့ မရသေးပေမဲ့ အဲ့ဒီလောက် သေတယ်ဆိုတဲ့ သတင်းတွေ ထွက်နေပါတယ်။ အသက်ရှင် ကျန်ရစ်သူတွေထဲက တစ်ယောက်ကတော့ သူ့နေရပ်ကို ပြန်သွားပါတယ်။”
မုန်တိုင်းဝင်တဲ့အချိန် ဒုက္ခသည်စခန်းတွေမှာ ရှိနေတဲ့ ရိုဟင်ဂျာ ဒုက္ခသည်တွေ နေထိုင်တဲ့ ယာယီတဲတွေပါ နစ်မြုပ်သွားနိုင်တဲ့ အလားအလာ ရှိတာကြောင့် ဘေးကင်းရာကို ရွှေ့ပြောင်းနေချိန်မှာ အခု လို လှေမှောက်သွားတာလို့ UNHCR က ပြောပါတယ်။
အခုလို စက်လှေနစ်မြုပ်ပြီး လူအများအပြား ပျောက်ဆုံးနေတဲ့သတင်းကို အတည်ပြုနိုင်ဖို့ ပေါက်တောမြို့နယ် ရဲစခန်းနဲ့ စစ်တွေက ပြည်နယ်အစိုးရရဲ့ ပြောခွင့်ရသူတွေဆီကို ဆက်သွယ်ခဲ့ပေမဲ့ ဆက်သွယ်လို့ မရခဲ့ပါဘူး။
ဒီရက်ပိုင်းအတွင်းမှာတော့ အင်အားပြင်းထန်တဲ့ မဟာဆန် အမည်ရ အပူပိုင်းမုန်တိုင်းဟာ ရခိုင်ပြည်နယ်ဘက်ကို ဖြတ်သန်း ၀င်ရောက်ဖွယ် ရှိနေတာကြောင့် ပြည်ထောင်စုအစိုးရရ့ ဒုသမ္မတကိုယ်တိုင် ကြီးကြပ်ကွပ်ကဲပြီး ပြည်သူတွေကို ဘေးလွတ်ရာနေရာကို ပြောင်းရွှေ့နေပါတယ်။ တချိန်တည်းမှာပဲ ဒေသခံအာဏာပိုင်တွေက မုန်တိုင်းနဲ့ပတ်သက်တဲ့ သတင်းအချက်အလက်တွေကို ပြည်သူတွေကို လိုက်လံ အသိပေး ဆော်သြတာတွေ ဆောင်ရွက်နေပါတယ်။
မဟာဆန် အပူပိုင်းမုန်တိုင်းဟာ လာမယ့် မေလ ၁၆ ရက်နေ့ ညနေပိုင်းလောက်မှာ ဘင်္ဂလားဒေ့ရ်ှနိုင်ငံ စစ်တကောင်းမြို့နဲ့ ရခိုင်ပြည်နယ် မောင်တောမြို့အကြား ကို ဖြတ်သန်းပြီး ကုန်းတွင်းပိုင်းကို ၀င်ရောက် မယ်လို့ ခန့်မှန်းထားတာ ဖြစ်ပါတယ်။
Ref: ဗွီအိုအေ
Read More...
Collapse...
ကိုနိုင်ကွန်းအိန်
14.05.2013
ရှမ်းပြည်နယ် နမ့်ခမ်းမြို့နယ်ဘက်မှာ မြန်မာတပ်မတော်နဲ့ တောင်ပိုင်း ရှမ်းပြည်တပ်မတော်တို့အကြား ဖြစ်ပွားခဲ့တဲ့ ပဋိပက္ခကြောင့် ထွက်ပြေးနေကြရတဲ့ စစ်ပြေးဒုက္ခသည်တွေ နေရပ်ပြန် လာ ဖို့ ဒေသခံ မြန်မာ အာဏာပိုင်တွေကနေ ညွှန်ကြား ခဲ့တယ်လို့ နိုင်ငံရေးပါတီ ခေါင်းဆောင်တွေက ပြောပါတယ်။
နေရပ် ပြန် လာမယ့် ဒုက္ခသည်တွေရဲ့ လုံခြုံရေး အတွက် မြန်မာအာဏာပိုင်တွေက အာမခံ ချက် ပေးမယ်ဆိုပြီး ပြောဆိုခဲ့ပေမဲ့ လက်ရှိ တင်းမာနေ ဆဲဖြစ်တဲ့ စစ်ရေး အခြေအနေတွေကြောင့် ပြန်ဖို့ မ၀ံ့ရဲသေးဘူး လို့လည်း ပြောဆို မှုတွေ ရှိနေပါတယ်။ အပြည့်အစုံကိုတော့ ထိုင်း အခြေစိုက် ဗွီအိုအေ သတင်းထောက် နိုင်ကွန်းအိန် က သတင်းပေး ပို့ခဲ့ပါတယ်။
စစ်ရေး တင်းမာမှုကြောင့် တရုတ်နိုင်ငံ နောင်တောင်းမြို့ဘက်ကို တိမ်းရှောင်နေကြရတဲ့ ထောင်ချီတဲ့ စစ်ပြေး ဒုက္ခသည်တွေ နေရပ်ပြန်နိုင်ရေးအတွက် နမ့်ခမ်းမြို့နယ် မြန်မာအာဏာပိုင်တွေ ကနေ ဆွေးနွေး ခဲ့ကြပါတယ်။ မနေ့ က ကျင်းပတဲ့ ဆွေးနွေးပွဲကနေတဆင့် စစ်ပြေးဒုက္ခသည်တွေ နေရပ်ပြန်ဖို့ မြန်မာ အာဏာပိုင်တွေကနေ တိုက်တွန်းခဲ့ တယ်လို့ အစည်းအဝေး တက်ရောက်ခဲ့သူ ရှမ်းတိုင်းရင်းသားများ ဒီမိုကရက်တစ်ပါတီက ပြည်သူ့လွှတ်တော် ကိုယ်စား လှယ် ဒေါက်တာ စိုင်းအုန်းကျော် က ပြောပါတယ်။
“ကျွန်တော်တို့ မနက်ကတော့ ရွာသူရွာသားတွေ ပြန်လာနိုင်ဖို့ အဲ့ဒါ သွားဆွေးနွေးတာ။ G1 ကြီးလည်း လာတယ်။ နောက် ဌာနဆိုင်ရာတွေလည်း လာတယ်။ ဌာနဆိုင်ရာဆိုတာက ပြည်သူ့ရဲရယ်၊ လ၀က ရယ်၊ နောက် SB ရယ်ပေ့ါနော။ သူတို့ ရွာသူရွာသားတွေ အမြန်ပြန်လာနိုင်ရေး အဲ့ဒါ ဆွေးနွေးကြတာပါ။ ဆွေးနွေးပြီးတော့ အဲ့ဒါ သဘောတူညီမှု ရသွားပြီး ဗျူဟာမှူးကလည်း ဒီဘက်ကို ညွှန်ကြားတယ်။ လာလို့ ရပြီ ဒီနေ့ပေါ့။ ပထမဦးဆုံးတော့ ဆယ်အိမ်ခေါင်းနဲ့ ရွာအုပ်ချုပ်ရေးမှူးတွေ တရွာ (၅) ယောက် လက်ရှိ တာဝန်ရှိနေတဲ့ တပ်ရင်းမှူးတွေနဲ့ သွားတွေ့ပြီးတော့ လူချင်းရင်းနှီးပြီးမှ နက်ဖြန်ကြ မှာပေါ့။ ဖြေးဖြေးတော့ ခေါ် လို့ရမယ်။”
စစ်ဘေးရှောင် ရွာသားတွေအနေနဲ့ စိုးရွံ့ထိတ်လန့်နေတဲ့ အခြေအနေမှာ ရှိနေတာကြောင့် နေရပ်ပြန်ဖို့ အချိန်ယူနေရဦးမယ်လို့လည်း ဒေါက်တာ စိုင်းအုန်းကျော် က ပြောပါတယ်။ မေလ (၉) ရက်နေ့ တုန်းက တောင်ပိုင်း ရှမ်းပြည်တပ်မတော်ရဲ့ နမ့်ခမ်းမြို့နယ်ထဲက (၇၀၁) တပ်စခန်းကို မြန်မာ့တပ်မတော်ကနေ ထိုးစစ်ဆင် တိုက်ခိုက်သိမ်းပိုက်ခဲ့ပြီး ဒီလိုဖြစ်ပွားတဲ့ တိုက်ပွဲတွေကြောင့် နောင် မကျေး ရွာအုပ်စုက ကျေးရွာ (၁၉) ရွာက ထောင်နဲ့ချီတဲ့ ရွာသားတွေဟာ တရုတ်ပြည်ဘက်ကို စစ်ဘေးတိမ်းရှောင်ရင်း ဒုက္ခသည်အဖြစ် သောင်တင်နေကြရပါတယ်။
အခုဆိုရင် ဒီစစ်ပြေးဒုက္ခသည်တွေ နေထိုင်ဖို့အတွက် တရုတ်ပြည်သူ့စစ် အဖွဲ့တွေအပြင် တရုတ်ပြည် နောင်တောင်းမြို့မှာ နေထိုင်နေတဲ့ ရှမ်းလူမှုအဖွဲ့အစည်းတွေကနေ ယာယီနေထိုင်ဖို့ တဲတန်း လျားတွေ ဆောက်လုပ်ပေးနေပြီ ဖြစ်ပါတယ်။
စစ်ဘေးတိမ်းရှောင်တဲ့ ရွာသားတွေ နေရပ်ပြန်ဖို့ လုံခြုံရေးအတွက် မြန်မာအာဏာပိုင်တွေကနေ အာမခံချက် ပေးထားတယ်လို့လည်း ပြည်သူ့လွှတ်တော် ကိုယ်စားလှယ် ဒေါက်တာ စိုင်းအုန်းကျော် က အခုလို ဆက်ပြောပါတယ်။
“သူတို့က အာမခံတယ်။ ဗျူဟာမှူးကလည်း အာမခံတယ်။ မြို့နယ်အုပ်ချုပ်ရေးမှူးကလည်း အာမခံတယ်။ ပြန်လာပါ ဘာမှမလုပ်ပါဘူးပေါ့ နော။ ကျွန်တော်လည်း ကိုယ်စားလှယ်တစ်ယောက်အနေနဲ့ အာမခံတယ် လာပါပေါ့။ တခုခုဖြစ်ရင် ကျွန်တော့်ကို ချက်ချင်း အကြောင်းကြား။ ကျွန်တော်လည်း ဒီအောက်ခြေမှာ ညှိနှိုင်းလို့ မရလို့ရှိရင် ကျွန်တော် လွှတ်တော်အပိုင်းအနေနဲ့ရော၊ နောက်ပြီးတော့ ကာကွယ်ရေးအထိလည်း တင်ပြလို့ ရပါတယ်။ ဒါပေမဲ့ အောက်ခြေမှာ အရင်ညှိမှာပေါ့ဗျာ။ ပြေလည်သွားရင်လည်း အကောင်းဆုံးပေါ့။”
