မင်းလှအကြမ်းဖက်မှု ရာဘာကျည်နဲ့ လူစုခွဲ

ကိုကျော်ထင်
27.03.2013

မန္တလေးတိုင်း မိတ္ထီလာမြို့နယ်က ပဋိပက္ခတွေဟာ ပြီးခဲ့တဲ့ရက်ပိုင်းမှာ ပဲခူးတိုင်း ဒေသကြီးအနောက်ဘက်က မြို့နယ်တချို့ထိ ပျံ့နှံ့လာပါတယ်။ ဒီကနေ့ ညနေပိုင်းက မင်းလှမှာ ဖြစ်ပွားတဲ့ ပဋိပက္ခကို ထိန်းသိမ်းနိုင်ဖို့ လုံခြုံရေး တပ်ဖွဲ့တွေက သေနတ်ပစ်ဖောက် လူစုခွဲတဲ့အတွက် ဆူပူသူတချို့ ဒဏ်ရာရတယ်လုိ့ သိရပါတယ်။ အပြည့်အစုံကို ဗွီအိုအေသတင်း ထောက် ကိုကျော်ထင် ရန်ကုန်ကနေ သတင်းပေးပို့ထားပါတယ်။

ပြီးခဲ့တဲ့ ရက်ပိုင်းတွေကစပြီး မငြိမ်သက်မှုတွေ စတင်ခဲ့တဲ့ ပဲခူးတိုင်းဒေသကြီး အနောက်ဘက်ခြမ်း မြို့နယ်တချို့က ပဋိပက္ခတွေဟာ ဒီကနေ့ ညနေပိုင်းမှာ မင်းလှမြို့ထိ ကူးစက် လာပါတယ်။

အခြေနေတွေကို မျက်ခြေမပြတ် စောင့်ကြည့်နေတဲ့ ဒေသခံ NLD ပါတီဝင် ကိုခင်ထွန်းက ဒီကနေ့ ညနေပိုင်း အခြေအနေကို အခုလို ပြောပြပါတယ်။

“၂၄ ရက်နေ့က မင်းလှမှာ ဖြစ်တယ်။ ၂၅ရက်နေ့နဲ့ ၂၆ ရက်နေ့မှာတော့ အုတ်ဖို၊ ကြို့ပင်ကောက်၊ စစ်ကွင်းမှာ ဖြစ်တယ်။ မင်းလှရဲ့ ရွာနီးချုပ်စပ်ပေါ့ဗျာ။ ရွာနီးချုပ်စပ်ကနေပြီးတော့ ၁ နာရီခွဲလောက်မှာ လူစုတယ်။ လူစုပြီးတော့ ၂ နာရီလောက်ကျတော့ ဇေယျဝတီ ရပ်ကွက်ထဲမှာ အစ္စလာမ် ဘာသာဝင် တယောက်ရှိတယ်။ သူက ကြက်ရောင်းတယ်။ သူ့အိမ်ကို စပြီးတော့ ဖျက်စီးတာပေါ့။ သူ့အိမ်ကို စပြီး ဖျက်ဆီးတယ်။ နောက်ပြီးတော့ မြို့ပေါ်မှာ ဗလီ ၃ လုံးရှိတယ်။ ဘီအိုစီလမ်းမှာ ဗလီတလုံးရှိတယ်။ ပေါက်ပင်တန်းလမ်းမှာ ဗလီတလုံးရှိ တယ်။ ရုံးလမ်းမှာ ဗလီတလုံးရှိတယ်။ အဲ့ဒီ ၃ လုံးစလုံးကို ဖျက်စီးပစ်လိုက်တယ်။ ဒီနေ့ ၂ နာရီနဲ့ ၅ နာရီကြားဖြစ်တာ”

ညနေ ၅ နာရီလောက်မှာ လုံခြုံရေး တပ်ဖွဲ့ဝင်တွေက သေနတ်ပစ်ဖောက် လူစုခွဲတာကြောင့် အကြမ်းဖက်မှုတွေ ရပ်တန့်သွားတယ်လို့ သူက ဆက်ပြောပါသေးတယ်။

“မီးရှို့တာတို့၊ လူသတ်တာတို့ မဖြစ်သွားဘူး၊ နောက်ဆုံးကျတော့ ၅ နာရီမထိုးခင်လောက်မှာ လုံခြုံရေးကနေ ရာဘာကျဉ်တွေနဲ့ပစ်ပြီး လူစုခွဲလိုက်တယ်။ ၅နာရီလောက်မှာ လူစု ကွဲသွားတယ်။”

မေး။ ။ ရာဘာကျဉ်နဲ့ ပစ်တယ်ဆိုတာ ဘယ်လိုလုပ်သိတာလဲဗျ။

“မိုးပေါ်ထောင်ပစ်တယ်လို့လည်း ပြောတယ်ဗျာ။ ဒါပေမဲ့လို့ ထိခိုက်ဒဏ်ရာ ရတဲ့သူတော့ ရှိသွားတာပဲ။ ၅ ယောက်လောက် ထိခိုက်ဒဏ်ရာ ရသွားတယ်။”

ပဲခူးတိုင်းဒေသကြီး အနောက်ဘက်က မြို့နယ်တချို့ထိ ဘာသာရေး အဓိကရုဏ်း ပုံစံမျိုး ဖြစ်လာတာကြောင့် မြန်မာနိုင်ငံလုံးဆိုင်ရာ အစ္စလာမ် သာသနာရေး အဖွဲ့က အစ္စလာမ် ဘာသာဝင်တွေကို အကာကွယ်ပေးဖို့ သမ္မတ ဦးသိန်းစိန်ထံ အိတ်ဖွင့်ပေးစာ တစောင်ကို မနေ့က ရက်စွဲနဲ့ ပေးပို့ခဲ့ပါတယ်။

အစ္စလာမ် သာသနာအဖွဲ့ ပြောခွင့်ရသူ ဦးဝဏ္ဍရွှေ က ပြည်မမှာ ဖြစ်နေတဲ့ ပဋိပက္ခတွေက ရခိုင်ပြည်နယ်နဲ့ မတူဘူးလို့ ထောက်ပြပါတယ်။

“ပထမ ရခိုင်ပြည်နယ်မှာ ဖြစ်တာပေါ့နော်၊ ရခိုင်ပြည်နယ်မှာ ဖြစ်တဲ့ကိစ္စကျတော့ နိုင်ငံသားဖြစ်ခွင့်၊ တခါ လူမျိုးရေးဆိုင်ရာ ကိစ္စ၊ ဒီလို အငြင်းပွားယုံနဲ့ ဖြစ်တယ်လို့ ယူဆစရာပေ့ါ။ အခု အဲ့ဒီဟာကနေတဆင့် ရန်ကုန်မှာဆိုရင် သာကေတမှာ ဗလီကျောင်း အငြင်းပွားမှု ဖြစ်ခဲ့တယ်၊ နောက် လှိုင်သာယာမှာ ဖြစ်တယ်၊ ရွှေပြည်သာမှာ ဖြစ်တယ်။ နောက်ဆုံး မိတ္ထီလာမှာ ဖြစ်တဲ့ကိစ္စက အဆိုးရွားဆုံးပဲပေါ့နော်။ ဒါတွေ ဖြစ်လာပြီးနောက် သက်ဆိုင်ရာ အာဏာပိုင်တွေ ထိန်းသိမ်းနေတဲ့ကြားက တခြားနေရာတွေကို ကူးစက်လာတယ်။ ကူးစက်လာတဲ့ အခါကျတော့ ဒါက သာမန် ရခိုင်ပြည်နယ်မှာ ဖြစ်ခဲ့တဲ့ဟာမျိုး မဟုတ်ဘဲနဲ့ အစ္စလာမ် ဘာသာဝင်တွေနဲ့ ဘာသာရေးနဲ့ ပတ်သက်တဲ့ကိစ္စ၊ ဘာသာ သာသနာ ကိုးကွယ်ယုံကြည်မှုကို အကြောင်းပြူပြီးတော့ ဖြစ်တဲ့ကိစ္စလို့ ယူဆစရာ ဖြစ်လာတဲ့အတွက် အရေးတကြီး သမ္မတကြီးဆီကို အကူညီ တောင်းတာပါ၊”

အစ္စလာမ် ဘာသာရေး အဆောက်အဦးတွေနဲ့ ပစ္စည်းဥစ္စာတွေ ဆုံးရှုံးမှုတချို့ ရှိပေမဲ့ ဗုဒ္ဓဘာသာဝင်တိုင်းက ကျူးလွန်တာ မဟုတ်ဘူးလို့ ဦးဝဏ္ဍရွှေ က ဆက်ပြောပါသေးတယ်။

“ဗုဒ္ဓဘာသာနဲ့ အစ္စလာမ် သာသနာဟာ နှစ်ပေါင်းများစွာ ဒီနိုင်ငံမှာ အတူယှဉ်တွဲ နေထိုင်ခဲ့တာပါ။ ကျနော်တို့ကို စာသင်ပေးတဲ့ ဆရာမတွေ ဗုဒ္ဓဘာသာပါ။ ကျနော်တို့ကို မိခင်ဝမ်းက ကျွတ်အောင် မွေးဖွားပေးတဲ့ အမျိုးသမီးတွေက ဗုဒ္ဓဘာသာ အမျိုးသမီးတွေပါ။ ကျနော်တို့ကို အခုထက်ထိ စောင့်ရှောက်နေတုန်း ရှိပါသေးတယ်။ ဗုဒ္ဓဘာသာထဲက လှုံ့ဆော်မှုကြောင့် တချို့ နိုင်ငံရေး ပယောဂ ရှိမယ်။ တချို့ ပစ္စည်းလိုချင်တဲ့ တောကြောင်တွေ ရှိမယ်။ ဒီလိုလူတွေက လုပ်တာပါ။ ဗုဒ္ဓသာသနာနဲ့ မပတ်သက်ဘူးလို့ ကျနော်တို့ ယူဆပါတယ်။”

မကွေးကျောင်းတိုက် ဆရာတော် ဦးပါမောက္ခ ကတော့ နှစ်ဘက်စလုံးက ငြိမ်းချမ်းရေးကို လိုလားမှ ပဋိပက္ခ မရှိနိုင်ဘူးလို့ မိန့်ပါတယ်။

“ငြိမ်းချမ်းရေးဆိုတာ ဗုဒ္ဓဘာသာ တခုတည်း မဟုတ်ဘူး။ တခြားသော အစ္စလာမ်ဘာသာ၊ ဟိန္ဒူဘာသာ၊ ခရစ်ယာန်ဘာသာတွေလည်း ငြိမ်းချမ်းရေးကို အလိုရှိမှာပါပဲ၊ အဲ့ဒီတော့ ဘုန်းကြီးတို့ဘက်ကလည်း ဗုဒ္ဓဘာသာ မြန်မာလူမျိုး တိုင်းရင်းသား တွေဘက်ကလည်း တယောက်နဲ့တယောက် ပဋိပက္ခကို မလုပ်ဖို့၊ ငြိ်မ်းချမ်းရေးကို အခြေပြုဖို့၊ သူတို့ဘက်ကလည်း ငြိမ်းချမ်းရေးကို အလိုရှိရင် ပြဿနာ ဖြစ်စရာ အကြောင်းမရှိဘူး။”

ရန်ကုန်တိုင်း ဒေသကြီးက မြို့နယ်တချို့မှာ ပြီးခဲ့တဲ့ အပတ်ထဲ အလားတူ ပဋိပက္ခတွေ ဖြစ် လာနိုင်တဲ့ ကောလဟာလတွေ၊ လှုံ့ဆော်မှုတွေ ရှိလာတာကြောင့် တိုင်းဒေသကြီး အစိုးရအဖွဲ့က အခြေအနေ တည်ငြိမ်အောင် နိုင်ငံရေး ပါတီတွေနဲ့ လူထု အခြေပြု အဖွဲ့အစည်းတွေကပါ ပူးပေါင်း လုပ်ဆောင်ကြဖို့ တိုက်တွန်းထားပါတယ်။


Ref: ဗွီအိုအေ

Read More...

Collapse...

ဆူပူအကြမ်းဖက်မှုတွေ မြေလတ်တလွှား ဆက်ဖြစ်

27.03.2013

အကြမ်းဖက် အဓိကရုဏ်းတွေဖြစ်ပြီး လူအသေအပျောက်ရှိခဲ့တဲ့ မိတ္ထီလာမြို့မှာ ပုဒ်မ ၁၄၄ နဲ့ စစ်အုပ်ချုပ်ရေးထုတ်ပြီး ထိန်းသိမ်းနေချိန်မှာပဲ မတည်မငြိမ် အခြေအနေတွေဟာ ရန်ကုန်၊
နေပြည်တော်တို့နဲ့ သိပ်မဝေးလှတဲ့ ဒေသတွေဆီမှာ ပျံ့နှံ့ ဖြစ် ပွားနေပါတယ်။

အထူးသဖြင့်တော့ ရန်ကုန်မြို့နဲ့ မိုင် ၅၀ လောက်ပဲဝေးတဲ့ ပဲခူးမြို့ အနောက်ဘက်ခြမ်းက ဇီးကုန်း၊ ကြို့ပင်ကောက်၊ အုတ်ဖိုနဲ့ မင်းလှ မြို့နယ်တွေမှာ ဗလီဝတ်ပြုကျောင်းတွေကို မီးရှို့ဖျက်ဆီး တာ၊ နေအိမ်နဲ့ ဆိုင်ခန်းတွေကို ဖျက်ဆီးလာကြတာတွေ ကြောင့် ပုဒ်မ ၁၄၄ ထုတ်ပြန် ထားပါတယ်။

ပြည်မြို့မှာတော့ ဒေသခံလူငယ်တွေ စုဝေးပြီး လုံခြုံရေး ယူထား ကြတယ်လို့ ဒေသခံတွေ က ပြောပါတယ်။ အုတ်ဖိုမြို့မှာ ဖြစ်ခဲ့တဲ့ အကြမ်းဖက်မှုမှာ ပါဝင်ခဲ့တယ်လို့ သံသယရှိသူ ၅ ဦးကို ဖမ်းဆီးထား တဲ့အကြောင်း ဒီကနေ့ထုတ် အစိုးရ သတင်းစာတွေမှာ ဖော်ပြထားပါတယ်။

မိတ္ထီလာမြို့ အကြမ်းဖက် တိုက်ခိုက်မှုရဲ့ နောက်ကွယ်မှာ ရှိနေသူတွေကို သိထားပြီးဖြစ်သလို၊ ပြစ်မှု ကျူးလွန်တယ်လို့ သံသယရှိသူတွေကို ဖမ်းဆီးထိန်းသိမ်းထားတာတွေ ရှိတယ် လို့လည်း တာဝန်ရှိ သူတွေက ပြောထားပါတယ်။

ဖြစ်ခဲ့တဲ့ အကြမ်းဖက် တိုက်ခိုက်မှုတွေမှာ ပါဝင်ကျူးလွန်သူတွေကို ဖမ်းဆီးပြီး ဥပဒေအရ အပြစ်ပေး အရေးယူပါလို့ ကုလသမဂ္ဂက တိုက်တွန်းထားသလို ပဋိပက္ခတွေ ပျံ့နှံ့လာတဲ့အပေါ် စိုးရိမ်တဲ့ အကြောင်း အမေရိကန်ပြည်ထောင်စုက ပြောထားပါတယ်။

မြန်မာနိုင်ငံတွင်းမှာ ရောက်နေတဲ့ အမေရိကန် နိုင်ငံသားတွေအနေနဲ့ အကြမ်းဖက် ပဋိပက္ခ ဖြစ်နိုင်ဖွယ်ရှိတဲ့နေရာတွေဆီ မသွားလာဘဲ ရှောင်ရှားဖို့ ရန်ကုန် အမေရိကန်သံရုံးကနေ သတိပေးချက်ကိုလည်း ထုတ်ပြန်ထားတာပါ။

အကြမ်းဖက်မှုတွေ ကြောင့် ဘေးဒဏ်သင့်ရသူတွေအတွက် လိုအပ်တဲ့ အကူအညီတွေပေးဖို့ အမေရိကန် ဒေါ်လာ တစ်သိန်း လှူဒါန်းမယ့် အကြောင်းလည်း အမေရိကန်သံရုံးက ကြေညာ ထားပါတယ်။

ဒီအတောအတွင်းမှာပဲ အစ္စလာမ် ဘာသာဝင်တွေရဲ့ အသက်အိုးအိမ်စည်းစိမ်တွေ လုံခြုံမှု ကင်းမဲ့လာတဲ့အခြေအနေ ဖြစ်လာတာကို ကာကွယ်စောင့်ရှောက်ပေးဖို့ မြန်မာနိုင်ငံလုံးဆိုင်ရာ အစ္စလာမ် ဘာသာရေးအဖွဲ့က နိုင်ငံတော် သမ္မတရုံးကို ဒီကနေ့မှာပဲ ပန်ကြားလိုက်ပါတယ်။ ဒါဟာ ဘာသာဝင် နှစ်ခုအကြား ဖြစ်တဲ့ ပြဿနာမဟုတ်ဘဲ တည်ငြိမ်အေးချမ်းတဲ့ အခြေ အနေကို ဖျက်လို ဖျက်ဆီး လုပ်ချင်တဲ့ လူတစ်စုက ဘာသာရေးကို ခုတုံးလုပ်ပြီး အကြမ်းဖက်တဲ့ လုပ်ရပ်ဖြစ် တယ်လို့ အစ္စလာမ် ဘာသာရေးအဖွဲ့က ပြောပါတယ်။

ရခိုင်ပြည်နယ်ဘက်မှာ လူမျိုးစုချင်းကြား အကြမ်းဖက် တိုက်ခိုက်မှုတွေ ဖြစ်ခဲ့ပြီး လူ ၂၀၀ လောက် သေဆုံးပြီးတော့ ထောင်ပေါင်းများစွာ အိုးအိမ်ပစ် ထွက်ပြေးခဲ့ကြရတဲ့ အဖြစ်အပျက် ပြီးတဲ့နောက်ပိုင်း အခု မိတ္ထီလာ အဖြစ်အပျက်ဟာ ပထမဆုံး ဖြစ်ပါတယ်။

ဒါကြောင့်လည်း လူမှုအ၀န်းအ၀ိုင်း နှစ်ဘက်အကြား တင်းမာမှုဟာ လူအများအပြား ယူဆကြ တာထက် ပိုပြီးတော့ ကျယ်ကျယ် ပြန့်ပြန့် ရှိနေတယ်ဆိုတာကို အခုထိ မငြိမ်းသေးတဲ့ ပဋိပက္ခ အခြေအနေတွေက ပြနေတာကြောင့် အထူးသဖြင့် စိုးရိမ်စရာ ကောင်းတယ်လို့ လေ့လာသူတွေ က ပြောကြပါတယ်။


Ref: ဗွီအိုအေ

Read More...

