လချီထောင်ဝင်စာ ပိတ်ပင်မှု ဥပဒေနှင့်မညီ လူ့အခွင့်အရေးအဖွဲ့ ဝေဖန်

18 January 2009

အခုရက်ပိုင်းအတွင်းမှာ နယ်ဝေးထောင်တွေက နိုင်ငံရေး အကျဉ်းသားတွေကို ဘာအကြောင်းပြချက်မှ မယ်မယ်ရရ မရှိဘဲနဲ့ မိသားစုနဲ့တွေ့ဆုံခွင့် လနဲ့ချီ ပိတ်ပင်တာဟာ မြန်မာနိုင်ငံ အကျဉ်းထောင်လက်စွဲ ဥပဒေ ကို ချိုးဖောက်တာ ဖြစ်တယ်လို့ ပြည်ပရောက် လူ့အခွင့်အရေးလှုပ်ရှားမှုအဖွဲ့တခုက ပြောလိုက်ပါတယ်။ နှစ် ရှည် ထောင်ဒဏ်တွေ ချမှတ်ခံရပြီးတော့ နယ်ဝေးထောင်တွေကို ပြောင်းရွှေ့ခံရတဲ့ ၈၈ မျိုးဆက် ကျောင်း သားခေါင်းဆောင်တွေ အပါအ၀င် နိုင်ငံရေးအကျဉ်းသား တော်တော်များများကို အခုနှစ်ဆန်းပိုင်းကစလို့ မိသားစုနဲ့ တွေ့ဆုံခွင့် ပိတ်ပင်ထားတာဖြစ်ပါတယ်။ အပြည့်စုံကို မသင်းသီရိက တင်ပြထားပါတယ်။

ကော့သောင်းထောင်မှာ နှစ်ရှည် အကျဉ်းချခံထားရတဲ့ ၈၈ မျိုးဆက် ကျောင်းသားခေါင်းဆောင်တဦးဖြစ်တဲ့ ကိုပြုံးချိုကို ဖခင်နဲ့ ဇနီးဖြစ်သူတို့က ထောင်ဝင်စာ သွားတွေ့တဲ့အခါမှာ တွေ့ခွင့်မရခဲ့လို့ အခု ရန်ကုန်ကို ပြန်လာနေရပြီလို့ ကိုပြုံးချို ရဲ့မိခင် ဒေါ်မြမြအေးက ပြောပါတယ်။

“မတွေ့ခဲ့ရဘူးလို့တော့ ပြောတယ်။ မနက်က ဖုန်းဆက်တယ်လေ။ ဖုန်းဆက်တော့ ပြန်လာပြီတဲ့။ မတွေ့ခဲ့ရ ဘူးတဲ့။ အဲဒီလောက်ပဲ၊ အသေးစိတ်တော့ မသိသေးဘူးပေါ့လေ။ ထွက်သွားတုန်းကတော့ သူတို့ စုံစမ်းတာ ကတော့ ကလေးထောင် တခုပဲ၊ ဒီပြင်ဟာတွေကတော့ ဘာမှ စုံစမ်းလို့ မရဘူး။ အဲဒါကြောင့် သူတို့ သွားကြ တာ။ သူတို့ သွားတာက ၈ ရက်နေ့က သွားတယ်။ ဟိုကို ၁၂ ရက်နေ့မှာ သူတို့ ဘိတ်ကို ရောက်ပြီလို့ ပြော တော့ ကော့သောင်းကိုတော့ ၁၄ ရက်နေ့လောက် ရောက်လိမ့်မယ်ထင်တယ်။”

ကိုပြုံးချိုရဲ့ မိခင် ဒေါ်မြမြအေး ပြောပြခဲ့တာပါ။ ရန်ကုန်ကနေ ကော့သောင်းကို ခရီးလမ်းကြောင်းအရ ရက် သတ္တပတ်နဲ့ချီ သွားရတာမို့လို့ ငွေကုန်လူပမ်းဖြစ်ရသလို အခုတော့ တွေ့ခွင့်မရတဲ့အတွက်ကြောင့် မိခင် တယောက်အနေနဲ့ အလွန်စိတ်မကောင်းဖြစ်ရတယ်လို့ ပြောပါတယ်။