နေရပ်ပြန်ဖို့ အာဏာပိုင်တွေရဲ့ ခေါ်ဆိုမှုအပေါ်မှာတော့ စစ်ပြေးဒုက္ခသည်တွေအနေနဲ့ နေရပ်ပြန်လာဖို့ မ၀ံ့ရဲသေးတဲ့ အခြေအနေမှာ ရှိနေတယ်လို့လည်း နန့်ခမ်းဒေသခံတစ်ဦးက ပြောပါတယ်။
“ဆွေးနွေးပြီးတဲ့နောက်ပိုင်းကျတော့ ဟိုဘက် နောင်ဖိုင်းရွာမှာတော့ ယောကျာ်းတွေက တရုတ်ပြည်ဘက်ခြမ်းက မထွက်လာသေးဘူး။ မိန်းမတွေပဲ အိမ်ပြန်ခိုင်းလိုက်တယ်။ နေ့ခင်းပိုင်းကြတော့ လူတွေ အိမ်ပြန်လာပြီးတော့ အလုပ်လာလုပ်တယ်။ ညမှာတော့ တရုတ်ခြမ်းမှာ ပြန်ပြီးတော့ အိပ်ကြတယ်။ ဒီဘက်ခြမ်းမှာ မအိပ်ရဲဘူး။ နောင်မရွာမှာ (၇၀၁) တပ်ရင်းရှိတဲ့အတွက် လူက မလာရဲသေးဘူး အခုထိ တိတ်ဆိတ်နေတုန်းပဲ။”
ဒါ့အပြင် လက်ရှိ နမ့်ခမ်းမြို့တွင်းမှာလည်း ပစ်ခတ်မှုတွေ ရှိနေဆဲလို့လည်း အဆိုပါ ဒေသခံကပဲ ဆက်ပြောပါတယ်။
“မနေ့ကတော့ ဗုံးပေါက်တယ်။ သေနတ်ပစ်တယ်။ နမ့်ခမ်းမှာပဲ။ နမ့်ခမ်း ပရိယတ္တိ စာသင်တိုက်အောက်မှာ။ ရဲတွေ ဆောက်ထားတဲ့နေရာ ကွမ်းယာဆိုင်မှာပေါ့။ အဲ့ဒီမှာ ပစ်တယ်။ ပြီးတော့ ပိုက်လိုင်းထား တဲ့နေရာ။ ပိုက်လိုင်းကားတွေ တူးတဲ့နေရာ။ ဘုန်းကြီးကျောင်းမှာ အဲ့ဒီမှာ တစ်နေရာပစ်တယ်။ အဲ့ဒီပိုက်လိုင်းနေရာမှာတော့ အရပ်သား (၄) ယောက် ဒဏ်ရာရတယ်။ နှစ်ယောက်သေတယ်။ ဒီရဲနှစ်ယောက် သေတာကျတော့ သတင်းပေးမထွက်ဘူးခင်ဗျ။ ဘယ်သူ့လက်ချက်လဲ အခု ဘာမှမသိရသေးဘူး။”
ရှမ်းပြည်နယ်အတွင်းမှာ မြန်မာစစ်တပ်နဲ့ တောင်ပိုင်း ရှမ်းပြည်တပ်မတော်တို့ စစ်ရေး တင်းမာနေတဲ့ အခြေအနေမှာပဲ စစ်ရေးအရှိန် လျော့ဖို့အတွက် ၀န်ကြီး ဦးအောင်မင်း ခေါင်းဆောင် တဲ့ မြန်မာငြိမ်း ချမ်းရေး ဖော်ဆောင်ရေး ကော်မီတီအဖွဲ့တွေနဲ့ RCSS ခေါင်းဆောင်တို့ဟာ မနေ့က မြန်မာငြိမ်းချမ်းရေးစင်တာမှာ အလွတ်သဘော တွေ့ဆုံ ဆွေးနွေးခဲ့ပါတယ်။ ဒီဆွေးနွေးပွဲမှာ ဆုံးဖြတ်ချက် ချတာမျိုးမရှိဘဲ အကြိုသဘော ဆွေးနွေးမှု ဖြစ်တယ်လို့လည်း ငြိမ်းချမ်းရေး အကျိုးတော်ဆောင် ဦးလှမောင်ရွှေ က ဗွီအိုအေကို ပြောခဲ့ပါတယ်။
အခုလို နှစ်ဘက် ဆွေးနွေးမှု လုပ်ဆောင်နေတဲ့ အနေအထားမှာပဲ နမ့်ခမ်းမြို့နယ်ဘက်မှာ မြန်မာစစ်တပ်နဲ့ တောင်ပိုင်း ရှမ်းပြည်တပ်မတော်တို့အကြား တိုက်ပွဲတွေ ဆက်လက်ဖြစ်ပွားနေတယ်လို့လည်း RCSS ရဲ့ပြောခွင့်ရ ဗိုလ်ကြီး စိုင်းဆိုင်မိန်း က ပြောပါတယ်။
“မနေ့ကတော့ ကြိုကြားကြိုကြားမျိုးတော့ သေနတ်တွေ ပစ်သံ ကြားနေရတယ်လို့တော့ ပြောပါတယ်။ ဒါပေမဲ့ ကျွန်တော်တို့ဘက်ကတော့ အစီရင်ခံစာ တင်လာတာတော့ မရှိသေးဘူးပေါ့နော်။ ထပ်ပြီးတော့ ဖြစ်တဲ့တိုက်ပွဲ။”
အခုလို မရေရာသေးတဲ့ ဆွေးနွေးမှု အနေအထားကြောင့် စစ်ပြေးဒုက္ခသည်တွေအနေနဲ့ ဒေသတွင်း လုံခြုံရေးကို စိုးရိမ်နေရသလို နေရပ်ကို အပြီးပြန်ဖို့ဆိုတာ ခက်ခဲတဲ့ အခြေအနေမှာ ရှိနေတယ်လို့လည်း စစ်ပြေးဒုက္ခသည်တွေက ပြောပါတယ်။
Ref: ဗွီအိုအေ
Read More...
Collapse...
15.05.2013
CIA အမေရိကန် ဗဟိုထောက်လှမ်းရေး အေဂျင်စီအတွက် အလုပ်လုပ်ပေးဖို့ ရုရှားထောက်လှမ်းရေး အရာရှိတစ်ဦးကို ကမ်းလှမ်း ကြိုးစားတယ်ဆိုတဲ့ စွပ်စွဲချက်နဲ့ အမေရိကန်သံရုံး ၀န်ထမ်းတစ်ဦးကို နိုင်ငံကနေ အမြန်ထွက်ခွာပေးဖို့ ရုရှားအာဏာပိုင်တွေက အမိန့်ထုတ်လိုက်ပါတယ်။
ရိုင်ယန် ဖိုဂဲလ် (Ryan Fogle) လို့ခေါ်တဲ့ အမေရိကန် နိုင်ငံသားတစ်ဦးကို ရုရှား ဖယ်ဒရယ် လုံခြုံရေး အဖွဲ့အစည်းက ဖမ်းဆီးထိန်းသိမ်းထားတယ်လို့ ပြောပြီး မကြာခင်မှာပဲ မနေ့ အင်္ဂါနေ့မှာ အခုလို ဆောင်ရွက် လာတာ ဖြစ်ပါတယ်။
ဖိုဂဲလ် ဟာ ရုရှားမှာရှိတဲ့ အမေရိကန်သံရုံးရဲ့ နိုင်ငံရေးဌာန တတိယအတွင်းဝန်အဖြစ် ဆောင်ရွက်နေသလို၊ CIA အတွက် အလုပ်လုပ်နေသူလည်း ဖြစ်တယ်လို့ ရုရှားလုံခြုံရေးအဖွဲ့ FSB က ပြောပါတယ်။
သူ့ကို ဖမ်းဆီးရာမှာ အထူး ပြုလုပ်ထားတဲ့ အဆင့်မြင့် နည်းပညာ ပစ္စည်းတွေ၊ ရုပ်ဖျက်ရာမှာ သုံးတဲ့ ပစ္စည်းတွေ၊ ငွေကြေး အမြောက်အများနဲ့ CIA အတွက် အလုပ်လုပ်ပေးဖို့ ရုရှားအရာရှိထံကို ကမ်းလှမ်းပေး ပို့တဲ့ စာတစ်စောင်ကိုပါ သိမ်းဆည်းရမိတယ်လို့ ပြောပါတယ်။
အဲ့ဒီစာထဲမှာတော့ CIA အလုပ်အတွက် စစချင်း ဒေါ်လာ တစ်သိန်း၊ နောက်ပိုင်း ရေရှည် ပူးပေါင်းဆောင်ရွက်မှုအတွက် ဒေါ်လာ တစ်သန်းအထိ ပေးမယ်ဆိုပြီး ရုရှားထောက်လှမ်းရေး အရာရှိထံကို ကမ်းလှမ်း ရေးသားထားတယ်လို့ ရုရှား သတင်းမီဒီယာတွေမှာ ကိုးကားဖော်ပြပါတယ်။
အမေရိကန်သံရုံးမှာရှိတဲ့ အမေရိကန် ၀န်ထမ်းတစ်ဦး ဖမ်းဆီးခံရပြီး၊ နောက်ပြီး ပြန်လွတ်လာတယ် ဆိုတာကို အမေရိကန် နိုင်ငံခြားရေးဌာန ပြောခွင့်ရသူတစ်ဦးက အတည်ပြုပြောပါတယ်။ ဒါပေမဲ့ အသေးစိတ်ကို ပြောဖို့တော့ ငြင်းပါတယ်။
ဖိုဂဲလ် ထံမှာ ပစ္စည်းပစ္စယတွေ သိမ်းဆည်းမိတယ်ဆိုတာကို သက်သေပြတဲ့အနေနဲ့ မော်စကို မြေပုံလမ်းညွှန်နဲ့ ဆံပင်တုတွေ အပါအ၀င် ပစ္စည်းပစ္စယအချို့ကို ရိုက်ပြတဲ့ ဓာတ်ပုံတစ်ပုံ ရုရှားအစိုးရပိုင် သတင်းမီဒီယာတွေမှာ ဖော်ပြခဲ့ပါတယ်။ ဒါ့အပြင် ဖိုဂဲလ် ကို ဖမ်းဆီးထားတယ်ဆိုတဲ့ ပုံမှာလည်း လက်နောက်ပြန်ထားတဲ့ လူတစ်ဦး ခေါင်းငိုက်စိုက် ချထားတဲ့ ပုံကိုလည်း ဖော်ပြပါတယ်။
Ref: ဗွီအိုအေ
Read More...
Collapse...