Collapse...

နိုင်ငံရေးဦးဆောင်မှုမှာ တပ်မတော်ပါဝင်မှု ဦးစီးချုပ်ပြောကြား

27.03.2013

အနာဂတ် မြန်မာ့နိုင်ငံရေးမှာ စစ်တပ်ရဲ့ ဦးဆောင်မှု အခန်းကဏ္ဍနဲ့ပတ်သက်ပြီး ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် က ထပ်ပြီးတော့ အခိုင်အမာ ပြောဆိုခဲ့သလို၊ အမျိုးသား ညီညွတ်ရေးနဲ့ လွတ်လပ်ရေးကို ထိန်းသိမ်းကာကွယ် ဖို့အတွက် စစ်ဘက် အင်အားတောင့်တင်းဖို့ လိုတယ်ဆို ပြီးတော့ ထောက်ပြ ပြောဆိုခဲ့ပါတယ်။

ဒီကနေ့ နေပြည်တော်မှာ ကျင်းပတဲ့ တပ်မတော်နေ့ စစ်ရေးပြ အခမ်းအနားအတွင်း ပြီးခဲ့တဲ့ရက်ပိုင်းကမှ ဗိုလ်ချုပ်မှူးကြီးအဆင့် တိုးမြှင့်သွားတဲ့ ကာကွယ်ရေး ဦးစီးချုပ်က အဲ့ဒ်ီလိုပြော သွားတာပါ။

မိတ္ထီလာမြို့မှာ အကြမ်းဖက် အဓိကရုဏ်းတွေကြောင့် ပုဒ်မ ၁၄၄ ထုတ်ထားပြီး စစ်တပ်က လုံခြုံရေး တာဝန်ယူထားတဲ့အပြင် ကြို့ပင်ကောက်၊ အုတ်ဖိုနဲ့ မင်းလှ မြို့နယ်တွေမှာလည်း ပုဒ်မ ၁၄၄ ထုတ်ပြီး၊ စစ်တပ်က တာဝန်ယူထားတဲ့အချိန်မှာပဲ တပ်မတော်နေ့ အခမ်းအနားအတွင်း ဗိုလ်ချုပ်မှူးကြီး မင်းအောင်လှိုင်က မိန့်ခွန်းပြောခဲ့တာပါ။

ဒီကနေ့ စစ်ရေးပြ အခမ်းအနားမှာ အရင်နှစ်တွေတုန်းက မပါခဲ့ဖူးတဲ့ လေတပ်၊ တိုက်လေယာဉ်တွေက စွမ်းရည် အလှပြ ပျံသန်းခဲ့ကြသလို၊ ရုရှားလုပ် တိုက်ချင်းပစ် ဒုံးကျည်တွေ၊ လက်နက်ကြီးတင် သံချပ်ကာယာဉ်တွေ စသည်အားဖြင့် ပါဝင် ချီတက်ခဲ့ကြပါတယ်။

အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် လည်း ပထမဆုံး အကြိမ်အဖြစ် တပ်မတော်နေ့ အခမ်းအနားကို တက်ရောက်ခဲ့ပါတယ်။


Ref: ဗွီအိုအေ

Read More...

Collapse...

ဘာသာရေးအကြမ်းဖက် ပျံ့နှံ့မှု အမေရိကန် စိုးရိမ်

27.03.2013

လွန်ခဲ့တဲ့ မတ်လ ၂၀ ရက်နေ့စလို့ ၃ ရက်ကြာ အကြမ်းဖက်မှုတွေဖြစ်ပြီး သေဆုံးသူ ၄၀ ရှိခဲ့တဲ့ မန္တလေးတိုင်း မိတ္ထီလာမြို့မှာ ပုဒ်မ ၁၄၄ နဲ့ စစ်အုပ်ချုပ်ရေးထုတ်ပြီး ထိန်းသိမ်းနေ ချိန်မှာပဲ မတည်မငြိမ် အခြေအနေတွေဟာ တခြားမြို့တွေဆီကိုပါ ပျံ့နှံ့ခဲ့တဲ့အတွက် နိုင်ငံ တကာရဲ့ စိုးရိမ်မကင်း ဖြစ်မှုတွေ ထွက်ပေါ်ခဲ့ပါတယ်။

ဒီအကြမ်းဖက် တိုက်ခိုက်မှုတွေမှာ ပါဝင်ကျူးလွန်သူတွေကို ဖမ်းဆီးပြီး ဥပဒေအရ အပြစ်ပေး အရေးယူပါလို့ ကုလသမဂ္ဂ က တိုက်တွန်းထားသလို၊ ပဋိပက္ခတွေ ပျံ့နှံ့လာ တဲ့အပေါ် စိုးရိမ်တဲ့အကြောင်း အမေရိကန် ပြည်ထောင်စုက မတ်လ ၂၆ ရက်နေ့က တိုက်တွန်းခဲ့ပါတယ်။

အထူးသဖြင့် ခုသီတင်းပတ်အစောပိုင်းက ရန်ကုန်မြို့နဲ့ မိုင် ၅၀ လောက်ပဲဝေးတဲ့ ပဲခူးမြို့ အနောက်ဘက်ခြမ်းက ကြို့ပင်ကောက်၊ အုတ်ဖိုနဲ့ မင်းလှမြို့နယ်တွေမှာ ဗလီဝတ်ပြုကျောင်း တွေကို မီးရှို့ဖျက်ဆီးတာ၊ နေအိမ်နဲ့ ဆိုင်ခန်းတွေကို ဖျက်ဆီးလာကြတာတွေကြောင့် ပုဒ်မ ၁၄၄ ထုတ်ပြန်ထားပါတယ်။

ပြည်မြို့မှာောတ့ ဒေသခံလူငယ်တွေ စုဝေးပြီး လုံခြုံရေး ယူထားကြတယ်လို့ ဒေသခံ တွေက ပြောပါတယ်။ အုတ်ဖိုမြို့မှာ ဖြစ်ခဲ့တဲ့ အကြမ်းဖက်မှုမှာ ပါဝင်ခဲ့တယ်လို့ သံသယရှိသူ ၅ ဦးကို ဖမ်းဆီးထားတဲ့အကြောင်း မနေ့ကထုတ်တဲ့ အစိုးရ သတင်းစာတွေမှာ ဖော်ပြထားပါတယ်။

ဗုဒ္ဓဟူးနေ့မနက်မှာလည်း ဇီးကုန်းနဲ့ နတ္တလင်းမြို့နယ်တွေမှာ ဗလီနဲ့ လူနေအိမ်တွေ မီးရှို့ခံခဲ့ရပါတယ်။ အခုလို အကြမ်းဖက်မှုတွေ ပျံ့နှံ့လာတဲ့အပေါ် အမေရိကန် နိုင်ငံခြားရေးဌာန က စိုးရိမ်မကင်းဖြစ်ကြောင်း ပြောပါတယ်။

လက်ထောက်ယာယီ ပြောခွင့်ရပုဂ္ဂိုလ် ပတ်ထရစ် ဗန်ထရယ်လ် (Patrick Ventrell) က တရားဥပဒေနဲ့အညီ ကိုင်တွယ်ဖြေရှင်းဖို့ မနေ့က ထပ်မံတိုက်တွန်းခဲ့ပါတယ်။

“မြန်မာနိုင်ငံအလယ်ပိုင်းမှာ ဘာသာရေး အကြမ်းဖက်မှုတွေ ဖြစ်ပွားနေတဲ့အတွက် အမေရိကန် ပြည်ထောင်စုအနေနဲ့ လွန်စွာပဲ စိုးရိမ်မကင်း ဖြစ်မိပါတယ်။ မနေ့ညက သတင်းတွေအရ ရန်ကုန်မြောက်ပိုင်း မိုင် ၉၀ အကွာမှာရှိတဲ့ နတ္တလင်းမှာ နောက်ထပ် ဗလီတခုနဲ့ နေအိမ်တချို့ မီးရှို့ခံခဲ့ရတယ်ဆိုတဲ့ သတင်းတွေ ရပါတယ်။ အခုလိုမျိုး အကြမ်းဖက် ခံခဲ့ရသူတွေ အ တွက် အလွန်ပဲ စိတ်မကောင်းပါဘူး။ ဒါကြောင့်မို့လို့ မြန်မာ အာဏာပိုင်တွေအနေနဲ့ တရားဥပဒေစိုးမိုးရေးနဲ့ တည်ငြိမ်ရေးအတွက် ထိန်းသိမ်းတဲ့နေရာမှာ လူ့အခွင့်အရေးကို လေးစား လိုက်နာပြီးတော့ ဥပဒေအတိုင်း ဆောင်ရွက်ပါ။ အိုးအိမ်မဲ့ဖြစ်သူတွေကိုလည်း အကူအညီတွေပေးပါ။ ဒီလို လုပ်ဆောင်ပေးဖို့က စစ်တပ်ရဲ့ အခန်းကဏ္ဍပဲ ဖြစ်ပါတယ်။”

အကြမ်းဖက်မှုတွေကြောင့် ဘေးဒဏ်သင့်ရသူတွေအတွက် လိုအပ်တဲ့ အကူအညီတွေ ပေးဖို့ အမေရိကန် ဒေါ်လာ ၁ သိန်း လှူဒါန်းမယ့်အကြောင်းလည်း အမေရိကန်သံရုံး က ကြေညာထားပါတယ်။

အခုလို မြန်မာနိုင်ငံမှာ အကြမ်းဖက်မှုတွေ ပျံ့နှံ့လာတဲ့အတွက်ကြောင့် မြန်မာနိုင်ငံတွင်း ခရီးသွားလာမှုတွေမှာ သတိထားဖို့၊ အကြမ်းဖက်မှု ဖြစ်နိုင်ဖွယ်ရှိတဲ့ နေရာတွေကို သွားတာ လာတွေ ရှောင်ရှားဖို့ အမေရိကန်၊ ဗြိတိန်၊ သြစတြေးလျ၊ တိုင်ဝမ် တို့က သူတို့ရဲ့ သက်ဆိုင်ရာ နိုင်ငံသားတွေကို ခရီးသွား သတိပေးချက်တွေ ထုတ်ပြန်ထားပါတယ်။


Ref: အာရ်အဖ်အေ

Read More...

Collapse...

တောင်ကုတ် မာဘယ်လ်ကျောက် ပြည်ပရောင်း ချရေး ဒေသခံတွေနဲ့ ဆွေးနွေး

2013-03-27

ရခိုင်ပြည်နယ် တောင်ကုတ်မြို့နယ် နေပူတောင်မှာရှိတဲ့ မာဘယ်လ်ကျောက်တွေကို ဗီယက်နမ်နဲ့ မြန်မာဖက်စပ်ကုမ္ပဏီတစ်ခုဖြစ်တဲ့ Myanmar SIMCO Song Da Limited ကုမ္ပဏီကို လုပ်ကိုင်ခွင့်ပြုရေးကိစ္စနဲ့ပတ်သက်ပြီး ရခိုင်ပြည်နယ်အစိုးရက တောင်ကုတ်မြို့ခံ နိုင်ငံရေးပါတီတွေ၊ လူမှုအဖွဲ့အစည်းတွေ၊ မြို့မိမြို့ဖတွေနဲ့ မတ်လ ၂၆ ရက်နေ့ မနေ့က တောင်ကုတ်မြို့မှာ တွေ့ဆုံဆွေးနွေးခဲ့ပါတယ်။

တွေ့ဆုံဆွေးနွေးပွဲကို တက်ရောက်ခဲ့တဲ့ တောင်ကုတ်လူမှုကွန်ရက်အဖွဲ့ဝင် ဦးစိုးဝင်းက ကျောက်တွေကို အရိုင်းအတိုင်း ကုန်ကြမ်းအဖြစ်ရောင်းချတာထက် ကုန်ချောအဖြစ် ရောင်းချမယ် ဆိုရင် ဒေသခံတွေအတွက် ပိုမိုအကျိုးဖြစ်ထွန်းမယ်လို့ RFA ကို ပြောပါတယ်။

"ကျွန်တော်တို့ဒေသခံတွေ အလုပ်ရအောင် ဒီလုပ်ငန်းတွေကဖန်တီးမယ်၊ အရိုင်းထုတ်လို့ လူ ၂၀၀ အလုပ်ရရင် စက်ရုံဆောက်ရင် လူ ၅၀၀ ကနေ ၁၀၀၀ အလုပ်ရမယ်၊ ကျွန်တော်တို့က ဒါပဲလိုချင်တယ်၊ သဘာဝပတ်ဝန်းကျင်အရသော်လည်းကောင်း၊ နောက်ပြီးတော့ စီးပွားရေးအားဖြင့်သော်လည်းကောင်း၊ နိုင်ငံအတွက် ဘယ်လောက်ရှိမယ်၊ ကိုယ့်ဒေသခံတွေအတွက် ဘယ်လောက်ရှိမယ်ဆိုတာကို နောက်ထပ်နည်းလမ်းတစ်မျိုးနဲ့ ပြန်စဉ်းစားရလိမ့်မယ်လို့ ကျွန်တော်တို့ကတော့ ယူဆပါတယ်"

ဒီတွေ့ဆုံဆွေးပွဲမှာ ဒေသခံတွေရဲ့ ဆွေးနွေးမေးမြန်းချက်တွေကို ရခိုင်ပြည်နယ်အစိုးရအဖွဲ့ သတ္တုတွင်းဝန်ကြီး ဦးအောင်သန်းတင်နဲ့ လူမှုရေးဝန်ကြီး ဒေါက်တာအောင်ကျော်မင်းတို့က ပြန်လည်ဖြေကြားခြင်းမပြုပဲ မကြာခင် အကြောင်းပြန်ကြားမှာဖြစ်ကြောင်းနဲ့ ပြည်နယ်အစိုးရအနေနဲ့ ဒေသခံတွေရဲ့ သဘောထားဆန္ဒမပါပဲ မာဘယ်လ်ကျောက်တွေကို ထုတ်လုပ်ခွင့် ပေးမှာမဟုတ်ကြောင်း ပြန်လည်ပြောဆိုခဲ့တယ်လို့ သိရပါတယ်။

တောင်ကုတ်မြို့နယ် နေပူတောင်မှာရှိတဲ့ မာဘယ်လ်ကျောက်တွေဟာ ဧက ၅ဝဝ ကျော်ကျယ်ဝန်းတဲ့ ဧရိယာအတွင်းမှာတည်ရှိနေပြီး ကျောက်တန်ချိန်သန်းပေါင်း ၈ဝ ခန့် ထွက် ရှိနိုင်မယ်လို့ ခန့်မှန်း တွက်ချက်ထားပါတယ်။

ဗီယက်နမ်နဲ့ မြန်မာဖက်စပ်ကုမ္ပဏီတစ်ခုဖြစ်တဲ့ Myanmar SIMCO Song Da Limited က ဒီကျောက်တွေကို နှစ်ပေါင်း ၂ဝ ထုတ်လုပ်ခွင့်ရရှိရေးအတွက် ပြီးခဲ့တဲ့ ဇန်နဝါရီလ ကုန်ပိုင်းက ရခိုင်ပြည်နယ်အစိုးရနဲ့ ဆွေးနွေးညှိနှိုင်းခဲ့တယ်လို့ သိရပါတယ်။

ပြည်နယ်အစိုးရအနေနဲ့ မာဘယ်လ်ကျောက်ထုတ်လုပ်ခွင့်ကို တရားဝင်ခွင့်ပြုချက်မပေးသေးဘူးဆိုပေမယ့် အခုလက်ရှိအဲဒီတောင်အနီးမှာ ကုမ္ပဏီက ထုတ်လုပ်ရေးအတွက် စတင်ပြင်ဆင်နေပြီလို့ ဒေသခံတွေက ပြောပါတယ်။ ဒါပေမယ့် အဲဒီသတင်းကို RFA က အတည်ပြုလို့ မရသေးပါဘူး။

Ref: အာရ်အဖ်အေ

Read More...

Collapse...