နောက်တခါ ဘားအံထောင်မှာ အကျဉ်းချခံထားရတဲ့ ဘလော့ဂါသမား ကိုနေဘုန်းလတ်ကိုလည်း ပြီးခဲ့တဲ့ ၁၆ ရက် သောကြာနေ့က မိသားစုက သွားတွေ့တဲ့အခါမှာ တွေ့ခွင့်မရဘူးလို့ ကိုနေဘုန်းလတ်ရဲ့မိခင် ဒေါ်အေး သန်းက ပြောပါတယ်။

“အန်တီတို့က ၁၆ ရက်နေ့က သွားတွေ့တာလေ။ ပထမ ၂ ရက်နေ့က သွားတွေ့ထားတာ ရတယ်ဆိုတော့ ဒီ တခါလည်း ရမယ်ထင်လို့ သွားကြည့်တာပေါ့။ ဒါပေမယ့် မရဘူး။ သူတို့က ၁ လ ပိတ်ထားတယ်တဲ့။ ဒါပေ မယ့် အမိန့်အနေနဲ့ပေါ့နော်။ သီးသန့် ဘာမှထုတ်ထားတာ မရှိဘူး။ ဒီလိုပဲ နုတ်မိန့်နဲ့ပဲ သူတို့က တွေ့ခွင့်ရဘူး လို့ ပြောလိုက်တယ်ပေါ့နော်။”

ခိုင်လုံတဲ့အကြောင်းပြချက်မရှိဘဲ အထက်ရဲ့ ညွှန်ကြားချက်ကြောင့်လို့သာ အကျဉ်းဦးစီးဝန်ထမ်းတွေဆီက သိခဲ့ရသလို ထောင်အာဏာပိုင်တွေကလည်း မိသားစုဝင်တွေနဲ့ တေ့တေ့ဆိုင်ဆိုင် ပြောဆိုတာ၊ မေးမြန်းတာ တွေ လုပ်ခွင့်မရခဲ့ဘူးလို့ ဒေါ်အေးသန်းက ပြောပါတယ်။

“ဒီကြားထဲမှာ သွားတွေ့တဲ့သူတွေကတော့ သေချာမေးတယ်ပေါ့နော်။ အကြောင်းပြချက် တစုံတရာ မရှိဘူး။ အဲဒီ ထောင်ပိုင်တို့ ထောင်မှူးတို့က ရှောင်နေတဲ့သဘောမှာ ရှိတယ်။ အဲဒီတော့ အောက်ခြေလေးတွေနဲ့ပဲ တွေ့ခဲ့ပြီးတော့ ပိတ်ထားပါတယ်ဆိုတော့၊ နောက်ဆုံးတော့ တပ်ခေါက် ပြန်လာရတဲ့သူတွေချည်းပဲ။ ဒါပေမယ့် ခက်တာကလည်း ဖုန်းဆက်ပြီး မေးကြည့်မယ်၊ ဖုန်းနံပါတ် ပေးပါဆိုတော့လည်း သူတို့ဖုန်းတွေက လိုင်းတွေ က မကောင်းဘူးတဲ့။ ၀န်ထမ်းတွေက ပြောလွှတ်လိုက်တယ်။ ရှင်းရှင်းပြောရရင် အန်တီတို့ကို အနိုင်ကျင့်ခံရ တယ်လို့ပဲ သဘောထားတာပေါ့။ ဘာဖြစ်လို့လဲဆိုတော့ ထောင်တွေ နှစ်ရှည်ချတာလည်း အန်တီတို့ ခံရတာ ပဲ။ ကဲ - နယ်သွားဆိုတော့လည်း ပို့လိုက်တော့လည်း မိသားစုကို အကြောင်းမကြားဘဲ ပို့လိုက်တာကိုလည်း အန်တီတို့ ခံရတာပဲ။ အခုတခါလည်း အန်တီတို့ကို နောက်ထပ် နှိပ်စက်မှုတခုလို့ပဲ အန်တီတို့ ယူဆတယ် လေ။”