ဇော်ဇော်ထွေး
မေလ ၁၃ ရက် ၂၀၁၃ ခုနှစ်
အဓိကရုဏ်းများ ဖြစ်ပွားခဲ့သည့် မိတ္ထီလာမြို့တွင် သတ်မှတ်ရက် ပြည့်တော့မည်ဖြစ် သည့် ပုဒ်မ ၁၄၄ အား ဆက်လက် ထုတ်ပြန်ထားရန် သမ္မတ က လိုလားကြောင်း ၎င်း၏ သဝဏ်လွှာတွင်
ဖော်ပြထားပြီး ပြည်ထောင်စုလွှတ်တော်၏ အတည်ပြုချက် တောင်းဆိုလိုက်သည်။
“ဒီကိစ္စကို လွှတ်တော်က ဆုံးဖြတ် အတည်ပြုပေးရမှာပါ။ လွှတ်တော်ကိုယ်စားလှယ်က အခြား လုံခြုံအေးချမ်းနိုင်တဲ့ နည်းလမ်းတွေ တင်ပြရမယ်၊ အကြံပြုရမယ်။ အဲဒီလိုနည်းလမ်းတွေ မရှိဘူးဆိုရင်တော့ သမ္မတကြီး ထုတ်ပြန်ထားတဲ့ စစ်အုပ်ချုပ်ရေးပဲ ထပ်ပြီး ထားရဦးမယ့် သဘောပါ” ဟု အထက်လွှတ်တော် အမတ်ဖြစ်သူ ဦးဖုန်းမြင့်အောင် က မဇ္ဈိမသို့ ပြောသည်။
သမ္မတမှ ပေးပို့သော ဧပြီလ ၂၇ ရက်နေ့ သဝဏ်လွှာတွင် မိတ္ထီလာ၌ ထုတ်ပြန်ထားသော ပုဒ်မ ၁၄၄ မှာ ရက်ပေါင်း ၆၀ ပြည့်လုပြီ ဖြစ်သော်လည်း မူလအခြေအနေအတိုင်း တည်ငြိမ်အေးချမ်းမှု ရရှိသည်အထိ ဆက်လက်ဆောင်ရွက်ရန် ကျင့်သုံးလိုပါသဖြင့် ဥပဒေတည်သော၊ အာဏာတည်သော အမိန့်ကို ဆက်လက် အာဏာတည်စေရန်အတွက် ဖွဲ့စည်းပုံအခြေခံဥပဒေအရ ပြည်ထောင်စုလွှတ်တော်က အတည်ပြုပေးရန်ဟုဖော်ပြပါရှိသည်။
“ဒီပုဒ်မကို ဆက်လက် ထားရှိသင့်ပါတယ်။ ဒါမှ နဂိုအတိုင်း တည်ငြိ်မ်အေးချမ်းမှုကို ရရှိနိုင်မှာပါ။ အခုလိုပြဿနာတွေဖြစ်ခဲ့တော့ ဒီပုဒ်မဟာ ကြာကြာထားနိုင်လေ ပိုမိုပြီး အေးချမ်းမှုကို ရရှိနိုင်လေလေပါပဲ” ဟု ကြံ့ခိုင်ရေးပါတီမှ အထက်လွှတ်တော် အမတ်ဖြစ်သူ ဦးလှဆွေ က ပြောသည်။
ဒေသခံတို့ကမူ လက်ရှိ မိတ္ထီလာမြို့မှာ တည်ငြိမ်အေးချမ်းမှုကို ရရှိပြီ ဖြစ်သည်ဟု ဆိုသည်။ သို့သော် စီးပွားရေးလုပ်ငန်းများမှာ ကောင်းမွန်လာမှုမရှိသေးဟု ပြောဆိုကြသည်။ ဒေသခံများအနေဖြင့် ပဋိပက္ခ
ဖြစ်ပွားခဲ့သည့် နှစ်ဖက်လုံး တည်ငြိမ်အေးချမ်းစွာဖြင့် အတူယှဉ်တွဲနေထိုင်နိုင်ရန် ဆန္ဒရှိကြောင်း စုံစမ်းသိရှိရ သည်။
“ပြဿနာတွေက အရင်ကလို မဖြစ်တော့ဘဲ အေးသွားပါပြီ။ ဒါပေမယ့် လူတွေမှာတော့ ကြောက်စိတ်တွေ သံသယစိတ်တွေ ရှိနေကြတုန်းပဲ။ ဘာစီးပွားရေးမှ လုပ်စားလို့ မကောင်းတော့ဘူး။ ပြီးတော့ ပုဒ်မ ၁၄၄ ရုတ်သိမ်းသွားရင် ပြန်ချမယ်ဆိုတဲ့ ကောလာဟလ တွေလည်း ကြားနေရသေးတယ်” ဟု မိတ္ထီလာမြို့နယ် ဘူတောင်းအောင်ဇေယျာ ရပ်ကွက်မှ ဒေသခံ အမျိုးသမီးတဦး က ပြောပြသည်။
ဗုဒ္ဓဘာသာဝင်များနှင့် မူဆလင်ဘာသာဝင်များအကြား အဓိကရုဏ်းများ ဖြစ်ပွားခဲ့သည့် မတ်လ ၂၀ ရက်နေ့မှ စ၍ မိထ္ထီလာ ပုဒ်မ ၁၄၄ အား သမ္မတကြီး ဦးသိန်းစိန်က ထုတ်ပြန်ခဲ့ရာတွင် မေလ ၂၀ ရက်နေ့တွင် ရက်ပေါင်း ၆၀ ပြည့်မည်ဖြစ်သည်။ အခြေခံဥပဒေ ပုဒ်မ ၂၁၂ (ခ)အရ ထပ်မံ သက်တမ်းတိုးရန် ပြည်ထောင်စုလွှတ်တော်သို့ သမ္မတ က အတည်ပြုချက် ရယူရခြင်း ဖြစ်သည်။
Ref: မဇ္ဈိမ
Read More...
Collapse...
အောင်ကိုဦး
မေလ ၁၃ ရက် ၂၀၁၃ ခုနှစ်
စစ်တပ်မှ သိမ်းယူထားသည့် မန္တလေးတိုင်း၊ ပြင်ဦးလွင်ခရိုင်၊ စဥ့်ကူးမြို့နယ်၊ ညောင်ဝန်း ကျေးရွာရှိ လယ်မြေ ဧက ၃,၀၀၀ ကျော်ကို ပြန်ရလိုကြောင်း ဆန္ဒပြရန် ဒေသခံတို့ ပြင်ဆင်လျက်ရှိသည်ဟု လယ်သိမ်းခံ တောင်သူများက မဇ္ဈိမကို ပြောသည်။
၁၉၉၃ နှင့် ၁၉၉၄ တို့တွင် တပ်မှ သိမ်းခဲ့သော လယ်မြေမှာ စုစုပေါင်း ၃,၀၆၂ ဧကအထိ ရှိခဲ့သည်ဟုတောင်သူများက ပြောဆိုကြပြီး ပြန်ရရေး ဆန္ဒပြပွဲကို အမှတ် ၁၂၁ ထောက်ပံ့ရေးနှင့် ပို့ဆောင်ရေးတပ်ရင်း အခြေစိုက်ရာ မန္တလေးမြို့ နန်းမြို့တွင် မြောက်ပေါက်အထိ ချီတက်ရန် ပြင်ဆင်နေကြသည်။
“တပ်ကတော့ အစုံပဲ။ ၉၅ ခြေလျှင် တပ်ရင်းလည်း ပါတယ်။ ကျန်တဲ့တပ်တွေကိုတော့ မသိဘူး။ လာသိမ်းတဲ့ ဗိုလ်ကြီးတွေ ပြောတာကတော့ တပ်တွင်းရိက္ခာ မလုံလောက်လို့ သိမ်းတယ်လို့ ပြော တယ်။ ပြည် သူတွေရဲ့ ဝမ်းရေးကျ ဘာဖြစ်ဖြစ်ဆိုတဲ့ သဘောမျိုး ဖြစ်နေတယ်။ မျက်ရည် ကျမိတယ်ဗျာ။ အခုတော့ တပ်မတော်က သိမ်းထားတဲ့ လယ်မြေတွေ ပြန်တောင်းရင် ရတယ်ဆိုလို့ ပြန်တောင်းကြတာပါ။ သက် ဆိုင်ရာ အဖွဲ့အစည်း အဆင့်ဆင့်ကိုလည်း တင်ပြအသနားခံထားပါတယ်” ဟု ညောင်ဝန်းရွာမှ ဦးလှိုင်ဝင်း က မဇ္ဈိမကို ပြောသည်။
လက်ရှိ ထောက်ပံ့ရေးတပ် ၁၂၁ မှ ဗိုလ်ကြီးညီညီနိုင် က တောင်သူတို့၏ တင်ပြစာကို လက်ခံရရှိထားပြီး တောင်သူတို့နှင့် တွေ့ဆုံညှိနှိုင်းလျက်ရှိနေသည်ဟု ဆိုသည်။
“ကျနော်တို့ ဒေသခံတွေနဲ့ တွေ့ဆုံ ညှိနှိုင်းနေပါတယ်။ သူတို့ တင်ပြတဲ့ စာတွေလည်း ရပါတယ်။ ကျနော်တို့ လည်း အထက်ကို တင်ပြထားပါတယ်။ ဘာဆက်လုပ်ရမယ်ဆိုတာ ညွှန်ကြားချက် မထွက်သေး ပါဘူး။ အဲဒီညောင်ဝန်းရွာကို ဆင်းပြီးကြည့်ထားပါတယ်။ လယ်မြေပိုင်ဆိုင်ခွင့် စာရွက်စာတမ်းတွေလည်း ကြည့်ပြီးပါပြီး။ မှန်မမှန်လည်း စစ်ဆေးနေပါတယ်” ဟု ပြောသည်။
ထောက်ပံ့ရေးတပ်မှ တပ်ကြပ်ကြီး တင်ဦးကလည်း “ကွင်းဆင်းပြီး ဆောင်ရွက်တာတွေလို လုပ်နေပါတယ်။ အရမ်း လောလို့ကတော့ မရဘူး။ သူတို့ တင်တဲ့စာတွေ အားလုံး ကျနော်တို့ဆီမှာ ရှိပါတယ်။ ဆန္ဒဖော်ထုတ် မယ်ဆိုတာလိုတော့ မသိပါဘူး။ တရားဝင် ခွင့်ပြုချက်တင်ပြီး လုပ်ကြမယ်ဆိုရင်တော့ ဘာမှပြဿနာ မရှိနိုင်ပါ ဘူး” ဟု မိဇ္ဈိမကို ပြောသည်။
ထိုလယ်မြေများကို တပ်မတော်မှ ၁၉၉၃ နှင့် ၁၉၉၄ တို့တွင် သိမ်းယူခဲ့ပြီး ၁၉၉၅ ခုနှစ်မှ စ၍ ယခုအချိ်န်အထိ ဂရိတ်ဝေါ ကုမ္ပဏီသို့ လွှဲပြောင်း၍ အငှားချထားသည်ဟု လယ်သမားများထံမှ သိရှိရသည်။
Ref: မဇ္ဈိမ
Read More...
Collapse...