အသွင်ကူးပြောင်းရေး တပ်မတော် ဦးဆောင်မှုကဏ္ဍကနေ ဆက်လက်ပါဝင်မယ်

2013-03-27

ဒီမိုကရေစီနိုင်ငံအဖြစ် အသွင်ကူးပြောင်းနေတဲ့ မြန်မာနိုင်ငံမှာ တပ်မတော်ဟာ နိုင်ငံရေးဦးဆောင်မှု ကဏ္ဍကနေ ဆက်လက်ပါဝင်သွားမယ်လို့ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောလိုက်ပါတယ်။

နေပြည်တော်မှာ မတ်လ ၂၇ ရက် မနေ့ကကျင်းပတဲ့ ၆၈ နှစ်မြောက် တပ်မတော်နေ့ အခမ်းအနား မိန့်ခွန်းမှာ ထည့်သွင်းပြောကြားခဲ့တာပါ။

ဒီကနေ့တိုင်းပြည်က ဒီမိုကရေစီခေတ်သစ်ဆီ လျှောက်လှမ်းနေရာမှာ တပ်မတော်က အမျိုးသားနိုင်ငံရေးမှာ ဦးဆောင်မှု ကဏ္ဍကနေ ပါဝင်သွားမှာဖြစ်ကြောင်း၊ ပြည်သူတစ်ရပ်လုံး လိုလားနေတဲ့ ဒီမိုကရေစီနည်းကျ အုပ်ချုပ်ရေးလမ်းကြောင်း ခိုင်မာအားကောင်းရေးအတွက် မိမိတို့ဆက်လက်ချီတက်သွားမှာဖြစ်ကြောင်း ဗိုလ်ချုပ်မှူးကြီး မင်းအောင်လှိုင်က ပြော ပါတယ်။

ဒါ့အပြင် မြန်မာ့တပ်မတော်ဟာ ထာဝရငြိမ်းချမ်းပြီး ဖွံ့ဖြိုးတိုးတက်တဲ့ နိုင်ငံတော်တည်ဆောက်ရေးမှာ ပါဝင်ကူညီနေတာဖြစ်ကြောင်း၊ အမျိုးသားသွေးစည်းညီညွှတ်ရေးနဲ့ အချုပ် အခြာတည်တံ့ခိုင်မြဲရေးမှာ တပ်မတော်ရဲ့ကဏ္ဍ အရေးကြီးကြောင်း၊ စစ်သည်တွေဟာ နိုင်ငံတကာ လူသားချင်းစာနာရေး ဥပဒေတွေကိုလည်း လေးစားလိုက်နာကြရမှာဖြစ်ကြောင်း၊ တပ်မတော်ရဲ့သမိုင်းကြောင်းမှာ ဘယ်တုန်းကမှ လူမျိုးတုန်းသတ်ဖြတ်မှု ကျူးလွန်ခဲ့တာမရှိခဲ့ကြောင်း၊ တပ်မတော် ဥပဒေစည်းမျဉ်းတွေအပြင် ဂျီနီဗါကွန်ဗန်းရှင်း ခေါ် နိုင်ငံတကာ သဘောတူညီချက်တွေကိုလည်း လိုက်နာနေပြီး၊ ဒါတွေကို တပ်မတော်သားတွေ သိရှိအောင်လည်း သင်ကြားပေးနေကြောင်း၊ စည်းကမ်းဖေါက်ဖျက်သူတွေကိုလည်း အရေးယူနေ ကြောင်း ပြောကြားခဲ့ပါတယ်။ ဗိုလ်ချုပ်အောင်ဆန်းမျှော်မှန်းခဲ့တဲ့ တပ်မတော်ဖြစ်အောင် ကြိုးပမ်းဖို့လည်း ဗိုလ်ချုပ်မှူးကြီး မင်းအောင်လှိုင်က ထည့်သွင်းပြောကြားခဲ့ပါတယ်။

မြန်မာ့တပ်မတော် ခိုင်မာအားကောင်းအောင် တည်ဆောက်ရမှာဖြစ်ပြီး၊ ခေတ်မီလက်နက်တွေ တပ်ဆင်လေ့ကျင့်ရေး၊ အိမ်နီးချင်းနိုင်ငံတွေ အထူးသဖြင့် အာဆီယံနိုင်ငံတွေနဲ့ စစ်ရေးဆိုင်ရာ အနီးကပ် ပူးပေါင်းဆောင်ရွက်ရေးတွေကိုလည်း ပြောကြားခဲ့ပါတယ်။

ဒီနှစ်တပ်မတော်နေ့ စစ်ရေးပြအခမ်းအနားမှာ ပထမဆုံးအကြိမ်အဖြစ် ဂျက်တိုက်လေယာဉ်တွေ၊ သံချပ်ကာကားတွေ၊ လေယာဉ်ပစ်အမြောက်တွေ ထည့်သွင်းပြသခဲ့သလို စစ်ရဟတ်ယာဉ်တွေက နိုင်ငံတော်အလံကို ပျံဝဲသယ်ဆောင်ပြီး အလေးပြုတဲ့အစီအစဉ်ကိုပါ ထည့်သွင်းကျင်းပခဲ့ပါတယ်။

အခမ်းအနားကို NLD ပါတီဥက္ကဋ္ဌ လွှတ်တော်ကိုယ်စားလှယ် ဒေါ်အောင်ဆန်းစုကြည်လည်း အထူးဧည့်သည်အဖြစ် ပထမဆုံးအကြိမ် တက်ရောက်ခဲ့ပြီး၊ စစ်ရေးပြကွင်း ပွဲကြည့်စင် ရှေ့ဆုံးတန်းမှာ ကာကွယ်ရေးဝန်ကြီး ဗိုလ်ချုပ်ကြီး ဝေလွင်နဲ့အတူ စစ်ရေးပြအခမ်းအနားကို ကြည့်ရှုခဲ့ပါတယ်။

အခုလို ဒေါ်အောင်ဆန်းစုကြည်ကို ပထမဆုံးအကြိမ် ဖိတ်ကြားခဲ့တာနဲ့ပတ်သက်ပြီး နေပြည်တော် ဥတ္တရသီရိမြို့နယ် ပြည်သူ့လွှတ်တော်ကိုယ်စားလှယ် ဦးမင်းသူက

“တပ်မတော်ကာကွယ်ရေး ဦးစီးချုပ်ကနေမှ ဖိတ်ကြားလို့ တက်တယ်လို့ပဲ ကျနော်တို့ မှတ်ယူပါတယ်၊ တပ်မတော်ရဲ့ဖခင်ကြီးဖြစ်တဲ့ ဗိုလ်ချုပ်အောင်ဆန်းရဲ့ သမီးလည်းဖြစ်တယ်၊ နောက် တိုင်းပြည်အကျိုးအတွက် အမှန်တကယ်ဆောင်ရွက်ပေးနေတဲ့ ပြည်သူ့လွှတ်တော်ကိုယ်စားလှယ် တစ်ယောက်အနေနဲ့လည်း ဖြစ်တယ်ဆိုတဲ့ဟာလေးကတော့ အဓိကထား ပါတယ်၊ အထူးသဖြင့်ကတော့ တပ်မတော်နဲ့ပူးပေါင်းမှ ဒီမိုကရေစီနိုင်ငံတော် တည်ဆောက်နိုင်မယ်၊ တပ်မတော်ရဲ့ ပူးပေါင်းပါဝင်မှုရမှသာလျှင် ဒီမိုကရေစီနိုင်ငံတော် တည်ဆောက် ရေးမှာ တိတိကျကျနဲ့ မြန်မြန်ဆန်ဆန် ပြီးမြောက်သွားမယ်ဆိုတဲ့ အတွေးအခေါ် အယူအဆတွေရှိလို့ ယူဆရပါတယ်”

အခမ်းအနားကို လွှတ်တော်အသီးသီးက ရေးရာကော်မတီ ဥက္ကဋ္ဌတွေနဲ့ တိုင်းရင်းသား လွှတ်တော်ကိုယ်စားလှယ်တွေလည်း တက်ရောက်ခဲ့ကြပါတယ်။

ကိုမင်းကိုနိုင်ဦးဆောင်တဲ့ ၈၈မျိုးဆက်ကျောင်းသားများအဖွဲ့ကလည်း တပ်မတော်နေ့ အခမ်းအနားကို ပထမဆုံးအကြိမ် သဝဏ်လွှာတစ်စောင်ပေးပို့ခဲ့ရာမှာ ဒီမိုကရေစီရေးနဲ့ လူ့ အခွင့်အရေး ဦးတည်ချက်ကို နိုင်ငံရေးအင်အားစုအားလုံး၊ တပ်မတော်အပါအဝင် ပြည်သူတစ်ရပ်လုံးရဲ့အင်အားနဲ့ နိုင်ငံသစ်တည်ထောင်ဖို့ တိုက်တွန်းကြောင်း ဖော်ပြထားပါတယ်။

Ref: အာရ်အဖ်အေ

Read More...

Collapse...

ဇီးကုန်းနှင့် မင်းလှတွင် ဆူပူမှုများဖြစ်ပွား

ခိုင်ခိုင်၊ စောဇင်ညီ
မတ်လ ၂၇ ရက် ၂၀၁၃ ခုနှစ်

ပဲခူးတိုင်း မင်းလှ၊ နှင့်ဇီးကုန်းမြို့နယ်တို့တွင် ပုဒ်မ၁၄၄ ထုတ်ပြန်ထားသော်လည်း ယနေ့ နေ့လည်တွင် ဆူပူဖျက်ဆီးမှုများဖြစ်ပွားခဲ့သည်ဟု ဒေသခံများက မဇ္ဈိမကိုပြောသည်။

ယနေ့နေ့လည် ၁နာရီခန့်တွင် ပဲခူးတိုင်း မင်းလှမြို့နှင့် နီးစပ်ရာရွာများမှ လူတထောင်ခန့်က ဗလီ သုံးလုံးခန့်နှင့် အတွင်းမှ ပစ္စည်းများအား ဖြိုဖျက်ခဲ့ပြီး အစ္စလာမ်ဘာသာဝင်များ၏ လူနေအိမ်များမှ အတွင်းပစ္စည်းများအား ဖြိုဖျက်သွားခဲ့ကြောင်း ဒေသခံ ဒေါ်လှလှမိုးက ပြောသည်။

၎င်းက “လူထုက အိမ်ထဲက ပစ္စည်းတွေ ဗလီထဲက ပစ္စည်းတွေ ဖျက်ဆီးခဲ့ပါတယ်။ဗလီနှစ်လုံးက တော်တော် ပျက်စီးသွားတယ် ကြားတယ်။ ဒါပေမဲ့ လူကိုတော့ ဘာမှမလုပ်သွားကြ ပါဘူး” ဟုပြောသည်။

ညနေလေးနာရီခန့်တွင် ရဲတပ်ဖွဲ့နှင့် စစ်တပ်တို့က ထိုဆူပူအုံကြွမှုအား သေနတ်များ အပေါ်သို့ ပစ်ဖောက် ဖြိုခွဲသဖြင့် လူစုကွဲသွားကြောင်း အဆိုပါဒေသခံမှ ပြောသည်။

ဆူပူအုံကြွသည့် လူစုသည် နေ့လည်ခန့်တွင် ဆူပူအုံကြွကာ ပုဒ်မ၁၄၄ထုတ်ထားသော ကြောင့် စည်းမျဉ်းအတိုင်း ည၇နာရီ အချိန်မရောက်ခင် အိမ်သို့ ပြန်ကြကြောင်း ဒေါ်လှလှမိုးက ပြောဆိုသည်။

အုတ်ဖို၊ မင်းလှ နှင့် ကြို့ပင်ကောက်မြို့များတွင် မတ်လ ၂၆ ရက်နေ့ ညနေပိုင်းကစတင်၍ ညနေ၆နာရီမှ မနက် ၆နာရီအတွင်း လမ်းပေါ်မထွက်ရန် ပြစ်မှုဆိုင်ရာ ဥပဒေ ပုဒ်မ ၁၄၄ ကိုထုတ်ပြန် ကြေညာခဲ့ပြီးနောက် ယခုလို နေ့လည်ဘက်တွင် မင်းလှနှင့် ဇီးကုန်းတို့တွင် ဆူပူဖျက်ဆီးမှုများ ဖြစ်ပွားခဲ့ခြင်းဖြစ်သည်။

နိုင်ငံတော်သည် ဒီမိုကရေစီ ပြုပြင် ပြောင်းလဲရေးနှင့် ဖွံ့ဖြိုး တိုးတက်ရေး လုပ်ငန်းများကို အရှိန် အဟုန်မြှင့်၍ လုပ်ဆောင် နေသည်ဖြစ်ရာ အဆိုပါ လုပ်ငန်းများကို ထိခိုက်မည့် အကြမ်းဖက်မှုများ၊ ဘာ သာရေး အစွန်းရောက် မှုများကို ရှောင်ရှားကြပါရန် သတင်း ထုတ်ပြန်ရေး အဖွဲ့က ပြည်သူများသို့ မတ် ၂၅ ရက်တွင် သတင်းထုတ်ပြန်၍ တိုက်တွန်း ထားသည်။

ထို့အပြင် ယနေ့နေ့လည် ဇီးကုန်းမြို့တွင် ဖြစ်ပွားခဲ့သော ဆူပူဖျက်ဆီးမှုတွင် အာဏာပိုင်များဘက်မှ ဖျက်ဆီးနေစဉ် မည်သို့မှ အရေးမယူပဲ ဖျက်ဆီးပြီးမှ ရာဘာကျည်ဆံများနှင့် ပစ်ခဲ့သည်ဟု ဇီးကုန်းမှ ဒေသခံကိုသန်းအောင်က မဇ္ဈိမကို ပြောသည်။

၎င်း က ကိုယ်တိုင် မြင်တွေ့ခဲ့ရပုံကို “ဒီနေ့ရော မနေ့ကရောဖြစ်တာ ညနေသုံးနာရီလောက်ကလာပြီး ဖျက်ဆီးကြတာ။ ဖျက်နေတုန်းကတော့ လုံခြုံရေးတွေက ဘာမှမလုပ်ကြဘူး။ ဒီအတိုင်းပဲ ရပ်ကြည့်နေကြတယ်။ ဖျက်ဆီးတဲ့ လူတွေက ပြန်ထွက်လာတော့မှ သေနတ်နဲ့ပစ်ကြတယ်။ ရာဘာကျည်နဲ့ပစ်တယ်။” ဟု ပြောပြသည်။

နိုင်ငံ၏တည်ငြိမ်မှုကို ဖျက်ဆီးချင်သဖြင့် ယခုလိုပဋိပက္ခများ လုပ်ဆောင်နေကြသည်ဟု ယူဆကြောင်းနှင့် လုံခြုံရေး တပ်ဖွဲ့များမှာ တာဝန်ကို ကျေပွန်စွာထမ်းဆောင်ခြင်း နည်းပါးသည်ဟု ကိုသန်းဆောင်မှ ၎င်း၏ အမြင်ကို ဆိုသည်။

လက်ရှိအခြေအနေတွင် ညနေလေးနာရီခွဲခန့်မှ စတင်ပြီးတည်ငြိမ်သွားကြောင်း ဖျက်ဆီးဆူပူသူများအား ဖမ်းဆီး ထိန်းသိမ်းခြင်း မတွေ့ရကြောင်း ဒေသခံများက ပြောသည်။

ဇီးကုန်းဒေသခံ ဒေါ်ခင်ဝိုင်းက “သေတာတော့ မရှိဘူးလို့ ကြားတာပဲ။ ဇီးကုန်းမှာ အစ္စလာမ်တွေပဲ အထိခိုက်ဆုံးပဲ။ ဘာအညိုးအတေးတွေမှ မရှိပဲနဲ့ ဒီလိုဖြစ်သွားတာ တော်တော်လေး စိတ်ထိခိုက်နေရတာ။ ဒါပေမဲ့ ကိစ္စတွေပြီးမှ လုံခြုံရေးတွေက လာပြီး ဂရုစိုက်တာ” ဟု ဆိုသည်။

ဒေါ်ခင်ဝိုင်းက ဆက်၍ လာရောက်ဖျက်ဆီးသူများမှာ နယ်အတွင်းရှိ ဒေသခံများသာ ဖြစ်ကြောင်းနှင့် လူအင်အား ၂၀၀ကျော် ၃၀၀ခန့်လာရောက်ဖျက်ဆီးကြကြောင်း ဘာသာရေး အဆောက်အအုံများကို အဓိကဖျက်ဆီးသော်လည်း လူများကို အန္တရာယ်မပြုကြောင်း ရှင်းပြခဲ့သည်။

Ref: မဇ္ဈိမ

Read More...

Collapse...

ကာကွယ်ရေး ဦးစီးချုပ်၏ မိန့်ခွန်းအပေါ် ပါတီနှင့် အဖွဲ့အစည်းများက ကြိုဆို

ခိုင်ခိုင်
မတ်လ ၂၇ ရက် ၂၀၁၃ ခုနှစ်

မတ်လ ၂၇ ရက်နေ့ နံနက်ပိုင်း နေပြည်တော်တွင် ပြုလုပ်ခဲ့သည့် ၆၈ နှစ်မြောက် တပ်မတော်နေ့ အခမ်းအနားတွင် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် ပြောကြားခဲ့ သည့် မိန့်ခွန်းအပေါ် ပါတီနှင့် အဖွဲ့အစည်းများက ကြိုဆိုခဲ့သည်။

ကာကွယ်ရေး ဦးစီးချုပ် ဗိုလ်ချုပ်ကြီးမင်းအောင်လှိုင်က “နိုင်ငံတော်ဟာ ဘယ်အချိန်ကမှ တပ်မတော်အတွက် မဖြစ်ခဲ့သလို နောင်လည်း ဘယ်တော့မှဖြစ်မှာ မဟုတ်ဘူး” ဟုပြော ကြားခဲ့ပြီး ဖွဲ့စည်းအခြေခံဥပဒေနှင့်အညီ ခံစားခွင့်ရရှိရေးနှင့် လိုက်နာဆောင်ရွက်နိုင်ရေးအတွက် တပ်မတော်သားများမှ ပြည်သူနှင့်အတူ ထိန်းသိမ်း ဆောင်ရွက်သွား မည် ဖြစ်ကြောင်း၊ တပ်မတော်အနေဖြင့် ငြိမ်းချမ်းရေးကို ပိုမိုလိုလားကြောင်း၊ ယနေ့အချိန်တွင် ဒီမိုကရေစီစနစ်ဖြင့် ချီတက်ရာတွင် တပ်မတော်အပါအ၀င် ပြည်သူတရပ်လုံးက စည်းကမ်းရှိကြရန် ဥပဒေ ကို လေးစားလိုက်နာကြရန် အရေးကြီးကြောင်း မိန့်ခွန်း ပြောကြားခဲ့သည်။

အဆိုပါ ပြောကြားခဲ့သည့် မိန့်ခွန်းနှင့် ပတ်သတ်၍ ဒီမိုကရက်တစ်ပါတီ မြန်မာ မှ ဦးသုဝေက ယခုလို ပြောခြင်းသည် ကောင်းမွန်စိတ်ချရပြီး ကြိုဆိုကြောင်း သူ့အမြင်ကို မဇ္ဈိမသို့ ပြောသည်။