ကိုနေဘုန်းလတ် ရဲ့ မိခင်ဖြစ်သူ ဒေါ်အေးသန်း ပြောပြခဲ့တာပါ။ အခုလို ထောင်ဝင်စာ ပိတ်ပင်မှု ကိစ္စတွေကို အပြင်က မိသားစုဝင်တွေကြားမှာ အတော်လေး သောကနဲ့ ဒုက္ခရောက်ကြသလို အကျဉ်းထောင်တွေအတွင်း မှာလည်း ဒီကိစ္စအတွက် တိုက်ပွဲဝင်နေမှုတွေလည်း ရှိပါတယ်။ မနေ့ကဆိုရင်လည်း စက်တင်ဘာ သံဃာ့ လှုပ်ရှားမှုရဲ့ ဦးဆောင်သံဃာတော် တပါးဖြစ်တဲ့ အရှင်ဂမ္ဘီရ ဆိုရင်လည်း အစာငတ်ခံဆန္ဒပြနေတယ် ဆိုပြီး သတင်းတွေ ထွက်လာပါတယ်။ အရှင်ဂမ္ဘီရကို ထောင်ဝင်စာ ပစ္စည်းတွေလည်း ပေးခွင့်မရသလို ကျန်းမာရေး လည်း သိပ်ကောင်းဘူးလို့ အရှင်ဂမ္ဘီရရဲ့ မိသားစုဝင်တွေက ဗွီအိုအေကို ပြောပါတယ်။

အခုလို ထောင်ဝင်စာ ပိတ်ပင်တဲ့ အခြေအနေတွေဟာ မြန်မာနိုင်ငံ အကျဉ်းထောင်လက်စွဲ ဥပဒေကို ချိုး ဖောက်နေတာ ဖြစ်တယ်လို့ ပြည်ပအခြေစိုက် AAPPB လို့ ခေါ်တဲ့ မြန်မာနိုင်ငံ နိုင်ငံရေးအကျဉ်းသားများ ကူညီစောင့်ရှောက်ရေးအသင်းက တွဲဖက်အတွင်းရေးမှူး ကိုဘိုကြည် က ပြောပါတယ်။

“ထောင်ထဲကသတင်းတွေ အပြင်ကိုမထွက်အောင်လို့ရယ်။ နောက်တခုက ဒီလက်ရှိ ရှိနေတဲ့ နိုင်ငံရေး အကျဉ်းသားတွေကို ပိုပြီးတော့ စိတ်ပိုင်းဆိုင်ရာအရ ပိုပြီး ဒုက္ခပေးနေတယ်။ နောက်တခုက မိသားစုကို လည်း စိတ်ပိုင်းဆိုင်ရာအရ၊ ရုပ်ပိုင်းဆိုင်ရာအရ ဒုက္ခပေးနေတာတွေ ရှိတယ်။ အဲဒီရည်ရွယ်ချက်မျိုးကြောင့်ပဲ ဒီလို ထောင်ဝင်စာတွေကို ပိတ်ထားတာဖြစ်တယ်။ ဘာဖြစ်လို့လဲ ဆိုတော့ အကျဉ်းထောင်ဥပဒေအရ ဆိုရင် အကျဉ်းကျပြီးတဲ့ မည်သူမဆို ၂ ပတ်မှာ တကြိမ်တော့ မိသားစုနဲ့ တွေ့ခွင့်ပေးရတယ်။ ဒါဟာ အကျဉ်းထောင် လက်စွဲဥပဒေအရပဲ။ ဒီလိုမျိုးလုပ်တာက အကျဉ်းထောင်ကိုယ်တိုင်က အကျဉ်းထောင်လက်စွဲဥပဒေကို ချိုး ဖောက်နေတာ ဖြစ်ပါတယ်။ ဒီသတင်းတွေကို နိုင်ငံတကာကလည်း တကယ်ပဲ စိတ်ဝင်တစားနဲ့ စောင့်ကြည့် နေတာ ဖြစ်တယ်။ ပြည်သူတွေကလည်း တကယ်တမ်း စိတ်ဝင်တစားနဲ့ နားထောင်နေတာမျိုးတွေ ဖြစ်ပါ တယ်။ ဆိုတော့ ဒီလိုပုံစံမျိုးနဲ့တော့ ဒီလိုသတင်းတွေကို သူတို့ ထိန်းချုပ်လို့ ရမှာမဟုတ်ပါဘူး။”

AAPPB မြန်မာနိုင်ငံ နိုင်ငံရေးအကျဉ်းသားများ ကူညီစောင့်ရှောက်ရေးအသင်းက တွဲဖက်အတွင်းရေးမှူး ကိုဘိုကြည် ပြောပြခဲ့တာဖြစ်ပါတယ်။

REF: ဗွီအိုအေ