မေဦး
မေလ ၁၃ ရက် ၂၀၁၃ ခုနှစ်
တောင်ကိုရီးယားနိုင်ငံသို့ သွားရောက် အလုပ်လုပ်ကိုင်နေသည့် မြန်မာလုပ်သားများ၏ တရားမ၀င် အလုပ်ရွေ့ပြောင်းမှုများပြားလာခြင်းကြောင့် တောင်ကိုရီးယား နိုင်ငံဘက်မှ နှစ်နိုင်ငံ နားလည်မှု စာချွန်လွှာကို ရပ်တန့် လာနိုင်ကြောင်း အစိုးရပြည်ပအလုပ်အကိုင် အေဂျင်စီမှ မန်နေဂျင်းဒါရိုက်တာ ဦးဝင်းမြင့် ကပြောသည်။
လက်ရှိတွင် ကိုရီးယားနိုင်ငံ၌ တရားမ၀င် တိမ်းရှောင် နေထိုင်နေသည့် မြန်မာလုပ်သား ၂၀၀ကျော်ခန့်ရှိပြီး ထိုအလုပ်သမားများအတွက် မြန်မာနိုင်ငံ အစိုးရပြည်ပအလုပ်အကိုင် အေဂျင်စီမှ တာဝန်ယူပေးရန် ကိုရီးယာနိုင်ငံမှ ပြောကြား ထားကြောင်း ၎င်းကပြောသည်။
“မြန်မာအလုပ်သမားတွေက စာချုပ်အတိုင်းမလုပ်ဘူး။ ထွက်ပြေးတာဘယ်နှစ်ယောက်ရှိတယ်။ ဒါကြောင့် MOU ကိုရပ်တယ်ဆိုပြီးတဖက်သတ် ရပ်လို့ရတယ်။ အဲ့ဒီအကြောင်းပြချက်နဲ့ MOU ကိုရပ်လို့ရတယ်” ဟု ဦးဝင်းမြင့် က ပြောသည်။
ကိုရီးယားနိုင်ငံမှ မြန်မာလုပ်သားများ ပိုမိုခေါ်ယူလာရန်မှာ လက်ရှိယင်းနိုင်ငံတွင် အလုပ် လုပ်ကိုင်နေသည့်မြန်မာလုပ်သားများ၏ စာချုပ်ပါအချက်အလက်များအပေါ် လိုက်နာမှု ရှိသည့်အပေါ်တွင် မူတည်နေကြောင်း၊ ထိုကဲ့သို့ မလိုက်နာသော လုပ်သားများကြောင့် နိုင်ငံ၏ ဂုဏ်သိက္ခာ ကိုပါထိခိုက်နိုင်ကြောင်း ဦးဝင်းမြင့်မှဖြည့်စွက်ပြောကြားသည်။
“ဟိုရောက်ပြီးမှ တခြားအလုပ်ကို တရားမ၀င်ပြောင်းသွားတဲ့ သူတွေရှိတယ်။ တရားမ၀င် အလုပ်ပြောင်းရွေ့ သွားရင်ဟိုဘက်က အစိုးရက ( Overstay )အဖြစ် သတ်မှတ်လိုက်တယ်လေ။ ဘာပဲဖြစ်ဖြစ် မြန်မာ အလုပ် သမား တွေအပေါ် ဟိုကလုပ်ငန်းရှင်တွေက အထင်သေးတာပေါ့။ ဒီမှာစာချုပ် မချုပ်ခင်ကတည်းကသေချာစဉ်းစား သင့်ပါတယ်” ဟုကိုရီးယားနိုင်ငံတွင် တစ်နှစ်ကျော်ကြာ အလုပ်လုပ်ခဲ့ပြီး ခွင့်ဖြင့်ပြန်လည်ရောက်ရှိလာသူ ကိုအေးမင်း ကပြောသည်။
ထိုသို့ တရားမ၀င် အလုပ်ပြောင်းရွေ့ သည့်အလုပ်သမားများ၏ အမည်၊ ဓါတ်ပုံနှင့် အချက်အလက် များကို ပညာပေးသည့်အနေဖြင့် အလုပ်သမားဝန်ကြီးဌာန၏ တရားဝင် ၀က်ဘ်ဆိုက်တွင် အသိပေး ဖော်ပြနိုင်ရန် စီစဉ်လျှက် ရှိကြောင်း အလုပ်သမား၊ အလုပ်အကိုင်နှင့်လူမှုဖူလုံရေးဝန်ကြီးဌာန၊ အစိုးရပြည်ပ အလုပ်အကိုင်အေဂျင်စီမှ သိရသည်။
“အခုထိတော့ အဲ့ဒိတရားမ၀င်ပြောင်းရွေ့အလုပ်လုပ်ကိုင် နေတဲ့ လူတွေစာရင်းက ဒီဘက်ကိုမရောက်သေးပါဘူး။ သူတို့နိုင်ငံရဲ့ လူဝင်မှုကြီးကြပ်ရေး ဌာနမှာပဲရှိမှာပေါ့။အဲ့ဒီလူ ၂၀၀ ကျော် ရဲ့စာရင်းကိုဆရာတို့ က တောင်းထားတယ်” ဟု အစိုးရပြည်ပ အလုပ်အကိုင် အေဂျင်စီ မှတာဝန်ရှိသူတစ်ဦးကပြောသည်။
ယခုနှစ်ဧပြီ လကုန်ပိုင်းအထိ တောင်ကိုရီးယားနိုင်ငံသို့ မြန်မာလုပ်သား ၈၀၀ ခန့်စေလွှတ်ပြီးဖြစ်ကြောင်း၊ ၂၀၁၂ ခုနှစ်၌ မြန်မာလုပ်သား ၃၀၀၀ ကျော်စေလွှတ်နိုင်ခဲ့၍ ယခုနှစ်ကုန်ပိုင်းတွင် လည်း မြန်မာလုပ် သား ၃၀၀၀ ကျော်စေလွှတ်နိုင်မည်ဟု ခန့်မှန်းထားကြောင်း သိရသည်။
မြန်မာလုပ်သားများသည် ကိုရီးယားနိုင်ငံရှိ ကုန်ထုတ်လုပ်မှုလုပ်ငန်းတွင် အများဆုံးသွားရောက်လုပ်ကိုင်ကြပြီး တစ်နာရီလျှင် ကိုရီးယားငွေ ၀မ် ၄၈၅၀ ခန့်ရရှိကြောင်း၊တစ်လ လျှင်ပျမ်းမျှ မြန်မာကျပ်ငွေ ၁၀ သိန်းခန့် ရရှိကြောင်း အလုပ်လုပ်ကိုင်သူများထံမှ သိရသည်။
Ref: မဇ္ဈိမ
Read More...
Collapse...
တင်ဇာအောင်
မေလ ၁၃ ရက် ၂၀၁၃ ခုနှစ်
ဘင်္ဂလားပင်လယ်အော် အရှေ့တောင်ပိုင်းတွင် ဖြစ်ပေါ်နေသော မဟာဆန် ဆိုင်ကလုန်း မုန်တိုင်း တိုက်ခတ်လာပါက ရခိုင်ကမ်းရိုးတန်းနှင့် မြစ်ဝကျွန်းပေါ်ဒေသ တလျှောက်တွင် မုန်တိုင်း ဒီရေ လှိုင်းဒဏ်များ လွှမ်းမိုးမှု ဖြစ်ပေါ်နိုင်သောကြောင့် ကယ်ဆယ်ရေး လုပ်ငန်းများ လုပ်ကိုင်ရန် အမျိုးသား သဘာဝဘေး ကာကွယ်စောင့်ရှောက်ရေး ကော်မတီ ဥက္ကဋ္ဌ ဒုတိယ သမ္မတ ဦးဉာဏ်ထွန်း ဦးစီးဆောင်ရွက် သွားမည်ဟု အစိုးရ သတင်းထုတ်ပြန်ရေး အဖွဲ့က တနင်္လာနေ့ ညပိုင်းတွင် ကြေညာလိုက်သည်။
ယင်းသို့ ကာကွယ်စောင့်ရှောက်ရေး လုပ်ငန်းများ ဆောင်ရွက်သွားရန် ဒုတိယ သမ္မတ ဦးဉာဏ်ထွန်းနှင့် စီမံခန့်ခွဲမှု လုပ်ငန်း ကော်မတီတို့မှ တာဝန်ရှိသူများ ပါဝင်သည့် စီမံကွပ်ကဲမှု အဖွဲ့သည် မေလ ၁၄ ရက်နေ့မှ စ၍ ရခိုင်ပြည်နယ် အမ်းမြို့တွင် အနီးကပ် ကွပ်ကဲသွားမည်ဖြစ်သည်ဟုလည်း အဆိုပါ ထုတ်ပြန်ချက် တွင် ဖော်ပြပါရှိသည်။
ယင်းအပြင် မုန်တိုင်းဒဏ်ကျရောက်နိုင်သော ကမ်းရိုးတန်း ဒေသများရှိ တပ်မတော် အနေဖြင့် ကြိုတင် စီစဉ်ထားမှုများ ရှိနေပြီး တိုင်းစစ်ဌာနချုပ်များတွင် လေယာဉ်၊ ရဟတ်ယာဉ်၊ သင်္ဘော၊ မော်တော်ယာဉ် များအား လိုအပ်လျှင် ချက်ချင်းအကူအညီ ပေးနိုင်ရန် စီစဉ်ထားသည်ဟုလည်း သိရသည်။ ယင်းအပြင်ဆေးကုသရေး လုပ်ငန်းများ ဆောင်ရွက်ရန်လည်း ပြင်ဆင်ထားရှိထားရှိပြီး အခြား အထောက်အကူပြု အဖွဲ့အစည်းများကိုလည်း ပြင်ဆင်ထားရှိသည်ဟုလည်း ထုတ်ပြန်ချက်တွင် ပါရှိသည်။
ယင်းသို့ အစိုးရပိုင်း အနေဖြင့် ပြင်ဆင်ထားမှုများ ရှိသကဲ့သို့ ပြည်တွင်း အန်န်ဂျီအို အဖွဲ့အစည်း တစ်ခုဖြစ် သည့် ထူးဖောင်ဒေးရှင်းကလည်း မုန်တိုင်းတိုက်ခတ်ပြီး ကယ်ဆယ်ရေး လုပ်ငန်းများ လုပ်ကိုင် ရန် လေယာဉ် များ ပြင်ဆင်ထားသည်ဟုလည်း ထူးဖောင်ဒေးရှင်းက သိရသည်။
မုန်တိုင်းကြောင့် ရခိုင်ပြည်နယ် အတွင်း ဒီရေ တက်လာနိုင်သည့် နေရာများ၊ ကမ်းခြေ တစ်လျှောက် တဲများ၊ ယာယီတဲများဖြင့် နေထိုင်ကြသူများကိုလည်း မေလ ၁၄ ရက်နှင့် ၁၅ ရက်နေ့ အပြီး လုံခြုံစိတ်ချရသည့်နေရာများသို့ ပြောင်းရွှေ့ရန် ညွှန်ကြားထားပြီး ဖြစ်သည်ဟုလည်း သိရသည်။
မုန်တိုင်း အန္တရာယ်ကို ကြုံတွေ့ရချိန်တွင် သတိပြုရမည့် အချက်များကိုလည်း မြန်မာ့အသံနှင့် ရုပ်မြင်သံကြား၊ရေဒီယို တို့မှ တဆင့် ထုတ်ပြန်နေသည်။
မိုးလေ၀သ ဇလဗေဒ ညွှန်ကြားမှု ဦးစီးဌာန၏ မေလ ၁၃ ရက်နေ့ မြန်မာစံတော်ချိန် နေ့လည် တစ်နာရီ အချိန် ထုတ်ပြန်ချက်အရ ဆိုင်ကလုန်း မုန်တိုင်း မဟာဆင်သည် မြန်မာနိုင်ငံ ကိုကိုးကျွန်း၏ အနောက်ဘက် မိုင် ၄၁၀၊ ပုသိမ်မြို့၏ အနောက်တောင်ဘက် မိုင် ၅၄၀၊ ကျောက်ဖြူမြို့၏ အနောက်တောင်ဘက် မိုင် ၅၉၀၊ အိန္ဒိယ နိုင်ငံ ချုင်းနိုင် မြို့၏ အရှေ့တောင်ဘက် မိုင် ၃၈၀ ခန့် အကွာတင် ပင်လယ်ပြင်ကို ဗဟိုပြုနေသည်။ ယင်းမုန်တိုင်းမှာ မြောက်ဘက်သို့ ဆက်လက်ရွေ့လျားနိုင်ပြီး မုန်တိုင်း ဗဟိုချက် အနီးတွင် အမြင့်ဆုံး လေတိုက်နှုန်းမှာ မိုင် ၆၀ အထိ ရှိနိုင်သည်။
Ref: မဇ္ဈိမ
Read More...