၎င်းက “ တပ်မတော်ဆိုတာ အာဏာသိမ်းပြီ ဆိုတာနဲ့ တိုင်းပြည်ပျက်တာပဲလေ။ ဒီလိုပြောတာဟာ သိပ်ကောင်း ပါတယ်။ တိုင်းပြည်အတွက် ရှိနေတယ်ဆိုတော့ စိတ်ချရတာပေါ့။ တပ်မတော်ဆိုတာ ကလည်း နိုင်ငံတော်ကို ကာကွယ်ဖို့ ထိန်းသိမ်းပေးဖို့ရယ် ကျန်သေးတယ်။ အစိုးရရဲ့ လမ်းစဉ်အတိုင်း သူတို့က လိုက်ရမှာပေါ့။ အဲဒီအတွက် ကို သူကပြောတယ် ဆိုတော့ ကျွန်တော်တို့က ကြိုဆိုပါတယ်။ ပြည်သူအတွက်ကို ၀မ်းသာပါတယ်” ဟုဆိုသည်။

လွှတ်တော် အဖွဲ့အစည်းများနှင့် ပတ်သတ်ပြီး အမျိုးသားဒီမိုကရေစီ အင်အားစု ပါတီ (NDF) မှ ဥက္ကဌ ဦးခင်မောင်ဆွေ က “ကောင်းပါတယ်။ လွှတ်တော်တွေ အဖွဲ့အစည်း နဲ့ပတ် သတ်လို့ ဘာမှ အနှောက်အယှက် ရှိမှာ မဟုတ်ပါဘူး ဆိုတာကို ပြသွားတာပါ။ ကမ္ဘာကိုရော မြန်မာကိုပါ သိစေတာက ပိုကောင်းတာပေါ့” ဟုပြောသည်။

(၆၈) နှစ်မြောက်တပ်မတော်နေ့အခမ်းအနားကိုနေပြည်တော်တွင်ကျင်းပခဲ့ပြီး စစ်လက်နက်ပစ္စည်းများကို ပထမဆုံး အကြိမ် ပြသခဲ့သည်။ ယနေ့ကျင်းပသည့် ( ၆၈)နှစ်မြောက် တပ်မတော်နေ့ အခမ်းအနားတွင် အမျိူးသား ဒီမိုကရေ အဖွဲ့ချူပ် ဥက္ကဌ ဒေါ်အောင်ဆန်းစုကြည် အား ပထမဆုံး အကြိမ် အဖြစ်တက်ရောက်ခဲ့သည်ကို တွေ့ရှိရသည်။ ထို့အပြင် ပါတီခေါင်းဆောင်များနှင့် နယ်ခြားစောင့် တပ်ဖွဲ့ဝင်များ တက်ရောက်ကြသည်။

အရှိုချင်းအမျိုးသား ပါတီမှ အထွေထွေ အတွင်းရေးမှူး ဆလိုင်းအောင်မင်းလှိုင်က ဗိုလ်ချူပ်မှူးကြီး မင်းအောင်လှိုင် ပြောသည့် စကားအတိုင်း ဆက်လက်ကျင့်သုံးသွား ပါက အောင်မြင်မှု ရနိုင်ကြောင်းပြောသည်။

ထို့အပြင် ၈၈ မျိူးဆက်ကျောင်းသား တဦးဖြစ်သူ ကိုပြုံးချိုကလည်း တပ်မတော်ရဲ့ ဦးတည်ချက် အခန်းကဏ္ဍတွေကို တိတိကျကျ တာဝန်ထမ်းဆောင်နိုင်မယ်ဆိုရင် အထောက်အကူ ပြုနိုင်လိမ့်မည် ဖြစ်ကြောင်း သူ့အမြင်ကို ပြောပြသည်။

၎င်းက “ကျွန်တော်တို့ နိုင်ငံမှာပြုပြင်ပြောင်းလဲရေးကို သွားနေပြီဆိုတဲ့အခါ တိုင်းပြည်ရဲ့ ကျရာတာဝန်ကို သတ်သတ် မှတ်မှတ်နဲ့ တာဝန်သိသိ နဲ့ဖော်ဆောင်နိုင်မယ်ဆိုရင် ပိုကောင်း မယ်လို့ မြင်ပါတယ်” ဟု ဆိုသည်။

Ref: မဇ္ဈိမ

Read More...

Collapse...

ပူတာအို ဒေသအတွက် ကျပ်သိန်းပေါင်း တသောင်းခွဲ သုံးမည်ဟု ဦးသိန်းဇော် ပြော

ဖနိဒါ
မတ်လ ၂၇ ရက် ၂၀၁၃ ခုနှစ်

စားနပ်ရိက္ခာ အကြပ်အတည်းနှင့် ရင်ဆိုင်နေရသော ကချင်ပြည်နယ်၊ ပူတာအိုခရိုင်အတွက် ဧပြီလ ၁ ရက်နေ့မှ စတင်မည့် ၂၀၁၃-၂၀၁၄ ဘဏ္ဍာရေးနှစ် နိုင်ငံတော်ဘဏ္ဍာရေး သုံးစွဲမှုများမှ ကျပ်သိန်းပေါင်း တသောင်းခွဲခန့် သုံးစွဲသွားမည်ဟု မြစ်ကြီးနားမြို့ ပြည်သူ့ လွှတ်တော် ကိုယ်စားလှယ် ဦးသိန်းဇော် က ပြောကြားခဲ့ကြောင်း ဒေသခံများက ဆိုသည်။

မြစ်ကြီးနားမြို့၊ မြို့သစ်ကြီးရပ်ကွက် လီဆူအေဂျီ အသင်းတော်ခန်းမတွင် ဒေသခံ ခရစ်ယာန် ဂိုဏ်းပေါင်းစုံမှ ကိုယ်စားလှယ် ၁၀၀ ခန့်အား အင်္ဂါနေ့က တွေ့ဆုံ၍ ကြံ့ခိုင်ရေးပါတီ၏ လုပ်ဆောင်နေမှုများကို ရှင်းပြစဉ် ပူတာအိုဒေသအတွက် စားနပ်ရိက္ခာနှင့် လမ်းပန်း ဆက်သွယ်ရေးအတွက် ထောက်ပံ့မည်ဟု ဦးသိန်းဇော်က ထည့်သွင်းပြောကြားသွားခြင်း ဖြစ်သည်။

“သူက ပူတာအို လမ်းဖောက်ဖို့ ဘတ်ဂျက်တွေ ဘယ်လောက်သုံးမယ် ဆိုတာတွေ၊ ငြိမ်းချမ်းရေး ရရှိအောင် လုပ်ဆောင်နေတာတွေ၊ မကြာခင် လျှပ်စစ်မီး ရမယ်။ မန္တလေး၊ မြစ်ကြီး လမ်းကို ကောင်းအောင်လုပ်မယ်။ အင်းတော်ကြီး ပတ်ဝန်းကျင်၊ နန်မွန်ထိ မီးရဖို့ မကြာခင် မီးကြိုးတွေ သွယ်တန်းမယ်။ သူလုပ်နေတာတွေ ပြောပြတယ်” ဟု ရိုမင်ကက်သလစ်မှ ဘုန်းကြီး ဇော်တန် က ပြောသည်။

ပူတာအိုဒေသသည် လမ်းပန်းဆက်သွယ်ရေး ခက်ခဲ၍ စားနပ်ရိက္ခာပြတ်လပ်သည့် အခက်အခဲနှင့် နှစ်စဉ် ကြုံတွေ့နေရသဖြင့် အစိုးရက ဆန်များ ကူညီထောက်ပံ့ပေးရလေ့ရှိသည်။

ထို့ပြင် မြစ်ကြီးနား-မန္တလေး-မိုးညှင်း- အင်းတော်ကြီးလမ်း၊ ပူတာအို-ခေါင်လန်ဖူး၊ ဗန်းမော်-ရွှေဂူ၊ စသည့် လမ်းမကြီးများကို လာမည့် နွေရာသီတွင် ပြန်လည် ပြုပြင်သွားမည်ဟု ဦးသိန်းဇော်က ဆိုသည်။

ဦးသိန်းသည် ပြည်ထောင်စု ငြိမ်းချမ်းရေး လုပ်ငန်းဖော်ဆောင်ရေး ကော်မတီတွင် ဒု-ဥက္ကဋ္ဌ တာဝန်ယူထားပြီး သူ၏ ငြိမ်းချမ်းရေးနှင့် ပတ်သက်၍ လုပ်ဆောင်နေမှုများ၊ ဥပဒေ ပြုကော်မတီတွင် မည်သို့ လုပ်ဆောင်နေသည်ကို ရှင်းပြခဲ့ခြင်း ဖြစ်သည်။

သို့သော် စစ်ပြေးဒုက္ခသည်များနှင့်ပတ်သက်၍ မည်သည့်စကားတခွန်းမှ ပြောဆိုခဲ့ခြင်း မရှိပေ။

ထိုတွေ့ဆုံပွဲသို့ တက်ရောက်လာသော ရိုမင်ကက်သလစ်၊ ကချင်နှစ်ခြင်းခရိယာန်အဖွဲ့ချုပ် အပါအဝင် ဘာသာပေါင်း ၁၉ ဘာသာတိုင်းအား ဦးသိန်းဇော်က ဆန် ၅ အိတ်နှင့် ငွေကျပ် ၁ သိန်းစီ ပေးအပ်လှူဒါန်းခဲ့သည်။

ယခုကဲ့သို့ ဘာသာရေး ကိုယ်စားလှယ်များနှင့် တွေ့ဆုံခြင်းသည် လာမည့် ၂၀၁၅ ခုနှစ် ရွေးကောက်ပွဲအတွက် မဲဆွယ်ခြင်းလည်း ဖြစ်နိုင်သည်ဟု အစည်းအဝေး တက်ရောက်သူ ကိုယ်စားလှယ်တဦးက ပြောသည်။

“သူက ကြံ့ခိုင်ရေးပါတီကနေ ဘယ်လိုလုပ်နေတယ်။ နောက်တကြိမ် ရွေးကောက်ပွဲအတွက် မဲဆွယ်တာလည်း ဖြစ်နိုင်တယ်။ ဘာလို့လဲဆိုတော့ သူက ဘာသာတိုင်းကို ပိုက်ဆံနဲ့ ဆန်ပေးတယ်။ နောက်တခုက သူဘက်ကနေ ကျေးဇူးတင်တဲ့ အကြောင်းပြတာလဲ ဖြစ်နိုင်တယ်” ဟု သူက မဇ္စျိမကို ပြောသည်။

အလားတူ ဦးသိန်းဇော်သည် ကချင်ပြည်နယ် ပူတာအိုမြို့သို့ နှစ်ရက်ကြာ သွားရောက်ခဲ့ရာ ပြီးခဲ့သည့် မတ်လ၂၄ ရက်နေ့က မချမ်းဘောမြို့နယ်၊ ထရန်ဒန်ကျေးရွာအုပ်စု၊ ဆင်လွမ်ဒန်း ကျေးရွာတွင် ဒေသခံများနှင့် တွေ့ဆုံခဲ့ပြီး မတ်လ ၂၅ ရက်နေ့တွင် ပူတာအိုမြို့တော်ခန်းမတွင် ဌာနဆိုင်ရာဝန်ထမ်းများ၊ ရပ်မိရပ်ဖများနှင့် တွေ့ဆုံခဲ့သည်ဟု ပူတာအိုဒေသခံ တဦးက ပြောသည်။

“ဒီဒေသ ဖွံ့ဖြိုးရေးလုပ်မယ်။ နိုင်ငံတော်က ဘတ်ဂျက်ကို လုပ်ပေးလိုက်တယ်ဆိုတာတွေ ပြောသွားတယ်။ ကားလမ်းတွေ၊ ချောင်းတံတားတွေလုပ်ဖို့ ဘတ်ဂျက် ချတယ်ဆိုတာ ပြော သွားတယ်။ ပူတာအိုခရိုင်အတွက် တိုးတက်ဖို့ လုပ်မယ်ဆိုတော့ ကျေနပ်တာပေါ့။ နောက် ကုန်ဈေးနှုန်းတွေ ဒီထက်ပိုကျလာအောင် အစိုးရက လုပ်ပေးရင် ပိုကောင်းတာပေ့ါ” ဟု မဇ္စျိမကို ပြောသည်။

ထို့ပြင် ပူတာအိုမြို့ ဌာနဆိုင်ရာ ဝန်ထမ်းတဦးလျှင် နို့ဆီဗူး ၁၂ ဗူးဆီ အခမဲ့ ထောက်ပံ့ပေးခဲ့ပြီး ပူတာအိုမြို့ရှိ ဘာသာရေးအသင်း တသင်းလျှင် ဆန်တအိတ်စီ ထောက်ပံ့ပေးခဲ့သည်ဟု သိရသည်ဟု ဆိုသည်။

ယမန်နှစ်က အစိုးရနှင့် ကချင်လွတ်လပ်ရေးတပ် KIA တို့အကြား တိုက်ပွဲများဖြစ်ပွားခဲ့သဖြင့် လမ်းပန်း ဆက်သွယ်ရေး ပြတ်တောက်ခဲ့သဖြင့် ဆန်နှစ်ဗူးလျှင် ကျပ် ၁,၀၀၀ ပေးဝယ် ရသည်။ သို့သော် ယခုမူ လေးဗူးမှ ၁,၀၀၀ ကျပ်ဖြင့် ပေးဝယ်ရသည်ဟု ပူတာအိုဒေသခံက ပြောသည်။

Ref: မဇ္ဈိမ

Read More...

Collapse...

နေပူတောင် ကျောက်ထုတ်စီမံကိန်း ရခိုင်ပြည်နယ် လွှတ်တော်တွင် ကန့်ကွက်

ခင်ဦးသာ
March 27, 2013

ရခိုင်ပြည်နယ်၊ တောင်ကုတ်မြို့နယ် အတွင်းရှိ နေပူတောင်မှ အလှဆင် မာဘယ်ကျောက် ထုတ်လုပ်ရန် ပြည်ထောင်စု အစိုးရနှင့် ဗီယက်နမ်နိုင်ငံမှ Simco Song Da Joint Stock Company တို့ အကြား သဘောတူ စာချုပ် ချုပ်ထားသည့် စီမံကိန်းအား ရပ်ဆိုင်းထားရန် ရခိုင်ပြည်နယ် လွှတ်တော်၌ ကန့်ကွက် တောင်းဆိုခဲ့ကြောင်း သိရသည်။

ထိုစီမံကိန်းနှင့် ပတ်သက်၍ ဒေသခံ ရခိုင်ပြည်သူများနှင့် မြန်မာနိုင်ငံသားများအား ပွင့်လင်းမြင်သာမှုရှိသော သတင်းထုတ်ပြန်မှုများ ဆောင်ရွက်ပြီးမှသာ ဆက်လုပ်သင့်၊ မသင့် ဆုံးဖြတ်၍ စီမံကိန်းကိစ္စ ဆက်လက် အကောင်အထည် ဖော်သင့်ကြောင်း အဆိုတရပ်ကို စစ်တွေမြို့နယ်မှ ပြည်နယ်လွှတ်တော် ကိုယ်စားလှယ် ဦးအောင်မြကျော်က ယခုသီတင်း ပတ်တွင် တင်သွင်းခဲ့ခြင်း ဖြစ်သည်။

“ပြည်သူတွေကို ပွင့်ပွင့်လင်းလင်း ချပြပြီးမှ မလုပ်ဘူးဆိုရင် လက်ပံတောင်းတောင် စီမံကိန်းလို ပဋိပက္ခတွေ ကြီးထွားလာစေနိုင်တယ်။ ရခိုင်ပြည်သူတွေက ဒီတောင်ကို အဖိုးမဖြတ် နိုင်တဲ့ ကျောက်တောင်လို့ သိထားကြတော့ ပွင့်လင်းမြင်သာမှု မရှိဘူးဆိုရင် ပြဿနာတွေ ကြီးထွားလာနိုင်တဲ့အတွက် ဆိုင်းငံ့ထားဖို့ တင်ပြတာပါ” ဟု ဦးအောင်မြကျော် က ဧရာဝတီသို့ ပြောသည်။

နေပူတောင် စီမံကိန်း ရပ်ဆိုင်းထားရေး အဆိုအား မတ်လ ၂၈ ရက်နေ့တွင် ကျင်းပမည့် ပြည်နယ်လွှတ်တော် အစည်းအဝေး၌ ရခိုင်ပြည်နယ်အစိုးရ အဖွဲ့မှ စီးပွားကူးသန်း ၀န်ကြီး ဦးမြအောင်က ပြန်လည်ရှင်း ဖြေဆိုမည်ဖြစ်သည်။

“စီမံကိန်း ရပ်ဆိုင်းထားရေး အဆိုကို ပြည်နယ်အစိုးရက ကန့်ကွက်မယ်ဆိုရင်တော့ လွှတ်တော်ထဲမှာ မဲခွဲဆုံး ဖြတ်ရမှာပါ။ ပြီးမှပဲ ဘာတွေ ဆက်လုပ်သင့်တယ် ဆိုတာကို အဖြေ ထွက်လာမှပေါ့” ဟု ဦးအောင်မြကျော်က ပြောသည်။

နေပူတောင်သည် တောင်ကုတ်မြို့နယ်၊ ရခိုင်ရိုးမစွန်းတွင် တည်ရှိပြီး ၎င်းမှ မာဘယ်လ် အလှဆင်ကျောက်များအား တနှစ်လျှင် မက်ထရစ်တန်ချိန် ၇၈၅၀ ကို ၂၀၁၃ ခုနှစ်မှ စတင်၍ နှစ်ပေါင်း ၂၀ အထိ ထုတ်ယူမည် ဖြစ်သည်။ ထိုကျောက် အမျိုးအစားသည် မြန်မာနိုင်ငံ၌ ရှားပါးကြောင်း၊ ဦးနေ၀င်း အစိုးရ လက်ထက်တွင်လည်း ဂျပန်အစိုးရနှင့် ပူးပေါင်း ထုတ် လုပ်ရန် သဘောတူညီမှုများ ရရှိခဲ့သော်လည်း အကြောင်းအမျိုးမျိုးကြောင့် ရပ်ဆိုင်းခဲ့ရကြောင်း သိရသည်။

ထိုစီမံကိန်း ကိစ္စအား ယခု သီတင်းပတ်တွင် ကျင်းပနေသည့် ပြည်နယ်လွှတ်တော်သို့ ဗဟိုအစိုးရအဖွဲ့မှ တင်ပြလာသည့် ဒေသန္တရ စီမံကိန်း ကဏ္ဍတွင် ပါဝင်လာကြောင်း၊ ထိုစီမံကိန်းနှင့် ပတ်သက်၍ ပြည်ထောင်စုအစိုးရနှင့် ဗီယက်နမ် ကုမ္ပဏီတို့က လုပ်ဆောင်မှုဖြစ်၍ ပြည်နယ်အစိုးရတွင် လုပ်ပိုင်ခွင့် မရှိဟု ရခိုင်လူမှုအဖွဲ့များက ပြောသည်။

နေပူတောင် စီမံကိန်း ရပ်ဆိုင်းရေး လွှတ်တော်၌ အဆိုတင်သွင်းသကဲ့သို့ ရခိုင်လူမှုရေး အဖွဲ့အစည်းများကလည်း ဆန္ဒ ထုတ်ဖော် ကန့်ကွက်သွားမည်ဟု ပြောဆိုထားခဲ့ပြီးနောက် ရခိုင်ပြည်နယ် အစိုးရအဖွဲ့မှ သတ္တုတွင်း ၀န်ကြီး ဦးအောင်သန်းတင်နှင့် လူမှုရေးရာဝန်ကြီး ဒေါက်တာ အောင်ကျော်မင်း တို့သည် ဒေသခံများ၊ လူမှုအဖွဲ့များ၊ နိုင်ငံရေးပါတီများနှင့် တောင်ကုတ်မြို့၌ ယမန်နေ့က တွေ့ဆုံ၍ နေပူတောင် ကိစ္စကို ရှင်းလင်း ပြောဆိုခဲ့ကြောင်း တက်ရောက်ခဲ့သူ ရခိုင်လူမှုကွန်ယက်မှ တောင်ကုတ်မြို့ခံ ဦးစိုးဝင်းက ဧရာဝတီသို့ ပြောသည်။

၎င်းက “စီမံကိန်းနဲ့ ပတ်သက်ပြီး ဘာမှ မလုပ်သေးဘူးလို့ အစိုးရက ပြောနေပေမယ့် ၀န်ထမ်းအိမ်ရာတွေ ဆောက်နေတာတွေ၊ ကားလမ်းတွေ ဖောက်လုပ်နေတာ ကြာပါပြီ။ ကန့်ကွက်သံတွေ ပေါ်လာတော့မှ အစိုးရက ပြည်သူကို အသိပေးတဲ့ သဘောပါ” ဟု ဆိုသည်။

ပြည်နယ် ၀န်ကြီးများသည် တောင်ကုတ် လူထုတွေ့ဆုံပွဲ၌ အသေးစိတ် ရှင်းလင်းပြောဆိုမှု မရှိခဲ့ဟု သိရပြီး ထိုစီမံကိန်းမှ ၀င်ငွေမည်မျှရမည်၊ ဒေသအကျိုးအတွက် မည်ကဲ့သို့ ဆောင်ရွက်မည် ဆိုသည်ကိုလည်း အစိုးရ အနေဖြင့် တရားဝင် ထုတ်ဖော်ပြောဆိုမှု မရှိသေးပေ။

ပြည်နယ် သတ္တုတွင်းဝန်ကြီး ဦးအောင်သန်းတင်က ဧရာဝတီကို ပြောရာတွင် ဗီယက်နမ် ကုမ္ပဏီနှင့် ပြည်ထောင်စု အစိုးရတို့က အကျိုးတူ ပူးပေါင်းဆောင်ရွက်ရန် ၂၀၁၂ ခုနှစ်တွင် သဘောတူစာချုပ် ချုပ်ဆိုခဲ့ကြောင်း၊ ဗီယက်နမ် ကုမ္ပဏီ အနေဖြင့် နှစ်ပေါင်း ၂၀ အထိ ထုတ်လုပ်ခွင့်ရမည် ဖြစ်ပြီး နှစ် ၂၀ ပြည့်ပြီးပါက တခြား ကုမ္ပဏီများနှင့် ဆက်လက် စာချုပ်ချုပ်ဆို လုပ်ကိုင်သွားမည်ဖြစ်ကြောင်း ပြောဆိုသည်။

“ကျောက်ထုတ်ယူခွင့် ရမယ်ဆိုရင် နိုင်ငံတော်က အမြတ် ၅၀ ရာခိုင်နှုန်း၊ ဗီယက်နမ် ကုမ္ပဏီက ၅၀ ရာခိုင်နှုန်း ရမယ်။ ကုမ္ပဏီရတဲ့ အမြတ် ၅၀ ရာခိုင်နှုန်းထဲကနေ ဒေသခံတွေ အကျိုးအတွက် ၁၀ သို့မဟုတ် ၁၅ ရာခိုင်နှုန်း ခွဲဝေ ဆောင်ရွက်ပေးဖို့ ကုမ္ပဏီက သဘောတူထားတယ်” ဟု ပြည်နယ် သတ္တုတွင်း ၀န်ကြီးက ဆိုသည်။

ဦးစိုးဝင်းကမူ “ဒေသအကျိုးအတွက် ဒေသခံတွေ အလုပ်အကိုင်တွေ ရမယ်ပြောတယ်။ အလုပ်အကိုင်တွေရမယ် ဆိုပေမယ့် ကုန်ချောထုတ်မယ့် စက်ရုံတွေ မဆောက်ဘဲ ကုန်ကြမ်းပဲ ထုတ်ယူမယ်ဆိုရင်တော့ ဒေသခံတွေ အားလုံးက ကန့်ကွက်ကြပါတယ်” ဟု ဆိုသည်။

ပြည်ထောင်စု အစိုးရသည် ထိုစီမံကိန်းနှင့် ပတ်သက်၍ ပြည်သူများအား ယခင်က ထုတ်ဖော်ပြောဆိုခြင်း မရှိသည့်အပြင် ပြည်နယ်အစိုးရကလည်း စီမံကိန်းနှင့် ပတ်သက်၍ မည့်သည့် ကိစ္စကိုမှ စတင်လုပ်ဆောင်မှု မရှိသေးကြောင်း ပြည်နယ် ၀န်ကြီး ဦးအောင်သန်းတင် က ပြီးခဲ့သည့် ဖော်ဖေ၀ါရီလအတွင်း ဧရာဝတီကို ဖြေဆိုခဲ့သေးသည်။

ကျောက်ဖြူမြို့၌ တည်ဆောက်နေသော ရွှေသဘာဝ ဓာတ်ငွေ့ပိုက်လိုင်း စီမံကိန်းအပါအ၀င် ရခိုင်ဒေသတွင်း လုပ်ဆောင်နေသည့် စီမံကိန်းများသည် ပွင့်လင်းမြင်သာမှု မရှိခြင်း၊ ပြည်သူကို အသိပေးမှု မရှိခြင်းတို့ကြောင့် ကန့်ကွက် ဆန္ဒပြမှုများနှင့် ကြုံလာနိုင်ကြောင်း၊ ရသေ့တောင်နှင့် မောင်တော ဒေသရှိ ပင်လယ်ကမ်းခြေတို့တွင်လည်း အဖိုးတန် တိုက် တေနီယမ် သတ္တုများကို တရုတ်နိုင်ငံက ထုတ်လုပ်ရန် ပြင်ဆင်နေမှု ကိစ္စကိုလည်း ပြည်နယ် အစိုးရမှ ပြည်သူများကို ရှင်းလင်းပြောဆိုမှု မရှိသေး၍ စောင့်ကြည့်နေကြောင်း ရခိုင် အမျိုးသမီးအဖွဲ့မှ ခေါင်းဆောင်တဦးဖြစ်သူ ဒေါ်မညိုအေးက ဧရာဝတီသုိ့ ပြောသည်။

ရခိုင်ဒေသရှိ ရွှေဂက်စ် စီမံကိန်းနှင့် စီမံကိန်းတချို့တွင် ဒေသခံပြည်သူများအား အလုပ်အကိုင် အခွင့်အလမ်းပေးမည်၊ ဒေသဖွံ့ဖြိုးရေး ဆောင်ရွက်ပေးမည်ဟု အစိုးရက မကြာခဏ ပြောဆိုနေသည့်တိုင် မည်သည့်ကိစ္စကိုမှ လက်တွေ့တွင် အကောင်အထည် ဖော်ပေးခြင်း မရှိ၍ ဒေသခံများအကြား မကျေနပ်မှုများ ကြီးထွားလာနေကြောင်းလည်း လူမှုအဖွဲ့များထံမှ သိရသည်။

ဧရာဝတီ သတင်းထောက် ငြိမ်းချမ်း ပူးပေါင်း ရေးသားသည်။

Ref: ဧရာဝတီ

Read More...

Collapse...

ပဲခူးတိုင်း အနောက်ဘက်ခြမ်းတွင် ဆူပူ ဖျက်ဆီးမှုများ ဆက် ပျံ့နှံ့

March 27, 2013

လူမျိုးရေး၊ ဘာသာရေး ဆူပူ အကြမ်းဖက် ဖျက်ဆီးမှုများ ပဲခူးတိုင်း အနောက်ခြမ်းဒေသများသို့ ပျံ့နှံ့လာရာ ဇီးကုန်း၊ နတ္တလင်း မြို့တွင် ဗလီနှင့် မွတ်စလင်များ၏ နေအိမ်၊ ဈေးဆိုင်များ ယမန်နေ့ညက ဆက်လက် ဖျက်ဆီးခံခဲ့ရကြောင်း သတင်းရရှိသည်။

ယမန်နေ့ည ၁၁ နာရီခန့်က နတ္တလင်းမြို့ မြို့နယ်အုပ်ချုပ်ရေး တာဝန်ရှိသူများ၊ ဘုန်းတော်ကြီးများ၊ ဘာသာရေး ခေါင်းဆောင်များ၊ နိုင်ငံရေးတက်ကြွ လှုပ်ရှားသူများနှင့် နိုင်ငံရေး ပါတီများမှ စောင့်ကြပ်နေသည့် ကြားမှပင် လူ ၁၅၀ ခန့် စတင် စုဝေးလာရာမှ လူအုပ်စုမှာ ပိုမိုများပြားလာပြီး လုံခြုံရေး တပ်ဖွဲ့များက လူစုခွဲသော်လည်း မရတော့ဘဲ အဆောက်အအုံ များကို ဖျက်ဆီးကြခြင်း ဖြစ်ကြောင်း သိရှိရသည်။


နတ္တလင်းမြို့ခံ ဦးအုန်းသန်းက “ဖျက်ဆီးရေး ခေါင်းဆောင်တွေက မီးရှို့ဘူး၊ လူမသတ်ဘူး၊ ပစ္စည်းမယူဘူး ဖျက်ပဲဖျက်မယ်၊ တားဆီးတာတွေ မလုပ်ပါနဲ့ ဆိုတဲ့ ခြိမ်းခြောက်စကားတွေ ပြောလာတဲ့အတွက် အကြမ်းမဖက်အောင် အာဏာပိုင်တွေ နောက်ဆုတ်ပေးလိုက်ရတယ်။ အဲဒါမှာ အန္တရာယ် မရှိတော့ဘူးဆိုပြီး လူတွေ ပိုရဲတင်းလာတယ်” ဟု ဆိုသည်။

ထို့နောက် မွတ်စလင်များ ပိုင်ဆိုင်သော ပစ္စည်းများကို လမ်းပေါ်သို့ သယ်ယူပြီး မီးရှို့ကြကြောင်း၊ တချို့သော မွတ်စလင်များမှာ ၎င်းတို့ပိုင် ပစ္စည်းဥစ္စာများနှင့် အတူ ညနေပိုင်းကတည်း မြို့ခံ ဗုဒ္ဓဘာသာ ဘုန်းကြီးကျောင်းများနှင့် အိမ်တချို့သို့ ပြောင်းရွေ့ထားသည့် အတွက် ဖျက်ဆီးခြင်းမှ လွတ်မြောက်သွားကြောင်း ၎င်းက ဆက်ပြောသည်။

အိမ်နှင့် ဆိုင် ဖျက်ဆီးခံရသည့် မွတ်စလင်တဦးဖြစ်သူ ဦးတင်အေးက မိမိတို့ နတ္တလင်းမြို့၌ နေထိုင်လာသည်မှာ နှစ်ပေါင်း ၄၀ ခန့် ရှိပြီဖြစ်ကြောင်း၊ ဒေသခံ ဘာသာခြားများဖြင့်လည်း ညီရင်းအစ်ကိုတမျှ နေထိုင်ခဲ့ကြောင်း၊ ယခုကဲ့သို့ ဖျက်ဆီးမှုမျိုး မကြုံဖူးကြောင်း၊ အုပ်ချုပ်ရေး ကင်းမဲ့သွားပြီဟု ခံစားရကြောင်း၊ မည်သည့် အာဏာပိုင် အဖွဲ့အစည်းများကမျှ လာရောက် အားပေးပြောဆိုမှု မရှိကြောင်း ပြောသည်။

“ကျနော်တို့ ပုန်းနေရတယ်။ တအိမ်လုံး ရစရာမရှိဘူး၊ ဖျက်ဆီးသွားတာ။ ချွေးနဲစာနဲ့ ရှာထားရတာတွေ ကုန်ပြီ။ ဘယ်သူ့ကို အားကိုးရမှန်း မသိတော့ဘူး” ဟု ၎င်းက ဆိုသည်။

အလားတူ ဇီးကုန်းမြို့တွင်လည်း ဗလီနှင့် မွတ်စလင်များ၏ နေအိမ်၊ ဆိုင်များကို ဖျက်ဆီးခံရကြောင်း၊ ဒေသခံ လုံခြုံရေး ရဲတပ်ဖွဲ့များကလည်း ၀င်ရောက် ထိန်းသိမ်းပေးခြင်း မရှိကြောင်း ဒေသခံများထံမှ သိရသည်။

ဇီးကုန်းမြို့ အမျိုးသားဒီမိုကရေစီ အဖွဲ့ချုပ် (NLD) မှ ဒေါ်ခင်ဝိုင်းက “တမြို့ထဲနေတဲ့ မွတ်စလင်တွေကို လူသားချင်း စာနာဖို့တော့ ကောင်းပါတယ်။ အခု ဖျက်ဆီးတဲ့လူတွေလက်ထဲမှာ ပုဆိန်၊ ဓား၊ သံတူရွင်း အစုံပါတယ်။ မင်းမဲ့စရိုက်တွေ ဖြစ်နေပြီ” ဟု ဆိုသည်။

ဇီးကုန်းဗလီမှာ အနည်းငယ်သာ ပျက်စီးသွားသည့်အတွက် ယနေတွင် ထပ်မံဖျက်စီးမည်ဟု သတင်းများ ထွက်ပေါ်လာသည့်အတွက် ယခုအခါ မွတ်စလင်များမှာ ထိတ်လန့်တုန်လှုပ်နေကြောင်း သိရသည်။

အဆိုပါ ဆူပူမှုနှင့် ပတ်သက်ပြီး ဇီးကုန်း NLD မှ ကိုအောင်မြတ်သူ အပါအ၀င် တခြားသော ၁၀ ဦးကိုလည်း ထိန်းသိမ်းထားကြောင်း သိရသည်။

မိတ္ထီလာမြို့မှ စတင်ခဲ့သည့် လူမျိုးရေး၊ ဘာသာရေး အဓိကရုဏ်းများသည် ယခုအခါ ပဲခူးတိုင်း အနောက်ခြမ်း မြို့များဖြစ်သည့် ကြို့ပင်ကောက်၊ အုတ်ဖို၊ မင်းလှ၊ နတ္တလင်းမြို့များသို့ ပြန့်နှံ့လာခြင်း ဖြစ်သည်။

ယမန်နေ့ညက ကြို့ပင်ကောက်၊ အုတ်ဖို၊ မင်းလှမြို့များ၌ ပုဒ်မ ၁၄၄ ထုတ်ပြန်ခဲ့ပြီး ည ၆ နာရီမှ နံနက် ၆ နာရီအတွင်း လမ်းပေါ် မထွက်ရန်၊ လူစုခြင်း၊ ဟောပြောခြင်း၊ စီတန်းလမ်းလျှောက်ခြင်း၊ လှုံ့ဆော်ခြင်း၊ တိုက်တွန်းခြင်းမပြုလုပ်ရန် ကြေညာထားသည်။

အုတ်ဖိုမြို့နယ် အိုးသည်ကုန်း အုပ်စု၌ ဖြစ်ပွားသည့် ဆူပူအကြမ်းဖက်မှုတွင် ပါဝင်သည်ဟု ယူဆရသူ ၅ ဦးကို မင်းလှရဲစခန်းက ဖမ်းဆီး ထိန်းသိမ်းထားသည်ဟု ယနေ့ထုတ် အစိုးရသတင်းစာများတွင် ဖော်ပြထားသည်။

မြန်မာနိုင်ငံ အလယ်ပိုင်းမှ ရန်ကုန်သို့ လမ်းတလျှောက်ရှိ မြို့များတွင် ဆူပူ ဖျက်ဆီးမှုများ ကူးစက်ဖြစ်ပေါ်နေခြင်းအပေါ် သက်ဆိုင်ရာ အုပ်ချုပ်ရေး အာဏာပိုင်များ၏ တရားဥပဒေစိုးမိုးရေး ကိုင်တွယ်ကို ဝေဖန်မှုများ ရှိနေသည်။

ပြည်မြို့တွင်လည်း ဆူပူအုံကြွအောင် လှုံ့ဆော်စာများ ဝေငှသည်ဟု သိရကြောင်း၊ ထိုမှတဆင့် ရန်ကုန်-ပြည် အဝေးပြေး ကားလမ်းအတိုင်း ရန်ကုန်ဘက်သို့ ဆင်းလာကာ အုတ်ဖို၊ နတ္တလင်း၊ ဇီးကုန်း၊ ကြို့ပင်ကောက်မြို့တို့တွင် ထပ်မံ ဖြစ်ပေါ်ခဲ့ရာ အဝေးပြေး ကားလမ်းမပေါ်ရှိ မြို့များတလျောက် ဖြစ်ပျက်ခဲ့သည်ကို မတားဆီးနိုင်သေးသည်က သံသယ ရှိစရာ ကောင်းကြောင်း ၈၈ မျိုးဆက် ကျောင်းသားခေါင်းဆောင်တဦးဖြစ်သူ ဦးမင်းကိုနိုင်က ပြောသည်။