Collapse...
ဟင်္သာနီ (မွန်မြေ)
မေလ ၁၃ ရက် ၂၀၁၃ ခုနှစ်
ဒီမိုကရေစီ အကျိုးပြု ကရင်တပ်မတော် (DKBA) နှင့် အစိုးရ၏ နယ်ခြားစောင့်တပ် တို့အကြား ပစ်ခတ်မှုများ ဖြစ်ပွားခဲ့ကြသည့်အပေါ် လေ့လာဆန်းစစ်နိုင်ရန် မြန်မာ့ ငြိမ်းချမ်းရေး စင်တာ (MPC)မှ တာဝန်ရှိသူ နှစ်ဦးက DKBA ကိုယ်စားလှယ်များ၊ နယ်ခြား စောင့်တပ်မှ ကိုယ်စားလှယ်များနှင့် မေလ ၁၁ ရက်နေ့က မြဝတီမြို့နယ်၊ ဆုံဆည်းမြိုင် ကျေးရွာ၌ တွေ့ဆုံခဲ့ကြောင်း DKBA တပ်မှ ဗိုလ်မှူး မောင်လေး က ပြောသည်။
ဧပြီလကုန်ပိုင်းက သုံးရက်ကြာ နှစ်ဖက် ပစ်ခတ်မှုများ ဖြစ်ပွားရခြင်းနှင့်ပတ်သက်၍ ထပ်မံ မဖြစ်ပွားစေရန် အတွက် လာရောက်ဆွေးနွေးကြခြင်း ဖြစ်သည်။
“ဖြစ်ပျက်နေတဲ့ ပြဿနာကို လက်နက်မကိုင်တဲ့ နည်းလမ်းနဲ့ ဖြေရှင်းနိုင်ဖို့ ဆွေးနွေးကြတယ်။ ဖြစ်ခဲ့ရတဲ့ အခြေခံ အကြောင်းရင်းကို ဆွေးနွေးတယ်။ ဘယ်လိုအချက်ကြောင့် ပြဿနာ ဖြစ်လာတယ်၊ ဘာကြောင့် ကြီးထွားလာတယ် ဆိုတဲ့ အပိုင်းပေါ့၊ သူတို့က အခြေခံ အကြောင်းရင်းကို စုစည်းပြီးတော့ အပေါ်ကို ပြန်လည် တင်ပြရမယ်” ဟု မဇ္ဈိမကို ပြောသည်။
မနက်ပိုင်း ဆွေးနွေးပွဲသို့ MPC မှ ဒေါက်တာ ဇော်ဦးနှင့် ဦးအောင်နိုင်ဦးတို့ တက်ရောက်ခဲ့ပြီး DKBA ဖက်မှ စစ်ဦးစီးချုပ် ဗိုလ်ချုပ် စောလားဖွယ်၊ ဒုစစ် ဦးစီးချုပ် ဗိုလ်ချုပ် စောမိုရှေး၊ ကလို့ ထူးဖော စစ်ဗျူဟာမှ ဗိုလ်မှူးချုပ် ကျော်သက်နှင့် ကလို့ ထူးဝါး စစ်ဗျူဟာမှ ဗိုလ်မှူးချုပ် ကျော်ဘိတို့ တက်ရောက် ခဲ့ကြသည်။ ညနေပိုင်း၌ နယ်ခြား စောင့်တပ်နှင့် ဆက်လက် တွေ့ဆုံခဲ့သည်။
“ပြသနာ ကတော့ မပြေလည်နိုင်စရာ အကြောင်းတော့ မရှိပါဘူး။ ဒီလို တွေ့ဆုံဆွေးနွေး နိုင်ခဲ့တာကလည်း အရမ်း ကောင်းသွားတယ်လေ။ နယ်ခြား စောင့်တပ် ဆိုတာလည်း ကရင် တိုင်းရင်းသား တွေ ပါ။ နိုင်ငံ့အကျိုး ကို ထမ်းဆောင်နေတဲ့ အဖွဲ့တဖွဲ့ပါ။ ကျနော်တို့ အဖွဲ့နဲ့ အလားတူပါပဲ။ သူတို့အပေါ်ကို တင်းတင်းမာမာ သဘောထားတာမျိုး ကျနော်တို့မှာ မရှိပါဘူး၊ ပဋိပက္ခတွေလည်း ရှေ့ဆက် ဖြစ်လာနိုင်မယ့် အလားအလာတော့ မရှိတော့ပါဘူး” ဗိုလ်မှူး မောင်လေး က ပြောသည်။
ပဋိပက္ခမှာလည်း ပုဂ္ဂိုလ်ရေးမှ စတင်ခဲ့ခြင်း ဖြစ်၍ အဖွဲ့၏ သဘောထား ပါဝင်သက်ရောက်မှု မရှိဟု ဆိုသည်။
ကနဦး တွေ့ဆုံခဲ့ကြသည့် အဆင့်၌မူ ဆုံးဖြတ်ချက် တစ်စုံတစ်ရာ ချမှတ်ကာ လိုက်နာ အကောင်အထည်ဖော်ကြမည့် သဘောတူညီ ချက်မျိုး မရှိသေးဘဲ MPC သို့ ပြန်လည်တင်ပြရန်သာဖြစ်သည်ဟု Peace Dialogue ဌာနမှ ဦးအောင်နိုင်ဦး က ဆိုသည်။
“ကျနော်တို့ အနေနဲ့က ဘက်ပေါင်းစုံက ဖြစ်ခဲ့တဲ့ကိစ္စတွေကို သွားနားထောင်တယ်။ ကျနော်တို့ အနေနဲ့က ဘာမှ ဆုံးဖြတ်ပိုင်ခွင့် မရှိပါဘူး။ ဆုံးဖြတ်လို့လည်း မရပါဘူး။ ပြီးရင် ဒီဟာကို ကျနော်တို့ မြန်မာ ငြိမ်းချမ်းရေး စင်တာက လူကြီးတွေကို အစီရင်ခံစာ တင်ရမယ်။ ဒါကို ဘယ်လို ဆက်သွားမလဲဆိုတာ သူတို့ဖာသာ သူတို့ ဆုံးဖြတ်ပါလိမ့်မယ်” ဟု မဇ္ဈိမကို ပြောသည်။
ငြိမ်းချမ်းရေး လုပ်ငန်းစဉ်များသည် ညင်ညင်သာသာ ပျော့ပျော့ပြောင်းပြောင်း ရှိသည့် အရာများ ဖြစ်ကာ မည်သူမှ မည်သို့ပြောဆိုသည်ကို ထုတ်ဖော်ပြောကြားရန် ခက်ခဲပြီး ငြိမ်းချမ်းရေး ကာလ ဖြစ်နေ သည့်အတွက် တဖက်နှင့် အတတ်နိုင်ဆုံး ထိန်းထိန်းသိမ်းသိမ်း လုပ်ဆောင်ကြရန် ပြောကြားခဲ့ပြီး ဆွေးနွေးချက်များနှင့် သဘောထားများကိုမူ ထုတ်ဖော် ပြောကြားရန် မဖြစ် နိုင်ကြောင်းလည်း ဦးအောင်နိုင်ဦးမှ ဆိုသည်။
DKBA တပ်များနှင့် အစိုးရ နယ်ခြား စောင့်တပ် (BGF) တို့မှာ လက်ရှိတွင် တင်းမာသည့် အနေအထား မရှိဟု ဆိုနိုင်သော်လည်း နှစ်ဖက်စလုံး စစ်ရေး သတိအနေအထား ရှိနေကြဆဲ ဖြစ်သည်။
DKBA နှင့် BGF တို့သည် ၁၉၉၄ ခုနှစ်က တည်းက တဖွဲ့တည်း ရှိခဲ့ရာမှ ၂၀၁၀ ခုနှစ်တွင် ဗိုလ်ချုပ်စောလားဖွယ် ဦးဆောင်သော DKBA နှင့် အစိုးရတပ် လက်အောက်ခံ နယ်ခြားစောင့်တပ် အဖြစ် ပေါ်ပေါက်
လာခဲ့ခြင်း ဖြစ်သည်။
Ref: မဇ္ဈိမ
Read More...
Collapse...