“ဒါက သိပ်ကို သံသယရှိဖို့ကောင်းတယ်။ လုပ်ချင်ရင် အလွယ်လေးပါဗျာ။ အခုက မတားဆီးဘူး။ ဖြစ်တော့မှ ဖြစ်တဲ့နယ်မှာ ပုဒ်မ ၁၄၄ ထုတ်ပြန်လိုက်တယ်။ အစိုးရဘက်က အာရုံပဲ မစိုက်တာလား၊ အကဲမခတ်မိတာလား။ ဘာ့ကြောင့် ဒီလို လူအုပ်စုလိုက် တမြို့ဝင်တမြို့ထွက်ကို ခွင့်ပြုနေရတာလဲ” ဟု ၎င်းက ပြောသည်။

ကြို့ပင်ကောက် မြို့နယ် ရဲစခန်းမှ တာဝန်ကျ ဒု ရဲအုပ် တဦးကမူ ယခုဖြစ်စဉ်များကို ပြန်လည် သုံးသပ်ရလျှင် လူအုပ်စုဖြင့်သော် လည်းကောင်း၊ လူတစုက အကြမ်းဖက်မှု ဖြစ်ပျက် ခဲ့သော ဒေသများရှိ ၎င်းတို့၏ အမာခံများနှင့် ချိတ်ဆက်၍ သော်လည်းကောင်း လုပ်ဆောင်နေနိုင်ကြောင်း၊ လူအုပ်စုလိုက်ကားများဖြင့် လာရောက် ဖျက်ဆီးနေခြင်းမျိုး မဟုတ်သော ကြောင့် ခန့်မှန်းရန် ခက်ခဲနေကြောင်း ဆိုသည်။

ထို့အတွက် မြို့အ၀င်များတွင် ပိတ်ဆို့ရှာဖွေ တားဆီးရန်မှာလည်း ရိုးရိုးသားသား ခရီးသွားများအတွက် အဟန့်အတား ဖြစ်မည်ကို စိုးရိမ်သောကြောင့် ထိုသို့လုပ်ရန် မလွယ်ကူကြောင်း ၎င်းက ဆက်ပြောသည်။

“ဒီကွင်းဆက်ကို လိုက်ဖို့ကလည်း အခုခေတ်က ဖုန်းတွေ တအားပေါနေတော့ ဖြစ်ပျက်မှုတွေက တအားမြန်တယ်။ လုံခြုံရေးတွေဘက်ကလည်း ဒီလို ဖျက်ဆီးမှုတွေထဲမှာ သံဃာတွေ ပါလာတော့ ကိုင်တွယ်ရ ခက်တယ်။ အထက်ကို ပြန်တင်ပြရ၊ ညွှန်ကြားချက် ပြန်စောင့်ရမျိုး လုပ်ရတယ်” အဆိုပါ ဒု ရဲအုပ်က ပြောသည်။

ဧရာဝတီ သတင်းထောက် ရန်ပိုင်နှင့် စနေလင်းတို့ ပူးပေါင်း ရေးသားသည်။

Ref: ဧရာဝတီ

Read More...

Collapse...

အမျိုးသားနိုင်ငံရေး ကဏ္ဍတွင် တပ်မတော် ဆက်လက် ပါဝင်မည်

ရန်ပိုင်
March 27, 2013

တပ်မတော် အနေဖြင့် နိုင်ငံ ဒီမိုကရေစီ အပြောင်းအလဲတွင် အမျိုးသားနိုင်ငံရေး အခန်းကဏ္ဍမှ ဆက်လက် ပါဝင်သွားမည် ဖြစ်ကြောင်း ယနေ့ နေပြည်တော်တွင် ကျင်းပသည့် ၆၈ နှစ်မြောက် တပ်မတော်နေ့(တော်လှန်ရေးနေ့) အခမ်းအနားတွင် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောသည်။

“မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေးကို အထောက်အကူ ဖြစ်စေရန် အမျိုးသားနိုင်ငံရေး ဦးဆောင်မှုအခန်းကဏ္ဍတွင် တပ်မတော်က ဆက်လက်ထောက်ခံ ပါဝင်သွား မည်”ဟု ဗိုလ်ချုပ်မှူးကြီး မင်းအောင်လှိုင်က ပြောဆိုလိုက်ခြင်း ဖြစ်သည်။

ဗိုလ်ချုပ်မှူးကြီး မင်းအောင်လှိုင်က တပ်မတော်အနေဖြင့် ပြည်သူလူထုက ရွေးချယ် တင်မြောက်ထားသော အစိုးရသစ် ဖော်ဆောင် နေသည့် နိုင်ငံတော် ထာဝရ တည်ငြိမ်အေးချမ်း ရေးနှင့် ဖွံ့ဖြိုးတိုးတက်ရေး လုပ်ငန်းစဉ်များတွင် ကျရာအခန်းကဏ္ဍမှ ပါဝင် ပူးပေါင်း ဆောင်ရွက်သွားမည် ဖြစ်ကြောင်း၊ နိုင်ငံတော်ကာကွယ်ရေး အတွက် ဗိုလ်ချုပ်အောင်ဆန်း ကြိုတင် မျှော်မှန်းခဲ့သော အင်အား တောင့်တင်း ခိုင်မာသည့် ခေတ်မီ တပ်မတော် ဖြစ်ရန် ကြိုးပမ်းသွားမည်ဖြစ်ကြောင်းလည်း ပြောသည်။

ထို့အပြင် လူ့အခွင့်အရေး ဆိုင်ရာ ဂျနီဗာ ကွန်ဗန်းရှင်းနှင့်ပတ်သက်ပြီး တပ်မတော်သားများကို လေ့ကျင့် သင်ကြားလျက်ရှိသောကြောင့် တပ်မတော်အနေဖြင့် မည်သည့် စစ်ရာဇ၀တ် မှုကိုမှ မကျူးလွန်သကဲ့သို့ စည်းကမ်း ဖောက်ဖျက် ကျူးလွန်သည့် စစ်သည်များကိုလည်း တပ်မတော် စည်းမျဉ်းဥပဒေနှင့်အညီ ထိရောက်စွာ အရေးယူကြောင်း၊ ထို့ကြောင့် တပ်မတော် သမိုင်းတွင် လူမျိုးတုံး သတ်ဖြတ်မှု(Genocide) ဆိုသည်မှာ လုံးဝ မရှိကြောင်းလည်း ၎င်းက ထည့်သွင်း ပြောဆိုသွားသည်။

အာဆီယံ ဒေသတွင်း အိမ်နီးချင်းနိုင်ငံများမှ တပ်မတော်များ အပါအ၀င် တခြားသောနိုင်ငံများနှင့်လည်း စစ်ရေးဆိုင်ရာများကို ဆက်လက် ပူးပေါင်း ဆောင်ရွက်သွားမည်ဖြစ်ကြောင်း ဗိုလ်ချုပ်မှူးကြီး မင်းအောင်လှိုင်က ပြောဆိုသည်ဟု AP သတင်းတွင်လည်း ဖော်ပြထားသည်။

ယနေ့ကျင်းပသည့် တပ်မတော်နေ့ အခမ်းအနားကို ဒီမိုကရေစီခေါင်းဆောင် ဒေါ်အောင်ဆန်းစုကြည် ပထမဆုံးအကြိမ် ဧည့်သည် တော်အဖြစ် တက်ရောက်ပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ပါတီခေါင်းဆောင်များ နှင့် နယ်ခြားစောင့် တပ်ဖွဲ့ဝင်များလည်း တက်ရောက်သည်။

လက်ရှိဖြစ်ပေါ်နေသော မိတ္ထီလာ ဘာသာရေး၊ လူမျိုးရေး အဓိကရုဏ်းများကြောင့် အရေးပေါ်အခြေအနေ ကြေညာထားသည့် အတွက် စစ်အုပ်ချုပ်ရေးသို့ နောက်ကြောင်းပြန်လှည့် သွားနိုင်ခြေနှင့် ပတ်သက်ပြီး အများက ခန့်မှန်းဝေဖန်နေချိန်တွင် ဒေါ်အောင် ဆန်းစုကြည် တပ်မတော်နေ့ အခမ်းအနား တက်ရောက်ခြင်းသည် ထူးခြားချက်အဖြစ် လေ့လာသူများက ရှုမြင်ကြသည်။

ဒုတိယ ကမ္ဘာစစ်အတွင်း ၁၉၄၅ ခုနှစ် မတ်လ၂၇ ရက်နေ့တွင် ဗိုလ်ချုပ်အောင်ဆန်း ဦးဆောင်သည့် ဗမာ့တပ်မတော်။ သခင်စိုး၊ သခင် သန်းထွန်း ဦးဆောင်သည့် ဗမာပြည် ကွန်မြူနစ် ပါတီ။ သခင်မြ၊ သခင်ချစ် တို့၏ ပြည်သူ့ အရေးတော်ပုံ ပါတီ တို့ ဦးဆောင်ပြီး တိုင်းရင်းသားများ၊ ရဟန်းရှင်လူများက ဖက်ဆစ် ဂျပန် ကို တော်လှန်ခဲ့ကြသည်။

ထို မတ်လ ၂၇ ရက်နေ့ကို ၁၉၄၈ ခုနှစ် လွတ်လပ်ရေး ရပြီးနောက်ပိုင်းတွင် တော်လှန်ရေးနေ့အဖြစ် သတ်မှတ်ပြီး နှစ်စဉ်ကျင်းပ လာခဲ့ရာမှ ၁၉၆၂ ခုနှစ် ဗိုလ်ချုပ် နေ၀င်း ၏ တော်လှန်ရေးကောင်စီက အာဏာသိမ်းပြီးနောက် တပ်မတော်နေ့ အဖြစ် ပြောင်းလဲ သတ်မှတ်ခဲ့ခြင်းဖြစ်သည်။

ယခင် တပ်မတော်နေ့များတွင် စစ်ရေးပြချီတက်သည့် စစ်ကြောင်းကြီးများကို ပြည်သူများက ပန်းကုံးများစွပ်၍ သောင်းသောင်း ဖျဖျ ကြိုဆိုကြသော်လည်း ၁၉၈၈ ခုနှစ် ၈ လေးလုံး အရေးတော်ပုံကြီးကို စစ်တပ် က ရက်ရက်စက်စက် ဖြိုခွင်းခဲ့သည့်နောက်ပိုင်းတွင် ပြည်သူများက ကြိုဆိုခြင်း မရှိတော့ပေ။

Ref: ဧရာဝတီ

Read More...

Collapse...

ကိုယ်ပိုင် ပြည်နယ်ရရှိရေး UWSA ဆက်ကြိုးပမ်းမည်

ခင်ဦးသာ
March 27, 2013

ရှမ်းပြည်နယ်အတွင်း အခြေစိုက်ထားသည့် “၀ပြည် သွေးစည်း ညီညွှတ်ရေး တပ်မတော်(UWSA) အနေဖြင့် ကိုယ်ပိုင် ပြည်နယ် ရရှိရေး ဆက်လက်ကြိုးပမ်းသွားမည် ဖြစ်ကြောင်း သိရသည်။

“ကျနော်တို့ ကိုယ်ပိုင် ၀ပြည်နယ် တောင်းဆိုနေတာ ၁၉၈၉-၉၀ ငြိမ်းချမ်းရေးယူ ကတည်းကပါ၊ ဒါပေမယ့် အစိုးရဘက်ကတော့ အခု ချိန်အထိ တုံ့ပြန်မှု မရှိသေးပါဘူး၊ ၂၀၀၈ ဖွဲ့စည်းပုံမှာ တော့ ကိုယ်ပိုင်အုပ်ချုပ်ခွင့်ရတိုင်းလို့ ပါလာတယ်”ဟု UWSA ၏ ပြောခွင့် ရသူ ဦးအောင်မြင့် က ဧရာဝတီကို ပြောသည်။

၁၉၉၃ ခုနှစ်တွင် ကျင်းပခဲ့သော ညောင်နှစ်ပင် အမျိုးသား ညီလာခံသို့ တက်ရောက်ခဲ့သည့် “၀”ကိုယ်စားလှယ်က တင်ပြတောင်း ဆို ခဲ့ဖူးကြောင်း၊ ထို့အတူ အစိုးရနှင့် အပစ်အခတ်ရပ် စဲရေး သဘောတူ လက်မှတ်ရေးထိုးစဉ်ကလည်း တောင်းဆိုခဲ့ကြောင်း၊ ၀တိုင်း ရင်းသားများကိုယ်စားပြုမည့် “၀ပြည်နယ်”မရမချင်း ဆက်လက်တောင်းဆိုသွားမည်ဖြစ်ပြီး ထိုကိစ္စ အပေါ် ရှမ်းတိုင်းရင်းသားများ အနေဖြင့်လည်း စိုးရိမ်စရာ မလိုအပ်ကြောင်း ၎င်းက ဆိုသည်။

“ခွဲထွက်ဖို့ မဟုတ်ပါဘူး၊ ကိုယ့်လူမျိုး၊ ကိုယ့်ဒေသတွေကို ပိုမို ဖွံ့ဖြိုးတိုးတက်အောင် လုပ်ချင်တာရယ်၊ နောက်တခုက “၀” ဆိုတာ ဟိုအရင်ကတည်းက သီးသန့်နေခဲ့တဲ့ သမိုင်း ကြောင်းတွေ ရှိပါတယ်၊ ဒါကြောင့် ကိုယ်ပိုင် ပြည်နယ်တောင်းဆိုနေ တာ ပါ”ဟု UWSA ပြောခွင့်ရသူက ဆိုသည်။ ရှမ်းပြည်နယ်နှင့်တခြား ဒေသအသီးသီး၌ “၀” တိုင်းရင်းသား ဦးရေ ၁၀ သိန်း ၀န်းကျင်ရှိကြောင်း လည်း ၎င်း၏ အဆိုအရ သိရသည်။

ရှမ်းနှင့် ကယား တိုင်းရင်းသားများ စုပေါင်း၍ ငြိမ်းချမ်းရေးဆွေးနွေးပွဲ ညီလာခံ တခုကို ရှမ်းပြည်နယ် လားရှိုးမြို့ ၌ မတ်လ ၂၀ မှ ၂၂ ရက်နေ့အထိ ကျင်းပခဲ့ရာတွင်လည်း “၀ပြည်နယ်” ထူထောင်ရန် တင်ပြတောင်းဆိုခဲ့ကြောင်း“၀”တိုင်းရင်းသားများ ကိုယ်စားပြု တက်ရောက်ခဲ့သည့် UWSA မှ ပြည်ပ ဆက်ဆံရေး ဒု ဌာနကြီးမှူး ဦးဆမ်ခွန်းက ဧရာဝတီ ကို ပြောသည်။ ရှမ်းပြည်နယ်မှ ခွဲထွက်၍ “၀”သီးသန့် ပြည်နယ် ထူထောင်မည့် ကိစ္စအား တချို့သော ရှမ်းတိုင်းရင်းသားများက လိုလားမှု မရှိဟု လည်း သိရသည်။

လားရှိုးညီလာခံသို့ တက်ရောက်မည့် အဖွဲ့အစည်း ကိုယ်စားပြု ကိုယ်စားလှယ်များအနေဖြင့် အခမ်းအနား၌ ပါဝင်ဆွေးနွေး လိုပါက ထိုအဖွဲ့၏ အာဘော်သဘောထားကို စာတမ်း အဖြစ်တင်ပြ၍ ဆွေးနွေးရန် ဖိတ်ကြားထားကြောင်း၊ သို့သော် အ စည်း အဝေး တက်ရောက်ခဲ့သည့် “၀”တိုင်းရင်းသား ကိုယ်စားလှယ် အနေဖြင့် စာတမ်းဖြင့် ပါဝင်ဆွေးနွေးခြင်းမဟုတ်ဘဲ အလွတ်သဘော ပြောဆိုသွားခြင်းသည်လည်း ဆွေးနွေးပွဲမူနှင့်ကိုက်ညီမှု မရှိကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ်(SNLD)၏ ပြောခွင့်ရသူ ဦးစိုင်းလိတ် က ဧရာဝတီ ကို ပြောသည်။

“၀”ကိုယ်စားလှယ် ပြောသွားတာကတော့ ပြည်ထောင်စုက ဘယ်တော့မှ မခွဲထွက်ဘူး၊ ဒါပေမယ့် ကိုယ်ပိုင် “၀”ပြည်နယ် တော့ လိုချင်တယ်လို့ ပြောတယ်၊ ပြည်သူတရပ်လုံးက သဘောတူရင်တော့ ကျနော်တို့ကလည်း ခွင့်ပြုရမှာပေါ့၊ နောက်တခု က ဒီကိစ္စဟာ ဖြစ်သင့် မဖြစ်သင့်ဆိုတာတော့ ပြည်ထောင်စုကြီး တခုလုံးက တိုင်းရင်းသား ခေါင်းဆောင်တွေက ၀ိုင်းဝန်း ဆွေးနွေး အဖြေရှာရမယ့် ကိစ္စပါ”ဟု ဦးစိုင်းလိတ် က ဆိုသည်။

ထိုကိစ္စသည် ပါတီတခု အဖွဲ့အစည်းတခု၏ ဆုံးဖြတ်ချက် သဘောထားအတိုင်း လုပ်ဆောင်၍ မရကြောင်း၊ ရှမ်းပြည်နယ် အတွင်း နေထိုင်ကြသည့် တိုင်းရင်းသားပြည်သူ တရပ်လုံး၏ ဆန္ဒသဘောထားကို ကောက်ခံ၍ ပြည်သူတို့၏ ဆန္ဒအတိုင်း ဆောင်ရွက်ရ မည်ဖြစ်ကြောင်း၊ ရှမ်းတိုင်းရင်းများအပါအ၀င် တိုင်းရင်းသား အားလုံးသည်လည်း ကိုယ်ပိုင်ပြဌာန်းခွင့်၊ ကိုယ်ပိုင်အုပ်ချုပ်ခွင့် ရရှိရေး တောင်းဆိုနေကြခြင်းဖြစ်၍ “၀”တို့ ၏ တောင်းဆိုမှုကိုလည်း ကန့်ကွက်ရန် ဆန္ဒမရှိကြောင်း ၎င်းက ဆက် ပြောသည်။