ကိုမိုးဇော်
13.05.2013
မြန်မာနိုင်ငံက တိုင်းရင်းသားလက်နက်ကိုင် အဖွဲ့အစည်းတစ်ခုဖြစ်တဲ့ ၀ပြည်သွေးစည်းညီညွတ်ရေးတပ်ဖွဲ့က အနာဂတ်မှာ သီးခြားပြည်နယ်တစ်ခုရရှိရေး အာမခံပေးဖို့ မြန်မာအစိုးရ ကိုယ်စားလှယ်တွေ ကို တောင်းဆိုလိုက်ပါတယ်။ ၂၀၀၈ ဖွဲ့စည်းပုံကို ပြန်လည်ပြင်ဆင်ပြီး ၀ပြည်နယ် သတ်မှတ်ပေးဖို့ အစိုးရရဲ့ ငြိမ်းချမ်းရေး ဖော်ဆောင်ရေးကော်မတီ တာဝန်ရှိသူတွေကို တောင်းဆိုလိုက်တာပါ။ လက်နက် ကိုင်အင်အား အတောင့်တင်းဆုံး ၀တပ်ဖွဲ့နဲ့ မြန်မာအစိုးရတို့ ကြား ဆွေးနွေးနေတဲ့ နောက်ဆုံးအခြေအနေတွေကိုတော့ ဗွီအိုအေ (မြန်မာပိုင်း) သတင်းထောက် ကိုမိုးဇော် က သတင်းပေးပို့ထားပါတယ်။
ဦးသိန်းဇော် ခေါင်းဆောင်တဲ့ငြိမ်းချမ်းရေး ဖော်ဆောင်ရေး တာဝန်ရှိသူတွေနဲ့ ၀ပြည်သွေးစည်းညီညွတ်ရေးပါတီ UWSP က ဒုဥက္ကဌ လျှောက်မီလျံ နဲ့ ပေါက်ယိုယီ တို့ ဦးဆောင်တဲ့ အဖွဲ့တို့ဟာ ၀အဖွဲ့ အခြေစိုက်ရာ ပန်ဆန်းမြို့မှာ တွေ့ဆုံချိန် သူတို့ရဲ့ အနာဂတ် ရပ်တည်ရေးကိစ္စတွေအတွက် အဓိကအာရုံစိုက် ဆွေးနွေးခဲ့တာ ဖြစ်ပါ တယ်။ ဒီဆွေးနွေးပွဲမှာ ၀အဖွဲ့က အလေးထားတင်ပြတဲ့အချက်တွေကို UWSP ပြောရေးဆိုခွင့်ရှိသူ ဦးအောင်မြင့်က အခုလို ပြောပါတယ်။
“အခု နိုင်ငံတော်မှာလည်း ပြုပြင်ပြောင်းလဲမှုတွေလုပ်နေပြီ။ ၂၀၀၈ အခြေခံဥပဒေဟာ ဆိုလို့ရှိရင် အရင်က အခြေအနေအပေါ်မှာ အခြေခံပြီး ရေးဆွဲထားတဲ့ အခြေခံဥပဒေ ဖြစ်တယ်။ အခု ပြောင်းလဲလာတဲ့ အခြေအနေနဲ့ လိုက်လျောညီထွေစွာပေါ့ အခြေခံဥပဒေကို ပြုပြင်ရေးဆွဲဖို့ လိုအပ်တယ်။ ပြင်ဖို့လိုအပ်တဲ့အထဲမှာပဲ ကျနော်တို့ ၀တိုင်းရင်းသားတွေ တင်ပြဆွေးနွေးနေတဲ့ တောင်းဆိုနေတဲ့ ၀ပြည်နယ်ရရှိရေး ဆိုတာကိုလည်း ထည့်သွင်းစဉ်းစား။ ထည့်သွင်းပြုပြင်သွားဖို့ လိုအပ်တယ် ဆိုတာကိုလည်း ဆွေးနွေးတယ်လေ။ ပြည်နယ်အဆင့် သတ်မှတ်ရေးပေါ့။ ဒါလေးကို ဦးစားပေးပြီး ပြောပါတယ်။”
ဆွေးနွေးပွဲမှာ တင်ပြတဲ့ အခြားအချက်တွေကတော့ ၀အဖွဲ့က ပြည်ထောင်စုက ခွဲထွက်ပြီး သီးခြား လွတ်လပ်ရေး တောင်းဆိုမှာ မဟုတ်ကြောင်း၊ တိုင်းရင်းသားတွေကြားက နိုင်ငံရေး ပြဿနာတွေ ကို နိုင်ငံရေးနည်းအရ ဖြေရှင်းဖို့နဲ့ စစ်ရေးနည်းအရ ဖြေရှင်းတာကို ကန့်ကွက်ကြောင်း ဆိုတာတွေ ပါဝင်ပါတယ်။ ပြီးခဲ့တဲ့သီတင်းပတ်ထဲ တွေ့ဆုံချိန်မှာ UWSP က တင်ပြခဲ့တာကို ဦးသိန်းဇော်နဲ့အဖွဲ့က အထက်ကို ဆက်လက် တင်ပြသွားမယ်လို့ တုံ့ပြန်ထားပါတယ်။
ဦးသိန်းဇော်တို့နဲ့ ၀ခေါင်းဆောင်တွေ တွေ့ဆုံပွဲမှာ ပြီးခဲ့တဲ့ရက်ပိုင်းက ထွက်ပေါ်ခဲ့တဲ့ တရုတ်ကနေ ၀အဖွဲ့ကို အဆင့်မြင့် စစ်ရဟတ်ယာဉ်တွေ အပါအ၀င် လက်နက်တွေ ထောက်ပံ့ပေးနေတယ်ဆိုတဲ့ သတင်းနဲ့ပတ်သက်ပြီးလည်း ဆွေးနွေးခဲ့ပါတယ်။
နာမည်ကျော် စစ်ဘက်ဆိုင်ရာ စာစောင်တစ်ခုဖြစ်တဲ့ Jane’s Defense Weekly က ဒုံးလက်နက်တွေပါဝင်တဲ့ စစ်ရဟတ်ယာဉ်တွေ ပေးပို့ခဲ့တဲ့အကြောင်း မကြာသေးခင်က ဖော်ပြခဲ့တာ ကို နှစ်ဘက်တာဝန် ရှိသူတွေ အလွတ်သဘော ဆွေးနွေးခဲ့တာ ဖြစ်တယ်လို့ ဦးအောင်မြင့်က ပြောပြပါတယ်။
“ဒီကိစ္စဟာ သူတို့ပြောတာက အခြေအမြစ် မရှိဘူးဆိုတာတော့ မဟုတ်ဘူး။ ကျနော်တို့ တကယ်ကိုပဲ လော (Lao) ကနေပြီးတော့ ရဟတ်ယာဉ်တစ်စီးဝယ်တယ်။ ဖော်ကာ တစ်စီးဝယ်တယ်။ နောက် သင်္ဘောလေး တစ်စီးဝယ်ထားတယ်။ ကျနော်တို့ဆီကို ကားနဲ့တင်လာတယ်။ ဘာလုပ်ဖို့လဲ၊ ဘာလို့ ၀ယ်လဲဆိုတော့ ကျနော်တို့ မိုင်းပေါက်ဒေသမှာ သဘာဝဥယျာဉ်တစ်ခု တည်ထောင်ဖို့ စီမံထားတယ်။ လုပ်လည်း လုပ်နေတယ်။ ဒီတော့ သဘာဝဥယျာဉ်ကို လုပ်ပြီးတဲ့အခါမှာ ဒေသက အရပ်သားတွေ လေယာဉ်ပျံဆိုတာ ဘာလဲ မတွေ့ဖူးဘူး၊ သင်္ဘောဆိုတာ ဘာလည်း မတွေ့ဖူးဘူး။ ဒါကြောင့် သူတို့ တွေ တွေ့ရအောင်လို့ ၀ယ်လာတာဖြစ်တယ်။ ကျနော်တို့ အင်တာနက်မှာ ဒီပုံတွေ အကုန်လုံး ပြန်ပြီး ဖော်ပြထားပါတယ်။ ဦးသိန်းဇော်ဆိုရင် ဓာတ်ပုံလည်း ပေးလိုက်ပါတယ်။”
လောနိုင်ငံကတဆင့် သယ်ယူလာတဲ့ ရဟတ်ယာဉ်နဲ့ လေယာဉ်တွေဟာ အင်ဂျင်မပါကြောင်းနဲ့ နိုင်ငံတော်သမ္မတနဲ့ ကာကွယ်ရေးဦးစီးချုပ်ဆီကိုလည်း အဲဒီဓာတ်ပုံတွေကို ဦးသိန်းဇော်ကတဆင့် ပေးပို့ခဲ့ကြောင်း ဦးအောင်မြင့်က ဆက်ပြောပါတယ်။
ဝပြည်သွေးစည်းညီညွတ်ရေးပါတီ UWSP/ UWSA ဟာ ၁၉၈၉ ခုနှစ် ဗမာပြည် ကွန်မြူနစ်ပါတီကနေ ခွဲထွက်ပြီး စစ်အစိုးရနဲ့ ငြိမ်းချမ်းရေး ရယူခဲ့တဲ့အဖွဲ့ ဖြစ်ပါတယ်။ ၂၀၀၉ ခုနှစ်မှာတော့ နယ်ခြားစောင့်တပ် အသွင်ပြောင်းဖို့ စစ်အစိုးရက ဖိအားပေးခဲ့တာကြောင့် နှစ်ဘက်တင်းမာမှုတွေ ဖြစ်ခဲ့ပေမဲ့ ဦးသိန်းစိန်ခေါင်းဆောင်တဲ့ အစိုးရသစ် ဖွဲ့စည်းပြီးချိန်မှာ အပစ်အခတ်ရပ်စဲရေးကို ဆက်လက် စောင့်ထိန်းဖို့ နှစ်ဘက် သဘောတူညီခဲ့ကြပါတယ်။
လောလောဆယ်မှာတော့ UWSA အဖွဲ့ဟာ လက်နက်ကိုင်အင်အား ၃ သောင်းလောက် ရှိမယ်လို့ ခန့်မှန်းထားပြီး တိုင်းရင်းသား လက်နက်ကိုင်တပ်ဖွဲ့တွေထဲမှာတော့ အင်အား အတောင့်တင်းဆုံး အဖွဲ့လည်း ဖြစ်ပါတယ်။
Ref: ဗွီအိုအေ
Read More...
Collapse...
ကိုကျော်ကျော်သိန်း
13.05.2013
မဟာစင်ဆိုင်ကလုန်းမုန်တိုင်း ဟာ မြန်မာနိုင်ငံဘက်ဆီ ၀င်လာမယ်ဆိုရင် ရခိုင်ကမ်းရိုးတန်း မြောက်ပိုင်းဒေသကိုဖြတ်ပြီး ၀င်လာနိုင်ခြေရှိတယ်လို့ မိုးလေ၀သ ပညာရှင်တွေက ခန့်မှန်းထားပါတယ်။ အားလုံးဟာ မုန်တိုင်းအခြေအနေကို မပြတ် စောင့်ကြည့်နေကြပြီး လိုအပ်တဲ့ ပြင်ဆင်မှုတွေကိုလည်း လုပ်ထားပြီးတာကြောင့် အရင်အချိန်တွေကထက် ပြင်ဆင်မှု အား ကောင်းပါတယ်လို့ ရခိုင်ပြည်နယ်အစိုးရ တာဝန်ရှိသူတစ်ဦးက ပြောပါတယ်။ အပြည့်အစုံကို ရန်ကုန်ရုံးကနေ ကိုကျော်ကျော်သိန်း က သတင်းပေးပို့ထားပါတယ်။
မဟာစင်မုန်ုတိုင်းဟာ လွန်ခဲ့တဲ့ ၃ နာရီနီးပါး အချိန်ပိုင်းကအထိ မြန်မာနိုင်ငံဘက်ဆီ ဦးတည်မနေသေးပေမဲ့လည်း ပြန်လှည့်လာနိုင်တယ်လို့ မိုးလေ၀သ ပညာရှင်တွေက ခန့်မှန်းထားတာပါ။ တကယ်တမ်း ၀င်လာမယ်ဆိုရင်တော့ ရခိုင်ကမ်းရိုးတန်း မြောက်ပိုင်းဒေသဟာ အန္တရာယ်ရှိမှုအဆင့် အများဆုံးဖြစ်ပြီး ပြင်ဆင်မှု အဆင့်အနေနဲ့လည်း သတိပေးအဆင့် သတ်မှတ်ထားပါတယ်။
အခု အသံလွှင့်ချိန်ထိ မုန်တိုင်းတည်ရှိနေတဲ့ အနေအထားကိုတော့ မုန်တိုင်းကို မပြတ်စောင့်ကြည့်နေတဲ့ မိုးလေ၀သပညာရှင် ဦးထွန်းလွင် က ဗွီအိုအေ ကို အခုလို ရှင်းပြပါတယ်။
“မုန်တိုင်းက လောလောဆယ်မှာတော့ အိန္ဒိယဘက် ရောက်တဲ့နေရာမှာရှိတယ်။ ဒါပေမဲ့ ဒီကောင် ပြန်ကွေ့လိမ့်မယ်လို့ ကျနော့်အနေနဲ့ မှန်းတယ်ဗျာ။ မှန်းလို့ အဲ့ဒါကို စောင့်ကြည့်တဲ့အခါမှာ ကွေ့ဖို့များနေတယ်။ လောလောဆယ် အနောက်မြောက်ဘက်ကနေ မြောက်ဘက်သွားတဲ့အဆင့်ကို ရောက်နေပြီ။ ညပိုင်းလောက်ကျရင်တော့ အရှေ့မြောက်ဘက်ကို သူ ထပ်ကွေ့မယ်။ အဲ့ဒီကွေ့ပြီးတဲ့နောက်ပိုင်း ကျနော်တို့ရှိတဲ့ဘက်ကို ၀င်မယ်။ လောလောဆယ် ကျနော်တို့ ခန့်မှန်းထားတာကတော့ ဒါ ဘင်္ဂလားဒေ့ရ်ှကို အဓိက ခန့်မှန်းပါတယ်။ ဒါပေမဲ့ မြန်မာပြည်လည်း ပါနေတော့ မြန်မာပြည်အတွက်လည်း ကျနော်တို့ စောင့်ကြည့်မှရမယ်။ ဒါ မုန်တိုင်းဟာ အရှေ့ဘက်ကို ပြန်လာမှ ကျနော်တို့က ကျနော်တို့နဲ့ဆိုင်တာ ဖြစ်ပါမယ်။ လောလောဆယ်တော့ မြောက်ဘက်သွားနေတုန်းပဲ ရှိပါသေးတယ်။ မှန်းတာကတော့ မြောက်ပြီးရင် အရှေ့မြောက်ဆိုတော့ ဒီကနေ့ညလောက် စကွေ့လိမ့်မယ်လို့ ထင်ပါတယ်။”
နောက်ဆုံး တွက်ထားတာအရကတော့ ကုန်းတွင်းပိုင်း ၀င်ခါနီးမှာ မုန်တိုင်းဟာ အားပျော့သွားလိမ့်မယ်လို့ ဦးထွန်းလွင်က ပြောပါ တယ်။ တနင်္သာရီကမ်းရိုးတန်းနဲ့ မွန်ကမ်းရိုးတန်းတွေအတွက် အန္တရာယ်ပေးအဆင့်မရှိဘဲ စောင့်ကြည့်အဆင့် သတ်မှတ်ထားပြီး မြစ်ဝကျွန်းပေါ် ကမ်းရိုးတန်းအတွက် အန္တရာယ်ပေးအဆင့် နည်းပါးတဲ့ နှိုးဆော်အဆင့် သတ်မှတ်ထားသလို ရခိုင်ကမ်းရိုးတန်း တောင်ပိုင်းအတွက်ကိုတော့ အသင့်အတင့် အန္တရာယ်ရှိနိုင်တဲ့အဆင့်နဲ့ နှိုးဆော်အဆင့်အဖြစ် ဦးထွန်းလွင်က သတ်မှတ်ထားပါတယ်။
မုန်တိုင်းဒဏ်ခံရနိုင်ခြေအရှိဆုံး ဒေသတွေကတော့ ရခိုင်ပြည်နယ်က မောင်တောနဲ့ ဘူးသီးတောင်ဒေသတွေဖြစ်တယ်လို့ ဦးထွန်းလွင် က ပြောပါတယ်။
ဆိုင်ကလုန်းမုန်တိုင်းရဲ့ လက်ရှိအခြေအနေဟာ အ၀ါရောင်အဆင့်ပဲ ရှိပေမဲ့ နောက်ဆုံးတိုင်းထွာရရှိတဲ့ ခန့်မှန်းချက်အရ မေလ ၁၆ ရက်နေ့ ညပိုင်းလောက်မှာ မြန်မာနိုင်ငံ (ရခိုင်ကမ်းရိုးတန်းမြောက်ပိုင်း) ကမ်းခြေနဲ့ ဘင်္ဂလားဒေ့ရ်ှနိုင်ငံ ကမ်းခြေဒေသတွေဆီ ဖြတ်ကျော်ဝင်ရောက်နိုင်တယ်လို့ မိုးလေ၀သနဲ့ ဇလဗေဒဦးစီးဌာနက ခန့်မှန်းထားပါတယ်။
ရခိုင်ပြည်နယ်ဟာ မကြာခနဆိုသလို မုန်တိုင်းဒဏ်ကျရောက်လေ့ရှိတဲ့ ဒေသဖြစ်တာကြောင့် မုန်တိုင်းအန္တရာယ်ကာကွယ်ရေး လေ့ကျင့်သတိပေးမှုတွေ လုပ်ထားပြီးဖြစ်သလို တာဝန်ရှိသူတွေက အဆက်မပြတ် လှည့်လည် ဆော်သြနေတယ်လို့ ရခိုင်ပြည်နယ်အစိုးရအဖွဲ့၊ သတင်းပြန်ကြားရေးတာဝန်ခံ ဦးဝင်းမြိုင်က ပြောပါတယ်။
“ဖြစ်ခဲ့တဲ့နေရာတွေ၊ ဖြစ်နိုင်စွမ်းရှိတဲ့ နေရာတွေကိုတော့ ကြိုတင်တော့ ပြောထားတာပေါ့။ ကျောက်ဖြူဘက်ဆိုရင်လည်း သင်္ဘောတွေ၊ လှေတွေကို ကျနော်တို့ ကြိုတင်စီစဉ်ထားတဲ့ ပုန်းလို့ရတဲ့ ချောင်းငယ်လေးတွေ၊ အဲ့ဒီထဲကို ကျနော်တို့က ကြိုတင်ပြီး သွင်းထားပါတယ်။ ကျန်တဲ့အိမ်တွေကိုတော့ အဲ့လိုပေါ့ သက်ဆိုင်ရာ သူတို့အိမ်တွေကိုလည်း အရင်လည်း ခဏခဏဖြစ်နေတယ်ဆိုတော့ ဘယ်လိုလုပ်ရမယ်ဆိုတာလည်း သူတို့သိပါတယ်ခင်ဗျ။ ပြီးတော့ ဘယ်လိုနေရာမှာ ခိုဖို့၊ ပုန်းဖို့ဆိုတာလည်း ကျနော်တို့ ဆက်တိုက် လေ့ကျင့်ထားတာတွေလည်း ရှိပါတယ်။ WFP က ပေးထားတဲ့ ရိက္ခာတွေ လည်း ရှိပါတယ်။ နောက် ကြက်ခြေနီမှာလည်း ရှိပါတယ်။ အဲ့ဒီနေရာတွေကို သွားဖို့လည်း ကြက်ခြေနီတို့ မီးသတ်တပ်ဖွဲ့တို့ ရဲတပ်ဖွဲ့တို့နဲ့ NGO အဖွဲ့တွေက ပူးပေါင်းဆောင်ရွက်လေ့ ရှိပါတယ်ခင်ဗျ။”
ပြီးခဲ့တဲ့ ၃ နာရီဝန်းကျင် အချိန်ပိုင်း မောင်တောမြို့အခြေအနေကတော့ မိုးမရွာ၊ လေမတိုက်ဘဲ နေလို့ထိုင်လို့ မရလောက်အောင် ပူအိုက်နေတယ်လို့ မောင်တောမြို့နယ်၊ ဗဟိုကျောင်းဆရာတော်က မိန့်ကြား ပါတယ်။ မုန်တိုင်းဒဏ် သင့်နိုင်ခြေရှိတဲ့ နေရာဒေသ တွေက လူထုကို ဘေးလွတ်ရာဆီ ရွှေ့ပြောင်ပေးနေပြီလို့လည်း ဆရာတော်က မိန့်ပါတယ်။
“မြစ်ဘေးမှာရှိနေတဲ့ အိမ်တွေကို မြေမြင့်တဲ့ တောင်ပေါ်ဘက်ကို ဦးဇင်းတို့ ရွှေ့နေပါတယ်။ မနေ့က စပြီးတော့ ရွှေ့ပါတယ်။ မြေမြင့်တဲ့နေရာရယ်၊ တောင်ကြားမှာရှိနေတဲ့ ရွာတွေဆီကို ရွှေ့ပါ တယ်။ နောက်ပြီးတော့ အဲ့ ဒီမှာ တောင်ကြားမှာရှိတဲ့ တပ်တွေကို ရွှေ့၊ စခန်းတွေကို ရွှေ့ ရွှေ့ပါတယ်။ မြို့ပေါ်မှာလည်း စပီကာနဲ့ လိုက်ပြီးတော့ အော်နေပါတယ်။ မကောင်းအိမ်တဲ့တွေဆို ရင်လည်း ကောင်းတဲ့အိမ်တွေမှာ တက်နေကြဖို့၊ အုတ်တိုက်တွေ၊ အဲ့လို ခိုင်ခံ့တဲ့ အိမ်တွေမှာ ရွှေ့ပြီးတော့ နေကြဖို့၊ ဘုန်းကြီးကျောင်းတွေမှာ ရွှေ့ပြီးတော့ နေ ကြဖို့၊ နေမယ့်နေရာ မရှိဘူးဆိုရင် အစိုးရကနေပြီးတော့ ကားနဲ့ ဒုက္ခသည်စခန်းတို့ကို ပြောင်းရွှေ့ပေးဖို့ဆိုပြီးတော့ အကုန်လုံး စီစဉ်နေပါတယ်။”
မြို့ပေါ်က ကြက်ခြေနီတပ်ဖွဲ့တွေ၊ မြို့သူမြို့သား အသင်းအဖွဲ့တွေကလည်း ကူညီ ကယ်ဆယ်ရေးတွေ လုပ်ဆောင်ဖို့ ပြင်ဆင်ထား ပြီးပြီလို့ ဆရာတော်က မိန့်ကြားခဲ့ပါတယ်။
မုန်တိုင်းအန္တရာယ်နဲ့ပတ်သက်ရင် မေလဟာ မြန်မာနိုင်ငံသူ နိုင်ငံသားတွေအတွက် အမှတ်ရစရာတွေနဲ့ ပြည့်နေတဲ့လတစ်ခုပါ။ ၂၀၀၈ ခုနှစ်၊ မေလက နာဂစ်ဆိုင်ကလုန်းမုန်တိုင်းကြီး အပြင်းအထန် တိုက် ခိုက်ခဲ့တဲ့အတွက် လူပေါင်း ၁ သိန်း ၄ သောင်းကျော် သေဆုံး ခဲ့ရပြီး ထောင်ပေါင်းများစွာ အိုးအိမ်မဲ့ဖြစ်ခဲ့ကြရပါတယ်။ နာဂစ်မုန်တိုင်းဒဏ်သင့်ဒေသတွေနဲ့ လူထုတွေအတွက် ပြန်လည် ထူထောင်ရေး လုပ်ငန်းတွေကို ဒီနေ့အချိန်ထိ လုပ်ဆောင်နေရဆဲ ရှိပါတယ်။
Ref: ဗွီအိုအေ
Read More...
Collapse...