“၀”ပြည်နယ် သီးသန့်ထူထောင်ရေး ကိစ္စသည် ကျယ်ပြန့်သည့် ကိစ္စတခုဖြစ်ကြောင်း၊ ထိုကိစ္စသည် တိုင်းရင်းသားများ၊ လွှတ် တော် အသီးသီးနှင့် အစိုးရ အဖွဲ့၊ ရှမ်းပြည်အတွင်း နေထိုင်ကြသည့် တိုင်းရင်းသားများ၊ လက်နက်ကိုင် အဖွဲ့များ၊ နိုင်ငံရေးပါတီများ အား လုံး ပါဝင် ဆွေးနွေးပါက အဖြေတခု ရလာမည်ဟု မျှော်လင့် ကြောင်း ၂၀၁၀ ရွေးကောက်ပွဲ အနိုင်ရ ရှမ်း တိုင်းရင်းသားများ ဒီမိုကရက်တစ် ပါတီ(SNDP) ခေါ် ကျားဖြူ ပါတီ၏ ပြောခွင့်ရသူ ဦးစောသန်းမြင့် က ဧရာဝတီ ကို ပြောသည်။

“ကိုယ်ပိုင်အုပ်ချုပ်ခွင့်ရ တိုင်းကနေ ပြည်နယ်ရလိုတယ်လို့ တောင်းပိုင်ခွင့်ရှိတော့ ဘာမှကန့်ကွက်စရာ မရှိပါဘူး၊ ဒါပေမယ့် တခြား ကိုယ်ပိုင်အုပ်ချုပ်ခွင့်ရ ဒေသတွေကလည်းပဲ တိုင်းတွေ တောင်းဆိုလာကြမယ်၊ အဲဒီကတဆင့် ပြည်နယ်တွေ ရလိုတယ်လို့ တောင်း ဆို လာနိုင်ကြတာပေါ့”ဟု ၎င်းက ဆိုသည်။

၂၀၀၈ ဖွဲ့စည်းပုံ အခြေခံ ဥပဒေ၏ အခန်း ၂ တွင် “၀” ဒေသအား “၀” ကိုယ်ပိုင်အုပ်ချုပ်ခွင့်ရတိုင်း ဟု ဖော်ပြထားပြီး နာဂ၊ ဓနု၊ ပအို့ဝ်၊ ပလောင်၊ ကိုးကန့် စသည်တို့အား ကိုယ်ပိုင် အုပ်ချုပ်ခွင့်ရ ဒေသများအဖြစ် ဖော်ပြထားသည်။

“၀”ပြည်နယ်အဖြစ် သီးသန့်ခွင့်ပြုပေးလိုက်ပါက ရှမ်းပြည်နယ်၏ အရှေ့ခြမ်းတခုလုံး ပါဝင် သွားနိုင်သည်ဟု ရှမ်းတိုင်းရင်း သား များက ပြောသည်။ “၀ပြည်နယ်”ဟု ထူထောင်မည် ဆိုပါက ဖွဲ့စည်းပုံ ဥပဒေကိုလည်း ပြင်ဆင်ရမည် ဖြစ်သည်။

တိုင်းဒေသဆိုသည်မှာ လူမျိုးတခုအား ကိုယ်စားမပြုဘဲ ထိုဒေသတွင်းနေထိုင်သည့် တိုင်းရင်းသား အားလုံးကို ကိုယ်စား ပြုပြီး ပြည်နယ်ဆိုသည်မှာ ထိုဒေသရှိ လူမျိုးတခုကို ကိုယ်စားပြုသည့် အသွင်ဆောင်သည်။ မြန်မာနိုင်ငံ ၌ ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်းပြည်နယ် ဟူ၍ မိမိတို့ လူမျိုးများကို ကိုယ်စားပြုထားသည့် ပြည်နယ် ၇ ခု ရှိသည်။

UWSA သည် အစိုးရနှင့်အပစ်အခတ်ရပ်စဲရေး သဘောတူညီမှု ရယူထားသော်လည်း နယ်ခြားစောင့်တပ် အသွင်ပြောင်း လဲခြင်း မရှိဘဲ ကိုယ်ပိုင်စစ်တပ်ဖြင့် သီးသန့်နေထိုင် လုပ်ပိုင် ခွင့်ကို ရရှိထား၍ အခွင့်ထူးခံ အဖွဲ့ အဖြစ် ဝေဖန်မှုများ ရှိနေပြီး တရုတ်အစိုးရ၏ ကျောထောက်နောက်ခံပြုထားမှုကြောင့် မြန်မာအစိုးရ အပေါ် အလေးထားမှု မရှိဟု နိုင်ငံရေး အကဲ ခတ်များက ဝေဖန်မှုများ ရှိနေ သည်။ အစိုးရနှင့်အပစ်အခတ် ရပ်စဲထားသည့် လက်ကိုင်အဖွဲ့များအနက် UWSA သည် အင်အား အကြီးဆုံး လက်နက်ကိုင် အဖွဲ့တခုလည်း ဖြစ်သည်။

ဦးအောင်မြင့် ကမူ“ကျနော်တို့က အခွင့်ထူးခံတပ် မဟုတ်ပါဘူး၊ နိုင်ငံရေးအရ ကိုယ့်နားလည်မှုနဲ့ကိုယ် နေ တာပါ၊ တရုတ် အစိုးရနဲ့တော့ ကုန်သွယ်ရေး၊ စီးပွားရေးတွေတော့ ပူးပေါင်းလုပ်ဆောင်တာ ရှိပါတယ်၊ ၀ ပြည်နယ် ရရေးအတွက်မှာလည်းပဲ တရုတ်အစိုးရ က တွန်းအားပေးနေတာ မရှိပါဘူး”ဟု ဆိုသည်။

“၀ပြည်နယ်”ဟု အစိုးရက တရားဝင် အသိအမှတ် မပြုထားသော်လည်း UWSA အနေဖြင့် ၎င်းတို့၏ ထုတ် ပြန်ချက်များ တွင် မူ “၀ပြည်နယ် အစိုးရ”ဟု ဖော်ပြလေ့ရှိသည်။

“ကျနော်တို့က ၁၉၉၃ ကတည်းက ဒီလိုပဲ သုံးနေတာပါ၊ ကျနော်တို့မှာ သီးသန့်ဖွဲ့စည်းပုံ ရှိတယ်၊ ၀ပြည်သူ့ အစိုးရ ဆိုတာလည်း ရှိပါတယ်၊ ပြည်ပ ဆက်ဆံရေးဌာနကြီးဆိုတာတွေ ရှိပါတယ်”ဟု UWSA ပြောခွင့် ရသူ ဦးအောင်မြင့်က ပြောဆိုသည်။

Ref: ဧရာဝတီ

Read More...

Collapse...

မြန်မာပြည် ငြိမ်းချမ်းပါစေ

အေးချမ်းမြေ့
March 27, 2013

အမြဲတမ်း ဆူညံပွက်လော ရိုက်နေတတ်တဲ့ ဖရေဇာလို့ခေါ်တဲ့ မဟာဗန္ဓုလ လမ်းမကြီးဟာ မတ်လ ၂၅ ရက်နေ့ ညမှာတော့ ၇ နာရီတောင် မထိုးချင်သေးဘူး ခြောက်ကပ်လို့။

ခါတိုင်း ဈေးခေါ်သံတွေ၊ စပယ်ယာတွေရဲ့ လူခေါ်သံတွေနဲ့ စည်ကားနေတတ်တဲ့ ဒီလမ်းမကြီးက လုံးဝ ပုံမှန်မဟုတ်ဘဲ ခြောက်ကပ်နေတာ၊ တချို့ဈေးသည်တွေက နေ့ခင်းဘက်က ခဏ ခင်းထားပြီး ညနေ ၆ နာရီကျော်လောက်မှာ သုတ်သုတ် သုတ်သုတ်နဲ့ သိမ်းနေတာ တွေ့ရပြန်တယ်။


အဝတ်ဟောင်း ဘေထုပ်ထည် ရောင်းသူတွေ၊ ဈေးပေါပေါ နာရီတွေ မျက်မှန်တွေ၊ ပိုက်ဆံအိတ် ကလေးတွေနဲ့ တိုလီမိုလီ ရောင်းသူတွေ အတော်များများဟာ ခါတိုင်းမှာ ရယ်ရယ် မောမော ပေါ့ပေါ့ပါးပါး၊ ဈေးဝယ်သူ၊ ဈေးဆစ်သူတွေနဲ့ စကားအချေအတင် ပြောလို့၊ တချက်လောက် ငဲ့စောင်းကြည့်သူတွေကို “ဘာလိုလဲ အစ်ကို၊ ဘာယူမလဲ အစ်မ” ဆိုပြီး မလွတ်တမ်း အပြိုင်ခေါ်နေကြပေမယ့် အဲဒီနေ့ကတော့ ဘယ်ဈေးဝယ်ကိုမှ မကြည့်အားဘဲ သူတို့ရဲ့ ပစ္စည်းတွေကို ဆာလာအိတ်ကြီးတွေနဲ့ ခပ်သုတ်သုတ် ထုပ်ပိုးရင်း မျက်စိက ကျီးကန်းတောင်းမှောက်ပုံစံမျိုး၊ ဘာနဲ့ တူသလဲဆိုတော့ မဆလခေတ်က ဂဠုန်စီမံချက် ခေတ်စားစဉ် တုန်းကလိုမျိုး ဖြစ်နေတာပါ။ ဒါပေမယ့် အဲဒီတုန်းကလိုလည်း “ပြေးဟေ့၊ ပြေးဟ” ဆိုတဲ့ ဆူညံသံတွေတော့ မကြားရပြန်ဘူး။ အားလုံးက ကိုယ့်အလုပ်ကိုယ် တိတ်တဆိတ် လုပ်နေကြတာပါ။

ဘယ်သူကမှ ဖမ်းမယ်၊ ဆီးမယ် ပြောမထားပေမယ့် ကျီးလန့်စာစား ပုံစံမျိုး ဖြစ်နေတဲ့ ဈေးသည်တွေ အပြင် ခါတိုင်း ပလက်ဖောင်းပေါ်မှာ ခြေထောက်ခြင်း လိမ်မတတ် ရှောင်ရခက်၊ ရှားရခက် လမ်းလျှောက်ကြရတဲ့ပုံစံနဲ့ ကွဲလွဲလို့ အခုတော့ ရှင်းရှင်းလင်းလင်းကြီး ဖြစ်ပြီး တယောက်တည်း လမ်းလျှောက်နေရသလို ခံစားနေရတယ်။

ခါတိုင်း ည ၁၁ နာရီ၊ ၁၂ နာရီလောက်အထိ ဆူညံစည်ကားနေတဲ့ ဘီယာဆိုင်တွေမှာလည်း “ယနေ့ ည ၉ နာရီ ဆိုင်ပိတ်ပါမည်” ဆိုတဲ့ အရေးပေါ် ဆိုင်းဘုတ်ကလေးတွေ ချိတ်ဆွဲ ထားတာ တွေ့ရပြန်တယ်။

ဆိပ်ကမ်းသာလမ်းမှာရှိတဲ့ Star World ဘီယာဆိုင်က ဝန်ထမ်းတယောက်က “ကျနော်တို့လည်း ဘယ်ပိတ်ချင်ပါ့မလဲ၊ လာပိတ်ခိုင်းလို့ ပိတ်ရတာ” လို့ စားသုံးသူတွေကို ရှင်းပြနေတယ်။ တကယ်တော့ မတ်လ ၂၅ ရက်နေ့ နေ့လယ်က မင်္ဂလာတောင်ညွန့် မြို့နယ်ထဲမှာ ဖြစ်သွားတဲ့ အဖြစ်အပျက်ကနေ စပြီး ရန်ကုန်တမြို့လုံး ခြောက်ခြားနေကြတာပါ။

မတ်လ ၂၄ ရက်နေ့ညက တာမွေမှာ လူ လေးငါးယောက်လောက် စုဝေး အော်ဟစ်တာရဲ့ အဆက်အဖြစ် ၂၅ ရက်နေ့ နေ့လယ်မှာ မင်္ဂလာဈေးကို ဝင်လုမယ်ဆိုတဲ့ သတင်းတွေကြောင့် အဲဒီပတ်ဝန်းကျင်က ဆိုင်တွေ အကုန်ပိတ်ထားပြီး မင်္ဂလာဈေးမှာ ဈေးခင်းနေကြသူတွေလည်း နေ့လယ် ၂ နာရီကတည်းက ဆိုင်တွေသိမ်းကုန်တဲ့ အနေအထား ဖြစ်ခဲ့ရတယ်။ ညဘက်မှာတော့ ရန်ကုန်တမြို့လုံးနီးပါး ခြောက်ကပ်ပြီး လူတွေ အထိတ်တလန့် ဖြစ်ကုန်ကြတာပါ။

ဒီအဖြစ်အပျက်တွေ ဘာကြောင့် ဖြစ်ခဲ့ရတာလဲ ဆိုတာ ပြောဖို့ လိုမယ်တောင် မထင်ပါဘူး။ ဒါပေမယ့် ဘယ်သူ စမွှေးတဲ့ မီးလဲ ဆိုတာတော့ စိတ်ဝင်စားစရာ ကောင်းပါတယ်။

တိုင်းပြည် ခေါင်းဆောင်တွေ ကြိုးစားပမ်းစား တည်ဆောက်ခဲ့ရတဲ့ လက်ရှိ အခြေအနေတွေကို ရှုပ်ထွေးအောင်၊ တည်ငြိမ်မှုနဲ့ ငြိမ်းချမ်းရေးကို ပျက်ပြားအောင် အစပြု လုပ်ဆောင် သူတွေဟာ ဒီမိုကရေစီ စနစ်ကို မလိုလားသူ၊ ယခင် စနစ်ဟောင်းနဲ့ တရားမဝင် အကျိုးစီးပွားတွေ ခံစားခဲ့ရသူတွေလားလို့လည်း မေးခွန်းထုတ်မိတယ်။

ခေတ်တိုင်း၊ စနစ်တိုင်းမှာ အဖျက်အဆီး ဆိုတာကတော့ ရှိတတ်တာပါပဲ။

သမ္မတ ဦးသိန်းစိန်နဲ့ ဒေါ်အောင်ဆန်းစုကြည် အမြဲ ပြောလေ့ရှိသလို မတူတာတွေကို ဘေးဖယ်၊ တူတာတွေကို စုပြီး ရှေ့ကို သွားမယ်ဆိုတာမျိုး မဟုတ်တော့ဘဲ “မင်းသား မလုပ်ရရင် ပတ်မကြီး ထိုးခွဲမယ်” ဆိုတဲ့ ပုံစံမျိုးနဲ့ အောက်လမ်းနည်း သုံးပြီး ကဖျက်ယဖျက် လုပ်တာမျိုးဆိုရင်တော့ တကိုယ်ကောင်း ဆန်လွန်းရာ ကျတယ်လို့ ဝေဖန်ချင်ပါတယ်။

ကျမတို့ မြန်မာပြည်က အနောက်နိုင်ငံတွေ အသာထားလို့ အိမ်နီးချင်းနိုင်ငံတွေနဲ့ ယှဉ်ရင်တောင် နှစ်ပေါင်းများစွာ နောက်ကျ ကျန်နေပြီဆိုတာ ကလေးတောင် နားလည်ပါတယ်။ ကျမတို့ လူလတ်တန်းတွေ ခေတ်မှာ အကောင်းဆုံးကို မမြင်နိုင်ရင်တောင် အကောင်းဆုံးဆိုတဲ့ လမ်းစကလေးကို မြင်ပြီး နောက်မျိုးဆက်တွေအတွက် သာယာတဲ့ ခေတ်စနစ်တခုကို အစပျိုး ပြင်ဆင် ပေးနိုင်မယ် ဆိုရင် ကျေနပ်ရမှာပါ။

အခုတော့ နောက်မျိုးဆက်တွေ အတွက် ပြင်ဆင်ကြဖို့ ထားလို့၊ လက်ရှိ အခြေအနေမှာကို ပြည်သူလူထုရဲ့ နေ့စဉ် စားဝတ်နေရေး အကျိုးစီးပွားတွေ ပျက်ပြားခဲ့ရပြီ၊ အထိတ်တလန့် ကျီးလန့်စာစား ဘဝ ရောက်ကြရပြီ။ တနေ့ ရောင်းမှ တနေ့စားရမယ့် လမ်းဘေးဈေးသည် ကလေးတွေကအစ စီးပွားရေးလုပ်ငန်းကြီးတွေ လုပ်နေသူတွေ အဆုံး ဆိုင်တွေ မဖွင့်ရဲ၊ အခုပဲ ဝင်လုတော့မှာလား ဆိုတဲ့ စိုးရိမ်စိတ်တွေ ကြီးပြီး အစစ ထိခိုက်ကြရပြီ။

မတ် ၂၅ ရက်နေ့ည ရန်ကုန်မြို့ထဲ မြင်ကွင်းက မမြင်ရက်စရာပါပဲ။ ကျမတော့ ၂၀၀၇ စက်တင်ဘာတုန်းက သံဃာ့ အရေးအခင်းအပြီး ရန်ကုန်မြို့ကြီးကို ပြေးမြင်မိပါတယ်။ အဲဒီတုန်းက စစ်အာဏာရှင်စနစ် အုပ်စိုးစဉ်ကာလ၊ ဘယ်သူမှ ဘာမှမပြောရဲ၊ မလုပ်ရဲတဲ့အချိန်၊ မည်းမည်းမြင် ဖမ်းမယ်ဆီးမယ် ဆိုတဲ့အချိန်မို့ ရန်ကုန်မြို့ကြီးက တစပြင်နဲ့ တူနေတာ မဆန်းပေမယ့် အခုလို ပွင့်လင်းမြင်သာတဲ့ခေတ်၊ လွတ်လပ်မှု တော်တော်များများ ရလာနေတဲ့ ခေတ်အခါမှာ၊ နိုင်ငံခြားသားတွေ လွတ်လွတ်လပ်လပ် ဥဒဟို သွားလာနေတဲ့ အခုအချိန်မှာ ဒီလို အဖြစ် မျိုး ဖြစ်ရတာ ရင်နာစရာလည်းကောင်း၊ ရှက်ဖို့၊ ဒေါသထွက်ဖို့လည်း ကောင်းလှတယ်။