မခင်ဖြူထွေး
14.05.2013
မြန်မာသမ္မတ ဦးသိန်းစိန် မကြာခင်ရက်ပိုင်းအတွင်း အမေရိကန် ပြည်ထောင်စုကို လာရောက်မယ့် ခရီးစဉ်ဟာ နှစ်နိုင်ငံ ဆက်ဆံရေးအတွက် အရေးပါတဲ့ ခရီးစဉ် တရပ် ဖြစ်သလို မြန် မာနိုင် ငံ ပြုပြင်ပြောင်း လဲရေးကို အထောက်အကူ ပြုနိုင်မယ့် ခရီးစဉ်တရပ် ဖြစ်တယ်လို့ မြန်မာ့အရေး ကျွမ်းကျင်သူ Georgetown တက္ကသိုလ်က ပါမောက္ခ ဒေးဗစ်စတိုင်းဘတ် (David Steinberg) က ပြောပါတယ်။ နှစ်ပေါင်း ၅၀ နီးပါးအတွင်း ပထမဆုံးအကြိမ် လာရောက်တဲ့ မြန်မာအစိုးရ ခေါင်းဆောင်တစ်ဦး ရဲ့ နိုင်ငံတော် ခရီးစဉ်အတွင်း ဘယ်လို အကြောင်းအရာတွေကို ဆွေးနွေးနိုင်ဖွယ်ရှိပါလဲ။ အပြည့်အစုံ ကို မခင်ဖြူထွေးက တင်ပြထားပါတယ်။
မြန်မာသမ္မတ ဦးသိန်းစိန် ဒီလအတွင်း မကြာခင်ရက်ပိုင်းမှာပဲ အမေရိကန် ပြည်ထောင်စုကို လာရောက်ဖို့ ရှိတဲ့အကြောင်း တနင်္လာနေ့က မြန်မာအစိုးရ ရုပ်မြင်သံကြားသတင်းမှာ ကြေညာ ခဲ့တာ ဖြစ်ပါတယ်။ ဒီခရီးစဉ်ဟာ မြန်မာအစိုးရ ခေါင်းဆောင်တစ်ဦးရဲ့ နှစ်ပေါင်း ၅၀ နီးပါး ကာလအတွင်း ပထမဆုံးအကြိမ် အမေရိကန် ပြည်ထောင်စုကို တရားဝင် နိုင်ငံတော်ခရီးအဖြစ်နဲ့ လာရောက်မယ့် ခရီးစဉ် လည်း ဖြစ်ပါ တယ်။
ပြီးခဲ့တဲ့နှစ် စက်တင်ဘာလက သမ္မတ ဦးသိန်းစိန် အမေရိကန် ပြည်ထောင်စုကို ရောက်ရှိခဲ့ပေမဲ့၊ အဲ့ဒီအချိန်က မြန်မာနိုင်ငံနဲ့ ပတ်သက်ပြီး ကုလသမဂ္ဂမှာ မိန့်ခွန်းပြောကြားဖို့အတွက်သာ ဖြစ်ပြီး၊ အမေရိကန် သမ္မတနဲ့လည်း တွေ့ဆုံခဲ့ခြင်း မရှိခဲ့ပါဘူး။ ဒါကြောင့် အခုအခါ အမေရိကန်အစိုးရရဲ့ တရားဝင် ဖိတ်ကြားချက်နဲ့ သမ္မတ ဦးသိန်းစိန် လာရောက်မယ့်ခရီးစဉ်ဟာ အရင်က မြန်မာအပေါ် ဒဏ်ခတ်ပိတ်ဆို့မှုတွေနဲ့ အပြင်းအထန် အရေးယူခဲ့တဲ့ အမေရိကန် ပြည်ထောင်စုနဲ့ မြန်မာအစိုးရကြား ဆက်ဆံရေး ပိုမိုကောင်းမွန်လာဖို့အတွက် အရေးပါတဲ့ ခရီးစဉ်တရပ် ဖြစ်တယ်လို့ အမေရိကန် ပြည်ထောင်စု Georgetown တက္ကသိုလ်က မြန်မာ့အရေး ကျွမ်းကျင်သူ ဒေးဗစ်စတိုင်းဘတ် (David Steinberg) က ပြောပါတယ်။
“တကယ်ကောင်းတဲ့ကိစ္စပါ။ ဒီခရီးစဉ်ကြောင့် အရေးပါတဲ့ ဂယက်ရိုက်မှုတွေ တော်တော်များများ ဖြစ်လာနိုင်ပါတယ်။ သေချာတာ တစ်ခုကတော့ သူတို့ ဘယ်အကြောင်းအရာကိုပဲ ဆွေးနွေး ဆွေးနွေး၊ မြန် မာနိုင်ငံ နဲ့ပတ်သက်လို့ အမေရိကန်ရဲ့ စိုးရိမ်ချက်တွေနဲ့၊ မြန်မာဘက်ကလည်း အမေရိကန်ရဲ့ မြန်မာအပေါ် တုံ့ပြန်မှုတွေနဲ့ ပတ်သက်တဲ့ သဘောထား၊ နောက် အမေရိကန်က မြန်မာကို ဘယ်လို ကူ ညီထောက်ပံ့ဖို့ ပြင်ဆင်နေလဲ စတာတွေနဲ့ပတ်သက်လို့ နှစ်ဘက် ဆွေးနွေးမှုတွေ ပိုပြီးတော့ဖြစ်လာစေမှာပါ။ ဒါက ကောင်းတဲ့ကိစ္စပါ။”
“အနာဂတ်အတွက် အကျိုးရှိတဲ့ကိစ္စ ဖြစ်ပါတယ်။ ဒီလိုကောင်းမွန်တဲ့ နှစ်နိုင်ငံ ဆက်ဆံရေး ရှေ့ဆက်နိုင်ဖို့လည်း ကျနော် မျှော်လင့်ပါတယ်။ သမ္မတ ဦးသိန်းစိန်အနေနဲ့ ဒီခရီးစဉ်ကနေ သူရသင့်တဲ့ အများအာရုံစိုက်မှု ပို ရလာလိမ့်မယ်လို့လည်း ကျနော် ထင်တယ်။ လူအများ အာရုံစိုက်မှု တချိန်လုံးရနေတဲ့ ဒေါ်အောင်ဆန်းစုကြည်ကြောင့် တခါတလေမှာ ဦးသိန်းစိန်အပေါ် အများအာရုံစိုက် မှု လျော့သွားရတာ ရှိပါတယ်။ ဦးသိန်းစိန်အနေနဲ့ သူ့ရဲ့ ပြုပြင်ပြောင်းလဲရေး ဆောင်ရွက်ချက်တွေကြောင့် အများရဲ့ အာရုံစိုက်မှုတွေနဲ့ ထောက်ခံမှုတွေကို အခုထက် ပိုပြီး အများကြီး ရသင့်ပါတယ်။ တကယ့်ကို ခက်ခဲတဲ့ ပြုပြင် ပြောင်းလဲမှုတွေ၊ လုပ်ငန်းတွေကို သူ အကောင်အထည်ဖော် ဆောင်ရွက်နေတဲ့အပေါ်မှာ အခုထက် ပိုပြီး အသိအမှတ်ပြု ခံရသင့်ပါတယ်။”
မြန်မာနိုင်ငံတွင်း နိုင်ငံရေး ပြုပြင်ပြောင်းလဲမှုတွေ ရှိလာခဲ့တဲ့ မကြာသေးခင် နှစ်ပိုင်းကစလို့ အမေရိကန် ပြည်ထောင်စု အပါအ၀င် အနောက်နိုင်ငံတွေဟာ မြန်မာအပေါ် ပိတ်ဆို့ ဒဏ်ခတ်မှုတွေ ကို ဖြေလျှော့ပေးခဲ့သလို၊ မြန်မာအစိုးရနဲ့ ထိတွေ့ ဆက်ဆံမှုတွေကိုလည်း သိသိသာသာ ပြောင်းလဲလုပ်ဆောင်လာခဲ့တာ ဖြစ်ပါတယ်။
ပြီးခဲ့တဲ့နှစ် နိုဝင်ဘာလက အမေရိကန် သမ္မတ ဘရက်ခ် အိုဘားမား (Barack Obama) ဟာ မြန်မာနိုင်ငံကို ကိုယ်တိုင် သွားရောက်လည်ပတ်ခဲ့သလို၊ မြန်မာနိုင်ငံတွင်း အမေရိကန်ရဲ့ စီးပွားရေး လုပ်ငန်းတွေနဲ့ အကူအညီပေးရေး လုပ်ငန်းတွေကိုလည်း တိုးမြှင့် လုပ်ဆောင်လာခဲ့တာ ဖြစ်ပါတယ်။ အခု သမ္မတ ဦးသိန်းစိန် လာရောက်မယ့် ခရီးစဉ်ကလည်း နှစ်နိုင်ငံ ဆက်ဆံရေး နောက်ဆုံး တိုးတက်မှု ကို ဖော်ပြလိုက် တာပဲ ဖြစ်ပါတယ်။
အမေရိကန် သမ္မတ ဘရက်ခ် အိုဘားမားနဲ့ သမ္မတ ဦးသိန်းစိန်တို့ တွေ့ဆုံတဲ့အခါ လက်ရှိ မြန်မာနိုင်ငံတွင်းက အကြမ်းဖက် ပဋိပက္ခ အခြေအနေတွေနဲ့ ပတ်သက်လို့ စိုးရိမ်မှုတွေကို ထုတ်ဖော် ဆွေးနွေးနိုင် တယ်လို့လည်း မစ္စတာ စတိုင်းဘတ် က ပြောပါတယ်။
“လူနည်းစုတွေနဲ့ ပတ်သက်တဲ့ ပဋိပက္ခတွေ၊ လောလောဆယ် မြန်မာနိုင်ငံ ရင်ဆိုင်နေရတဲ့ အခက်ခဲဆုံး ပြဿနာဖြစ်တဲ့ ရိုဟင်ဂျာအရေးလို ကိစ္စရပ်တွေကို သူတို့ ထုတ်ဖော် ပြောကြမှာတော့ သေချာပါတယ်။ ကချင်ပဋိပက္ခ၊ နိုင်ငံရေးပြုပြင် ပြောင်းလဲမှုတွေ တိုးမြှင့် ဆောင်ရွက်ရေး၊ ကျန်းမာရေးနဲ့ ပညာရေး တိုးတက်ကောင်းမွန်ရေး အပါအ၀င် သူတို့နှစ်ဦးလုံး စိုးရိမ်ကြတဲ့ အကြောင်းအရာ အတော်များများ ကို ဆွေးနွေးကြပါလိမ့်မယ်။”
မြန်မာသမ္မတ ဦးသိန်းစိန် အမေရိကန် ပြည်ထောင်စုကို လာဖို့ ရှိတယ်ဆိုတာကို သမ္မတအိမ်ဖြူတော်က ဗွီအိုအေကို အတည်ပြုပေမဲ့ ရက်အတိအကျ အသေးစိတ်ကိုတော့ ထုတ်ဖော် ပြောဆိုခြင်း မရှိသေးပါဘူး။
AP သတင်းတစ်ပုဒ်မှာတော့ အမေရိကန်-အာဆီယံ စီးပွားရေးကောင်စီနဲ့ အမေရိကန် ကုန်သည်ကြီးများအသင်းတို့က လာမယ့် တနင်္လာနေ့ မေလ ၂၀ ရက်နေ့မှာ သမ္မတ ဦးသိန်းစိန်ကို ညစာနဲ့ ဧည့်ခံဖို့ရှိ တဲ့အကြောင်း အမေရိကန်-အာဆီယံ စီးပွားရေးကောင်စီက ပြော ဆိုတာကို ဖော်ပြထားပါတယ်။
၁၉၆၆ ခုနှစ်တုန်းကတော့ ကွယ်လွန်သွားခဲ့ပြီဖြစ်တဲ့ စစ်အာဏာရှင်ဟောင်း ဦးနေ၀င်း နိုင်ငံတော် အကြီးအကဲ တစ်ယောက်အနေနဲ့ အမေရိကန် ပြည်ထောင်စုကို တရားဝင် လာရောက်ခဲ့ဖူးပါတယ်။ အခု သမ္မတ ဦးသိန်းစိန်ရဲ့ အခုခရီးစဉ်ကတော့ မြန်မာအစိုးရ အကြီးအကဲတစ်ဦးရဲ့ ဒုတိယမြောက် ခရီးစဉ်လည်း ဖြစ်ပါတယ်ရှင်။
Ref: ဗွီအိုအေ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88