ဒီနေရာမှာ “အောက်လမ်းနည်း” ဆိုတဲ့ စကားလုံးကို ကျမ ဘာကြောင့် သုံးစွဲသလဲ ရှင်းပြချင်ပါတယ်။ ခေတ် အဆက်ဆက် တိုင်းပြည်တည်ငြိမ်မှုကို ပျက်ပြားစေချင်ရင် အဓိကရုဏ်း ဖန်တီးတာက တိုင်းတပါးကျွန် ဘဝမှာကတည်းက ရိုးနေပြီးသားပါ။ ဘာသာရေးအဓိကရုဏ်း၊ လူမျိုးရေး အဓိကရုဏ်းတွေနဲ့ ပြည်သူလူထု စည်းလုံးမှု၊ ညီညွတ်မှုတွေကို ဖျက်ဆီးပြီး မနိုင်လို့ ဝင်ထိန်းလိုက်ရပါတယ်ဆိုတဲ့ အဖြစ်မျိုး ရောက်အောင် စီမံခဲ့ကြတာချည်းပါပဲ။ အဓိကရုဏ်း ဖန်တီးခြင်းဟာ နိုင်ငံရေးမှာ အောက်လမ်းနည်း သုံးတာပါပဲ။ ဒီနည်းကို ဘယ် ဘက်ကပဲ သုံးသုံး၊ ဘယ်သူကပဲ သုံးသုံး လက်မခံနိုင်ပါဘူး။ ဒါကို ရအောင် ဖော်ထုတ်ပြီး အရေးယူရပါမယ်။

မနိုင်လို့ ဝင်လိုက်ရပါတယ်ဆိုပြီး စစ်အာဏာရှင် စနစ်အောက်မှာ တိုင်းရင်းသား ပြည်သူတွေ ခေါင်းမဖော်နိုင်အောင် ပြန်ဖြစ်လာမယ့် အရေးကိုတော့ မလိုလားပါဘူး။ ကျမ မလို လား သလို ငြိမ်းချမ်းရေးကို မျှော်လင့်တောင့်တ သူတွေ၊ တိုင်းပြည် ဖွံ့ဖြိုးတိုးတက်မှု၊ အနာဂတ်နိုင်ငံရဲ့ ဂုဏ်ကျက်သရေ တင့်တယ်ဖို့ လိုလားသူတွေလည်း လက်ခံနိုင်မယ် မထင်ပါဘူး။

ကျမ ပြောချင်တာက စစ်အာဏာရှင် စနစ်ဆီ နောက်ပြန်လှည့်မှာကို မလိုလားတာပါ။ သမ္မတ အပါအဝင် ဖွံ့ဖြိုးတိုးတက်ရေး အတွက် အလေးထား ဆောင်ရွက်နေတဲ့ ခေါင်းဆောင် တွေကို ဝန်းဝိုင်းပြီး တိုင်းပြည်နဲ့ တိုင်းရင်းသား ပြည်သူတွေရဲ့ လုံခြုံရေး၊ ငြိမ်းချမ်းရေးအတွက် အားတက်သရော ဆောင်ရွက်နေတဲ့ တပ်မတော်သားတွေကို ကြိုဆိုပါတယ်။ အဓိက ရုဏ်းဆိုတဲ့ အောက်လမ်းနည်း သုံးသူတွေကို ဖမ်းဆီး အရေးယူဖို့၊ ဘာသာ လူမျိုးမခွဲဘဲ ပြည်သူလူထုရဲ့ လုံခြုံမှုကို စောင့်ရှောက်ဖို့ ဆိုတာကလည်း တပ်မတော်နဲ့ ပြည်သူ့ရဲ တွေကသာ လုပ်ဆောင်နိုင်မှာ ဖြစ်ပါတယ်။ ပြည်သူလူထုလည်း အထိတ်တလန့် မဖြစ်ရအောင်၊ လက်ရှိ တည်ငြိမ်မှုနဲ့ ပြည်သူတွေရဲ့ နေ့စဉ်လူမှုဘဝ၊ စီးပွားရေး အခြေအနေတွေ မပျက်ပြားရအောင် တပ်မတော်၊ ရဲနဲ့ ပြည်သူအားလုံး ပူးပေါင်း ကာကွယ်စောင့်ရှောက်ရမယ်လို့ မြင်ပါတယ်။

အဲဒီမှာ ပြည်သူလူထုရဲ့ အခန်းကဏ္ဍတရပ် ပါဝင်လာပါပြီ။ ရှေးနည်းအတိုင်း သုံးလာတဲ့ အောက်လမ်းနည်း တွေကို နားမယောင်ဖို့၊ ခေတ်နောက်ပြန်ဆွဲ အယူသည်းမှုတွေနဲ့ အကြောင်းပြ သွေးထိုးတာတွေအပေါ် မယုံကြည်ဖို့၊ သွေးဆူ ရိုင်းစိုင်းတဲ့ အပြုအမူတွေကို လက်မခံဘဲ ယဉ်ကျေးတဲ့ မြန်မာ၊ လူမျိုးမရွေး ဘာသာမရွေး တန်းတူညီမျှ အတူယှဉ်တွဲ နေထိုင်နိုင်တဲ့ မြန်မာဆိုတဲ့ ဂုဏ်တခုကို ဆက်ထိန်းကြဖို့ ဖြစ်ပါတယ်။

ဗုဒ္ဓဘာသာဆိုပြီး ဗုဒ္ဓရဲ့ တရားတော်မှာ မပါတဲ့ အစွန်းရောက်မှု၊ မေတ္တာတရား ကင်းမဲ့မှုတွေနဲ့ စည်းရုံးလှုံ့ဆော် နေတာတွေကို လုံးဝ ဆန့်ကျင်သင့်ပါတယ်။ အောက်လမ်းနည်း သုံးပြီး ပြည်သူအချင်းချင်း သွေးခွဲမှုတွေ ပြုလုပ်နေတဲ့ ဒီလူနည်းစုကို ဖော်ထုတ်ရာမှာ တိုင်းရင်းသား ပြည်သူအားလုံး လူမျိုးမရွေး၊ ဘာသာမရွေး တက်ညီလက်ညီ ပါဝင်မှပဲ ရေရှည် မြန်မာပြည် ဖွံ့ဖြိုးတိုးတက်ရေး အတွက် ရင်အေးစရာ ဖြစ်လာမယ်လို့ ယုံကြည်ပါတယ်။

မိတ္ထီလာလို မြို့ကြီးတမြို့ရဲ့ ဝမ်းနည်းစရာ အဖြစ်အပျက် ရန်ကုန်ဆီ သယ်မလာသင့်ပါဘူး။ မီးက လောင်ခဲ့ပြီးပါပြီ။ မီးလောင်ရာ လေပင့်တဲ့အထဲ သာမန်ပြည်သူလူထု မပါဝင်သင့်ပါဘူး။ အစွန်းရောက်သူတွေ သို့မဟုတ် မင်းသား မလုပ်ရလို့ ပတ်မကြီး ထိုးခွဲချင်သူတွေရဲ့ စကားတွေကို နားယောင်ပြီး မီးလောင်ရာလေပင့်မယ် ဆိုရင်တော့ အဲဒီမီးက လက်ရှိ ငြိမ်းချမ်းမှုကို ပျက်ပြားစေမယ့်မီး၊ ကိုယ်ကိုယ်တိုင်ကို လာလောင်မယ့် မီးဆိုတာကို ပညာနဲ့သတိရှိသူတွေ စဉ်းစားဆင်ခြင်မိမယ် ထင်ပါတယ်။

အဲဒီလိုမှမဟုတ်ဘဲ ပတ်မကြီး ထိုးခွဲချင်သူတွေကို အားပေးအားမြှောက် ပြုကြမယ် ဆိုရင်တော့ နောက်ပြန် လှည့်ချင်သူတွေရဲ့ လက်ခုပ်သံတွေကို ကြားကြရပါလိမ့်မယ်။

ရန်ကုန်ညခင်းတွေ အရင်လိုပဲ သာယာနိုင်ပါစေ။

Ref: ဧရာဝတီ

Read More...

Collapse...

KNU နယ်မြေတချို့တွင် အခွန်လျှော့ကောက်

မြတ်စုမွန်
March 27, 2013

အစိုးရနှင့် ပဏာမ အပစ်အခတ် ရပ်စဲရေး လက်မှတ်ရေးထိုးပြီး နောက်ပိုင်းမှစတင်ကာ ကရင်အမျိုးသား အစည်းအရုံး(KNU) ထိန်း ချုပ်နယ်မြေတချို့ရှိ ဒေသခံများထံမှ အခွန်များ လျှော့ချ ကောက်ခံလျက်ရှိ ကြောင်း KNU စစ်ဦးစီးချုပ်က ပြောသည်။

“တပ်မဟာ ၇ နယ်မြေထဲမှာ အခွန်တွေကို လျှော့ချလိုက်ပါပြီ။ အရင်က လယ် ၁ ဧကကို စပါး ၅ တင်း ကောက်တာကနေ၊ အခု ၃ တင်း ခွဲပဲ ကောာက်တော့တယ်” ဟု စစ်ဦးစီးချုပ် ဗိုလ်ချုပ်ကြီး စောဂျော်နီက ပြောသည်။


ထို့အပြင် အခြားနယ်မြေများတွင် မူလနှုန်းထားအတိုင်း ကောက်ခံသည်ဆိုသော်လည်း ၁၉၇၅ ခုနှစ်က သတ်မှတ်ထားသည့် နှုန်း ထားများဖြစ်သဖြင့် ခေတ်စနစ်နှင့်ယှဉ်လျှင် များစွာ နည်းပါးသော ပမာဏဖြစ်ကြောင်း KNU အတွင်းရေးမှူး(၁) ပဒိုသောသီ က ပြော သည်။

ပဒိုသောသီက“ဒဏ်ကြေးတွေ၊ အခွန်တွေကို လျှော့ချတာ မလုပ်ပေမယ့် အရင်ခေတ်က နှုန်းတွေကိုပဲ ဆက်ပြီးသုံးဖို့ ပြီးခဲ့တဲ့ ကွန် ဂရက်မှာ ဆုံးဖြတ်ခဲ့တယ်။ ဥပမာ- ဒဏ်ကြေး ကျပ် ၁၀၀ ဆိုတာတွေကို အခုထိ သုံးစွဲနေတုန်းပါပဲ။ ဒီခေတ် နှုန်းအတိုင်း ဆိုရင် အရမ်း နည်းပါတယ်” ဟု ဆိုသည်။

KNU နယ်မြေများတွင် အခွန်ကောက်ခံမှုနှုန်းမှာ သီးနှံဖြစ်ထွန်းမှု၊ မြေဆီကောင်းမွန်မှုအလိုက် တစ်နေရာနှင့် တစ်နေရာ ကွာ ခြားချက်များရှိကြောင်းလည်း သိရသည်။

“သူတို့ အခွန်ကောက်တာမှာ စပါးထွက်နှုန်း၊ မထွက်နှုန်း အပေါ်မူတည်ပြီးတော့ ကောက်တယ်။ အရင်က တောင်ယာ ၁ ခင်းကို ဆန် ၂ တင်းနဲ့ ငွေ၂ ထောင်စီ ကောက်တယ်။ အခု အခွန်ကောက်တဲ့ ပေါ်လစီ ပြောင်းတယ်လို့တော့ ကြားထားတယ်။ ဒါပေမယ့် သေချာ မသိရသေးဘူး”ဟု ကရင် လူ့အခွင့်အရေး အဖွဲ့(KHRG) မှ တာဝန်ရှိသူ တဦး ဖြစ်သည့် ဦးစောအဲလ် ဘတ် က ဧရာဝတီ သို့ ပြောသည်။

လယ်မြေပိုင်ရှင်များထံမှ အခွန်ကောက်ခံရာတွင် အတန်းအစား ၃ မျိုး ခွဲထားပြီး အထွက်နှုန်းကောင်းသည့် ပထမတန်းစား လယ်မြေ များကို ၁ ဧက လျှင် အခွန် ၅ တင်း၊ အလယ် အလတ်တန်းစား လယ်မြေများကို ၃ တင်းခွဲနှင့် ထွက်နှုန်း နည်းပါးသည့် လယ်မြေ များကို ၁ တင်းခွဲ စီ ကောက်ခံလျက်ရှိကြောင်း အတွင်းရေးမှူး(၁)က ပြောသည်။

ထို့အပြင် အုန်းသီး၊ ဒညင်းသီးနှင့်ကြံ စသည့်သီးနှံများကိုမူ တနှစ် လျှင် ထွက်ရှိသည့် အချိန်အတွယ်အပေါ် မူတည်၍ ကောက်ခံ ကြောင်း သိရသည်။

ကရင်ပြည်နယ်တွင်းရှိ ကျေးရွာများမှ ဒေသခံများသည် ပြည်တွင်းစစ်များ၊ နယ်မြေ မတည်ငြိမ်မှုများနှင့် မြေမြှုတ်မိုင်းများ ကြောင့် လုပ်ကိုင်စားသောက်ရန် ခက်ခဲခြင်း၊ အစိုးရတပ် များနှင့် ကရင်လက်နက်ကိုင် တပ်များထံတွင် အခွန်နှင့် ဆက်ကြေး ပေးရခြင်းများကြောင့် နေရပ်စွန့်ခွာကာ ထွက်ပြေး တိမ်းရှောင်နေရမှုများမှာ ယခုချိန်အထိ ဖြစ်ပွားနေဆဲ ဖြစ်သည်။

“စပါးများများ ထွက်တဲ့နေရာက စပါးများများ ပေးကြတယ်။ လမ်းပန်းဆက်သွယ်ရေး ဝေးလို့ စပါးမပေးနိုင်ရင် ငွေကို အစားထိုးပြီး ပေးတယ်။ ဒါကို မသိတဲ့ပြည်သူတချို့က KNU ဆက်ကြေး လာကောက်တယ်လို့ အထင်လွဲကြတယ်။ ဒါဟာ ဆက်ကြေးမဟုတ်၊ ဓားပြတိုက်တာ မဟုတ်ဘူး။ တော်လှန်ရေးအဖွဲ့ကို ပြည်သူက ကူညီပေးတာလို့ သဘောထားဖို့ နယ်မြေဆင်းပြီး ရှင်းပြရတယ်။ ထိန်းချုပ်နယ်မြေရဲ့ ပိုင်ဆိုင်မှုက ကရင်လူထု ပိုင်ဆိုင်မှုပါပဲ”ဟု ပဒိုသောသီက ဆက်လက်ပြောဆိုသည်။

အခွန်အခများ ကောက်ခံခြင်းအား အပြည့်အ၀ ရပ်ဆိုင်းရန်အတွက်မူ လက်ရှိအချိန်တွင် မဖြစ်နိုင်သေးကြောင်း KNU စစ်ဦးစီးချုပ် ကလည်း ပြောသည်။

ဗိုလ်ချုပ်ကြီး စောဂျော်နီက“အစိုးရတပ်တွေမှာက စစ်သားတွေအတွက် လခရှိတယ်။ ရိက္ခာရှိတယ်။ ဒါကြောင့် အခွန်ကောက် စရာ မလိုဘူး။ KNU မှာက အဲဒါတွေမရှိဘူး။ အခွန် မကောက် ဘူးဆိုရင် စားစရာမရှိဘူးလေ။ ကရင်ပြည်သူလူထုလိုချင်တဲ့ ပန်းတိုင်ကို မရောက်သေးပါဘူး။ ဒီတော့ ကျနော်တို့ ကိုယ့်ခြေထောက်ပေါ် ကိုယ်ရပ်တည်နိုင်မှ အခွန်ကောက် တာတွေ လုံးဝလျှော့ချ နိုင်မယ်” ဟု ဆက်လက်ပြောဆိုသည်။

ထို့အပြင် ကရင်ပြည်နယ်အတွင်းရှိ နယ်မြေဒေသများတွင် ယခင်က နယ်မြေမတည်ငြိမ်မှုများနှင့် ထိုးစစ်ဆင်မှုများ ဖြစ်ပွားပါက လယ်ယာ လုပ်ကိုင်သူဒေသခံများ၏ လယ်ရိတ်သိမ်း ချိန်ဖြစ်သည့်တိုင် ပြောင်းရွှေ့ပုန်းအောင်းရခြင်းများ၊ နယ်စပ်ဒေသများသို့ ပြောင်းရွှေ့နေထိုင်ရခြင်းများ ဖြစ်ပွားခဲ့ခြင်းဖြစ်ကြောင်း ပဒိုသောသီက ပြောပြသည်။

“အခု စစ်မဖြစ်တော့ပါဘူး။ ဒါကြောင့် ပိုပြီးလုပ်ကိုင် စားသောက်ဖို့ အဆင်ပြေတယ်ဆိုတာ ပြောချင်ပါတယ်။ ရွှေ့ပြောင်း သွားနေ ရတဲ့လူတွေ ပြန်လာလို့ရပြီလို့တော့ အာမ မခံနိုင် သေးပေမယ့် ကျနော်တို့ကြိုးစားနေပါတယ်။ အစိုးရအပေါ်မှာလည်း မူတည်ပါတယ်”ဟု ၎င်းက ဆိုသည်။

KNU နယ်မြေများတွင် ယခင်ခေတ် နှုန်းထား ဥပဒေ အတိုင်းသာ အခွန်ကောက်ခံသွားရန် ဗဟိုက ညွှန်ကြားချက် ထုတ်ထားပြီး အောက်ခြေက ပိုမိုကောက်ခံနေပါက စစ်ဆေး အရေးယူမှုများ ပြုလုပ်သွားမည်ဖြစ်ကြောင်းလည်း ပဒိုသောသီက ဆက်လက် ပြောဆိုသည်။

Ref: ဧရာဝတီ

Read More...

Collapse...